navarra.es
Castellano | Euskara | Français | English
Ezagutzera eman
Foru Agindua, 1993.eko maiatzaren 31koa, Nekararitza, Abeltzaintza eta Mendi Kontseilariak emana, abere biziak garraiatzeko Ibilgailuen Erregistroa sortzen duena
(1993ko 77. NAOn argitaratutako testua, ekainaren 23an)
Atarikoa
Abenduaren 18ko 2654/1985 Errege Dekretuak, Estatuaren Administraziotik Nafarroako Foru Komunitatera nekazaritza, abeltzaintza eta mendi arloetako eginkizun eta zerbitzuak eskualdatzen dituenak, xedatzen du, abere osasungintzaren kontuetan, bereganatzeko eginkizunen artean abereen eta haien produktuen mugimenduak eta garraioak behar dituzten neurri zoosanitarioak hartu beharra dagoela.
Epizootiei buruzko Legean eta hura garatzen duen Erregelamenduaren 52. artikuluan xedatutakoari jarraikiz, abereak garraiatzeko ibilgailuak dituzten enpresa eta partikularrek, beren probintziako Abeltzaintza Burutzan erregistratu behar dituzte.
Beraz, beharrezkoa da, Nekazaritza, Abeltzaintza eta Mendi Departamentuaren menpeko Nekazaritza eta Abeltzaintza Zerbitzuan abere biziak garraiatzen dituzten Ibilgailuen Erregistroa sortzea.
Horrenbestez, xedatu dut:
Lehena
Nekazaritza, Abeltzaintza eta Mendi Departamentuan abere biziak garraiatzeko Ibilgailuen Erregistroa, Nekazaritza eta Abeltzaintza Zerbitzuaren menpean izanen dena, sortzea eta haren jarraipena Abeltzaintza Atalari ematea.
Bigarrena
Erregistroan izena emateko eskabidea Nekazaritza, Abeltzaintza eta Mendi Departamentuari zuzendutako eskaera baten bidez eginen da, eta Departamentuak, hala behar baldin bada, inskripzio idazpena emanen du.
Eskaeran ibilgailuaren ezaugarri nagusiak paratuko dira, hau da, matrikula, marka, modeloa eta kapazitatea, baita jabearen nortasuna ere.
Hirugarrena
Foru Agindu hau Nafarroako Aldizkari Ofizialean argitara ematea.
