4. Hasieran ezartzen den urteko errentak zenbateko hau ez gainditzea: babes ofizialeko araubide orokorrean saltzeko kalifikatu izan balira etxebizitzek eta haien eranskinek bigarren eskualdaketan izanen zuten gehieneko salmenta prezioaren ehuneko bost.

62. artikulua. Gizarte integrazioko etxebizitzak erosi eta alokatzeko dirulaguntzak.

1. Nafarroako Gobernuak, etxebizitza arloan eskumena duen departamentuaren bidez, honako diru-laguntza hauek emanen dizkie gizarte integrazioko etxebizitzen eskuratzaile edo esleipen-hartzaileei:

a) Etxebizitza erabilia eranskinik gabe erosteko prezioaren %30.

b) Eskuratzailearen familiaren diru-sarrera ponderatuak IPREM baino txikiagoak badira, %45eko diru-laguntza emanen da.

2. Errentamendurako gizarte integrazioko etxebizitzen programara bildutako pertsonek diru-laguntza hauek jasoko dituzte, hileko errentaren portzentajetan adierazita:

Errentamenduaren lehen urtean: %90.

Errentamenduaren bigarren urtean: %75.

3. Etxebizitzaren erosketa prezioaren %10eko mugaraino, Nafarroako Gobernuak, gizarte gaietan eskumena duen departamentuaren bidez, bere gain hartu ahal izanen ditu gizarte integrazioko etxebizitzaren eskritura, erregistroko idazpena eta jabetza eskualdaketa egiteko gastuak, bai eta hipoteka-mailegua irekitzekoak, halakorik bada, eta zerbitzu horniduren kontratuak sinatzeko gastuak ere.

4. Irabazi-asmorik gabeko erakundeek urtero beren funtzionamendurako diru-laguntza eskatu ahal izanen dute, Nafarroako Mendekotasun Agentziak berariazko programa hauetarako egiten dituen deialdietan.

63. artikulua. Etxebizitza babestua lehenbiziko eskualdaketan erosteko, norberarentzat sustatzeko, errentamendurako edo gizarte integraziorako dirulaguntzen eskaerak eta horien onarpenaren publizitatea.

1. Etxebizitza lehenbiziko eskualdaketan eskuratu edo adjudikatzeko kontratuak ikus-onesten direnetik eraikuntzaren espedientea behin betiko kalifikatu arte, sustatzaileek etxebizitza babestua eskuratzeko laguntzen onuradunentzako dirulaguntzak ordain diezazkietela eskatu ahal izanen dute. Ondorio horietarako sustatzaileak entitate laguntzailetzat hartu ahal izanen dira, dirulaguntzak arautzen dituzten legeei jarraituz, eta dirulaguntza gisa kobratutako kopurua etxebizitzaren eta eranskinen prezioari kendu beharko diote. Horretarako, baldintza hauek bete beharko dira:

a) Eskabidearekin batera bermea aurkeztu beharko dute, hau da, Nafarroako Gobernuko Ekonomia eta Ogasun Departamentuak askietsitako abala edo emandako dirulaguntzaren zenbatekoa estaltzen duen aseguru kontratua. Etxebizitza entregatu eta salerosketa edo adjudikazioaren eskritura publikoa erregistratu ondoren Nafarroako Gobernuak bermea kitatzeko baimena emanen du.

b) Etxebizitza babestuen sustatzaileek eskuratzaileei zenbateko hau kobratu ahal izanen diete kontura, gehienez ere: etxebizitza bere eranskinekin saltzeko prezioari mailegu kualifikatua eta sustatzaileak jasotako dirulaguntzak kenduta ateratzen dena. Paragrafo honetan ezarritakoak ez du galaraziko sustatzailea Balio Erantsiaren gaineko Zerga kobratzeko bitartekoa izatea.

2. Etxebizitzak behin betiko kalifikazioa jasotakoan, etxebizitza babestuaren eskuratzaile edo adjudikaziodunak berak eskatu ahal izanen ditu laguntza publikoak, sustatzaileak lehenago egin ez badu. Laguntza eskaerak sei hilabeteko epean aurkeztu beharko dira, laguntzetarako eskubidea sortzen duen kontratuaren eskritura publikoa egiten den egunetik hasita. Eskuratzaile edo adjudikaziodunek zein agiri aurkeztu behar dituzten adierazi beharko da Ingurumen, Lurraldearen Antolamendu eta Etxebizitza Departamentuak onesten dituen eskabide eredu ofizialetan.

3. Eskuratzaile edo adjudikaziodunek zein agiri aurkeztu behar dituzten adierazi beharko da Ingurumen, Lurraldearen Antolamendu eta Etxebizitza Departamentuak onesten dituen eskabide eredu ofizialetan.

4. Alokairu kontratuaren ikus-onespena eskatzen denean nahiz geroago eskatu ahal izanen dira maizterrentzako laguntzak. Onartutako laguntza ordain dadin, dekretu honen 6. artikuluan ezarritako moduan errenta frogatzeaz gainera, dirulaguntzaren xede diren hilekoen kobrantza ere frogatu beharko da. Araubide berezia duen babes ofizialeko etxebizitzaren errentariarentzat Foru Dekretu honen 51. artikuluan aurreikusitako dirulaguntzak eskatzen direnean, eskabidearekin batera aurkeztu beharko dira komunitateko gastuak eta mantentze gastuak ordainduta daudela egiaztatzeko agiriak. Errentarientzako dirulaguntzak berritzeko eskabideak urtero aurkeztuko dira, hurrengo urtea hasi baino 15 egun lehenago gutxienez.

5. Gizarte integrazioko etxebizitzen eskuraketa edo adjudikaziorako dirulaguntzen eskatzaileek, eskuraketa kontratua sinatzen den egunetik 15 egun iragan baino lehen, agiri horren kopia aurkeztu beharko diote Nafarroako Gobernuko Etxebizitza Zerbitzuari. Kopiarekin batera, hartzaileak etxebizitza lortzeko baldintzak betetzen dituela eta eskuratuko den etxebizitzak behar diren baldintzak betetzen dituela egiaztatzeko dokumentazioa erantsiko da. Gainera, Nafarroako Gizarte Ongizatearen Institutuaren adostasun txostena aurkeztu beharko da.

6. Eskabideak Foru Dekretu honetan ezarritako baldintzak betetzen baditu, Etxebizitza Zerbitzuak onartu eginen du eskuratutako etxebizitza gizarte integrazioko etxebizitza izatea, eta kapitulu honetako xedapenen arabera dagozkion dirulaguntzak emanen ditu. Gizarte integrazioko etxebizitza eskualdatu dela eskrituran behar bezala jasorik dagoela egiaztatzen denean, Etxebizitza Zerbitzuak dirulaguntza horiek ordainduko ditu. Hitzarmena sinatu duten irabazi-asmorik gabeko enteei konturako aurrerakinak eman ahal izanen zaizkie; behar izanez gero, berme gehigarriak ezarriko dira.

7. Emandako laguntzen berri emanen da Nafarroako Gobernuak horretarako prestatzen duen atari informatikoan, Nafarroako Foru Komunitateko dirulaguntzak arautzen dituen legeria orokorrari jarraituz.

2. saila. Mailegu kualifikatuak

64. artikulua. Etxebizitza babestuetarako mailegu kualifikatuak.

1. Ingurumen, Lurraldearen Antolamendu eta Etxebizitza Departamentuak etxebizitza babestuen arloko jarduketak finantzatzeko baimentzen dituen maileguak hartuko dira mailegu kualifikatutzat, subsidiazioa egon edo ez.

2. Mailegu kualifikatuen gehieneko zenbatekoa honakoa izanen da: etxebizitza babestuek lehenbiziko eskualdaketan duten gehieneko salmenta prezioaren % 80, etxebizitzari lotutako garaje eta trastelekuak barne, halakorik badago, eta lotutako beste lokal batzuk ere barne, familia bakarreko etxebizitzen kasuan.

3. Sustatzailearentzako mailegua formalizatzen denetik hasita, amortizazio epea gehienez ere hogeita hamabost urtekoa izanen da. Gabealdia gehituko zaio hala behar denean, gehienez hiru urtekoa.

4. Mailegu subsidiagarrien kapitala amortizatzeko kreditu entitateari ordaindu behar zaizkion urtekoak eta korrituak finkoak izanen dira.

5. Maileguak bermatu eginen dira, hipotekaren bidez edo kreditu entitateek mailegu-hartzaileei eskatzen ahal dizkieten bestelako bermeen bidez.

65. artikulua. Nola kalkulatu maileguaren lehen urterako korritu tasa efektiboa.

1. Akordio honen arabera ematen diren maileguetan, ondoko formula erabiliko da lehenbiziko urtean indarra izanen duen gehieneko korritu tasa efektiboa hilero kalkulatzeko: kreditu entitate guztien hipoteka-maileguek azken sei hilabete ezagutuetan batez beste izan duten tasaren % 80 (Espainiako Bankuak kalkulatu eta argitaratzen du batezbestekoa); hilabete horietako azkeneko biei dagokien balioa besteei dagokiena halako bi izanen da, baldin eta erreferentziako tasa hori urtebeterako banku arteko erreferentziako datua gehi puntukoa baino txikiagoa bada. Espainiako Bankuak ekainaren 29ko 7/1999 zirkularreko edo haren ordez eman daitekeen zirkularreko baldintzetan argitaratutako urtebeterako banku arteko erreferentziako azken datua hartuko da kontuan.

a) Erreferentziako tasa hori urtebeterako banku arteko erreferentziako datua gehi puntukoa baino handiagoa baldin bada, azken horri dagokion tasa aplikatuko da.

b) UTB hori honela banatu ahalko da: hasierako % 25eko gehieneko komisioa alde batetik eta ondoriozko korritu izenduna bestetik, inola ere hasierako korritu tasa efektiboa baino gehiagokoa izanen ez delarik.

2. Mailegua formalizatu aurreko hilean Espainiako Bankuak prestatu eta argitaratutako datuak erabiliko dira tasa kalkulatzeko.

3. Hasierako korritu tasa efektiboa kalkulatzerakoan hiru hamartar hartuko dira beti, bai Espainiako Bankuak argitaratzen dituen jatorrizko datuetan eta bai azken emaitzan ere.

66. artikulua. Korritu tasa efektiboaren berrikuspena.

1. Aurreko artikuluan aipatzen den hasierako urteko korritu-tasa efektiboa (UTB), mailegu bakoitzerako finkatua, urtero berrikusiko da, harik eta Foru Dekretu honi jarraikiz emandako maileguak amortizatu arte.

2. Urteko tasa efektibo hori, gehienez ere, honako formula aplikatzetik aterako da: kreditu entitate guztien hipoteka-maileguek azken sei hilabete ezagutuetan batez beste izan duten tasaren % 90 (Espainiako Bankuak kalkulatu eta argitaratzen du batezbestekoa); hilabete horietako azkeneko biei dagokien balioa besteei dagokiena halako bi izanen da, baldin eta ateratzen den erreferentziako tasa hori urtebeterako banku arteko erreferentziako tasa gehi punturen eta urtebeterako banku arteko datua gehi puntu baten artean badago.

a) Kalkulatzen den erreferentziako tasa urtebeterako banku arteko datua gehi puntukoa baino txikiagoa baldin bada, urtebeterako erreferentziako tasa gehi puntukoa aplikatuko da.

b) Kalkulatzen den erreferentziako tasa urtebeterako banku arteko datua gehi puntu batekoa baino handiagoa baldin bada, azken hori aplikatuko da, hau da, urtebeterako banku arteko erreferentziako tasa gehi puntu batekoa.

3. Maileguaren korritu tasa berrikusi aurreko hilean Espainiako Bankuak prestatu eta argitaratutako datuak erabiliko dira kalkuluak egiteko.

4. Korritu tasa efektibo berrikusia kalkulatzerakoan hiru hamartar hartuko dira beti, bai Espainiako Bankuak argitaratzen dituen jatorrizko datuetan eta bai azken emaitzan ere.

67. artikulua. Etxebizitza babestuen sustatzaileentzako maileguak.

1. Behin-behineko kalifikazioa duten etxebizitza babestuen sustatzaileei mailegu kualifikatuak eman ahal izanen zaizkie.

2. Maileguak baliatzeko egutegia itundu ahal izanen da entitate mailegu-emailearekin, inbertsioaren exekuzioa eta etxebizitzen salmenten edo adjudikazioen erritmoa kontuan hartuta.

3. Kreditu entitateek maileguaren ehuneko hamabost atxiki ahal izanen dute harik eta ondoko gertaera hauetako bat egiaztatu arte:

a) Behin betiko kalifikazioa lortu dela edo salerosketaren zein adjudikazioaren eskritura publikoa erregistroan inskribatu dela.

b) Kontratuak ikus-onetsi direla, alokatzeko etxebizitzak sustatzen direnean.

c) Obraren amaiera deklaratzeko eskritura jabetza erregistroan inskribatu dela, norberak erabiltzeko familia bakarreko etxebizitza sustatzen denean.

4. Gabealdiak hiru urte iraunen du gehienez ere. Gabealdia amaiturik, amortizazioaldia hasiko da ondoko egun hauetan:

a) Etxebizitza saldu edo adjudikatzen bada: salmenta edo adjudikazio eskritura publikoa egiten den egunean.

b) Kooperatiba edo elkarte ez den sustatzaile batek etxebizitza beretzat sustatzen duenean, edo errentamendurako sustapenetan: behin betiko kalifikazioa ematen den egunean.

5. Artikulu honetako 4. zenbakian ezarritakoa gorabehera, finantza entitateak amortizazioaldiaren hasiera atzeratu ahal izanen du, aipatu egunen ondoko hilaren lehenengo egunera arte. Halakoetan, korrituen subsidiazioa, egonez gero, amortizazioaldiari aplikatuko zaio eta ez gabealdiari.

6. Etxebizitzak babes araubidea duen bitartean sustatzaileak alokairuaren araubidea aldatzen badu Ingurumen, Lurraldearen Antolamendu eta Etxebizitza Departamentuaren baimenik gabe, jasotako diru kopuruak itzuli beharko ditu, salbu eta maizterrak etxebizitza erosteko aukera erabiltzen duenean. Gainera, bidezko diren zehapenak ezarri eta legezko egoerara itzultzeko neurriak hartu ahal izanen dira.

68. artikulua. Eskuratzaileendako eta adjudikaziodunendako maileguak.

1. Etxebizitza babestuen eskuratzaile edo adjudikaziodunentzako maileguak modu hauetan eman ahal izanen dira:

a) Zuzenean.

b) Eskuratzaile edo adjudikazioduna sustatzailearentzako maileguaren hipoteka-karga ordaintzeko betebeharretan subrogatuta.

2. Mailegua eskuratzaileari zuzenean ematen zaionean baldintza hauek bete beharko dira:

a) Etxebizitzak babes ofizialeko, prezio tasatuko edo prezio itunduko behin betiko kalifikazioa eduki behar du.

b) Aldez aurretik eskuratzaileak eta etxebizitzaren sustatzaileak salerosketa edo adjudikazio kontratua egin behar dute eta kontratu hori behar bezala ikus-onetsi behar da.

c) Sustatzaileak etxebizitza beragatik mailegu kualifikatua jaso badu, mailegu hori kitatu behar du, eskuratzaile edo adjudikaziodunarentzako mailegua eman eta formalizatzen denean edo lehenago.

d) Salerosketa edo adjudikazio kontratua egiten denetik edo behin betiko kalifikazioa ematen denetik hamabi hilabete iragan baino lehen eskatu behar da mailegu kualifikatua.

3. Etxebizitzaren jabetza eskuratzen duen erosle edo adjudikaziodunak, subrogatzen baldin bada, eskritura bidez bere gain hartu beharko ditu hipotekak sortzen dituen betebeharrak. Horretarako, kreditu entitateari agiri horren lehen kopia igorriko zaio. Kopiaren gastuak sustatzailearen kontura izanen dira.

a) Hipotekak sortzen duen erantzukizun horretan ez ezik, eskuratzaile edo adjudikazioduna hipotekak bermatzen duen betebehar pertsonalean ere subrogatuko dela ituntzen denean, Hipotekei buruzko Legearen 118. artikuluan xedatutakoari jarraituz, eskuratzailea azken betebehar horretan subrogatu ahal izanen da baldin eta kreditu entitateak espresuki edo isilbidez hala onartzen badu.

b) Sustatzailearentzako maileguetan, salerosketa edo adjudikazio eskritura publikoaren bidez norbaitek etxebizitza eskuratzen badu, behin betiko kalifikatuta dagoelarik, eten eginen dira bai gabealdia bai korrituen sortzapena, eta amortizazioaldia hasiko da. Betiere, mailegua formalizatzen den egunetik hiru urtera amortizazioaldia hasiko da. Hala ere, finantza entitateak hurrengo hilaren lehen egunera arte atzeratu ahal izanen du amortizazioaldiaren hasiera.

