navarra.es
Castellano | Euskara | Français | English
Ezagutzera eman
270/1991 Foru Dekretua, irailaren 12koa, euskarari buruzko foru legearen babesean, Foru Komunitateko administrazioaren organoek nafarroako gobernuak onetsitako izen ofizialak nola erabili arautzen duena
(1991ko 136. NAOn argitaratutako testua, urriaren 25ean)
Atarikoa
Euskarari buruzko abenduaren 15eko 18/1986 Foru Legearen 8. artikuluak xedatzen du Foru Komunitateko toponimoek erdaraz eta euskaraz izanen dituztela izen ofizialak, bertan adierazten diren arauei jarraikiz, Foru Legean ezarritako eremuen arabera.
Abenduaren 20ko 338/1990 (1991.eko urtarrilaren 9ko 4 zenbakidun Nafarroako Aldizkari Ofiziala) eta ekainaren 13ko 229/1991 (1991.eko ekainaren 26ko 80 zenbakidun Nafarroako Aldizkari Ofiziala) Foru Dekretuek, Nafarroako Foru Komunitateko hiriburuaren eta Lizarra eta Gares herrien legezko izen ofizialak, hurrenez hurren, ezartzen dituzte.
Aipatu Foru Dekretuetan adierazitako izenak libreki erabiltzeko eskubidea dagoenez, beharrezko da irizpide orokor bat ezartzea, Foru Komunitateko Administrazioaren organo guztiek izen horiek nola erabili arautuko duena, aipatu izenen arautu gabeko erabilerak administrazioan sortutako eragozpenak baztertzeko.
Nafarroako Gobernuak mila bederatziehun eta laurogeitamaikako irailaren hamabian egindako bilkuran hartutako Erabakiaren ondorioz eta bat etorriz, dekretatu dut:
Artikulu bakarra
Euskarari buruzko abenduaren 15eko 18/1986 Foru Legearen 8. artikuluan xedatutakoaren babesean, Nafarroako Gobernuak onetsitako izen ofizialez Nafarroako Foru Komunitateko Administrazioaren organoek egin beharreko erabilera, irizpide hauei jarraituko zaie:
-Erdaraz idatzita doazen administrazio iharduketa guztietan, bi izen ofizialetatik, hizkuntz horri dagokiona izanen da erabili beharrekoa.
-Euskaraz idatzita doazen administrazio iharduketa guztietan, bi izen ofizialetatik, hizkuntz horri dagokiona izanen da erabili beharrekoa.
