navarra.es
Castellano | Euskara | Français | English
Ezagutzera eman
84/2011 Ebazpena, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Nekazaritza lanbide arlokoak diren "Lorezaintzako laguntzailea" eta "Oinarrizko lorezaintzako eta nekazaritzako laguntzailea" ...
84/2011 EBAZPENA, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Nekazaritza lanbide arlokoak diren "Lorezaintzako laguntzailea" eta "Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programetako lanbide moduluen lanbide profila eta egitura onesten dituena
(2011ko 204. NAOn argitaratutako testua, urriaren 14an)
Atarikoa
Hezkuntzari buruzko maiatzaren 3ko 2/2006 Lege Organikoaren 30. artikuluak Lanbide Hastapeneko Kualifikazio Programak ezartzen ditu, derrigorrezko bigarren hezkuntzako graduatu titulua lortu ez duten ikasleei zuzenduak, horrela ikasleek Lanbide Kualifikazioen Katalogo Nazionalaren egungo egiturako lehen mailako kualifikazioari dagozkion lanbide gaitasunak lor ditzaten -Lanbide Kualifikazioen Katalogo Nazionala Kualifikazioei eta Lanbide Heziketari buruzko ekainaren 19ko 5/2002 Lege Organikoak sortu zuen-, eta gizartean eta lan munduan ongi sartzeko aukera izan eta beren oinarrizko gaitasunak gara ditzaten ikasketak egiten jarraitu ahal izateko.
Ekonomia Iraunkorrari buruzko martxoaren 4ko 2/2011 Legearen azken xedapenetako hogeita laugarrenak ezartzen du Lanbide Hastapeneko Kualifikazio Programetako lanbide moduluak hezkuntza sistemako lanbide heziketaren barnean daudela.
Uztailaren 4ko 109/2008 Foru Aginduaren bidez arautzen dira Lanbide Hastapeneko Kualifikazio Programak Nafarroan.
Lanbide Heziketaren Zerbitzuko zuzendariak aldeko txostena aurkeztu du, "Lorezaintzako laguntzailea" eta "Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programetako lanbide moduluen egitura eta lanbide erreferentea/lanbide profila ezartzeari dagokionez.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz, ebatzi dut:
Lehena
Ebazpen honen xedea da Nekazaritza lanbide arlokoak diren "Lorezaintzako laguntzailea" eta "Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programetako lanbide moduluen egituraren eta lanbide profilaren erreferentea onestea, Nafarroako Foru Komunitaterako.
Nafarroan programa horiek garatzen dituzten ikastetxe eta entitate baimenduetan aplikatuko dira.
Ebazpen honen bidez onetsitako erreferentea aldatzeko beharrezkoa izanen da Hezkuntza Departamentuaren baimena lortzea, ezartzen den prozeduraren bitartez.
Bigarrena
"Lorezaintzako laguntzailea" izeneko Lanbide Hastapeneko Kualifikazio Programako lanbide moduluen egituraren identifikazioa eta lanbide profila I. eranskinean ageri dira.
"Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programetako lanbide moduluen egituraren identifikazioa eta lanbide profila II. eranskinean ageri dira.
Hirugarrena
Ebazpen hau eta eranskinak Nafarroako Aldizkari Ofizialari jakinaraztea, argitara daitezen.
Laugarrena
Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
Bosgarrena
Ebazpen hau igortzea Lanbide Heziketaren Zerbitzuari, Hezkuntzako Ikuskapen Zerbitzuari, Hezkuntza Antolamenduaren eta Berrikuntzaren Zerbitzuari, Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuari, Lanbide Heziketaren Plangintza, Antolamendu eta Garapenerako Atalari, Nafarroako Kualifikazioen Institutua-Lanbide Kualifikazioen Atalari eta Ikasketak Antolatzeko Atalari.
I. ERANSKINA. "Lorezaintzako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura
1.-Programaren identifikazioa.
"Lorezaintzako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:
a) Izena: Lorezaintzako laguntzailea.
b) Maila: 1-Lanbide Hastapeneko Kualifikazio Programa.
c) Lanbide arloa: Nekazaritza.
d) Iraupena: ikasturte bat; 500 ordu programako lanbide moduluetarako.
e) Programaren modalitatea: LHKP Lanbide Lantegia.
2.-Lanbide profila.
"Lorezaintzako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.
3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.
Lanbide kualifikazio osoak:
a) Mintegi, lorategi eta lorezaintza zentroetako jarduera lagungarriak, AGA164-1, gaitasun unitate hauek hartzen dituena:
UC0520-1: mintegietan eta lorezaintza zentroetan landareak ekoitzi eta mantentzeko zeregin lagungarriak egitea.
UC0521-1: lorategiak, parkeak eta berdeguneak instalatzeko zeregin lagungarriak egitea.
