navarra.es
Castellano | Euskara | Français | English
Ezagutzera eman
19/2010 Foru Agindua, otsailaren 25ekoa, Vianako Printzea Erakundea-Kultura eta Turismoko kontseilariak emana, Vianako Printzea Erakundea-Kultura eta Turismo Departamentuaren egitura organikoa garatzen duena eta osatzen duten bulegoen funtzioak...
19/2010 FORU AGINDUA, OTSAILAREN 25EKOA, VIANAKO PRINTZEA ERAKUNDEA-KULTURA ETA TURISMOKO KONTSEILARIAK EMANA, VIANAKO PRINTZEA ERAKUNDEA-KULTURA ETA TURISMO DEPARTAMENTUAREN EGITURA ORGANIKOA GARATZEN DUENA ETA OSATZEN DUTEN BULEGOEN FUNTZIOAK EZARTZEN DITUENA.
(2010eko 36. NAOn argitaratutako testua, martxoaren 22an)
Atarikoa
Irailaren 3ko 126/2007 Foru Dekretuaren bidez, Vianako Printzea Erakundea-Kultura eta Turismo Departamentuaren egitura organikoa ezarri zen.
Departamentuaren bulegoen atxikipena eta eginkizunak Vianako Printzea Erakundea-Kultura eta Turismoko kontseilariak uztailaren 28an emandako 176/2005 Foru Aginduaren bidez onetsi ziren. Gero, foru agindu hori abuztuaren 26ko 263/2005 Foru Aginduak eta abenduaren 15eko 423/2006 Foru Aginduak aldatu zuten.
Departamentuaren bulegoak irailaren 3ko 126/2007 Foru Dekretuak onetsitako egitura organikora egokitzeko asmoz, eta Nafarroako Gobernuak 2009ko irailaren 21ean hartutako Erabakian xedatutakoa betetzeko (horren bidez Nafarroako Foru Komunitateko Administrazioko eta haren erakunde autonomoetako unitate organikoen kopurua murrizteko agindu baitzen), bidezko da departamentuaren bulegoen atxikipenaren eta eginkizunen erregulazio berria onestea.
Horrenbestez, eta Nafarroako Gobernuari eta Lehendakariari buruzko abenduaren 3ko 14/2004 Foru Legeak xedatzen duenarekin bat, agindu dut:
I. KAPITULUA. Ondare Historikoaren Zerbitzua
1. artikulua. Ondare Arkitektonikoaren Atalari atxikitako Ondare Arkitektonikoa Zaintzeko Bulegoak honako eginkizun hauek izanen ditu:
-Ondare arkitektonikoaren obra proiektuak eta zuzendaritza lana egitea.
-Ondare arkitektonikoko eraikinen proiektuak eta obrak gainbegiratzea eta kontrolatzea.
-Nafarroako Gobernuaren monumentuen kontrola eta mantentze-lanak.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
2. artikulua. Ondare Arkitektonikoaren Atalari atxikitako Ondarea Babesteko Bulegoak eginkizun hauek izanen ditu:
-Ondare arkitektonikoko ondasunen deklarazioari buruzko espedienteak egitea.
-Inbentario Arkitektonikoa egin, zaindu eta zabaltzea.
-Ondare Arkitektoko ondasunei buruzko dokumentazioa.
-Monumentuen Batzordearen eta Ondare Arkitektonikoaren Atalaren artxiboa zaindu eta mantentzeko lanak.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
II. KAPITULUA. Artxiboen eta Dokumentu Ondarearen Zerbitzua
3. artikulua. Dokumentu Ondarea Kudeatzeko Atalari atxikitako Administrazio eta Zerbitzuen Bulegoak eginkizun hauek izanen ditu:
-Ataleko espedienteen eta kontabilitatearen gaineko kontrola.
-Espedienteen eta gutunen erregistroa eta tramitazioa.
-Departamentuek eta partikularrek artxiboaren edukiaz egiten dituzten eskaerak tramitatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
III. KAPITULUA. Museoen Zerbitzua
4. artikulua. Nafarroako Museoaren Atalari atxikitako Nafarroako Museoaren Barne Antolaketa eta Zainketako Bulegoak eginkizun hauek izanen ditu:
-Zaindarien txandak antolatzea.
-Erakusketen eta ekitaldien azpiegitura prestatzea.
-Nafarroako Museoaren mantentze-lanak antolatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
IV. KAPITULUA. Liburutegien Zerbitzua
5. artikulua. Nafarroako Liburutegi Nagusiaren Atalari atxikitako Erabiltzaileari Erantzuteko Bulegoak eginkizun hauek izanen ditu:
-Nafarroako Liburutegien Sistemaren erabiltzaileei arreta eta argibideak emateko programak eta zerbitzuak kudeatzea.
-Liburutegietako lankidetza, truke eta mailegu zerbitzuak kudeatu eta ebaluatzea.
-Erreferentzia bibliografikoko jarduerak kudeatzea.
-Erabiltzaileen iradokizunak, kontsultak eta erreklamazioak antolatu, bideratu eta ebaluatzea.