69. artikulua. Jarduketa babesgarrietarako mailegu kualifikatuak aldaberritzea.

1. Sustatzaileak formalizatutako mailegu kualifikatuaren baldintzak aldaberritu ahal izanen dira subrogazioaren unean, erosle edo adjudikazioduna eta finantza entitatea aurretik ados jarrita, mailegua formalizatzerakoan indarra eta eraginkortasuna zuen lankidetza-akordioan ezarritakoari jarraikiz.

2. Banakako sustapenetan etxebizitza berriak edo zaharberrituak berentzat sustatzen dituztenek mailegu kualifikatuaren baldintzak aldaberritu ahal izanen dituzte gabealdiaren amaieran, mailegu-hartzailea eta finantza entitatea aurretik ados jarrita, gabealdiaren amaieran indarra duen lankidetza-akordioan ezarritakoari jarraituz.

3. saila. Mailegu kualifikatuetarako subsidiazioa

70. artikulua.

71. artikulua. Kreditu entitateekiko lankidetza akordioak.

1. Nafarroako Gobernuak, Ingurumen, Lurraldearen Antolamendu eta Etxebizitza Departamentuaren bidez, lankidetza akordioak egin ahal izanen ditu Nafarroako Foru Komunitatean diharduten kreditu entitateekin, jarduketa babesgarrien finantzaketarako mailegu kualifikatuak behar adina izanen direla bermatzeko eta, bidezkoa denean, horiek subsidiatzeko.

2. Nafarroako Gobernuak ez ditu subsidiatuko berarekin lankidetza akordiorik ez duten kreditu entitateek emandako maileguak, ez eta akordioa bete gabe izapidatzen direnak ere.

3. Nafarroako Gobernuak zilegi izanen du jarduketa babesgarrien finantzaketa kualifikatua bermatze aldera kreditu entitateekin hitzartu behar diren baliabideen gehieneko zenbatekoa finkatzea.

4. Finantza entitateekiko lankidetza akordioetan ondokoak zehaztuko dira:

a) Aplikazio denbora.

b) Eskuratzaile, adjudikaziodun edo sustatzaileentzako banakako laguntza ekonomikoak aitortzeko gehieneko epea.

72. artikulua. Jarduketa babesgarrietarako mailegu kualifikatuak izapidatzea.

1. Kreditu entitateekiko lankidetza akordioen esparruan, sustatzaileek kreditu entitateei mailegu kualifikatuak eskatu ahal izanen dizkiete, eta eskuratzaile eta adjudikaziodunek ere bai, mailegua zuzenean ematen zaien kasuetan. Sustatzaileek behin betiko kalifikazioa lortzen dutenetik 6 hilabete igaro aurretik aurkeztu beharko dute eskabidea. Eskabideari kasu bakoitzean behar den agiria erantsiko zaio:

a) Behin-behineko edo behin betiko kalifikazio zedularen kopia.

b) Ingurumen, Lurraldearen Antolamendu eta Etxebizitza Departamentuak ikus-onetsitako kontratua.

2. Lankidetza akordioetan ezartzen diren epeetan eta moduan, kreditu entitateek Ingurumen, Lurraldearen Antolamendu eta Etxebizitza Departamentuari adostasuna eskatu beharko diote mailegu kualifikatuak emateko eta subrogazioak egiteko. Subsidiazioa duten maileguak eta subsidiaziorik gabekoak bereiziko dira, Ingurumen, Lurraldearen Antolamendu eta Etxebizitza Departamentuak maileguak emateko adostasuna eman dezan. Adostasuna ukatu ahal izanen da ez badira betetzen lankidetza akordioaren baldintzak edo kalifikazio zedulan, kontratuaren ikus-onespenean nahiz ziurtagirian dauden zehaztapenak, edo horien indarraldia eteten bada, berrikusteko bidean edo inpugnatuta egoteagatik.

Ingurumen, Lurraldearen Antolamendu eta Etxebizitza Departamentuan eskabidea jaso eta hogei eguneko epean departamentu horrek ez badu espresuki ezer adierazten mailegua emateari buruz, araudi aplikagarriaren arabera mailegua ematea egokitzat jotzen duela ulertuko da.

3. Lankidetza akordioetan ezarritako moduan eta epeetan, kreditu entitateek Ingurumen, Lurraldearen Antolamendu eta Etxebizitza Departamentuari jakinarazi beharko diote maileguak noiz formalizatu diren eta maileguok noiz eta zenbateko zatietan eskuratzen diren erabat ordaindu arte. Formalizatu diren egunetik hasiko da gabealdia.

4. Hala tokatzen bada, kreditu entitateek eta mailegu-hartzaileek, Ingurumen, Lurraldearen Antolamendu eta Etxebizitza Departamentuak hala eskatuta, bidali beharko diote formalizazio eskrituren kopia edo hark eskatzen duen beste edozein agiri mailegu jakin batzuen gainean, eskaera hori jasotzen duten egunetik gehienez hamabost eguneko epean.

5. Behin betiko kalifikazioa ukatu edo etxebizitzak deskalifikatzen badira, hala emanen zaio aditzera kasuko kreditu erakundeari, emandako onurak eten eta itzul daitezen, legezko korrituak gehituta, eta mailegu kontratua aldatzeko, hala tokatzen bada. Ikus-onespena edo kalifikazioak ezeztatu edo deuseztatuz gero, berdin jokatuko da, eta maileguak ez dira hartuko Nafarroako Gobernuak eta kreditu erakundeak sinatu duten lankidetza akordioaren kargukotzat.

6. Maileguak emateko eta onesteko finkatu den prozedura maileguen zenbatekoa aldatzen denetan ere aplikatuko da. Kreditu entitateak Ingurumen, Lurraldearen Antolamendu eta Etxebizitza Departamentuari aditzera emanen dizkio maileguen inguruko gorabehera aipagarri guztiak, hala nola gabealdiaren amaiera edo kitapen eta amortizazio aurreratuak, lankidetza akordioetan ezarritako epean eta moduan.

7. Epai bidezko banantzea, dibortzioa edo "mortis causa" oinordekotza dela medio higiezin hipotekatuaren titulartasuna aldatzen den kasuetan, Ingurumen, Lurraldearen Antolamendu eta Etxebizitza Departamentuaren baimenarekin mailegu kualifikatuan titular berri gisa subrogatu diren pertsonen errenta aitorpenak aurkeztu beharko dira.

73. artikulua.

74. artikulua.

75. artikulua. .

V. KAPITULUA. Zaharberritze arloko jarduketa babesgarriak

1. saila. Xedapen orokorrak

76. artikulua. Zaharberritze arloko aurrekontu babesgarriaren kontzeptua eta edukia.

1. Zaharberritzeko jarduketaren aurrekontu babesgarrian sartuko dira egin beharreko obren prezioa, profesionalek proiektua egin eta obra zuzentzeagatik kobratuko dituzten ordainsariak eta obretarako udal lizentziaren tasa, bai eta hirigintza planak aldatzeko kostuak ere, hala behar denean.

Hiri eremuak zaharberritzeko jarduketa babesgarrien multzoan, etxebizitzen zaharberrikuntza bera ez ezik, ondokoak ere sartu ahal izanen dira, bereziki:

a) Obra osagarriak.

b) Eraikinak eta etxebizitzak eskuratzea, zaharberritzeko edo eraitsi eta eremu libreak lortzeko, eta eraikinak eraitsiz sortzen den aprobetxamenduari uko egitea.

2. Eraikin eta etxebizitzak zaharberritzeko jarduketa babesgarrien xedeak ondokoak izan ahalko dira:

a) Eraikin baten egokitasun egiturazkoa edo funtzionala, edo biak batera, lortu edo hobetzea, baldin eta eraikin horren azalera erabilgarri osoaren ehuneko berrogeita hamar, gutxienez, etxebizitza bada, beheko solairua eta sestrapeko azalerak aparte utzita.

Eraikinari eraikuntzazko segurtasun baldintza nahikoak ematen dizkioten obrak egitura egokitzekoak direla ulertuko da, horien helburua egonkortasuna, erresistentzia, finkotasuna eta sendotasuna ziurtatzea bada, martxoaren 22ko 142/2004 Foru Dekretuak ezartzen dituen baldintzetan. Foru Dekretu horrek Nafarroako Foru Komunitateko etxebizitzetan bizi ahal izateko gutxieneko baldintzak arautzen ditu.

Eraikinari ondotik aipatzen diren alderdiei dagokienez behar besteko baldintzak ematen dizkioten obrak funtzioa egokitzekoak direla ulertuko da: sarbideak, euriaren eta hezetasunaren kontrako iragazgaiztasuna, isolamendu termikoa, ur, gas, argindar, telefono eta saneamendu sare orokorrak, akabera orokorrak eta istripu eta ezbeharren aurrean hartu beharreko segurtasuna. Era berean, eraikinen funtzioa egokitzeko obrak izanen dira, mugitzeko ezintasunak dituzten pertsonen sarbidea eta erabilera errazteko asmoz, oztopo arkitektonikoak ezabatzea helburu duten jarduketak.

b) Ondoko obra hauek egitea:

b.1) Finkako bertako edo haren inguruko eremu libre edo patioak egokitzekoak.

b.2) Etxebizitza edo eraikinak arkitektura, historia edo ingurumen aldetik dituen balioen ondorioz egin beharrekoak, betiere aplikatzen ahal diren legezko manuen arabera, obra horiek egiteko emandako agindu partikularrekin bat.

Baldintza hau bete beharko da b) letra honetan aipatutako obrak jarduketa babesgarritzat hartzeko: zaharberritzen den eraikinak behar adinako egokitasun egiturazkoa eta funtzionala izatea, mugikortasuna eragozten duten minusbaliotasunak dituzten pertsonentzako sarbideen eta erabileraren aldetik izan ezik.

c) Hobekuntza obrak egitea, eraikin eta etxebizitzetan energi kontsumoa aurrezteko, ur, gas, argindar, antena kolektibo, suteen kontrako babes eta saneamendu gaietan indarrean dagoen araudira egokitzeko eta eraikinari atxikitako obra unitate egonkorren bidez berokuntza instalatzeko.

d) Etxebizitzetan bizigarritasun baldintzak lortu edo hobetzea.

Obrek bide eman behar dute Nafarroako Foru Komunitateko etxebizitzetan bizi ahal izateko gutxieneko baldintzak arautzen dituen martxoaren 22ko 142/2004 Foru Dekretuan ezarritako baldintzak edo etorkizunean hura ordezkatzen duen arauan ezartzen direnak betetzeko.

Betiere egitura eta funtzio aldetik nahikoa egokia den eraikin batean egin behar dira obrak. Arau horretatik kanpo geratzen dira minusbaliatuentzako irisgarritasun baldintzak.

Era berean, Foru Dekretu honen ondorioetarako, honako hauek bizigarritasuna egokitzeko obrak izanen dira: mugikortasunean eragina duten minusbaliotasunak dituzten pertsonen sarbidea eta erabilera errazteko asmoz oztopo arkitektonikoak ezabatzeko egiten direnak.

e) Etxebizitzan bizitzeko espazioa handitzea, horren ondorioz eratzen den azalera erabilgarria ez baldin bada baino gehiagokoa, edo, familia ugarientzako etxebizitza izanez gero, baino gehiagokoa.

f) Hirigintza planeamenduak antolamenduz kanpo jarri dituen eraikinak eraistea.

g) Etxebizitza berriak egitea oraingoak banatu edo zatitzearen ondorioz. Halaber zilegi izanen da oraingo etxebizitzak elkartzea, horrela lortzen den etxebizitza berriak gehienez koadro erabilgarri baditu (edo koadro erabilgarri, familia ugarientzako etxebizitza izanez gero).

h) Lehentasunez zaharberritu beharreko eremuetan, oraingoak banatu edo zatitzearen ondorioz etxebizitza berriak sortzea, oraingo eraikinaren kanpo-azala eta azalera eraikia handitu gabe.

3. Zaharberritze obra babestuak egiteko bermatu egin behar da obra horiek teknikaz eta eraikuntzaz koherenteak izanen direla eraikinaren egoerarekin eta bertan egin litezkeen gainerako obrekin (egiturazko eta eraikuntzazko segurtasuna, argindar hornidura, uraren banaketa egokia, saneamendu sare orokorraren funtzionalitate egokia edo euritarako behar den iragazgaiztasuna lortzeko obrak).

77. artikulua. Aurrekontu babesgarritik kanpoko kontzeptuak.

1. Honako jarduketak ez dira sartuko aurrekontu babesgarrian:

a) Eraikinak barrenez hustutzeko ekintzak; eta hala direla ulertuko da forjatu horizontalaren ehuneko 60 baino gehiago eraitsi, gainjarri edo aldatzen bada, kalkulu horretan sartu gabe eraikinaren gaina eta hirigintza planeamenduak aurreikusten dituen eraispenak. Zilegi izanen da portzentaje horrez gorako hustutze lanak egitea 100 urte baino gehiago dituzten bizileku eraikinetan baldin eta hondatuta egoteagatik hala komeni bada, eta fatxadak eta beste elementu interesgarriak mantentzen badira, eraikina Vianako Printzea Erakundea - Kultura Departamentuak inbentariatua badago edo hirigintza planeamenduetan kontserbatu beharrekotzat kalifikatua, eta haren taxuera arkitektonikoak eragozten badu babes ofizialeko etxebizitzatzat kalifikatzeko moduko jarduketen helburu izatea. Halaber, zilegi izanen da eraikinak eraitsi eta berriak eraikitzea Foru Dekretu honen 75. artikuluko 4. zenbakian aurreikusitako zaharberritze jarduketetan.

b) Eraikineko kanpo fatxadak eraisteko jarduketak, salbu eta barne-hustutzerik gabeko kasuetan.

c) Etxebizitzaren azalera erabilgarria artikulu honetako 1.e) puntuan ezarritako mugetatik gora zabaltzeko jarduketak edo muga horretatik gorako etxebizitza berriak sortzekoak, salbu eta artikulu honetako 2. zenbakiko g) eta h) letretan azaltzen diren jarduketetan.

2. Etxebizitzetako akabera pribatiboen obrek honako kasuetan baizik ez dute babes publikoa izanen: obra horiek ezinbestekoak direnean, aldi berean etxebizitza zaharberritzeko beste obra batzuk egiten ari direlako, egiturazko elementuen gainekoak, edo oztopo arkitektonikoak kentzekoak, edo legezko bizigarritasun baldintzak betetzekoak.

78. artikulua. Aurrekontu babesgarriaren mugak.

1. Ingurumen, Lurraldearen Antolamendu eta Etxebizitza Departamentuak zehaztuko du aurrekontu babesgarria, kontuan izanik zenbaki honetan ezarritakoa eta antzeko obretako kalitateen balorazioa eta batez besteko prezioak.

2. Zaharberritzeko jarduketa babesgarritzat hartu ahal izanen dira, soilik, aurrekontu babesgarria, azalera erabilgarriaren metro koadroko, ondoan zehazten dena baino handiagoa ez dutenek:

a) Behin-behineko kalifikazioa eskatu zen momentuan indarra zuen modulu ponderatua halako 1,3 etxebizitzaren metro koadro erabilgarri bakoitzeko.

b) Behin-behineko kalifikazioa eskatu zen momentuan indarra zuen modulu ponderatua halako eranskin eta beste lokal batzuen metro koadro erabilgarri bakoitzeko.

3. Zaharberritu beharreko etxebizitzaren azalera erabilgarria koadrotik gorakoa denean, gehieneko aurrekontu babesgarria kalkulatzeko honela eginen da: 120 bider 1,3 bider behin-behineko kalifikazioa eskatu zenean aplikagarria zen modulu ponderatua.

4. Eraikin osoa edo guztientzako elementuak ukitzen dituzten jarduketetan aurrekontu babesgarriaren muga kalkulatzeko, kontuan hartuko da higiezineko etxebizitzek eta obren kostuetan parte hartzen duten merkataritzako lokalek guztira duten azalera erabilgarri eta konputagarria. Merkataritzako lokalen azalera konputagarria ezin izanen da etxebizitzen guztizko azalera konputagarriaren ehuneko berrogeitik gorakoa izan.

5. Etxebizitza zaharberritzeko obrak artisauen tailerretan edo nekazari eta abeltzainen etxebizitzetako eraikin atxikietan, zaharberritutako etxebizitzarekin lotuta daudenetan, eginez gero, hauen azalera osotik, gehienez ere koadroko azalera erabilgarria gehitu ahal izanen zaio etxebizitzaren azalera konputagarriari aurrekontu babesgarria zehazteko orduan, eranskin horien benetako azalera erabilgarria handiagoa bada ere.

