navarra.es
Castellano | Euskara | Français | English
Ezagutzera eman
Foru Agindua, 1999ko ekainaren 14koa, Nekazaritza, Abeltzaintza eta Elikadura kontseilariak emana, nekazaritzako ekoizleen elkarteen eraketa sustatzeko laguntzen araubidea Nafarroako Foru Komunitateko esparrurako garatzen duena
FORU AGINDUA, 1999ko ekainaren 14koa, Nekazaritza, Abeltzaintza eta Elikadura kontseilariak emana, nekazaritzako ekoizleen elkarteen eraketa sustatzeko laguntzen araubidea Nafarroako Foru Komunitateko esparrurako garatzen duena
(Testu bateratua. Jatorrizkoa 90. NAOn argitaratu zen, uztailaren 21ean. Aldaketak: 2001eko otsailaren 5eko Foru Agindua)
Atarikoa
Europako Batasunak, nekazaritzako produktu zenbaiten eskaintzaren bilketak eta merkaturatzeak dituzten egiturazko akatsak zuzentzeko asmoz, ekoizleen elkarteen eraketa sustatzeko laguntzen araubidea ezarria du.
Laguntza araubidea Kontseiluaren ekainaren 19ko 1360/78, maiatzaren 20ko 952/97 eta urriaren 28ko 2200/96 erregelamenduetan eta Batzordeak horiek garatzeko kasuan-kasuan emaniko erregelamenduetan oinarritzen da.
Abenduko 18ko 2722/1998 Errege Dekretuaren bidez eta 1999ko martxoaren 3ko Aginduaren bidez, nekazaritzako ekoizleen elkarteen eraketa sustatzeko laguntzak emateko oinarriak ezarri ziren. Hala ere, bidezko da oinarri horiek ezartzea horien esparrua Nafarroako Foru Komunitatea denean.
Hori horrela, agindu dut:
1. artikulua. Xedea.
Foru Agindu honek ekoizleen elkarte eta batasunetarako laguntzak Nafarroako Foru Komunitatean emateko oinarriak ezartzen ditu, horien eraketa bultzatu eta haien administrazio-funtzionamendua errazteko.
2. artikulua. Onuradunak.
1. Aitorturik eta kasuan kasuko Erregistroan inskribaturik dauden ekoizle elkarte eta batasunek, haien esparruak Nafarroako Foru Komunitatekoa gainditzen ez badu edo, gainditzen badu, haien helbide soziala eta gutxienez ere bazkideen ehuneko 90 bertan helbideraturik badaude, eraketa eta administrazio-funtzionamendurako laguntzak hartzen ahalko dituzte, Kontseiluaren ekainaren 19ko 1360/78 (EEE) Erregelamenduko 10 eta 11. artikuluetan, Kontseiluaren maiatzaren 20ko 952/97 (EE) Erregelamenduko 10 eta 11. artikuluetan, Kontseiluaren urriaren 28ko 2200/96 (EE) Erregelamenduko 14. artikuluan eta Batzordeak hori garatzeko urtarrilaren 7an eman 20/98 (EE) Erregelamenduan ezarririko baldintzei jarraikiz.
2.
3. artikulua. Ekoizpen merkaturatua.
Foru Agindu honen ondorioetarako, 2200/96 (EE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarteetarako, ekoizpen merkaturatutzat joko da Batzordearen urtarrilaren 7ko 20/98 (EE) Erregelamenduko 1. artikuluko 2. idatz-zatiko d) letran ezarririkoa.
4. artikulua. Eskabideak.
1. Urtean urteko funtzionamendualdia bukatu eta hiru hilabeteko epearen barrenean, laguntzen eskabideak Nekazaritza, Abeltzaintza eta Elikadura Departamentuan aurkeztu beharko dira.
2. 2200/96 (EE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarteek eskabidearekin batera, I. eranskina (A) delakoan aipatzen diren agiriak aurkeztu beharko dituzte.
3. Gainerako ekoizle elkarteek I. eranskina (B) delakoan aipatzen diren agiriak aurkeztu beharko dituzte eskabidearekin batera.
5. artikulua. Jarraipena.
1. 2200/96 (EE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarteek urtean urteko lehen hiru hilabetean agiri hauek aurkeztu beharko dituzte:
a) Aitortze planaren betetze-mailaren oroit-idazkia.
b) Jardueren urteroko txostena (II. eranskinaren arabera).
c) Azken ekitaldiko balantza eta emaitzen kontua.
