Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Sanz presidenteak eta Caamaño ministroak Espainiako abokatu-elkargoen V. jardunaldiei amaiera eman diete ostirala, 2009.eko ekainak 12
Asteazkenetik aurrera Baluarten egindako topaketa honetan 600 profesional baino gehiago elkartu dira
Sanz presidenteak estatu-ituna egin behar dela eta horretan Parlamentuko indar politiko guztiak bildu behar direla adierazi du edo, gutxienez, gobernuan dagoen alderdia eta oposizioko alderdi nagusia. Modu horretan, arau prozesalen aldaketa bermatu eta espainiarrek “azkenean” justizia-zerbitzu moderno eta azkarra lortzeko bitartekoak jarriko dira, herri-administrazioetatik eta enpresetatik jasotzen dituzten gainerako zerbitzuen antzeko kalitatearekin. Era berean, Nafarroako Gobernuak Justizia Administrazioari lotuta 1999tik abian jarri dituen jardun batzuk aipatu ditu. Urte horretan, Foru Komunitateak arlo horretako eskumenak bereganatu zituen. Ildo horretatik, Nafarroako epaitegietan egindako hobekuntzak gogorarazi ditu, baita Foru Administrazioko beste esparru batzuekin eta Espainiako sistema judizialeko instantziekin batera lanean aritzeko aplikazioak eta kudeaketako sistema informatikoak ere. Sanzek esperientzia hori nazioko gobernuaren eskura jarri du.
Botere Judizialaren Kontseilu Nagusiak egindako inkesta baten arabera, Nafarroan eta Aragoin funtzionatzen du justiziak hoberen. Hala ere, Sanzek adierazi duenez, oraindik “asko hobetu behar da, Nafarroako organo judizialen kalifikazioa ez baita zazpira iristen, nahiz eta herrialde osoan balorazioa askoz txikiagoa izan”.