6. Zaharberritzeko jarduketak babesgarritzat kalifikatu ahal izan daitezen, etxebizitzei dagokien aurrekontu babesgarria, lokalak kontuan hartu gabe, jarduketaren ondoren lortuko diren etxebizitzen kopuruaz zatituta zenbateko hau atera behar da gutxienez: 4.000 euro etxebizitza bakoitzeko.

Minusbaliotasunak dituzten pertsonentzako egokitzapen funtzionaleko obretan ez da beharrezkoa izanen baldintza hori betetzea. Azken kasu horretan nahikoa izanen da egokitzapen funtzionaleko obraren aurrekontu babesgarri osoa gutxienez 4.000 euro izatea eta etxebizitza bakoitzeko ordaindu behar den kopurua gutxienez 2.000 euro izatea.

Zaharberrikuntzaren ondorioetarako, azalera erabilgarria kalkulatzeko erabili beharreko arauak babes ofizialeko etxebizitzei aplikatzen zaizkienak izanen dira.

79. artikulua. Zaharberritzeko dirulaguntzen zenbatekoa kalkulatzea.

Obren benetako kostuaren portzentaje jakin baten arabera kalkulatuko da dirulaguntzen zenbatekoa. Behin-behineko kalifikazioan zehaztutako aurrekontu babesgarria ezin izanen da gainditu, salbu eta espedientea izapidatu bitartean onuradunaren baldintzak aldatzen direnean sustatzailea aldatzearen ondorioz.

80. artikulua. Jarduketa babesgarriaren kalifikazioa jasotzeko eraikin eta etxebizitzek bete beharreko gutxieneko baldintzak.

Babesgarri gisa kalifikatzeko, zaharberritze arloko jarduketak egin ahalko dira soilik ondoko baldintza hauek betetzen dituzten higiezinetan:

1. Hamabost urte baino gehiago izatea, eraikuntza amaitu zen egunetik.

2. Hirigintza planeamenduak xedatzen duenaren araberakoak izatea. Antolamenduz kanpoko eraikinak izanez gero, planeamenduan aurreikuspenik ez egotea eraikin horien ordez bestelako erabilera izanen duten eraikin berriak egiteko.

3. Eraikuntzaren ezaugarriak eta espazioaren antolaketa kontuan izanik, zaharberritzeko obren bidez etxebizitzetan bizi ahal izateko baldintza egokiak beteko direla ziurtatu ahal izatea.

81. artikulua. Zaharberritze obrak egiteko epea, gehienez ere:

Zaharberritze obra babestuak hogeita hamar hilabeteko epean burutu beharko dira, behin-behineko kalifikazio zedula ematen den egunetik hasita.

82. artikulua. Behin-behineko edo behin betiko kalifikazio zedularen izapidaketa.

Behin-behineko kalifikazio zedula Ingurumen, Lurraldearen Antolamendu eta Etxebizitza Departamentuan eskatuko da, edo zaharberritze bulegoetan, Ingurumen, Lurraldearen Antolamendu eta Etxebizitza Departamentuak kudeaketa haien esku utzi duen tokietan. Eskabidearekin batera ondoko agiriak aurkeztuko dira:

1. Eskatzailea nor den eta, hala tokatzen bada, noren ordezkari den frogatzeko agiriak.

2. Zaharberritu beharreko etxebizitzaren jabetza, usufruktua, alokairua edo antzeko eskubideak frogatzeko agiriak. Jabetza, usufruktua eta eskubide errealak jabetza erregistroko ziurtagiriaren edo ohar soilaren bidez frogatuko dira. Zaharberrikuntza eragotziko lukeen beste inolako karga edo eskubide errealik ez dagoela adierazi behar da agiri horretan. Sustatzailea errentaria izanez gero, errentamendu kontratua edo beste agiriren bat aurkeztu beharko du maiztertza frogatzeko, bai eta jabeak zaharberritze obrak egiteko emandako baimena ere.

3. Memoria, ondokoak bilduko dituena:

a) Eginen diren jarduketen azalpena.

b) Higiezina eta etxebizitza noiz eraiki ziren.

c) Etxebizitzaren eta, behar denean, higiezinaren azalera erabilgarria.

d) Obren aurrekontua. Sustatzaileak eta obrak eginen dituen pertsonak sinatu behar dute, eta, proiektua eta zuzendaritza fakultatiboa behar dituzten obretan, teknikariak ere bai.

e) Obrak egiteko aurreikusitako epea.

f) Zaharberritu nahi den eraikinaren argazkia.

Ez da beharrezkoa izanen a), b), c), d), e) eta f) letretan aipatutako agiriak aurkeztea baldin eta haien ordez proiektu teknikoa aurkezten bada, behar diren datu guztiekin.

4. Obretarako udal baimena edo hura eskatzeko konpromisoa.

5. Aurkezpen-epea amaitu zaion azken zergaldiko Pertsona Fisikoen Errentaren gaineko Zergaren aitorpena, salbu eta sustatzaileak etxejabeen elkarteak edo errentatzaileak direnean.

6. Etxebizitzaren katastroko datuen erreferentzia (lurzatiaren zedula, hirilurren gaineko kontribuzioaren ordainagiria, Udalaren ziurtagiria edo katastroko egoera egiaztatzeko beste agiriren bat).

7. Legez eskatzen ahal den beste edozein baimen administratibo, edo hura eskatzeko konpromisoa.

8. Ingurumen, Lurraldearen Antolamendu eta Etxebizitza Departamentuak, zuzenean edo zaharberritze bulegoaren bidez, ondokoak eskatu ahal izanen ditu, hala behar denean:

a) Jabeen arteko edo jabe eta maizterren arteko akordioen ziurtagiria eta akordioen kopia.

b) Obren proiektu teknikoa eta zuzendaritza fakultatiboa, beharrezkoak direnean.

c) Eraikinaren antzinatasunaren justifikazioa.

d) Zaharberritu beharreko etxebizitza orain edo obrak amaitu ondoren bizileku ohiko eta iraunkorra izatearen justifikazioa.

83. artikulua. Zaharberritzeko behin betiko kalifikazioaren zedula tramitatzea.

Sustatzaileak behin betiko kalifikazioa eskatu beharko du obrak amaitu eta hilabeteko epean. Horretarako ondoko agiriak aurkeztuko ditu:

a) Obretarako udal lizentzia, behin-behineko kalifikaziorako aurkeztu ez bazuen.

b) Obra amaierako ziurtagiria, obraren zuzendaritza fakultatiboak emana eta haren lanbide elkargoak ikus-onetsia, obrak proiektu teknikoaren beharra izan badu. Ingurumen, Lurraldearen Antolamendu eta Etxebizitza Departamentuak kalifikazio zedulak babesten duen obra gauzatu egin dela egiaztatuko du, eta eginbide batean adieraziko du.

84. artikulua. Kalifikazio ebazpenen edukia eta ondorioak.

1. Kalifikazio agiriek eta mailegurako edo subsidiaziorako eskubidea onartzeko agiriek bide emanen dute Foru Dekretu honetan aurreikusitako eran mailegu kualifikatuak jaso ahal izateko, aurrekontuko baliabideen arabera.

2. Kalifikazio ebazpenetan ondokoak agertuko dira, gutxienez ere:

a) Kalifikazioaren xede diren jarduketak nola finantzatuko diren zehazten duen araudia.

b) Eskatzailea identifikatzeko datuak: izen-deiturak edo sozietatearen izena, identifikazio fiskala, helbidea.

c) Etxebizitzen kopurua eta azalera erabilgarria.

d) Etxebizitzak lagatzeko edo erabiltzeko araubidea.

e) Aplikatu beharreko modulu ponderatua.

f) Mailegu kualifikatuek eta laguntza ekonomikoek Foru Dekretu honetan ezarritako mugak izanen dituztela dioen oharra.

g) Lortzen ahal diren zuzeneko laguntza ekonomikoen izaera eta zenbatekoa.

h) Halakorik izanez gero, hura behar duten ondasun higiezinen kasuan, Kultura Zuzendaritza Nagusiaren baimena beharrezkoa delako aipamena.

i) Egin beharreko obrak.

j) Ingurumen, Lurraldearen Antolamendu eta Etxebizitza Departamentuak obraren amaierari buruz eginen duen eginbidearen ondotik etorriko diren behin betiko kalifikazioaren eta bizigarritasun zedularen ondorioen zehaztapena.

k) Epeen zehaztapena: sei hilabeteko epea obrak hasteko, behin-behineko kalifikazioa ematen den egunetik hasita, eta hogeita hamar hilabeteko epea obrak bukatzeko, egun beretik hasita.

3. Babesgarri joko dira bakar-bakarrik behin-behineko kalifikazioaren ondotik egiten diren obrak.

4. Legezko bizigarritasun baldintzak eta eraikuntzaren gaineko oinarrizko araudia betetzeari dagokionez, behin-behineko kalifikazioaren zedulak lizentzia eman aurreko adostasun txostenak bezalako ondorioak izanen ditu, eta bide emanen du zaharberritze obren finantzaketarako mailegu kualifikatuak jasotzeko.

5. Zaharberrikuntza babestuaren xede diren etxebizitzak jarduketaren behin betiko kalifikazioa onartzen denetik hiru hilabete iragan baino lehen okupatu behar dira. Behin betiko kalifikazioaren datatzat hartuko da obra amaierako eginbidearen data bera. Eginbide horrek zaharberritzearen behin betiko kalifikaziotako balioko du bai eta, 30 urterako, bizigarritasun zedulatako ere hala adierazten den etxebizitzetan.

85. artikulua. Kreditazioa eta titulartasunaren intzidentziak.

1. Zaharberrikuntza espedientearen sustatzaileak frogatu egin beharko du zaharberrikuntza babestuaren kalifikazio zedulan agertuko diren finken gaineko jabari, erabilera eta/edo gozamen eskubideak dituela eta zaharberrikuntzaren bideragarritasuna eragotziko lukeen kargarik ez dagoela. Horretarako, jabetza erregistroko informazio ohar soila aurkeztuko du, behin-behineko kalifikazioa eskatzen duen eguna baino bi hilabete lehenago emana, gehienez ere. Bidezko arrazoiak egonez gero, egiaztagiri hori aurkezteko epearen luzapena onartu ahal izanen da. Betiere, behin betiko kalifikazioa jaso baino lehen aurkeztu beharko da.

2. Espedientea izapidatzen ari den bitartean etxebizitzaren titulartasuna aldatzen bada, titular berriak sustatzaile gisa onar dezatela eskatu ahal izanen du behin betiko kalifikazioaren aurretik. Halakoetan, kontuan hartuko da zenbatekoak diren haren famili dirusarrera ponderatuak sustatzaile berri gisa onar dezatela eskatzen duen momentuan.

a) Espedientea izapidatzen ari den bitartean sustatzailea hiltzen bada, jaraunsleek eskatu ahal izanen dute espedientean sustatzaile berri gisa sar ditzatela, erregistroko titulartasuna frogatuz gero. Heriotzako egunetik bi hilabete iragan baino lehen arrazoi horrengatik sustatzailearen aldaketa eskatzen bada, hiru hilabete eta sei hilabete bitarteko epea emanen da, behin betiko kalifikazioaren egunetik hasita, erregistroko titulartasun berria frogatzeko.

b) Behin betiko kalifikazioa emandakoan eta dirulaguntza ordaindu aurretik sustatzailea hiltzen bada, haren jaraunsle izatea frogatzen dutenei ordainduko zaie dirulaguntza, behin betiko kalifikazioaren egunetik urtebete iragan baino lehen.

3. Jarduketa babesgarriak eta behin betiko kalifikazioa ematerakoan sustatzaileei zegokiekeen finantzaketa kualifikatua ez zaizkio beste inori emanen horretarako behar diren jabari, erabilera eta/edo gozamen eskubideak dituztela frogatzen dutenei baizik, artikulu honetan aurreikusitako salbuespenak salbuespen.

4. Etxebizitzaren usufruktua lagata egonez gero, usufruktudunak zaharberrikuntza sustatu ahal izanen du jabe soilaren baimena badu. Gainera, etxebizitza baten jabetza soila duenak zilegi izanen du usufruktudunarekin elkartzea zaharberrikuntzaren sustatzaile gisa, frogatzen baldin badu zaharberrikuntzaren behin-behineko kalifikazioa eskatu zen unean gutxienez bi urte zeramatzala etxebizitza horretan erroldatuta eta usufruktudunarekin akordioa egin duela etxebizitza hori bere bizileku ohikoa eta iraunkorra izateko. Betiere, beharrezkoa izanen da usufruktuduna etxebizitza horretan bizi izana eskabidea aurkeztu aurreko bi urteetan jarraian.

86. artikulua. Lehentasunez zaharberritu beharreko eremuak deklaratzea.

1. Ingurumen, Lurraldearen Antolamendu eta Etxebizitza kontseilariak lehentasunez zaharberritu beharreko eremuak deklaratu ahal izanen ditu, Foru Dekretu honetan ezarritako onurak jaso ditzaten.

Eremu horiek deklaratzeko irizpideak honakoak izanen dira:

a) Duela 50 urte baino gehiago eraikuntzaren bidez sendotutako aldeetan egotea, eta hirigintzako planeamendu egokia izatea: babeserako eta/edo barne berrikuntzarako plan berezia, edo, 3.000 biztanle baino gutxiagoko udalerrietan, udal plan orokorra bera, baldin eta honelako eremuei buruz plan orokorrak ematen dituen zehaztapenak plan berezi horietan bezalatsu xehekaturik badaude.

b) Zaharberrikuntzarako laguntzei buruzko berariazko udal ordenantza indarrean izatea.

2. Zilegi izanen da herrigune historikoak eta eraikin multzoak lehentasunez zaharberritu beharreko eremu deklaratzea baldin eta bertan babeserako eta/edo barne erreformarako plan berezi batek indarra badu, eraikinen % 70 baino gehiago 50 urtetik gorakoak dituzten herrigune historiko edo eraikin multzo jarraituak ukitzen dituena. Nekazari etxe tradizionalen multzo sakabanatuen kasuan, % 90era igoko da 50 urtetik gorako eraikinen portzentajea. Lehentasunez zaharberritu beharreko eremuak deklaratu ahal izateko, beharrezkoa izanen da Zaharberritze Bulegoak aurretik txostena ematea, eremua halako bulego baten esparruan badago. Gainera, eremu horiek zaharberritzeko laguntza berariazkoei buruzko udal ordenantza beharko da hartarako, eremuko biztanle bakoitzeko eta urteko aplikatzeko den modulu ponderatuaren % 2 edo gehiagoko aurrekontu dotazioarekin.

2. saila. Zaharberrikuntzarako laguntzak

87. artikulua. Zaharberritze obrak sustatzen dituzten erabiltzaileei dirulaguntzak ematea.

1. Zaharberritze obra babestuak amaitu direla egiaztatu eta gero, Nafarroako Gobernuak aurrekontu babesgarriaren portzentaje hauek ordainduko ditu dirulaguntza gisa:

IPREM halako 2,5 arte

% 11, eraikinak 50 urte baino gutxiago eta 15 baino gehiago baditu

% 22, eraikinak 50 urte edo gehiago baditu

% 40, lehentasunez zaharberritu beharreko eremuetan, edo mugitzeko minusbaliotasuna duten pertsonei oztopo arkitektonikoak kentzen zaizkienean, edo eskatzaileetako batek nahiz haren ezkontideak gutxienez 65 urte dituenean

% 50, lehentasunez zaharberritzeko eremuetan esku-hartze orokorreko proiektuak egiten direnean

IPREM halako 2,5-3

% 9, eraikinak 50 urte baino gutxiago eta 15 baino gehiago baditu

% 18, eraikinak 50 urte edo gehiago baditu

% 40, lehentasunez zaharberritu beharreko eremuetan

% 50, lehentasunez zaharberritzeko eremuetan esku-hartze orokorreko proiektuak egiten direnean

IPREM halako 3-3,5

% 7, eraikinak 50 urte baino gutxiago eta 15 baino gehiago baditu

% 14, eraikinak 50 urte edo gehiago baditu

% 40, lehentasunez zaharberritu beharreko eremuetan

% 50, lehentasunez zaharberritzeko eremuetan esku-hartze orokorreko proiektuak egiten direnean

Familia ugariak

% 3 araubide orokorreko etxebizitzetan eta % 6 araubide berezikoetan; horrez gain, taula honetako gainerako laukietan dagokien dirulaguntza, etxebizitza norberak erabiltzeko baldin bada.