2. Gainerako ekoizle elkarteek, ekinaldi bakoitza bukatu eta hiru hilabeteko epearen barrenean, agiri hauek aurkeztu beharko dituzte:
a) Jardueren oroit-idazkia, horiek garatu diren eta jarduketa programa abian jarri den baldintzak adieraziz.
b) Ekitaldiko balantza, emaitzen kontua eta ustiapenaren kontua.
c) b) letrako agiriak onetsi zituen Batzar Nagusiaren bilkurako aktaren ziurtagiria.
6. artikulua. Onuradunen eginbeharrak.
Agindu honetan biltzen diren laguntzen onuradunak beharturik daude horiek kontrolatzeko behar diren datu eta argibide guztiak ematera.
Xedapen Iragankor Bakarra
Agindu honek indarra hartu baino lehen, aitortu edo aurretik aitortzen zirenetik urtebeteko funtzionamendualdia bukatu duten ekoizle elkarteek hiru hilabeteko epearen barrenean aurkeztu beharko dute beren eskabidea, hori argitaratzen denetik hasita.
Azken Xedapenetako Lehena
Foru Agindu honetan aurreikusiriko laguntzak aurrekontuen mugen araberakoak izanen dira eta 1999rako gastu aurrekontuko "Fruitu eta barazkien ekoizleen elkarteak aurretik aitortzeko laguntzak" izeneko 71110-7700-7121 kontusaileko 27910-9 lerroaren bizkar eta ondoko aurrekontuetan baliokide denaren bizkar ordainduko dira.
Azken Xedapenetako Bigarrena
Foru Agindu honek Nafarroako Aldizkari Ofizialean argitaratu eta biharamunean hartuko du indarra.
I. ERANSKINA (A). Kontseiluaren urriaren 28ko 2200/96 (EE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarteak
ESKABIDEETARAKO BEHAR DIREN AGIRIAK
Aurretik aitorturiko fruitu eta barazki ekoizleen elkarte gisa urtebeteko aldiari dagokion eskabidea, Nekazaritza, Abeltzaintza eta Elikadura kontseilariari igortzekoa, ondoren adierazten den ereduaren arabera. Horretan eskabidearekin batera aurkeztu beharreko agiriak aipatzen dira.
LAGUNTZAREN ESKAERA
........... j/a.k, Kontseiluaren urriaren 28ko 2200/96 (EE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarte gisa ......(e)ko datarekin aurretik aitortua izan den eta ...... zenbakiarekin inskribatua izan den .........(e)ko lehendakaria den aldetik,
Adierazten du: Kontseiluaren 28ko 2200/96 (EE) Erregelamenduko 14. artikuluaren eta Batzordearen urtarrilaren 7ko 20/98 Erregelamenduaren arabera ematen ahal diren laguntzen artean, laguntza bat agertzen dela, gora joz emanen dena, haren zenbatekoa ekoizle elkarteak merkaturaturiko urtebeteko ekoizpenaren arabera zehaztuko delarik.
Nekazaritza, Abeltzaintza eta Elikadura kontseilariaren ........ Foru Aginduaren arabera, elkarteak ........ urtez jardun ondoren, laguntza finkatu eta likidatzeko, eskabide honekin batera, agiri hauek aurkezten direla:
Nafarroatik kanpoko ekoizpenaren urtebeteko funtzionamendualdiari dagokion ekoizpen merkaturatuaren balioaren ehunekoa eta horren justifikazioa.
Salmentaren fakturen eta ekoizpen merkaturatuaren balioa frogatzen duten bestelako agirien zerrenda, urtebeteko funtzionamendualdiari dagokiona, Batzordearen urtarrilaren 7ko 20/98 (EE) Erregelamenduko 1. artikuluko 2. idatz-zatiko d) letrarekin bat.
Zerga eginbeharrak eta Gizarte Segurantzarekikoak eginak dituela frogatzen duten agiriak, behar bezala konpultsatuak.
Entitateak berak esku emaniko ordezkariaren adierazpena, beste Administrazio batetik ere eraketaren eta administrazio-funtzionamenduaren gastuak ordaintzeko beste dirulaguntzarik ez duela hartu eta ez diola eskatuko dioelarik.
Horregatik denagatik,
Eskatu du: Eskabide hau eta agiri hauek har ditzazula eta Kontseiluaren urriaren 28ko 2200/96 (EE) Erregelamenduarekin; Batzordearen martxoaren 7ko 20/98 (EE) Erregelamenduarekin; eta Nekazaritza, Abeltzaintza eta Elikadura kontseilariaren ..... Foru Aginduarekin bat, dagokion laguntza eman dakiola agin dezazula.