UC0522-1: lorategiak, parkeak eta berdeguneak mantentzeko zeregin lagungarriak egitea.
4.-Gaitasun orokorra.
Programa honen gaitasun orokorrean honako hauek sartzen dira: lorategiak, parkeak eta berdeguneak ezarri eta mantentzeko zeregin lagungarriak egitea, baita mintegietan eta lorezaintza zentroetan landareak ekoitzi eta mantentzekoak ere, arduradunen edo lan planen jarraibideei segituz, laneko arriskuen prebentzioko, ingurumena zaintzeko eta kalitateko arauak betez.
5.-Berariazko lanbide gaitasunak.
Berariazko lanbide gaitasunak honako hauek dira:
a) Lurzorua landareak ekoizteko prestatzea jarraibideei segituz, beharrezkoak diren tresnak eta lanabesak erabiliz.
b) Jarraibideei segituz eta material egokiak erabiliz, landareak ekoizteko substratua prestatzen laguntzea.
c) Azpiegiturak instalatzeko oinarrizko lanak egitea, laboreak eta ureztaketa babesteko, lan planari jarraikiz.
d) Landare materiala bildu eta prestatzeko oinarrizko lanak egitea, ugalketarako, lan planari jarraikiz.
e) Landare materialaren sexu bidezko ugalketarako oinarrizko lanak egitea, ezarritako planari jarraikiz.
f) Landare materialaren ugalketa begetatiborako oinarrizko lanak egitea, ezarritako planari jarraikiz.
g) Landare elementuak ekoitzi eta mantentzeko oinarrizko laborantza lanak egitea, ezarritako planari jarraikiz.
h) Landarea erauzi eta mintegiratzeko oinarrizko lanak egitea, jarraibideei segituz.
i) Landarea lorezaintza zentroko salmenta tokirako aurkezteko oinarrizko lanak egitea, ezarritako planari jarraikiz.
j) Lurzorua landare materiala ezartzeko prestatzea jarraibideei segituz, beharrezkoak diren tresnak eta lanabesak erabiliz.
k) Lurzoruan bertan markatzea landareak nola banatuko diren, lan plana ongi betetzeko.
l) Azpiegiturak instalatzeko oinarrizko lanak egitea, lan planari jarraikiz.
m) Landareak deskargatu eta babestea, beren bideragarritasuna bermatzeko jarraibideen arabera.
n) Landaketa sustraitze ona ziurtatzeko moduan egitea, ohar teknikoei jarraikiz.
o) Soropilak ereitea eta/edo zotalak jartzea jarraibideei segituz, ernetze edo errotze ona lortzeko.
p) Lorategiak, parkeak eta berdeguneak mantentzeko zeregin lagungarriak egitea.
q) Lorategia, parkea edo berdegunea ongarritzea jarraibideei segituz, landareak ongi gara daitezen.
r) Lorategia, parkea edo berdegunea ongi mantentzeko ohiko laborantza lanak egitea.
s) Azpiegituren oinarrizko kontserbazio lana egitea jarraibideei segituz, erabiltzeko egoera onean egon daitezen.
t) Soropilen eta belardien mantentze-lanak egitea jarraibideei segituz, kontserbazio egoera ona izan dezaten.
6.-Gaitasun pertsonal eta sozialak.
Gaitasun pertsonal eta sozialak honako hauek dira:
a) Bakarrik edo talde baten barrenean lan egitea, ordena, garbitasuna, puntualtasuna, erantzukizuna eta koordinazioa zainduz, besteen lana eta ideiak errespetatuz, talde lanen antolaketan eta garapenean aktiboki parte hartuz eta sortzen diren arazoak konpontzeko lagunduz.
b) Etengabeko autoikaskuntzaren eta prestakuntzaren beharra onartzea, berrikuntza teknologikoetara eta antolakuntzakoetara egokitzeko, enplegua mantentzeko eta lan munduan sartzeko bidea errazten duten tresnak baitira.
c) Ahozko eta keinu bidezko komunikazio egokia ezartzea informazio zuzena eman eta jasotzeko eta arazoak konpontzeko, bai lan inguruneko harremanetan bai kanpokoetan.
d) Instalazioak eta lanabesak ongi erabiltzea eta laneko instalazio guztiak ordenaturik eta garbi mantentzea.
e) Lanean segurtasun eta higiene arauak eta ingurumena babestekoak baloratu, errespetatu eta bermatzea, baliabideak eragimenez erabiliz eta hondakinak gaika bilduz, betiere prebentzio planetan ezarritako arauak betez.
7.-Lanbide moduluak: izena eta iraupena.