Kontuan hartu beharreko errenta honela kalkulatuko da: eskatzaileak PFEZerako aurkeztu behar izan duen azken aitorpeneko zerga oinarriaren zati orokorra eta zergarik gabeko errentak batuko dira. Kontuan hartu beharreko errenta hori, betiere, aurrekontu babesgarriaren hamarrena baino handiagoa izanen da. Artikulu honetan ezarritakoari dagokionez, dirulaguntzaren xede izan daitekeen aurrekontuaren muga honakoa izanen da: modulu ponderatu aplikagarriaren % 65 bider etxebizitzaren azalera erabilgarria (gehienez ere koadro). Inoiz ere ez du aurrekontu babesgarria gaindituko.

2. Eraikinean guztiek erabiltzen dituzten elementuetan oztopo arkitektonikoak kentzeko dirulaguntzak etxejabeen elkarteei emateko, irizpide hauek erabiliko dira:

Igogailurik ez duten eraikinetan igogailua jartzea eta berariazko araudia betetzeko erabateko egokitzapena egitea.

Aurrekontu babesgarriaren % 45, Igogailua jarri ahal izateko behar-beharrezkoak diren guneak eskuratzea

Erosketa prezioaren % 45, edo modulu ponderatuaren % 80 bider igogailua jarri ahal izateko behar-beharrezkoak diren m² eraikien kopurua, azken zenbateko hau txikiagoa bada

Lehendik igogailua duten eraikinetan, gutxienez 50 urtekoetan, berariazko araudia betetzeko erabateko egokitzapena egitea: % 40

Lehendik igogailua duten eraikinetan, 15 urte baino gehiago eta 50 baino gutxiago dituztenetan, berariazko araudia erabat betetzeko egokitzapena egitea: % 37

50 urte edo gehiago izan eta lehendik igogailurik ez duten eraikinetan, berariazko araudia betetzeko erabateko egokitzapenik egin gabe, egokitzapen hori ezinezkoa edo oso zaila dela frogatzen bada: % 35

15-50 urte izan eta lehendik igogailurik ez duten eraikinetan, berariazko araudia betetzeko erabateko egokitzapenik egin gabe, egokitzapen hori ezinezkoa edo oso zaila dela frogatzen bada: % 33

50 urte edo gehiago izan eta lehendik igogailua baduten eraikinetan, berariazko araudia betetzeko erabateko egokitzapenik egin gabe, egokitzapen hori ezinezkoa edo oso zaila dela frogatzen bada: Diru-laguntzaren portzentajea: %32.

15 urte baino gehiago eta 50 baino gutxiago izan eta lehendik igogailua baduten eraikinetan, berariazko araudia betetzeko erabateko egokitzapenik egin gabe, egokitzapen hori ezinezkoa edo oso zaila dela frogatzen bada. Diru-laguntzaren portzentajea: %30.

87 bis artikulua. Etxebizitzak barrutik berritzeko dirulaguntza berezia.

1. Nafarroako Gobernuak diruz lagunduko ditu bizilagunen ohiko bizitoki iraunkorra den edo izan behar den etxeko sukaldea eta bainugelak berritu eta barneko zurajea eta zoladurak edo zoruak ordezteko lanak, betiere aurreko artikuluetan aurreikusitakoaren arabera etxebizitza zaharberritzeko obra baten parte ez direnean.

2. Aurrekontu babesgarriak, foru dekretu honen 78.2 artikuluan ezarritako mugak izan gabe, 4000 euroko zenbatekoa izanen du gutxienez, eta lan hauek hartuko ditu barne: barruko ateak edo zoladurak edo zoruak aldatu edo ordeztea, bai eta sukaldea eta bainugelak berritzeko lanak ere, ekintza hauetakoren bat behar dutenean: igeltserotza, iturgintza, elektrizitatea, eskaiola eta zoladuren edo/eta estalkien aldaketa, bai eta komunak eta bainuontziak/dutxak eta instalazio finkoa eskatzen duten sukaldeko nahiz komuneko altzariak aldatzea. Etxetresna elektrikoak erosteko edo konpontzeko nahiz aurreko zerrendan jaso ez diren bestelako elementu eta jardueretarako, berriz, ez da dirulaguntzarik emanen.

3. Dirulaguntza aurrekontu babesgarriaren 100eko 20koa izanen da, gehienez ere 3.000 euro etxebizitza bakoitzeko.

4. Dirulaguntza hauek emateko prozedura laburtua ezarriko da, eta ordainketa eginen da lanak egin direla frogatzen duten agiriak ekarri ondoren, gehienez ere dirulaguntza eman zenetik urtebeteko epean; agiri horien artean egonen dira, nahitaez, etxebizitzaren jabearen erantzukizuneko aitorpena, egindako lanak dirulaguntza lortzeko aurkeztu zen aurrekontuarekin bat datozela adierazten duena, eta lanaren exekuzioari dagozkion faktura guztiak.

5. Nafarroako Gobernuak ikuskapenak eginen ditu, tramitatutako espediente guztietatik batzuk lagin gisa hartuta, egindako lanak eta dirulaguntzak bat datozela egiaztatzeko. Horretarako, laguntza hauek jasotzen dituzten etxejabeek etxebizitzan sartzen utzi beharko diete lan hori egiteko gaitasun ofiziala izanen duten ikuskatzaileei.

6. Artikulu honetan aurreikusitako dirulaguntza eman ondoren, onuradunak ezin izanen ditu berriz eskatu laguntza hauek, eta ezin izanen da honelako dirulaguntzarik eskatu berriz haien xede izandako etxebizitza batean egin beharreko lanetarako.

88. artikulua. Lehentasunez zaharberritzeko eremuak eta esku-hartze orokorreko proiektuak.

1. Nafarroako Gobernuak lankidetza hitzarmenak egin ahal izanen ditu lehentasunez zaharberritu beharreko eremuak deklaratu dituzten edo deklarazioa izapidatzen ari diren udalekin. Hitzarmen horien esparruan, babeserako eta/edo barne berrikuntzarako plan berezien prestaketa finantzatzeko dirulaguntzak ezarri ahal izanen dira; kasuan kasuko akordioan zehaztuko dira horien zenbatekoa eta baldintzak. Lehentasunez zaharberritu beharreko eremuen barnean mugatutako aldeetan esku-hartze orokorreko proiektuak aurreikusten direnean, Nafarroako Gobernuak kostuaren zati bat ordaindu ahal izanen die udalei edo haiek prestatzen dituzten sozietate instrumentalei. Laguntza horren zenbatekoa eta baldintzak kasuan kasuko hitzarmenetik ondorioztatuko dira.

2. Esku-hartze orokorreko proiektuetan sartuta dauden eraikin osoak zaharberritzen direnean ondoko dirulaguntzak jaso ahal izanen dira:

a) Metro koadro erabilgarri bakoitzeko modulu ponderatuaren % 80, gehienez, etxebizitza-eraikin osoetan, administrazio publikoak edo sozietate instrumentalak sustatzaile direlarik, betiere lehenbiziko eta hurrengo eskualdaketetako salmenta prezioak ez badu gainditzen Nafarroan etxebizitzari laguntza publikoa emateari buruzko ekainaren 24ko 8/2004 Foru Legean prezio itunduko etxebizitzetarako ezarritako metro koadro erabilgarriko gehieneko prezioa, eta eskualdaketa horietan lehentasunez erosteko eta atzera eskuratzeko eskubideak ematen bazaizkie Nafarroako Foru Komunitateko Administrazioari, sustapena egiten den herriko udalari edo haien sozietate instrumentalei. Baldintza hori ez da aplikatuko esku-hartze orokorreko proiektuak ukitzen duen eremuko beste finka batzuekin trukea egiten denean.

b) Kontrataren eta proiektua egin eta obra zuzentzeko ordainsarien aurrekontuen % 20 gehienez, dotazioetarako izanen diren eraikinetarako, barneko urbanizazio obretarako, eremu libreak egokitzeko, egoiliarrentzako aparkalekuak egiteko, hiri altzariak jartzeko eta esku-hartze orokorra kudeatzen dutenei ordaintzeko.

Esku-hartze orokorreko proiektu horien kontrataren aurrekontuek eta ordainsariek, batera hartuta, ezin izanen dute gainditu bizileku-eraikin berriak egiteko edo halako eraikinak zaharberritzeko obren aurrekontuen batura. Laugarren zenbaki honetan aipatzen diren laguntzak honela ordainduko dira: % 50, obretan eta ordainsarietan egin beharreko inbertsioaren % 50 egin dela frogatu eta gero, eta gainerakoa obra amaitutakoan, jarduketa eta gastua baimentzen dituen ebazpenean ezartzen den moduan. Jarduketa horietan ezin izanen dira aplikatu Foru Dekretu honen 78. artikuluan eta horrekin bat datozenetan aurrekontu babesgarriari edo kostuari ezarritako mugak. Etxebizitza horien lehenbiziko eta hurrengo eskualdaketetan, salmenta prezioa, metro koadro erabilgarriko prezioa alegia, obrak amaitzen direnetik hogeita hamar urte iragan arte, ez da izanen prezio itunduko etxebizitzen metro koadro erabilgarriko gehieneko prezioa baino handiagoa. Eskualdatze horietan lehentasunez erosteko eta atzera eskuratzeko eskubide konbentzionala emanen zaie Nafarroako Foru Komunitateari, jarduketa egiten den herriko udalari edo Ingurumen, Lurraldearen Antolamendu eta Etxebizitza Departamentuak berariaz izendatzen duen sozietate instrumentalari.

1. Lehentasunez zaharberritu beharreko eremuetan alokairurako jarduketa babesgarriak sustatzen direnean, lehendik errentamendua egon dela frogatu beharko da, Pertsona Fisikoen Errentaren gaineko Zergarako aitorpena edo kontratu berria aurkeztuz. Bi kasuetan, urteko errenta, etxebizitzaren metro koadro erabilgarri bakoitzeko, behin-behineko kalifikazioa eskatzen den unean (edo kontratua egiten den unean, kalifikazioaren ondoren egiten bada) indarra duen modulu ponderatugabearen % 7,8 izanen da gehienez ere.

89. artikulua. Alokatzeko diren eraikin eta etxebizitzak zaharberritzeko dirulaguntzak.

1. Etxebizitza errentan ematen badute, zaharberrikuntzen sustatzaileek ondoko dirulaguntzak jaso ahal izanen dituzte:

Lehentasunez zaharberritu beharreko eremuetan, eraikina 50 urtetik gorakoa bada eta urteko errentak muga hau gainditzen ez badu: modulu ponderatugabearen % 7,8 etxebizitzaren metro koadro erabilgarri bakoitzeko.

% 40, ez baldin badu gainditzen modulu ponderatuaren % 26 etxebizitzaren azalera erabilgarriaz ( gehienez) biderkatuta ateratzen den zenbatekoa.

Gutxienez 50 urte dituzten eraikin eta etxebizitzetan, ondoko hiru kasuetan, urteko errentak muga hau gainditzen ez badu: modulu ponderatugabearen % 6 etxebizitzaren metro koadro erabilgarri bakoitzeko.

Deialdi publikoaren bidez adjudikatua denean, behin-behineko kalifikazioa ematerakoan I.L.A.E. Departamentuak onetsitako baremoa erabiliz,

Alokairuko etxebizitzen poltsan sartuta dagoenean,

Errentamendu kontratuak 1985eko maiatzaren 9a baino lehenagotik indarra duela frogatzen denean.

% 22, aipatu modulu ponderatuaren % 14 gainditzen ez badu (gehienez ).

Lauki honetan aipatutako hiru kasuetatik kanpo,

% 14, aipatu modulu ponderatuaren % 12 gainditzen ez badu (gehienez ).

50 urtetik beherako eraikin eta etxebizitzetan, aurreko laukian aipatutako hiru kasuetan.

% 11, aipatu modulu ponderatuaren % 7 gainditzen ez badu (gehienez ).

Aurreko laukian aipatutako hiru kasuetatik kanpo,

% 7, aipatu modulu ponderatuaren % 12 gainditzen ez badu (gehienez ).

2. Dirulaguntza jaso ahal izateko beharrezkoa da lehendik dagoen errentamendua frogatzea, edo errentamendu berrien kontratuak aurkeztea, behin betiko kalifikazioa ematen denetik urtebete iragan aurretik. Errentaturiko etxebizitzek horrela iraun beharko dute 5 urtean gutxienez. Hutsik geratzen badira, sustatzaileak aukeran izanen du berriz alokatzea, dirulaguntza itzultzea edo alokairuko etxebizitzen poltsa kudeatzen duen foru sozietate publikoaren erregistroan inskribatzea. Errentamendurik ez dagoela ulertuko da baldin eta sustatzaile errentatzaileak Pertsona Fisikoen Errentaren gaineko Zergarako aurkeztutako aitorpenetan higiezinen errentamenduaren bidezko dirusarrerarik agertzen ez bada.

3. Zaharberrikuntzaren behin betiko kalifikazioa jaso eta hurrengo 10 urteetan etxebizitza zaharberrituak errentatzen dituzten sustatzaile publikoek alokairuaren zenbatekoa adinako dirulaguntza jaso ahal izanen dute, baldin eta etxebizitzaren metro koadro erabilgarriko urteko prezioa modulu ponderatu aplikagarriaren % 3tik gorakoa ez bada eta errentariaren famili dirusarrera ponderatuak IPREM halako 1,4 baino handiagoak ez badira.

90. artikulua. Etxebizitzak zaharberritzeko asmoz erosteko dirulaguntzak.

1. Etxebizitzak eskuratzeko jarduketa babesgarritzat joko da zaharberritzeko asmoz eraikin edo etxebizitza bat erostea, baldin eta zaharberrikuntza babestuaren behin-behineko kalifikazioa duten obrak urtebeteko epean hasten badira, eraikin edo etxebizitza eskuratzeko eskritura publikoa egiten den egunetik hasita. Obrak epe horretan hasten ez badira, jasotako laguntza ekonomikoa itzuli beharko da, eman zenetik sortutako legezko korrituekin batera.

2. Eraikin edo etxebizitza eskuratzeko prezioa, zaharberritzeko obren kostua eta eraikin edo etxebizitza zaharberrituaren salmenta prezioa batuz ateratzen den emaitzak ezin izanen ditu gainditu muga hauek, etxebizitzaren metro koadro erabilgarri bakoitzeko:

a) Modulu ponderatu aplikagarria bider 1,3.

b) Etxebizitzak eranskinak baldin baditu, espedientearen behin-behineko kalifikazioa eskatu zenean eranskinaren metro koadro erabilgarri bakoitzeko indarra zuen modulua bider baldin eta zaharberrikuntzaren aurrekontu babesgarria 15.000 eurotik gorakoa bada etxebizitza bakoitzeko.

3. Norberak erabiliko duen etxebizitza erosten denean zaharberritzeko asmoz, erosle edo sustatzaileek dirulaguntza hauek jaso ahal izanen dituzte, beren famili dirusarrera ponderatuen arabera:

IPREM-EKIN ALDERATUTA PORTZENTAJEA

IPREM halako 1,5 baino gutxiago % 14

IPREM halako 1,5-2,5 % 10

IPREM halako 2,5-3,5 % 6

a) Dirulaguntzaren portzentaje horiek etxebizitza zaharberrituaren salerosketa kontratuetan ageri den prezioari aplikatuko zaizkio, edo bestela erosketa prezioaren eta zaharberritze obretarako aurrekontu babesgarriaren baturari, norberak erabiliko duen etxebizitza sustatzen den kasuetan.

b) Laguntza horiek kalkulatzerakoan azalera hauek hartu ahal izanen dira kontuan, gehienez ere: erabilgarri etxebizitzan, eta erabilgarri edozein motatako eranskinetan. Famili unitateko kideak 5 edo gehiago direnean, etxebizitzan erabilgarri hartu ahal izanen dira kontuan, gehienez.

4. Zaharberritu eta alokatzeko asmotan eraikin edo etxebizitza bat eskuratzen denean, etxebizitzaren eskuraketa balioaren eta zaharberritzeko obraren aurrekontu babesgarriaren baturaren % 12ko dirulaguntza emanen da, Foru Dekretu honen 78. artikuluan ezarritako mugaraino, baldin eta urteko errenta, etxebizitzaren metro koadro erabilgarri bakoitzeko, kontratua egiterakoan indarra duen modulu ponderatugabearen % 7,8 baino txikiagoa bada. Dirulaguntza hori ordaindu aurretik beharrezkoa da jarduketari behin betiko kalifikazioa ematea eta errentamendu kontratuak ikus-onestea.

91. artikulua. Gizarte integrazioko etxebizitzak zaharberritzeko dirulaguntzak.