-Informazioaren teknologien bidezko kontsulta zerbitzua kudeatzea.
-Nafarroako Liburutegi Nagusiko fondo dokumentalaren sarbide eta mailegurako baldintzak betetzen direla egiaztatzea.
-Nafarroako Liburutegi Nagusian erabiltzaileei arreta eta argibideak ematen dizkieten langileak koordinatzea.
-Nafarroako Liburutegi Nagusiko instalazioak eta ekipamenduak erabiltzaileei arreta egokia emateko moduan edukitzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
6. artikulua. Nafarroako Liburutegi Nagusiaren Atalari atxikitako Ondare Bibliografikoaren Bulegoak eginkizun hauek izanen ditu:
-Nafarroako Ondare Bibliografikoa handitu, katalogatu, zaharberritu, aztertu eta zabaltzea.
-Nafarroako Ondare Bibliografikoaren Katalogo Kolektiboa egitea, Espainiako Ondare Bibliografikoaren Katalogo Kolektiboarekin koordinatuta.
-Nafarroako Ondare Bibliografikoa katalogatu, aztertu eta zabaltzeko laguntza programak diseinatu, bete eta ebaluatzea.
-Ondare Bibliografikoa aztertu eta zabaltzeko lankidetza programak ezartzea.
-Fondo dokumental historikoa duten Nafarroako liburutegiekin lankidetza hitzarmenak ezartzea, azterketa eta kontsultarako.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
7. artikulua. Liburutegi Sarearen Atalari atxikitako Fondo Dokumentala Kudeatzeko Bulegoak eginkizun hauek izanen ditu:
-Nafarroako Liburutegi Publikoen Sistemarentzako fondo dokumentalen erosketa kudeatzea.
-Nafarroako Liburutegi Publikoen Sistemako fondo dokumentala katalogatu eta sailkatzea.
-Nafarroako Liburutegi Publikoen Sistemako fondo dokumentalaren garbiketa kudeatzea.
-Nafarroako Liburutegi Publikoen Sistemako Katalogo Kolektiboa kudeatu, berrikusi, eguneratu eta ebaluatzea.
-Autoritateen kontrola normalizatu eta egunean edukitzea.
-Liburutegietako langileei erosketak eta argitalpen berriak jakinaraztea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
8. artikulua. Liburutegi Sarearen Atalari atxikitako Kudeaketaren eta Liburutegietako Baliabideen Bulegoak eginkizun hauek izanen ditu:
-Liburutegien Zerbitzuari atxikitako liburutegietako baliabideak kudeatzea.
-Liburutegien Zerbitzuko espediente administratiboak kudeatzea.
-Liburutegien Zerbitzuko gastuen aurrekontua kudeatzea.
-Liburutegien Zerbitzurako ekipamendua eta bulego materiala kudeatzea.
-Liburutegien Zerbitzuko informazioa, liburutegietako baliabideei eta betetako jarduerei buruzkoa, koordinatu eta eguneratzea.
-Liburutegien Zerbitzuko jardueren urteroko memoria argitaratzea.
-Liburutegien Zerbitzuko prestakuntza ikastaroak koordinatu eta kudeatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
V. KAPITULUA. Kultur Ekintza Zerbitzua
9. artikulua. Deialdi eta Laguntza Atalari atxikitako Kultur Azpiegituren Bulegoak eginkizun hauek izanen ditu:
-Nafarroako udal eta kontzejuei aholku ematea beharren programa prestatzen eta haien kultur azpiegiturak eraiki eta ekipamenduz hornitzeko diseinua egiten.
-Kultur etxeak eta udal titulartasuneko bestelako kulturguneak eraiki eta ekipamenduz hornitzeko laguntzen deialdiak ebazten laguntzea.
-Nafarroako udal eta kontzejuei laguntza teknikoa ematen kulturguneak eraiki eta ekipamenduz hornitzeko prozesuan.
-Nafarroako udal eta kontzejuei laguntzea ekipamenduak mantentzen, arte eta kultur jardueren beharretara ahal den hobekien moldatzeko.
-Nafarroako kultur ekipamenduen mapa prestatzea, eta azpiegituren zentsua eta azterketa egitea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
VI. KAPITULUA. Sustapen, Edizio eta Teknologia Berrien Atala
10. artikulua. Sustapen, Edizio eta Teknologia Berrien Atalari atxikitako Argitalpen Bulegoak eginkizun hauek izanen ditu:
-Nafarroako kulturaren ikerketa eta zabalkunderako argitalpen monografiko eta aldizkakoak egiteko plana prestatzea, baita beste material batzuena ere: entzunezkoak, ikus-entzunezkoak eta multimedia.
-Plan horretan jasotako argitalpenak egiteko prozesua kudeatzea, departamentuari dagozkion faseetan.
-Argitalpenetarako ekimenei laguntzeko deialdiak kudeatzea.
-Aholku eta laguntza teknikoa ematea Nafarroako Kulturaren Kontseiluko Argitalpen Batzordeari.
-Sustapen, Edizio eta Teknologia Berrien Atalaren artxibo grafikoa zaindu eta sailkatzea.