"Lorezaintzako laguntzailea" izeneko Lanbide Hastapeneko Kualifikazio Programako lanbide moduluak eta haien iraupena taula honetan azaltzen dira:
|
LANBIDE MODULUAK | |||
|
KODEA |
IZENA |
ORDUAK, GUZTIRA |
KLASEAK ASTEAN |
|
AGA01 |
Mintegietan eta lorezaintza zentroetan landareak ekoitzi eta mantentzeko oinarrizko zereginak |
167 |
5 |
|
AGA02 |
Lorategi, parke eta berdeguneen instalazioko oinarrizko zereginak |
200 |
6 |
|
AGA03 |
Lorategi, parke eta berdeguneak mantentzeko oinarrizko zereginak |
133 |
4 |
|
Enpresako praktikak (borondatezkoak) |
150-200 |
Enpresaren ordutegian | |
|
GUZTIRA |
500 |
15 | |
8.-Programako lanbide moduluek gaitasun unitateekin duten korrespondentzia, egiaztatzeko.
|
GAINDITUTAKO LANBIDE MODULUAK |
EGIAZTATZEN AHAL DIREN GAITASUN UNITATEAK |
|
AGA01. Mintegietan eta lorezaintza zentroetan landareak ekoitzi eta mantentzeko oinarrizko zereginak |
UC0520-1: mintegietan eta lorezaintza zentroetan landareak ekoitzi eta mantentzeko zeregin lagungarriak egitea |
|
AGA02. Lorategi, parke eta berdeguneen instalazioko oinarrizko zereginak |
UC0521-1: lorategiak, parkeak eta berdeguneak instalatzeko zeregin lagungarriak egitea |
|
AGA03. Lorategi, parke eta berdeguneak mantentzeko oinarrizko zereginak |
UC0522-1: Lorategiak, parkeak eta berdeguneak mantentzeko zeregin lagungarriak egitea |
II. ERANSKINA. "Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura
1.-Programaren identifikazioa.
"Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:
a) Izena: Oinarrizko lorezaintzako eta nekazaritzako laguntzailea.
b) Maila: 1-Lanbide Hastapeneko Kualifikazio Programa.
c) Lanbide arloa: Nekazaritza.
d) Iraupena: bi ikasturte; 1.000 ordu, programako lanbide moduluetarako.
e) Programaren modalitatea: LHKP. Oinarrizkoa.
2.-Lanbide profila.
"Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.
3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.
Lanbide kualifikazio osoak:
a) Mintegi, lorategi eta lorezaintza zentroetako jarduera lagungarriak, AGA164-1, gaitasun unitate hauek hartzen dituena:
UC0520-1: mintegietan eta lorezaintza zentroetan landareak ekoitzi eta mantentzeko zeregin lagungarriak egitea.
UC0521-1: lorategiak, parkeak eta berdeguneak instalatzeko zeregin lagungarriak egitea.
UC0522-1: Lorategiak, parkeak eta berdeguneak mantentzeko zeregin lagungarriak egitea.
b) Nekazaritzako jarduera lagungarriak, AGA163-1, gaitasun unitate hauek hartzen dituena:
UC0517-1: Zeregin lagungarriak egitea lurra prestatu eta nekazaritzako laboreak erein eta landatzeko.
UC0518-1: Zeregin lagungarriak egitea nekazaritza laboreak ureztatzeko, ongarria emateko eta tratamenduak aplikatzeko. Nekazaritza ustiategietako instalazioetan mantentze-lanak egitea.
UC0519-1: Zeregin lagungarriak egitea laborantza lanetan eta laboreak biltzekoetan, eta nekazaritza ustiategietako instalazioen mantentze-lanetan.
4.-Gaitasun orokorra.
Zeregin lagungarriak egitea lorategiak, parkeak eta berdeguneak ezarri eta mantentzeko, mintegietan eta lorezaintza zentroetan landareak ekoitzi eta mantentzeko, eta zeregin lagungarriak nekazaritzako laboreetan, arduradunen edo lan planen jarraibideei segituz, eta laneko arriskuen prebentzioko, ingurumena zaintzeko eta kalitateko arauak betez.
5.-Berariazko lanbide gaitasunak.
Berariazko lanbide gaitasunak honako hauek dira:
a) Lurzorua landareak ekoizteko prestatzea jarraibideei segituz, beharrezkoak diren tresnak eta lanabesak erabiliz.
b) Jarraibideei segituz eta material egokiak erabiliz, landareak ekoizteko substratua prestatzen laguntzea.
c) Azpiegiturak instalatzeko oinarrizko lanak egitea, laboreak eta ureztaketa babesteko, lan planari jarraikiz.
d) Landare materiala bildu eta prestatzeko oinarrizko lanak egitea, ugalketarako, lan planari jarraikiz.
e) Landare materialaren sexu bidezko ugalketarako oinarrizko lanak egitea, ezarritako planari jarraikiz.