1. Gizarte integrazioko etxebizitzak zaharberritzeko jarduketa babesgarriak Foru Dekretu honen IV. kapituluan xedatutakoari lotuko zaizkio, salbuespen hau kenduta: etxebizitza eskuratzen denetik bost urteko epean, etxebizitzaren antzinatasuna edozein dela ere, berrogeita hamar urtetik gorako eraikinetarako ezarritako dirulaguntza emanen da. Zaharberrikuntzaren sustatzaileak, horretarako, etxebizitzak gizarte integrazioko araubidea duela egiaztatzeko ziurtagiria eskatu ahal izanen dio Etxebizitza Zerbitzuari, sustatzailearen beraren izenean.

2. Gizarte integrazioko etxebizitzen eskuratzaileek, Foru Dekretu honen 43. artikuluan honelako jarduketa babesgarrietarako ezarritako baldintzak betetzeari utzi ez badiote, halako etxebizitzak eskuratzaileen egoerara egokitzeko beharrezkotzat jotzen den zaharberrikuntzaren kostuaren % 50eko dirulaguntza jasotzeko eskubidea izanen dute. Horri dagokionez, inoiz ere ezin izanen dira gutxieneko dirusarrerak eskatu. Aurrekontu babesgarria 4.000 eurokoa izanen da gutxienez, eta etxebizitzaren erosketa prezioaren % 50 baino txikiagoa izanen da. Laguntza hori Nafarroako Gobernuak zaharberrikuntzarako ematen duen beste edozeinekin bateraezina izanen da. Ordainketa aurreratuak egin ahal izanen dira.

3. Etxebizitza zaharberritzeko dirulaguntza arruntaren xede ez den obra-zatiari dagokionez, Nafarroako Gobernuak, Nafarroako Gizarte Ongizatearen Institutuaren bidez, dirulaguntza eman ahal izanen du proiektuaren egilearen ordainsarietarako eta Udalaren obra lizentziarako, zaharberrikuntzaren kostu osoaren % 10eko muga gainditu gabe.

92. artikulua. Eraispenetarako dirulaguntzak.

1. Dirulaguntza eman ahal izanen da lehentasunez zaharberritu beharreko eremuetan eraikinak eskuratzeko, eraikin horiek eraitsi beharra dagoenean, antolamenduz kanpo egoteagatik edo hiri inguru nahiz eraikin degradatuetan bizitzeko baldintzak hobetzearren. Dirulaguntza horren onuradun izanen dira hirigintzako aprobetxamendurako eskubidearen titular diren pertsona fisiko edo juridikoak, eraikinak eraisteko kostuak beren gain hartzen badituzte eta haien hirigintzako aprobetxamenduari uko egiten badiote. Dirulaguntza zehazteko oinarri gisa, kontuan hartuko dira eraispenaren kostua eta aipatutako ukoaren balorazioa.

2. Dirulaguntzaren zenbatekoa hauxe izanen da: indarra duen modulu ponderatuaren % 25 bider deuseztatu beharreko azalera eraikia, lehentasunez zaharberritu beharreko eremu deklaratutako herrigune historiko batean egiten bada jarduketa babesgarria, betiere, planeamenduak berreraiketa eragozten duenean.

3. Eraispena erdigune historikoetan denean eta 50 urte baino gehiagoko eraikinak ukitzen dituenean, Lehentasunez Zaharberritzeko Eremuak ez baldin badira artikulu honen 2. puntuak aipatzen duen portzentajea 100eko 20ra jaitsiko da.

93. artikulua. Dirulaguntza osagarriak, hondamendi naturalek ukitutako eremuetan etxebizitzak zaharberritzeko.

Nafarroako Gobernuak hondamendi naturalen eraginpeko eremu deklaratzen dituen herrietako etxebizitzak, deklarazioaren ondoko urtebeteko epean atxikitzen bazaizkio etxebizitzak zaharberritzeko laguntza araubideari, dirulaguntza osagarria jasoko dute, proiektua egin eta obrak zuzentzen dituzten fakultatiboen ordainsariak adinakoa, baldin eta ukituen famili dirusarrera ponderatuak IPREM halako 3,5 baino gehiago ez badira. Deklarazio hori berariaz egin ahal izanen da, edo inplizituki, Nafarroako Foru Komunitateko aurrekontuetan berariazko kontusailak sartuz.

94. artikulua. Zaharberritzeko mailegu kualifikatuak.

Zaharberritze jarduketa hauetarako maileguek Foru Dekretu honen 64. artikuluan eta horrekin bat datozenetan mailegu kualifikatuei eskatutako ezaugarriak eduki beharko dituzte, ondoko zehaztapenez gain:

1. Maileguen zenbatekoa aurrekontu babesgarri osoa adinakoa izan ahalko da, dirulaguntzaren zenbatekoa kenduta.

2. Amortizazio epea gutxienez bost urtekoa eta gehienez hogeita hamabostekoa izanen da, eta gabealdia gehienez ere hogeita hamar hilabetekoa.

3. Kreditu entitate mailegu-emaileek eskatzen duten moduan bermatuko dira maileguak.

95. artikulua. Zaharberritzeko maileguak sustatzailearendako.

1. Jarduketa babesgarrien sustatzaileek mailegu kualifikatuak eskatu ahal izanen dizkiete kreditu entitateei, eskatzaileak finantzatu behar duen aurrekontu babesgarria, dirulaguntza kenduta, 6.000 eurotik gorakoa denean etxebizitza bakoitzeko. Betiere Foru Dekretu honen 64. artikuluan eta horrekin bat datozenetan ezarritako baldintzak bete behar dira.

2. Maileguak baliatzeko egutegia itundu ahal izanen da entitate mailegu-emailearekin. Behin betiko kalifikazioaren egunean edo lehenago hasiko da amortizazioaldia, mailegu-hartzaileak eta mailegu-emaileak besterik itundu ezean. Mailegua formalizatu eta biharamunetik hasita sei hilabete iragan baino lehen erabili beharko dute sustatzaileek maileguaren lehen zatikia. Gainerako zatikiak erabiltzeko, batetik bestera ezin izanen da lau hilabete baino gehiago iragan, salbu eta bidezko arrazoia izaten bada. Mailegu kualifikatua aipatu epeetan erabiltzen ez bada, bidezko arrazoia izan ezik, haren iraungipena deklaratu ahal izanen da, administrazio prozedura arautzen duen legeriari jarraituz. Espedientea behin-behinean kalifikatzen denetik eskatu ahal izanen dira mailegu kualifikatuak, harik eta behin betiko kalifikazioaren egunetik (obra amaierako eginbidean ageri dena) sei hilabete iragan arte.

96. artikulua. Eraikin edo etxebizitzak zaharberritzeko asmoz erosteko mailegu kualifikatuak.

Eraikin edo etxebizitzak zaharberritzeko asmoz erosteko maileguen gehieneko zenbatekoa honakoa izanen da: behin-behineko kalifikazio zedula ematen den egunean indarra duen modulu ponderatu aplikagarriaren % 104 etxebizitzaren metro koadro erabilgarri bakoitzeko, eta modulu horren % 41,6 eranskinen metro koadro erabilgarri bakoitzeko.

97. artikulua. Zaharberrikuntzarako laguntzen eskabideak izapidatzea.

1. Zaharberrikuntzaren arloko jarduketetarako laguntza ekonomikoen eskabideak, eraikina erosi edo ez, Ingurumen, Lurraldearen Antolamendu eta Etxebizitza Departamentuak onetsitako eredu ofizialei jarraituz eginen dira, bai eta behin-behineko kalifikazioaren eskabideak ere.

2. Departamentuak ofizioz bultzatuko ditu dirulaguntza emateko izapideak. Aurretik egiaztatu eginen du obrak amaitu direla, amaierako eginbidearen bitartez.

3. Espedienteak ebazteko modua eta epea Foru Dekretu honen 8. artikuluan ezarritakoari lotuko zaizkio.

98. artikulua. Zaharberritzeko dirulaguntzak nola jaso.

1. Zaharberrikuntzaren behin-behineko kalifikazio zedula eman eta obrak amaitu ondoren, Ingurumen, Lurraldearen Antolamendu eta Etxebizitza Departamentuak obra amaitu dela egiaztatzeko eginbidea jarriko du zedulan bertan, eta horrek espedientea behin betiko kalifikatzearen ondorioak izanen ditu.

2. Aldez aurretik, behin-behineko kalifikazioaren eskabidearekin batera, agiri hauek aurkeztu beharko dira:

a) Eskatzaile guztiei dagozkien errenta aitorpenak, Foru Dekretu honen 6. artikuluan xedatutakoaren arabera.

b) Eraikina lehentasunez zaharberritu beharreko eremuan badago, egoera horren egiaztagiria.

VI. KAPITULUA. Bestelako jarduketa babesgarriak

1. saila. Etxebizitza erabilien alokairuaren sustapena

99. artikulua. Nafarroako Gobernuak etxebizitza erabilien alokairuaren merkatuan esku hartzea.

1. Nafarroako Gobernuak etxebizitza erabilien alokairua sustatuko du higiezinen merkatuan, kapitulu honetan xedatutakoari jarraituz.

2. Maizterren bizileku ohikoa eta jarraitua izanen diren etxebizitzak alokatzeko jarduketei aplikatuko zaizkie kapitulu honetako arauak, hiri errentamenduei buruzko legerian jasotako kasuetan. Kanpo geldituko dira sasoikako errentamenduak eta azaroaren 24ko 29/1994 Legean etxebizitzak alokatzeko ezarritako epea baino laburragoa duten gainerakoak.

100. artikulua. Sozietate instrumentalen bidezko errentamendua.

1. VINSA sozietate publikoak alokairuko etxebizitzak kudeatuko ditu, eta Nafarroako Gobernuak zeregin hori ezartzen dien beste sozietate instrumentalek ere bai, ondoko irizpide hauei jarraituz:

a) Alokairuko etxebizitzen poltsan sartu ahal izanen dira bizigarritasun zedula duten etxebizitza erabiliak, eskabidea aurkeztu aurretik urtebete baino gehiago hutsik egon badira. Baldintza hori betetzen dela egiaztatzeko, Nafarroan etxebizitzari babes publikoa emateari buruzko ekainaren 24ko 8/2004 Foru Legearen 42. artikuluan aipatzen diren bideak erabili ahal izanen dira. Alokairu poltsa horretan sartu ahal izanen dira, halaber, jabeek sozietate instrumentalei eskaintzen dizkieten etxebizitza babestuak. Jabeak gutxienez bost urte eta sei hilabeterako lagako dio etxebizitza sozietate instrumentalari, honek pertsona fisikoei alokatu diezaien.

b) Ezarritako epea amaiturik, sozietate instrumentalak etxebizitza jabeari itzuliko dio, jaso zueneko egoera berean eta maizterrik gabe, salbu eta jabea maizterra onartzeko ados agertzen denean.

c) Sozietate instrumentalak etxebizitza alokatzeko prezioa ordainduko dio jabeari, aurretiaz berarekin itundutako prezioa alegia, 5 urte eta 6 hilabetean, edo hiri errentamenduei buruzko legerian ezarritako gutxieneko aldian eta sei hilabete gehiagotan. Hauek izanen dira prezioaren mugak: etxebizitza arloko eskumena duen departamentuak merkatuko prezioei buruz egin edo gainbegiratzen dituen tasazioen emaitza, etxebizitza libreetarako, edo legezko gehieneko prezioa, etxebizitza babestuetarako.

d) Sozietate instrumentalak ez du babes ofizialeko etxebizitzetarako ezarrita dagoen preziotik gorako errenta kobratuko. Alokairu poltsako etxebizitzak eskuratzen dituzten pertsonek, halaber, babes ofizialeko etxebizitzak eskuratzeko ezarritako baldintzak bete beharko dituzte, ezertan ukatu gabe Nafarroan Etxebizitza Izateko Eskubideari buruzko maiatzaren 10eko 10/2010 Foru Legearen bigarren xedapen gehigarrian ezarritakoa.

e) Nafarroako Gobernuak dirulaguntza emanen die famili dirusarrera ponderatuak IPREM halako 1,7 baino txikiagoak eta 3.000 eurotik gorakoak dituzten maizterrei. Errentaren portzentaje hauek ordainduko dizkie:

Famili dirusarrera ponderatuak IPREM bider 1,4-1 bitartekoak direnean: 25%.

Famili dirusarrera ponderatuak IPREM bider 1-1,4 bitartekoak direnean: 50%.

Famili dirusarrera ponderatuak IPREM baino txikiagoak direnean 75%.

2. Dirulaguntzak urtero berrituko dira. Araubide berezia duten babes ofizialeko etxebizitzak errentamendurako sustatzen direnean erabili beharreko prozeduraren antzekoa erabiliko da horretarako. Dirulaguntza bost urterako berritu ahal izanen da gehienez, VINSAren bidez izapidatzen den lehenbiziko errentamendu-kontratuaren datatik aurrera zenbatuta.

3. Nafarroako Gobernuak sozietate instrumentalari ordainduko dizkio kudeaketarako mandatuan aurreikusten diren kopuruak, merkatuko prezioaren eta araubide orokorreko babes ofiziala duten alokairuko etxebizitzetarako ezarritako gehieneko prezioaren arteko aldea konpentsatzeko, eta errentariei kontzeptu hauengatik deskontatutako kopuruak ere ordainduko dizkio:

a) Dagokien dirulaguntza, halakorik bada.

b) Jabeari etxebizitza laga zuen bezala itzultzeko egin behar diren konponketen zenbatekoa edo, hala tokatzen denean, aseguruaren kostua.

4. Bost urte iragan aurretik errentariak etxebizitza uzten badu, jabeak aukeran izanen du etxebizitza berreskuratzea, laga zueneko egoera fisiko berean, jakinarazpena jasotzen duenetik hiru hilabetera luzeen jota, edo bestela etxebizitza VINSAri lagatzea berriz ere bost urte eta sei hilabeterako.

5. Jabeak sozietate instrumentalaren esku utzi ahal izanen du etxebizitza zaharberritu, konpondu, mantendu edo hobetzeko 12.000 eurotik gorako obrak egitea, etxebizitzak teknikoki onartutako batez besteko kalitate mailak izan ditzan. Hori eginez gero, sozietate instrumentalari gutxienez hamar urte eta sei hilabeterako laga beharko dio etxebizitza, zaharberritze obra amaitzen denetik hasita. Zaharberritze obra burutzeko epea gehienez urtebetekoa izanen da. Sozietateak jabeari ordainketak egin ahala zaharberritze obraren zenbatekoa deskontatuko dio.

2. saila. Bioklimatismoaren sustapena

101. artikulua. Etxebizitzen arkitektura bioklimatikorako laguntzetarako oinarriak eta betebeharrak.

1. Nafarroako Gobernuak etxebizitzen arkitektura bioklimatikorako oinarrien aplikazioa sustatuko du, aurrekontuan dagoen diruaren arabera eta arau aplikagarriei jarraikiz.

2. Etxebizitzen arkitektura bioklimatikorako laguntzak jasotzeko baldintza hauek bete beharko dira:

a) Dirulaguntzaren xede den eraikina babes ofizialeko edo prezio tasatuko etxebizitzen araubideari atxikia egotea.

b) Eraikitzea:

b.1) Jatorriz publikoak ziren eta baldintza bioklimatikoak kontuan hartuz adjudikatu diren lurretan, Nafarroako Gobernuak edo lurrak laga dituen sustatzaile publikoak adjudikazioaren aurretik egindako azterlan teknikoa oinarri hartuta.

b.2) Jatorriz publikoak ziren eta enpresa instrumentalei zuzenean laga zaizkien lurretan.

b.3) Abenduaren 29ko 14/2000 Foru Legearen 2.1.b) artikuluan xedatutakoa aplikatuta. Lege horrek Sarrigurengo udalez gaindiko planeamendu sektorialak ukituriko eremua besterentzeko prozesua arautzen du.

b.2) eta b.3) ataletako kasuetan, Ingurumen, Lurraldearen Antolamendu eta Etxebizitza Departamentuak zehaztuko ditu sustatzaileari eskatu beharreko baldintza teknikoak, espedientearen behin-behineko kalifikaziorako bete ditzan.

c) Behin-behineko kalifikaziorako aurkezten den proiektuan frogatu egin behar da nahitaez bete beharreko baldintzez gaineko hobekuntza bioklimatikoaren kostua dirulaguntzaren zenbatekoa adinakoa dela, gutxienez. Dirulaguntza eman ahal izanen da honako kontzeptu hauei dagozkien gainkostuetarako:

c.1) Nahitaez bete beharreko oinarrizko araudian eskatzen den isolamendu termikoa baino hobea ezartzea.

c.2) Leiho bikoitzak jartzea, edo tartean gutxienez 12 milimetro lodiko aire kamera duten bi beira plaka jartzea leihoetan, aire kamera meheagoa duten beira plaken ordez.

c.3) Kanpoaldean zubi termikoa hausteko behar diren arotz lanak jartzea.

c.4) Eguzki energiaren kolektoreak jartzea ur bero sanitariorako eta/edo berokuntzarako.

c.5) Eraikinaren barnealdean c.4.) ataleko helburu horietarako aurreinstalazioa egitea.

c.6) Xafletan isolamendu termikoa duten pertsianak jartzea.

c.7) Xafla orientagarriak dituzten pertsianak jartzea argi izpirik sartzen ez uzteko.

c.8) Eguzki energia atzemateko orientatuta dauden begiratokiak instalatzea.

c.9) Elementu komunak argiztatzeko mugimendu-sentsoreak instalatzea.

d) Gainkostua artikulu honetan ezarritako gehieneko zenbatekoa baino txikiagoa bada, behin-behineko kalifikazio zedulan dirulaguntza txikiagoa finkatuko da, gainkostuaren araberakoa. Dirulaguntza hori etxebizitzak behin betiko kalifikatu ondoren ordainduko da.