................(n), ......(e)ko .....................aren ...(e)an.
(Izenpea)
NAFARROAKO GOBERNUKO NEKAZARITZA, ABELTZAINTZA ETA ELIKADURA KONTSEILARIA.
I. ERANSKINA (B). Kontseiluaren ekainaren 19ko 1360/78 eta maiatzaren 20ko 952/97 Erregelamenduen arabera aitorturiko fruitu eta barazki ekoizleen elkarteak
ESKABIDEETARAKO BEHAR DIREN AGIRIAK
Ekoizle elkarte gisa urtebeteko aldiari dagokion eskabidea, Nekazaritza, Abeltzaintza eta Elikadura kontseilariari igortzekoa, ondoren adierazten den ereduaren arabera. Horretan eskabidearekin batera aurkeztu beharreko agiriak aipatzen dira.
LAGUNTZAREN ESKAERA
........... j/a.k, Kontseiluaren ekainaren 19ko 1360/78 (EEE) eta maiatzaren 20ko 952/97 (EE) Erregelamenduen arabera aitorturiko ekoizle elkarte gisa .......(e)ko datarekin aitortua izan den, ...... zenbakiarekin inskribatua izan den eta helbide soziala ........(e)n duen .........(e)ko lehendakaria den aldetik,
Adierazten du: Kontseiluaren maiatzaren 20ko 952/97 (EE) Erregelamenduko 10. eta 11. artikuluen arabera ematen ahal diren laguntzen artean, laguntza bat agertzen dela, ....... urtean gehienez ere ekoizle elkarte honen ekintza luzatzen deneko ekoizpen merkaturatuaren ehuneko ....... egiten ahal duena.
Nekazaritza, Abeltzaintza eta Elikadura kontseilariaren ........ Foru Aginduaren arabera, elkarteak ........ urtez jardun ondoren, laguntza finkatu eta likidatzeko, eskabide honekin batera, agiri hauek aurkezten direla:
Nafarroatik kanpoko ekoizpenaren urtebeteko funtzionamendualdiari dagokion ekoizpen merkaturatuaren balioaren ehunekoa eta horren justifikazioa.
Salmentaren fakturen laburpena eta eraketa eta administrazio-funtzionamenduen gastuen zerrenda, urtebeteko funtzionamendualdiari dagozkiona.
Zerga eginbeharrak eta Gizarte Segurantzarekikoak eginak dituela frogatzen duten agiriak, behar bezala konpultsatuak.
Entitateak berak esku emaniko ordezkariaren adierazpena, beste Administrazio batetik ere eraketaren eta funtzionamendu administratiboaren gastuak ordaintzeko beste dirulaguntzarik ez duela hartu eta ez diola eskatuko dioelarik.
Horregatik denagatik,
Eskatu du: Eskabide hau eta agiri hauek har ditzazula eta Kontseiluaren ekainaren 19ko 1360/78 (EEE) eta maiatzaren 20ko 952/97 (EE) Erregelamenduen arabera; eta Nekazaritza, Abeltzaintza eta Elikadura kontseilaren ........ Foru Aginduarekin bat, dagokion laguntza eman dakiola agin dezazula.
.................(n), ......(e)ko .....................aren ...(e)an.
(Izenpea)
NAFARROAKO GOBERNUKO NEKAZARITZA, ABELTZAINTZA ETA ELIKADURA KONTSEILARIA.
EREDUKO FITXA - II. ERANSKINA. 2200/96 (EEE) Erregelamenduko 14. artikuluaren arabera aurretik aitorturiko fruitu eta barazki ekoizleen elkarteak
Zenbakia: ............................................. IFZ: Ekinaldia: ...................................................
Helbidea: Ekinaldia ixtean bazkide kopurua: ........................................
Helbide:
Telefonoa: ............................................. Faxa: Estatutuetan aldaketarik izan bada,
Jarduketa esparrua: aldaketa horien kopia erantsi.
Aitortu zen eguna:
Kategoria:
BAZKIDEEN EKOIZPENA
Ere-
Produktua mua
(ha.)
Guztira
(*) Prezioa eraldaketa kenduta jarri
BAZKIDE EZ DIREN NEKAZARIEN EKOIZPENA (MERKATUAN EROSIAK)
Produktua
Guztira