-Sustapen, Edizio eta Teknologia Berrien Atalaren artxibo grafikoan dagoen materialaren mailegurako eskaerak kudeatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
VII. KAPITULUA. Turismo Produktuak Antolatu eta Garatzeko Zerbitzua
11. artikulua. Turismo Produktuen Garapenerako eta Kalitaterako Atalari atxikitako Ekinbide eta Sustapen Bulegoak eginkizun hauek izanen ditu:
-Turismoaren sektorearen inbertsiorako laguntzei buruzko espedienteen tramitazioa.
-Elkarteei, toki entitateei eta turismo partzuergoei sustapen laguntzei buruzko espedienteak tramitatzea.
-Toki entitateek eta turismo partzuergoek turismo produktuak sortzeko laguntzei buruzko espedienteak tramitatzea.
-Urte anitzeko jarduketa plana eta turismoa dinamizatzeko planak tramitatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
12. artikulua. Antolamendu Atalari atxikitako Ikuskapen Bulegoak eginkizun hauek izanen ditu:
-Turismoaren arloko ikuskapena eta zaintza lana betetzea, eta kasuan kasuko espedienteak tramitatzea.
-Turismoko establezimenduen kontrako erreklamazioak eta salaketak tramitatzea.
-Departamentuaren beraren azpiegiturak kontrolatu eta haien jarraipena egitea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
VIII. KAPITULUA. Turismoko Marketinaren Zerbitzua
13. artikulua. Sustapenerako Baliabideen Atalari atxikitako Turismoa Sustatzeko Euskarrien Bulegoak eginkizun hauek izanen ditu:
-Nafarroako marka turistikoaren garapenak ezarri eta gainbegiratzea.
-Turismoko Argitalpenen Plana eta turismoa sustatzeko beste material batzuk diseinatu, bete eta ebaluatzea.
-Turismoaren sustapenerako web gunea diseinatu, bete, mantendu eta ebaluatzea.
-Irudien artxiboa antolatu, mantendu eta eguneratzea.
-Eskaintza kluben programa diseinatu, bete eta ebaluatzea.
-Turismoko Prestakuntza Plana eta sentsibilizazio programak diseinatu, bete eta ebaluatzea.
-Teknologia berrien erabilera ezarri eta garatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
IX. KAPITULUA. Idazkaritza Tekniko Nagusia
14. artikulua. Kudeaketa Administratiboaren Atalari atxikitako Administrazio Aferetarako Bulegoak eginkizun hauek izanen ditu:
-Behar den guztia prestatzea departamentuaren zerbitzu administratibo eta orokorrek funtzionamendu egokia izan dezaten.
-Departamentuko zerbitzuek proposatutako espediente administratiboen tramitazioa koordinatu eta haien jarraipena egitea.
-Departamentuaren antolaketarako azterlanak egitea eta haren egitura organikoaren funtzionamendua kontrolatzea.
-Laguntza administratiboa ematea hala eskatzen duten departamentuko unitate organikoei.
-Departamentuari atxikitako langileen kudeaketa eta kontrola -oporrak, eritasunagatiko bajak-, bai eta dietak, lokomozioa, aparteko orduak eta jaiegunetako lansariak tramitatzea ere.
-Administrazio prozedurak hobetzeko behar diren aldaketak proposatzea, eta horrekin batera ibilbide administratiboak arrazionalizatzeko neurriak ere.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
15. artikulua. Aurrekontu eta Kudeaketa Ekonomikoaren Atalari atxikitako Kudeaketa Ekonomikoaren Bulegoak eginkizun hauek izanen ditu:
-Kontabilitate Zentroa kudeatzea, diru-sarrera eta ordainketa agiriak tramitatu eta kontabilizatzea.
-Indarra duten xedapenek esleitzen dizkioten gainerako eginkizunak, eta helburuak egoki betetzeko bere kudeaketa esparruan agintzen zaizkion guztiak.
Xedapen Gehigarri Bakarra. Izendapena.
1. Informazio Sistemen Bulegoko burutzaren titularraren alde egindako izendapena berretsi egiten da, egin zen baldintza beretan, baina Kudeaketaren eta Liburutegietako Baliabideen Bulegoko buruaren izen berria emanez.
2. Monumentuak eta Hargintza Lantegia Kudeatzeko Bulegoa burutzaren titularraren alde egindako izendapena berretsi egiten da, egin zen baldintza beretan, baina Ondare Arkitektonikoa Zaintzeko Bulegoko buruaren izen berria emanez.
Xedapen Indargabetzaile Bakarra. Arauak indargabetzea.
Indarrik gabe utzi da Vianako Printzea Erakundea-Kultura kontseilariaren uztailaren 28ko 176/2005 Foru Agindua, eta foru agindu honetan ezarritakoaren kontrakoak diren maila bereko edo apalagoko arau guztiak.
Azken Xedapen Bakarra. Indarra hartzea.
Foru agindu honek Nafarroako Aldizkari Ofizialean argitaratu eta biharamunean hartuko du indarra.