102. artikulua. Etxebizitzen arkitektura bioklimatikorako laguntzak.

1. Eskatzaileek, aurreko artikuluko baldintzak betez gero, dirulaguntza hau jasotzen ahalko dute, salmenta edo adjudikazio preziotik ezin kendu izanen dena: behin-behineko kalifikazioa eskatzerakoan aplikatu behar den modulu ponderatuaren % 5 etxebizitzaren metro koadro erabilgarri bakoitzeko, eranskinak kontuan hartu gabe.

2. Nafarroako Gobernuak aurreko idatz-zatian ezarri den adinako dirulaguntza emanen die, etxebizitzaren metro koadro erabilgarri bakoitzeko, sozietate instrumentalei, Nafarroako bizileku-eraikinetan egiten dituzten jarduketetan bioklimatismoa sustatzeko obra unitateek sortzen dieten gainkostua ordaintzeko. Dirulaguntza horiek eman daitezen, aurretik proiektu bat onetsi beharko da, neurri bioklimatikoak aurreikusi eta haien kostua baloratzen duena. Kostu hori ez da izanen dirulaguntzaren zenbatekoa baino txikiagoa.

Zenbaki honetan ezarritako dirulaguntzak etxebizitzen eraikuntza bukatutakoan ordainduko dira.

3. Artikulu honetan aipatzen diren bi kasuetan dirulaguntzaren % 50aren ordainketa aurreratu ahal izanen da, eskabidearekin batera agiri hauek aurkezten badira:

a) Behin-behineko kalifikazioaren egiaztagiria, edo proiektuaren onespenarena, artikulu honetako 2. idatz-zatian azaltzen den kasuan.

b) Bermea, hau da, Nafarroako Gobernuko Ekonomia eta Ogasun Departamentuak askietsitako abala edo aseguru kontratua, emandako dirulaguntzaren zenbatekoa estaltzen duena eraikina behin betiko kalifikatu arte. Dirulaguntza eskatzeko dokumentazioan gainkostuaren amaierako likidazioa erantsi beharko da, obra zuzentzen duen arkitektoak sinatua. Likidazio hori behin-behineko kalifikazioan ezarritako dirulaguntza baino txikiagoa bada, dirulaguntza osoa edo zati bat itzuli beharko da, itzuli beharreko kopuruak dirulaguntza eman zen unetik sortu dituen legezko korrituekin batera.

3. saila. 65 urtetik gorako pertsonendako edo pertsona minusbaliatuendako apartamentuak alokairuan

103. artikulua. Baldintzak.

1. 65 urtetik gorakoei edo minusbaliatuei alokatzeko diren apartamentu babestuek Foru Dekretu honetan ezarritako baldintzak bete beharko dituzte, bai eta gizarte zerbitzuen arloko baimen, arau-hauste eta zehapenen araubideari buruzko maiatzaren 23ko 209/1991 Foru Dekretuan ezarritakoak ere.

2. Apartamentu babestu horiek araubide berezia edo araubide orokorra duten babes ofizialeko etxebizitzatzat kalifikatuko dira, eta kasuan kasuko araubideari lotuta egonen dira, atal honetan azaltzen diren berezitasunekin.

3. Apartamentuen azalera erabilgarria konputatzeko, etxebizitza babestuei aplikatu beharreko arau orokorrak erabiliko dira, baina etxebizitzaren azalerari gehitu beharko zaio apartamentuetako gune pribatiboetatik kanpo dauden sukalde, jantoki, egongela eta gainerako gela komunen azaleraren zati proportzionala. Apartamentuek diseinu aldetik babes ofizialeko etxebizitzetarako ezarritako gutxieneko baldintzak bete beharko dituzte.

4. Apartamentuetako maizterrak Foru Dekretu honen 1. eranskinean ezarritakoari jarraituz hautatuko dira. Etxebizitza guztiak izanen dira goian aipatu diren taldeetako pertsonentzat edo gutxienez kide bat talde horietakoa duten famili unitateentzat.

5. 50 urte baino gutxiago dituen eta espaloitik edo kaletik eskailera-mailarik igo gabe iristeko modua duen etxebizitza baten jabe edo halako etxebizitza bat erabiltzeko eskubide errealen titular direnak ezin izanen dira sartu minusbaliatuentzako apartamentu babestuen eskabideak hautatzeko prozesuan.

104. artikulua. 60 urtetik gorakoei edo desgaitasuna dutenei alokatzeko diren apartamentu babestuen sustapena.

1. 60 urtetik gorakoei edo desgaitasuna dutenei alokatzeko diren etxebizitzei buruz atal honetan xedatutakoaren babesean eraikitzen diren eraikinak ondoko laguntzen xede izan ahalko dira, bertako etxebizitzak babes ofizialekotzat kalifikatzen badira:

a) Finantzaketa kualifikatua, foru dekretu honetan kasu bakoitzerako finkatutako baldintzetan.

b) Sustatzailearentzako diru-laguntza. Diru-laguntzaren zenbatekoa hauxe izanen da: behin-behineko kalifikazioa eskatu zenean etxebizitzak saldu izan balira eskatu zitekeen gehieneko prezioaren %23. Behin-behineko kalifikazioan onartuko da diru-laguntza. Abala jarritakoan, diru-laguntzaren %50 ordainduko da behin-behineko kalifikazioarekin batera eta gainerakoa behin betiko kalifikazioarekin batera.

2. Halaber, errentariarentzat aurreikusitako diru-laguntzak emanen dira, foru dekretu honen 60. artikuluan ezarritako baldintzetan. Aurretik araubide orokorreko kalifikazioa jaso duten sustapenetan, diru-laguntza maizterrak ordaindu beharreko errentaren %25ekoa izanen da, betiere haren familiaren diru-sarrera ponderatuak IPREM halako 1,7 baino handiagoak ez badira. Aipatu 60. artikuluan ezarritako prozeduraren bidez tramitatuko da diru-laguntza.

3. Gizarte gaietan eskumena duen departamentuak berariazko diru-laguntza eman ahal izanen du proiektua egin eta obra zuzentzen dutenen ordainsarietarako, bere araudiari jarraituz.

4. Artikulu honetan ezarritako laguntzak eskuratu ahal izateko baldintza hauek bete beharko dira:

a) Egiten den eraikinaren xedea errentamendua edo erabileraren lagapena izatea. Obra berria egiten ari dela adierazteko eta jabetza horizontalean banatzeko eskrituran betebehar gisa ezarriko da eraikinaren xedea alokairua izanen dela harik eta beraren babes araubidearen indarraldia amaitu arte. Eskritura hori erregistroan inskribatu beharko da. Honako baldintza hau bete beharko da behin betiko kalifikazio zedula eskuratzeko.

b) Erabiltzaileen familien diru-sarrera ponderatuak IPREM halako 4,5 baino txikiagoak izatea.

4. saila. Beste bizileku eta zerbitzu batzuk

105. artikulua. Zerbitzu komunak dituzten apartamentuak.

1. Zerbitzu komunak dituzten apartamentuak sustatzen direnean 65 urtetik gorakoentzat eta minusbaliatuentzat, apartamentu horien erosleek, famili dirusarrera ponderatuak IPREM halako 3,5 baino handiagoak ez badituzte, dirulaguntza hau eskatu ahal izanen dute: araubide orokorreko babes ofiziala duten etxebizitzatzat kalifikatu izan balira apartamentuok izanen luketen gehieneko salmenta prezioaren % 20, apartamentuaren azalera erabilgarriko metro koadroei eta zerbitzu komunetarako azalera egokiaren zati proportzionalari aplikatuta. Ingurumen, Lurraldearen Antolamendu eta Etxebizitza Departamentuak zehaztuko du zein den azalera egokia, eskainiko diren zerbitzuak eta hartzaileen beharrak kontuan izanik. Laguntza horiek eman daitezen beharrezkoa izanen da erosleak foru dekretu honen hogeita bigarren xedapen gehigarrian xedatutakoari jarraituz hautatzea, 3. zenbakia salbu, zenbaki horretan aipatzen diren 15 puntuak banatzerakoan errenta txikienak lehenetsiko baitira. Errentaren gutxieneko mugak ezarri ahal izanen dira.

2. Zerbitzu komunak dituzten apartamentu hauen sustapenetako baldintza teknikoak eta eraikuntzazkoak araubide orokorra duten babes ofizialeko etxebizitzei aplikatzen zaizkienak berak izanen dira. Zerbitzu komunek bizileku-eraikinetan suteei eta gainerako arriskuei aurrea hartzeko oinarrizko araudia bete beharko dute.

3. Zerbitzu komunetan honakoak sartu ahal izanen dira: sukaldea edo janariak prestatzeko zerbitzua, jantokia, liburutegia, bilera aretoa, aisiarako eremua, kontsultategia, aparkalekua eta beste batzuk, Ingurumen, Lurraldearen Antolamendu eta Etxebizitza Departamentuak egoki eta beharrezkotzat jotzen baldin baditu.

106. artikulua. Beste bizileku-prestazio batzuk.

Araubide berezia duten babes ofizialeko etxebizitzak, egoitzak eta babespeko apartamentuak sustatzen direnean 65 urtetik gorakoentzat edo minusbaliatuentzat, bai eta gazteei alokatzeko etxebizitzak sustatzen direnean ere, sustapenaren xedea hedatu edo aldatu ahal izanen da, IPREM halako 2,5 baino gutxiagoko famili dirusarrera ponderatuak dituzten pertsonei bestelako bizileku-prestazioak emate aldera. Betiere hiru baldintza hauek bete behar dira:

1. Espedientea behin betiko kalifikatu zenetik 5 urte baino gehiago igaro izana.

2. Sustapenaren izaera mantentzea, hau da, nagusiki etxebizitzen sustapena izatea.

3. Ingurumen, Lurraldearen Antolamendu eta Etxebizitza Departamentuak hedapen edo aldaketaren proiektua onestea.

Lehenengo Xedapen Gehigarria. Eremu geografikoak.

Nafarroako udalerri guztiak eremu geografiko bakarrean sartzen dira, foru dekretu honen ondorioetarako.

Bigarren Xedapen Gehigarria. Eranskinek etxebizitza babestuekin duten lotura.

Etxebizitza babestuei lotutako eranskinak haietatik askatu ahal izanen dira eta dagokien prezio babestuan besterendu, horrela behar adinako lekua lortzen bada igogailuak instalatu ahal izateko edo oztopo arkitektonikoak gainditzea ahalbidetuko duten beste gune komun batzuk atontzeko. Horrek ez du esan nahi behar diren baldintzak bete eta baimenak eskatu behar ez direnik.

Hirugarren Xedapen Gehigarria. Etxebizitza babestuei loturik ez dauden finkak noiz saldu daitezkeen.

Nafarroan etxebizitzari babes publikoa emateari buruzko ekainaren 24ko 8/2004 Foru Legean ezarritako baremoa aplikatuz adjudikatu ez diren etxebizitza babestuen sustatzaileek, etxebizitza horiei loturik ez dauden finkak saldu nahi badizkiete etxebizitzen erosleei, etxebizitzen salerosketa edo adjudikazio kontratuak ikus-onetsi arte itxaron beharko dute finka horiek saltzeko edo salmenta konpromisoa egiteko.

Laugarren Xedapen Gehigarria. Laguntza ekonomikoen hartzaileen betebehar fiskalak.

Foru Dekretu honetan ezarritako laguntza ekonomikoen onuraduna Foru Ogasun Publikoaren zordun bada, ez zaio laguntzarik ordainduko harik eta zorra kitatu dela egiaztatu arte.

Bosgarren Xedapen Gehigarria. Foru dekretu honetan ezarritako laguntzen bateragarritasuna.

Foru dekretu honetan ezarritako laguntzak bateragarriak dira Nafarroako Gobernuak edo beste administrazio publiko batzuek ezarritako beste edozein laguntzarekin.

Seigarren Xedapen Gehigarria. Lehentasunez edo eskaintza bidez erosteko eskubidea erabiltzea.

Lehentasunez erosteko eskubidea, Nafarroan etxebizitzari babes publikoa emateari buruzko ekainaren 24ko 8/2004 Foru Legean ezarria, eta eskaintza bidez erosteko eskubidea erabili ahal izateko, beharrezkoa izanen da aurretiaz Ingurumen, Lurraldearen Antolamendu eta Etxebizitza Departamentuak ebazpena ematea. Bide horietatik eskuratutako etxebizitza babestuen adjudikaziodunek foru dekretu honetan ezarritako laguntzak lortu ahal izanen dituzte, etxebizitza lehenbiziko eskualdaketan eskuratzen dutenei eskatzen zaizkien baldintzak betez gero.

Zazpigarren Xedapen Gehigarria. Laguntza ekonomikoen itzulketen kalkulua.

Nafarroako Gobernuaren laguntza ekonomikoak edozein arrazoirengatik itzultzen direnean, itzuli beharreko kopurua atzerapen-korritu tasaren arabera handituko da, Nafarroako Ogasun Publikoari buruzko abenduaren 26ko 8/1988 Foru Legearen 19.2 artikuluan, edo lege hori ordezten duen arauan, agindutakoari jarraikiz. Tasa hori korritu bakun gisa aplikatuko da laguntza ematen denetik.

Zortzigarren Xedapen Gehigarria. Erosi edo alokatu ahal izateko gutxieneko dirusarrerak eguneratzea.

Ingurumen, Lurraldearen Antolamendu eta Etxebizitza kontseilariaren foru aginduen bidez, aldian behin eguneratu eta egokitu ahal izanen da etxebizitza babestuak erosi edo alokatu ahal izateko gutxieneko dirusarreren zenbatekoa, modulu ponderatuaren bilakaera eta etxebizitza babestuak jasotzeko eskaria kontuan izanik.

Bederatzigarren Xedapen Gehigarria. Lehentasunez zaharberritu beharreko eremuak.

Honako herrigune historikoak dira lehentasunez zaharberritu beharrekoak: Iruñekoa, parte zahar guztian, Tuterakoa, Vianakoa, Lizarrakoa, Cintruenigokoa, Corellakoa eta Tafallakoa, baita Ingurumen, Lurraldearen Antolamendu eta Etxebizitza Departamentuak berariaz deklaratzen dituenak ere, bakoitza bere plan bereziaren esparruan.

Hamargarren Xedapen Gehigarria. Etxebizitza babestuen azalera erabilgarriaren konputua.

Etxebizitza babestuen azalera erabilgarria martxoaren 22ko 142/2004 Foru Dekretuaren 2. eranskineko 21. artikuluan xedatutakoari jarraituz neurtuko da ondorio guztietarako, baita gehieneko prezioak aplikatzeko ere.

Hamaikagarren Xedapen Gehigarria. Mailegu kualifikatuen subsidiazioaren sistema berriz ezarri ahal izateko baldintzak.

Ingurumen, Lurraldearen Antolamendu eta Etxebizitza Departamentuak mailegu kualifikatuen subsidiazioaren sistema berriz ezarri ahal izanen du neurri hori egokitzat jotzen duenean, kontuan izanik hipoteka-maileguen korritu tasen bilakaerari buruzko bi urtean behingo azterketak, higiezinen merkatuarekin zerikusia duten baldintza sozioekonomikoak eta aurrekontuko baliabideak.

Hamabigarren Xedapen Gehigarria.

Hamahirugarren Xedapen Gehigarria. Elkarren ondoko etxebizitzak elkartzea familia ugariei etxebizitza egokia emateko.

Sustapenaren taxuera arkitektonikoak aukera ematen duenean, Ingurumen, Lurraldearen Antolamendu eta Etxebizitza Departamentuak sustatzaileari eskatu ahal izanen dio elkarren ondoko etxebizitzak elkartu ditzan, etxebizitza baterako baimendutako azalera erabilgarria baino handiagoa behar duten familia ugariei etxebizitza egokia esleitu ahal izateko, horretarako aurkeztutako eskaerak ikusirik. Halakoetan, etxebizitza baten baino gehiagoren adjudikaziodunak etxebizitza horietako bakoitzari bereiz zegozkiokeen laguntza ekonomiko guztiak jaso ahal izanen ditu.

Hamalaugarren Xedapen Gehigarria.

Hamabosgarren Xedapen Gehigarria. Zaharberrikuntza babestuaren xede diren etxebizitza-eraikinetan igogailuak jartzeko irizpide teknikoak.

Ingurumen, Lurraldearen Antolamendu eta Etxebizitza Departamentuak irizpide teknikoak onetsi ahal izanen ditu, zaharberrikuntza babestuaren xede diren etxebizitza-eraikinetan igogailuak jartzeko araudiaren aplikazioari buruzkoak. Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 189. artikuluan ezarritakoari dagokionez, igogailua jartzea ez da eraikuntzatik aparteko instalazioa izanen eta, beraz, ez du lehenengoz erabiltzeko lizentziarik beharko. Oztopo fisiko eta zentzumenezkoei buruzko uztailaren 11ko 4/1988 Foru Legea aldatzen duen martxoaren 25eko 22/2003 Foru Legean xedatutakoa aplikatu behar ez zaien eraikinetan, igogailua eskailera erdiko zuloan jartzen bada, hutsune hori osorik okupatu ahal izanen da, teknikoki beharrezkoa izanez gero.

Hamaseigarren Xedapen Gehigarria.

Hamazazpigarren Xedapen Gehigarria. Aurreikuspen bereziak kategoria bereziko familia ugarietako ezkontideentzat.

Alargunen, epai bidez bananduen, dibortziatuen edo harreman afektiboa hautsi duten pertsonen kasuan, banantzea, dibortzioa edo harremanen haustura gertatu zenean jada kategoria bereziko familia ugaria bazuten, Foru Dekretu honetan aurreikusitako laguntza publikoak eta etxebizitza babestuak lortzeari dagokionez, seme-alabak aldi berean egonen dira ondoan dituen pertsonaren famili unitatean eta beste pertsonarenean, baldin eta auzitegian jasorik badago bisiten araubidea, eta azken pertsona horrekin hilabete baino gehiago bizi izan badira.

Hemezortzigarren Xedapen Gehigarria. Entitate laguntzaileek dirulaguntzei buruzko legeria orokorrean ezarritako baldintzak bete beharra.

Foru dekretu honetan arautzen diren dirulaguntzen kudeaketarako entitate laguntzaileek Nafarroako Foru Komunitateko dirulaguntzei buruzko legeria orokorrean ezarritako baldintzak bete behar dituzte, bai hitzarmenak sinatzeari buruzkoak eta bai nahitaez bete beharreko gainerakoak ere.

Hemeretzigarren Xedapen Gehigarria. Modulu ponderatuaren kalkulua.

Foru dekretu honen 7. artikuluan ezarritakoaren ondorioetarako, Nafarroako Foru Komunitateak materialen eta laneskuaren prezioen aldaketak kalkulatzeko sistema berezirik ez duen bitartean, Estatuko Administrazioak prezioen berrikuspenari begira argitaratzen dituen datuak erabiliko dira, E, Zm, S, Zr eta Z letrekin seinalatutako materialetarako. Laneskuari buruzko datuak, berriz, Estatistikaren Institutu Nazionalak argitaratzen duen Lan Kostuen Inkestatik aterako dira, edo Nafarroako eraikuntza sektoreko hitzarmen kolektiboen bilakaeratik ondorioztatuko dira.

Hogeigarren Xedapen Gehigarria. Familia bakarreko etxebizitza babestuetarako baldintza bereziak.

1. Familia bakarreko etxebizitza babestuei lotutako lokal guztien azalera erabilgarrien batura honakoa izanen da gehienez:

a) babes ofizialeko etxebizitzetan, edo , familia ugariek sustaturiko etxebizitzak direnean.

b) prezio tasatuko etxebizitzetan, edo , familia ugariek sustaturiko etxebizitzak direnean.

c) prezio tasatuko etxebizitzetan.

2. Familia bakarreko etxebizitzen sustapenetan lokal guztiak erregistroan etxebizitzei lotu beharko zaizkie eranskin gisa, eta honako baldintzak beteko dituzte:

a) Beheko oinetan, sotoetan edo erdisotoetan egonen dira.

b) baino gehiago dituen eranskin orok zuzeneko sarbidea eduki beharko du kanpotik, dela eremu publikotik, dela horren ondoko eremu libre batetik.

c) Lokalen altuera librea 2,40- bitartekoa izanen da, hirigintzako planeamenduan beste altuera batzuk eskatzen ez badira.

3. Familia bakarreko etxebizitzetan sarrerako eskailera eta atariak ez dira etxebizitzaren azalera erabilgarritzat konputatuko. Gehienez zabal izanen dira. Atariak gehienez 12 m²-ko azalera izanen du.

4. Garajeko aparkalekurako sarbideek berariazko araudian eraikuntzari eta gehieneko maldari buruz ezarritako baldintzak beteko dituzte eta gehienez 15 m²-ko azalera izanen dute.

5. Garaje eta trastelekuez gain, etxebizitzari beste eranskin batzuk lotu ahal izanen zaizkio, hala nola nekazaritzako edo artisau lanetako lokalak, betiere guztizko azalera erabilgarriaren eta azalera eraikiaren gehieneko mugak gainditu gabe.

Hogeita batgarren Xedapen Gehigarria. Mugitzeko minusbaliotasun larria duten pertsonentzat erreserbatutako etxebizitza babestuak.

Mugitzeko minusbaliotasun larria duten pertsonentzat gorde beharreko etxebizitzak hanketan gutxienez % 40ko ezintasuna duten pertsonek eskuratuko dituzte. Irisgarritasunari buruzko berariazko araudian ezarritakoaz gainera, gutxieneko baldintza hauek bete beharko dituzte:

1. Mugitzeko minusbaliotasun larria duten pertsonentzat egokitutako etxebizitzak beheko solairuan egonen dira lehentasunez, hirigintzako planeamenduak aukera ematen badu. Bestela igogailua edo arrapala izanen dute, oztopo arkitektonikoei buruzko araudian ezarritako gutxieneko baldintzak betetzen dituztenak.

2. Sustapenean aparkatzeko plazak sartzen badira, minusbaliatuentzako etxebizitza bakoitzeko plaza batek neurri hauek izanen ditu gutxienez: zabal eta luze. Banakako garajeetarako, gutxieneko neurriak hauek izanen dira: zabal eta luze.

3. Etxebizitzako gela guztiak eta gainerako guneak, terrazak eta arroparen esekitokiak barne, gurpil-aulkian ibili ahal izateko modukoak izanen dira.

4. Bainugeletako batean gutxienez, 120 zentimetroko diametroa eta 200 zentimetroko altuera dituen zilindro zuzen bat sartzeko adinako leku librea egonen da, aparaturik gabe eta ateen biraketa eremuetatik kanpo. Konketak ez du oinik izanen.

5. Sukaldeek aurreko zenbakian aipatutako neurriak dituen zilindro bat sartzeko adina leku izanen dute sukaldeko ekipamendua instalatzeko bankada osoaren aurrean.

6. Korridoreak gutxienez 110 zentimetro zabal izanen dira.

7. Pasagune edo ate guztiek gutxienez 80 zentimetroko zabalera librea izanen dute. Ateen heldulekuak esku bakar batekin eragiten ahal zaien palankak izanen dira. Ezin izanen da pomo birakaririk instalatu.

8. Logela guztiak gutxienez 220 zentimetro zabal izanen dira.

9. Argindarraren instalazioaren mekanismo guztiak (panel nagusia barne), atezain automatikoak, ate eta leihoak irekitzeko mekanismoak eta hornidura-giltzak 40 zentimetro eta 140 zentimetro bitarteko altueran egonen dira, zorutik neurtuta.

Hogeita bigarren Xedapen Gehigarria.

Lehen Xedapen Iragankorra. Babes ofizialeko etxebizitzetako maizterrentzako laguntzei buruzko baldintza iragankorrak.

Araubide berezia duten babes ofizialeko etxebizitza-eraikinek eta sustapen publikokoek errentamendurako kalifikazioa dutenean, maizterrek foru dekretu honetan errentarientzat ezarritako laguntzak lortu ahal izanen dituzte eraikin horiek babes ofizialeko araubideari atxikita dauden bitartean.

Ingurumen, Lurraldearen Antolamendu eta Etxebizitza Departamentuak bere gain hartuko ditu errentamendurako laguntzen ondoriozko gastuak, baldin eta foru dekretu hau baino lehenagoko arauei badagozkie.

Bigarren Xedapen Iragankorra. Mailegu subsidiaezinak amortizatzeko epea luzatzea.

Babes ofizialeko edo prezio tasatuko etxebizitzen erosleek, mailegu subsidiaezinerako eskubidea onartu bazaie foru dekretu honek indarra hartu baino lehen, mailegua amortizatzeko epe luzeagoa eskatu ahal izanen dute, gehienez 35 urtekoa, eta subsidiaziorako eskubideari uko egin diotenek ere bai. Horretarako beharrezkoa izanen da haien finantza entitatearen adostasuna.

Hirugarren Xedapen Iragankorra. Gehieneko salmenta prezioak zenbait sustapenetan.

Etxebizitzaren arloko politikari buruzko urriaren 31ko 31/1978 Errege Lege Dekretua garatzen duen azaroaren 10eko 3.148/1978 Errege Dekretuaren 38. artikulutik 55.era bitartekoen babesean kalifikatutako etxebizitzen sustapen publikoetan, gehieneko prezioak honakoak izanen dira: modulu ponderatugabea etxebizitzaren metro koadro erabilgarri bakoitzeko eta modulu ponderatugabea bider 0,4 eranskinen metro koadro erabilgarri bakoitzeko.

Laugarren Xedapen Iragankorra. Errentaren gehieneko prezioak zenbait sustapenetan.

Babes ofizialeko etxebizitzetan (araubide orokorrekoak nahiz araubide berezikoak izan) eta Etxebizitzaren arloko politikari buruzko urriaren 31ko 31/1978 Errege Lege Dekretua garatzen duen azaroaren 10eko 3.148/1978 Errege Dekretuaren 38. artikulutik 55.era bitartekoen babesean egindako sustapen publikoetako etxebizitzetan, behin-behineko kalifikazioa foru dekretu honek indarra hartu aurretik eskatu bazaie, errentaren gehieneko prezioak honakoak izanen dira, behin betiko kalifikazioaren egunetik 20 urte iragan arte:

a) Urteko gehieneko errenta, araubide berezia duten babes ofizialeko etxebizitzetan eta Etxebizitzaren arloko politikari buruzko urriaren 31ko 31/1978 Errege Lege Dekretua garatzen duen azaroaren 10eko 3.148/1978 Errege Dekretuaren 38. artikulutik 55.era bitartekoen babesean egindako sustapen publikoetako etxebizitzetan: errentamendu kontratua sinatzen denean etxebizitzak bigarren eskualdaketan izanen lukeen prezioaren % 5.

b) Urteko gehieneko errenta araubide orokorra duten babes ofizialeko etxebizitzetan eta prezio tasatuko etxebizitzetan, jabeek errentatzen badituzte: errentamendu kontratua sinatzen denean etxebizitzak bigarren eskualdaketan izanen lukeen prezioaren % 7,5.

Bosgarren Xedapen Iragankorra. Etxebizitza hutsen adjudikazioa.

Nafarroan etxebizitza publikoari babesa emateari buruzko ekainaren 24ko 8/2004 Foru Legea baino lehenagoko arauei jarraituz adjudikatu ziren etxebizitza babestuak edozein arrazoirengatik hutsik geratzen badira, foru lege horretan ezarritako baldintzak eta eskakizunak beteko dira haiek berriz adjudikatzeko, deialdi publikoari eta baremoaren aplikazioari buruzkoak izan ezik.

Seigarren Xedapen Iragankorra. Finantzaketa kualifikatuari buruzko hitzarmenak.

Finantzaketa kualifikatua dela-eta finantza entitateekin lehengo araudiari jarraituz sinatu diren hitzarmenek indarrean iraunen dute harik eta foru dekretu honetan xedatutakoari egokitutako hitzarmen berriak sinatu arte.

Zazpigarren Xedapen Iragankorra. Urteko gehieneko errenta zenbait sustapenetan.

Nafarroan etxebizitzarako laguntza eta finantziazio neurriak arautzen dituen irailaren 28ko 287/1998 Foru Dekretuaren 105. artikuluan xedatutakoari atxikitako sustapenetan, hutsik geratu ondoren berriz alokatzen diren etxebizitzek urtean honako errenta izanen dute gehienez ere, araubide berezia izan eta salmentarako diren babes ofizialeko etxebizitzatzat kalifikatu badira: errentamendu kontratua sinatzen denean etxebizitzak bigarren eskualdaketan izanen lukeen salmenta prezioaren % 2,9. Etxebizitza horiek alokairuan adjudikatu beharko zaizkie famili dirusarrera ponderatuak IPREM halako 2,5 baino gutxiagokoak dituzten pertsonei.

Irailaren 28ko 287/1998 Foru Dekretuaren 105. artikuluaren babespeko sustapenetan ezarritako bost urteko epea amaitzen denean, IPREM halako 5,5 baino gutxiagoko dirusarrerak dituzten maizterrek kontratua sinatu ahal izanen dute beste bost urterako, Foru Dekretu honen 31. artikuluan xedatutakoari jarraituz beste sustapen batzuetan aurkeztu eta etxebizitzarik lortu ez dutela frogatzen badute. Halakoetan, urteko errenta berriak ezin izanen ditu gainditu etxebizitzak bigarren eskualdaketan izanen lukeen prezioaren portzentaje hauek:

a) % 2,9, famili dirusarrera ponderatuak IPREM halako 2,5 baino gutxiagokoak dituzten pertsonentzat.

b) % 5, famili dirusarrera ponderatuak IPREM halako 2,5 adinakoak, gutxienez, eta IPREM halako 5,5 baino txikiagoak dituzten pertsonentzat.

Zortzigarren Xedapen Iragankorra. Foru dekretu honek indarra hartu baino lehen behin-behinean kalifikatu diren sustapenetan baldintzak bete eta laguntzak kalkulatzeko erreferentziako unea.

Foru dekretu honek indarra hartu baino lehen hasitako deialdietako etxebizitza babestuak sal-erosteko kontratuen kasuan, betebeharrak betetzeko eta laguntza publikoen zenbatekoak kalkulatzeko erreferentziako momentua kontratuak Ingurumen, Lurraldearen Antolamendu eta Etxebizitza Departamentuak bisatuak izateko aurkezten direnekoa izanen da, baina, Pertsona Fisikoen Errentaren gaineko Zergaren azken aitorpen bukatua bakarrik hartuko da kontuan.

Bederatzigarren Xedapen Iragankorra. Genero-indarkeriaren biktimentzako dirulaguntzak eskatzeko epea.

Oraingo errentariek genero-indarkeriaren biktimentzako dirulaguntzak eskatu ahal izanen dituzte foru dekretu honek indarra hartu ondoren beren kontratua lehenbiziko aldiz urtebeterako luzatzen den unetik hasita.

Hamargarren Xedapen Iragankorra. Foru dekretu honek indarra hartu baino lehenagotik behin-behineko kalifikazioa duten etxebizitzak lehen eskualdaketan saltzeko prezioak.

Behin-behineko kalifikazioa foru dekretu honek indarra hartu aurretik eskatu zaien etxebizitzak lehen eskualdaketan saltzeko prezioak kalkulatzerakoan, kalifikazioaren aurreko balorazio irizpideei jarraituko zaie.

Xedapen Indargabetzaile Bakarra

Indargabeturik daude 276/2001 Foru Dekretua, urriaren 1ekoa, etxebizitza gaietako ekintza babesgarrietarako, bizileku eraikinak sustatzeko, ikuskapen eta kontrolerako, Nafarroako babes ofizialeko etxebizitzen prezio araubidea eta deskalifikazio aukerak finkatzeko zer finantziazio eta laguntza neurri hartu behar diren arautzen duena, eta 67/2003 Foru Dekretua, apirilaren 7koa, aurrekoa aldatzen duena, bai eta foru dekretu honetan ezarritakoari aurka egiten dioten maila bereko edo beheragoko xedapen guztiak ere.

Azken Xedapen Bakarra

Foru dekretu honek Nafarroako Aldizkari Ofizialean argitaratu eta biharamunean hartuko du indarra.

I. ERANSKINA. Etxebizitza babestuen legezko araubidearen iraupena

1. Jabetzak eta ondasunak.

a) Behin-behineko kalifikazioa 1969ko urtarrilaren 1a baino lehen eskatu zitzaien etxebizitzek babes ofizialeko araubidea izanen dute harik eta behin betiko kalifikazioaren egunetik 20 urte iragan arte.

b) Behin-behineko kalifikazioa 1969ko urtarrilaren 1etik aurrera eskatu zitzaien etxebizitzek, babes ofizialeko etxebizitzen arloko politikari buruzko urriaren 31ko 31/1978 Errege Lege Dekretuari atxiki ez bazitzaizkien, babes ofizialeko araubidea izanen dute behin betiko kalifikazioaren egunetik 50 urte iragan arte, baina egun horretatik 20 urte betetzen direnean salmenta prezioaren eta errentaren mugak kenduko zaizkie.

c) Babes ofizialeko etxebizitzen arloko politikari buruzko urriaren 31ko 31/1978 Errege Lege Dekretuari atxiki eta behin betiko kalifikazioa 2004ko uztailaren 3a baino lehen jaso zuten babes ofizialeko etxebizitzek babes ofizialeko araubidea izanen dute behin betiko kalifikazioaren egunetik 30 urte iragan arte, baina egun horretatik 20 urte betetzen direnean salmenta prezioaren eta errentaren mugak kenduko zaizkie.

d) Behin-behineko kalifikazioa 2003ko maiatzaren 15etik aurrera eskatu eta behin betiko kalifikazioa 2004ko uztailaren 3a baino lehen jaso zuten babes ofizialeko etxebizitzek babes ofizialeko araubidea izanen dute behin betiko kalifikazioaren egunetik 20 urte iragan arte.

e) Behin betiko kalifikazioa 2004ko uztailaren 3tik aurrera jaso zuten babes ofizialeko jabetzako etxebizitzek babes ofizialeko etxebizitzen araubidea izanen dute harik eta behin betiko kalifikazioaren egunetik 30 urte iragan arte.

f) Behin-behineko kalifikazioa 2004ko uztailaren 3tik aurrera eskatu zitzaien prezio tasatuko eta prezio itunduko etxebizitzek prezio tasatuko eta prezio itunduko etxebizitzen babes araubidea izanen dute harik eta behin betiko kalifikazioaren egunetik 30 urte iragan arte.

g) Lurzoru publikoan eraiki eta 2004ko uztailaren 3tik aurrera behin betiko kalifikazioa jaso zuten prezio tasatuko etxebizitzek prezio tasatuko etxebizitzen babes araubidea izanen dute harik eta behin betiko kalifikazioaren egunetik 30 urte iragan arte.

h) Lurzoru publikoan eraiki, 2003ko maiatzaren 15a baino lehen behin-behineko kalifikazioa eskatu eta 2004ko uztailaren 3a baino lehen behin betiko kalifikazioa jaso zuten prezio tasatuko etxebizitzek prezio tasatuko etxebizitzen babes araubidea izanen dute harik eta behin betiko kalifikazioaren egunetik 12 urte iragan arte.

i) Lurzoru publikoan eraiki, 2003ko maiatzaren 15etik aurrera behin-behineko kalifikazioa eskatu eta 2004ko uztailaren 3a baino lehen behin betiko kalifikazioa jaso zuten prezio tasatuko etxebizitzek prezio tasatuko etxebizitzen babes araubidea izanen dute harik eta behin betiko kalifikazioaren egunetik 20 urte iragan arte.

j) Lurzoru publikoan eraiki eta 2004ko uztailaren 3a baino lehen behin betiko kalifikazioa jaso zuten prezio tasatuko etxebizitzak prezio tasatuko etxebizitzen prezioaren mugapenari lotuta egonen dira harik eta behin betiko kalifikazioaren egunetik 12 urte iragan arte. Lurzoru pribatuan eraiki eta 2004ko uztailaren 3a baino lehen behin-behineko kalifikazioa jaso zuten prezio tasatuko etxebizitzek ez dute salmenta prezioaren eta errentaren mugarik izanen bigarren eskualdaketan eta hurrengoetan.

2. Alokairuko etxebizitzak.

a) Alokatzeko izan eta araubide orokorra duten babes ofizialeko etxebizitzek babes ofizialeko etxebizitzen araubidea izanen dute behin betiko kalifikazioaren egunetik 15 urte iragan arte.

b) Alokatzeko izan eta araubide berezia duten babes ofizialeko etxebizitzek babes ofizialeko etxebizitzen araubidea izanen dute behin betiko kalifikazioaren egunetik 20 urte iragan arte.

c) Alokatzeko izan eta behin-behineko kalifikazioa 2004ko uztailaren 3tik aurrera eskatu zitzaien prezio tasatuko eta prezio itunduko etxebizitzek beren babes araubidea izanen dute harik eta behin betiko kalifikazioaren egunetik 15 urte iragan arte.

II. ERANSKINA. Dirusarrera ponderatuak

Familiaren diru-sarrera ponderatuak

1. Eskatzaileen eta haien ezkontideen edo bikotekide egonkorren diru-sarrerak ponderatzeko honako formula erabiliko da:

DSP = ZO x N x T

Azalpena:

DSP: diru-sarrera ponderatuak.

ZO: eskatzaileen edo haien ezkontide nahiz bikotekide egonkorren zerga-oinarri egiaztatuaren edo egiaztatuen zati orokorra.

Zerga-oinarriaren zati orokorrari, ondorio hauetarako, benetan hartu diren baina pertsona fisikoen errentaren gaineko zergari buruzko legerian xedatutakoaren arabera zerga ordaindu beharretik salbuetsita dauden errenten zenbatekoa batuko zaio. Zerga-oinarriaren zati orokorra negatiboa bada, zero jarriko da. Errenta aitorpena Nafarroako Foru Komunitateko Administrazioa ez den beste administrazio batean aurkeztu bada, zerga-oinarriaren zati orokorra kalkulatzeko, Nafarroako Foru Komunitateko Administrazioan aitorpena aurkezten duten pertsonei aplikatu beharreko irizpide berak erabiliko dira, foru dekretu honetan ezarritakoaren ondorioetarako.

Alargunen, epai bidez bananduen, dibortziatuen edo bikote egonkorra desegin duten pertsonen kasuan, PFEZrako aurkeztu duten azken aitorpena ezkontza edo harreman afektiboa hautsi baino lehenagoko zergaldi batekoa izanez gero, honela kalkulatuko dira diru-sarrera ponderatu konputagarriak:

a) Ondasun banantzearen araubidea badute, eskatzailearen diru-sarrerak baizik ez dira kontuan hartuko.

b) Gainerako kasuetan, kopuru hauetatik handiena hartuko da diru-sarreratzat:

b.1) Eskatzailearen banakako diru-sarrerak.

b.2) Senar-emazte edo bikotekideen baterako diru-sarreren %50.

Foru dekretu honen 60. artikuluan diru-laguntzak aurreikusten dira araubide berezia duten babes ofizialeko etxebizitzen errentarientzat. Diru-laguntza horiei dagokienez soilik, kontuan hartuko dira alokatutako etxebizitzan maizterrekin bizi diren pertsonen diru-sarrerak ere.

N: ponderazio koefizientea, familia unitateko kideen kopuruaren araberakoa eta, hala tokatzen denean, foru dekretu honen 3. artikuluan aipatzen diren egunetan duten adinaren araberakoa.

Kide bakarreko familia 0,90

2 kideko familia 0,75

3 kideko familia 0,70

4 kideko familia 0,66

Hortik gorako kide bakoitzeko, ponderazio koefizienteari 0,04 kenduko zaio.

Familia unitateko kideren batek gutxienez %33ko desgaitasuna izanez gero, familia unitate horri berez tokatzen zaionaren hurrengo tarteko N ponderazio koefizientea aplikatuko da. Familia unitateko kideren batek gutxienez 65 urte baditu, orduan ere familia unitateari berez tokatzen zaionaren hurrengo tarteko N koefizientea aplikatuko da. Eskabide batean bi inguruabar horiek biltzen badira, aplikatu beharreko N ponderazio koefizientea familiari osaeragatik zegokionaren hurrengoaren hurrengoa izanen da.

T: ponderazio koefizientea, etxebizitza dagoen herriak bere eremu geografiko homogeneoan duen kokalekuaren araberakoa.

Eremu geografiko bakarra: 0,94.

2. Aurreko 1. idatz-zatiko arauak erabiliz ponderatutako diru-sarrerak IPREMaren balioaz zatituko dira, Nafarroan Etxebizitza Izateko Eskubideari buruzko maiatzaren 10eko 10/2010 Foru Legean eta foru dekretu honetan aurreikusitako errenta-tarteetan sailkatzeko.

III. ERANSKINA. Modulu ponderatua

M' = M x (1+(0,725 x EKI + 0,275 x KPI): 100), honela irakurtzeko:

M' = Modulu berria.

M = Aurreko modulua.

EKI = eraikuntza kostuen indizearen portzentaje-aldaketa, hileko azken azpiindize ezagunak aurreko urteko hilabete berekoekin alderatuta kalkulatzen dena. Kostu horiek laneskuarenak, energiarenak eta materialarenak dira.

KPI = kontsumoko prezioen indize orokorraren portzentaje-aldaketa, hileko azken indize ezagunaren eta aurreko urteko hilabete bereko indizearen artean.

Azken indize ezagunak eta azken azpiindize ezagunak hilabete berekoak ez badira, biak ezagunak diren azken hilabeteko KPI eta EKI hartuko dira eta aurreko urteko hilabete berekoekin alderatuko dira modulua kalkulatzeko.

Moduluaren bilakaera kalkulatzeko formula hori honela garatzen da:

KPI faktorea izanen da kontsumoko prezioen indizeen sistemako Nafarroako indize orokorraren aldaketari dagokiona.

EKI faktorea formula honen bidez kalkulatuko da:

EKI = H + E + Zm + S + Zr + Z KPI

Letra horiek ondoko prezioen urteko portzentaje-aldaketa adierazten dute: H, laneskua; E, energia; Zm, zementua; S, siderurgiako produktuak; Zr, material zeramikoak; Z, zura. Gainerako materialei, koefizientearen arabera ponderatuta, kontsumoko prezioen indizearen urteko portzentaje-aldaketa aplikatuko zaie, aipatutako aldiari dagokiona.

IV. ERANSKINA. Etxebizitza babestuak eraikitzeko lurren hirigintza-baldintzak eta kostuen mugaketak

1. Hirigintzako araudi orokorra betetzea.

Nafarroako Gobernuaren babes publikoaren pean sarturiko proiektuek hirigintzari buruzko legeetako eta tokian tokiko planeamenduko zehaztapenak beteko dituzte. Horretarako, proiektuko memoriak hirigintzako araudia nola betetzen den azaltzen duen atala izanen du. Bertan ondokoak agertuko dira:

a) Eraikiko den orubean bete beharreko hirigintza planeamenduko zehaztapenak; gutxienez ere, lurzatiketa, lurraren erabilera, okupazio, lerrokadura eta sestra, altuera eta bolumen baimenduei buruzkoak.

b) Aurreko lerroaldeko zehaztapenak betetzen direla frogatzen duen adierazpen espresua.

c) Nola eginen den urbanizazioa. Barneko urbanizazioa eta sustatzaileak kanpoko urbanizazioan egin edo ordaindu behar duen zatia bereiziko dira. Barneko eta kanpoko urbanizazioetan banatutako aurrekontuak erantsiko dira, obraren aurrekontua barne, eta ondokoak frogatzeko agiriak ere sartuko dira, hala behar denean: urbanizazioarekin bateraezinak diren kargak altxatzeko kalte-ordainak, etxe-aldaeren kostuak eta urbanizazioaren inguruko beste edozein kostu, urbanizazio obrarena berarena izan ezik.

2. Legeek eta erregelamenduek eskatzen dituzten baldintzak betetzea.

Bizigarritasunari, etxebizitza babestuei, hirigintzaren eta lurraldearen antolamenduari eta ondare historikoaren babesari buruz legez eta erregelamenduz eskatzen ahal diren baldintza guztiak, Eraikuntzaren Kode Teknikoko arauak, jarduera sailkatuei buruzkoak eta eraikuntzaren arloko beste arau batzuk, horiek guztiak batera bete ahal izateko modukoak diren lurrek balioko dute etxebizitza babestuak eraikitzeko.

3. Kargak.

Etxebizitza babestuak sustatzeko lurrek ez dute izan behar etxebizitzak baldintza guztiak betez eraikitzea eragotziko lukeen kargarik, ez eta etxebizitzen azken hartzaileei bidegabeko kostua ekarriko liekeen kargarik ere. Horrelako kargaren bat egonez gero, derrigorrez kitatu beharko da sustapena behin betiko kalifikatu baino lehen.

4. Lurren eta eraikuntzaren balorazioa.

a) Lurzoruaren eta urbanizazioaren kostuek prezioan izan dezaketen eraginaren gehieneko portzentajeak ezarri ziren Nafarroan etxebizitzari babes publikoa emateari buruzko ekainaren 24ko 8/2004 Foru Legearen 3. artikuluan. Portzentaje horietan honakoak sartuko dira: kanpoko eta barneko urbanizazioaren kostu guztiak, lurrak erosteko kostuak, birzatiketaren ondoriozko kargak, kalte-ordainak, eta mota guztietako kargak altxatzeko kostuak.

b) Lurren balioa egiaztatzeko, sustapenari lotuta geratuko diren lurren eskuraketa titulua aurkeztuko da. Lurren eskuraketaren eskritura egin zenetik bost urte baino gehiago igaro badira aurkezten den egunera arte, haren balioa eguneratu eginen da, kontsumoko prezioen indizeen sistema ofizialaren bidez ofizialki egiaztaturiko bizi-kostuaren gehikuntzaren arabera. Halaber, lurrei esleitutako hirigintzako aprobetxamenduaren aldaketen ondoriozko balorazio-aldaketak agerraraziko dira, halakorik izan bada.

c) Finkak bereiziz edo batuz osatutako lurrak badira, espresuki adierazi beharko da urbanizatutako edo urbanizatu beharreko lurrei dagokien balioa, eta jatorrizko finkatik bereizitako edo batutako finkara pasatu diren kargak, halakorik egonez gero.

d) Gerta liteke eskuraketa eskrituran ageri den balioa lurren benetako balioa ez izatea, lurrak dohaintza bidez edo prezio sinbolikoan eskuratu direlako, edo aspaldian erosi zirenez kontsumoko prezioen sistema ofizialeko indizeen aldaketak behar bezala aplikatzerik egon ez delako, edo bestelako inguruabarrek balioa aldatu dietelako. Etxebizitza Zerbitzuaren txosten teknikoan hori gertatu dela adierazten bada, araudi fiskal edo katastralari jarraituz bidezkoa den balorazioa eginen da.

e) Etxebizitza babestuen exekuzio materialaren aurrekontuan obren kostu guztiak sartuko dira: materialen, eskulanaren eta baliabide osagarrien kostuak, merkatuko prezio zenbatetsien arabera kalkulatuak, eta gastu orokorrak. Merkatuko prezioen araberako balorazioa egin beharko da, nahiz eta kostu horietako batzuk dohaintzen, doako prestazioen edo norberaren konturako eraikuntzaren bidez ezabatu.

f) Exekuzio materialaren aurrekontua sustapenaren gehieneko salmenta prezioaren % 50 izanen da gutxienez ere. Sustapeneko lokal guztiak lotuak balira bezala kalkulatuko da prezio hori.

g) Lur urbanizatuen balioari, zenbaki honetan adierazitako moduan kalkulatuta, eraikuntzaren exekuzio materialaren aurrekontua 1,35eko koefizienteaz biderkatuta batzen zaionean, emaitzak ez du gainditu behar eraikin babestuek izan zezaketen gehieneko salmenta prezioa. Merkataritzako lokalen balioa eraikinean nagusi den motako etxebizitza babestuaren metro koadro bakoitzeko balioaren % 40 izanen da, ondorio horietarako, eta lokal horien salmenta libreko prezioa ukatu gabe.

5. Kultura Zuzendaritza Nagusiaren baimena.

Balio historikoa, artistikoa edo kulturala duten ondasunetatik hurbil egoteagatik eraikinak Kultura eta Turismo Departamentuaren baimena behar badu, espedienteari baimen hori erantsi beharko zaio nahitaez.