f) Landare materialaren ugalketa begetatiborako oinarrizko lanak egitea, ezarritako planari jarraikiz.
g) Landare elementuak ekoitzi eta mantentzeko oinarrizko laborantza lanak egitea, ezarritako planari jarraikiz.
h) Landarea erauzi eta mintegiratzeko oinarrizko lanak egitea, jarraibideei segituz.
i) Landarea lorezaintza zentroko salmenta tokirako aurkezteko oinarrizko lanak egitea, ezarritako planari jarraikiz.
j) Lurzorua landare materiala ezartzeko prestatzea jarraibideei segituz, beharrezkoak diren tresnak eta lanabesak erabiliz.
k) Lurzoruan bertan markatzea landareak nola banatuko diren, lan plana ongi betetzeko.
l) Azpiegiturak instalatzeko oinarrizko lanak egitea, lan planari jarraikiz.
m) Landareak deskargatu eta babestea, beren bideragarritasuna bermatzeko jarraibideen arabera.
n) Landaketa sustraitze ona ziurtatzeko moduan egitea, ohar teknikoei jarraikiz.
o) Soropilak ereitea eta/edo zotalak jartzea jarraibideei segituz, ernetze edo errotze ona lortzeko.
p) Lorategiak, parkeak eta berdeguneak mantentzeko zeregin lagungarriak egitea.
q) Lorategia, parkea edo berdegunea ongarritzea jarraibideei segituz, landareak ongi gara daitezen.
r) Lorategia, parkea edo berdegunea ongi mantentzeko ohiko laborantza lanak egitea.
s) Azpiegituren oinarrizko kontserbazio lana egitea jarraibideei segituz, erabiltzeko egoera onean egon daitezen.
t) Soropilen eta belardien mantentze-lanak egitea jarraibideei segituz, kontserbazio egoera ona izan dezaten.
u) Lurra eskuz edo makina txikiekin prestatzea, landare materiala ezartzeko, jarraibideei segituz.
v) Oinarrizko lanak egitea, eskuz edo makina txikiekin, azpiegiturak ezartzeko, lan planari jarraikiz.
w) Eskuz edo makina txikiekin ereitea, birlandatzea edo landatzea, jarraibideei segituz.
x) Laborea eskuz edo sistema errazak abiaraziz ureztatzea, landareek behar duten ura izan dezaten, eta instalazioaren funtzionamendua egiaztatzea, jarraibideei segituz.
y) Eskuz ongarritzea, landareak ongi gara daitezen; aldez aurretik, ongarria baliabide mekanikoen bidez pilatzea, jarraibideei segituz.
z) Laboreari tratamendu fitosanitarioak ematea makina txikien bitartez, jarraibideei segituz, landareek osasun ona izan dezaten.
aa) Laborantza lanak egitea lurzorua eta laborea mantentzeko, jarraibideei segituz.
ab) Nekazaritzako produktuak eta azpiproduktuak bildu eta kontserbatzea, jarraibideei segituz.
ac) Ustiategiko instalazioak mantentzeko zeregin lagungarriak egitea egoera ona izan dezaten, jarraibideei segituz.
6.-Gaitasun pertsonal eta sozialak.
Gaitasun pertsonal eta sozialak honako hauek dira:
a) Bakarrik edo talde baten barrenean lan egitea, ordena, garbitasuna, puntualtasuna, erantzukizuna eta koordinazioa zainduz, besteen lana eta ideiak errespetatuz, talde lanen antolaketan eta garapenean aktiboki parte hartuz eta sortzen diren arazoak konpontzeko lagunduz.
b) Etengabeko autoikaskuntzaren eta prestakuntzaren beharra onartzea, berrikuntza teknologikoetara eta antolakuntzakoetara egokitzeko, enplegua mantentzeko eta lan munduan sartzeko bidea errazten duten tresnak baitira.
c) Ahozko eta keinu bidezko komunikazio egokia ezartzea informazio zuzena eman eta jasotzeko eta arazoak konpontzeko, bai lan inguruneko harremanetan bai kanpokoetan.
d) Instalazioak eta lanabesak ongi erabiltzea eta laneko instalazio guztiak ordenaturik eta garbi mantentzea.
e) Lanean segurtasun eta higiene arauak eta ingurumena babestekoak baloratu, errespetatu eta bermatzea, baliabideak eragimenez erabiliz eta hondakinak gaika bilduz, betiere prebentzio planetan ezarritako arauak betez.
7.-Lanbide moduluak: izena, iraupena eta sekuentziazioa.
"Oinarrizko lorezaintzako eta nekazaritzako laguntzailea" izeneko Lanbide Hastapeneko Kualifikazio Programako lanbide moduluak, horien iraupena eta sekuentziazioa taula honetan ageri dira:
|
LANBIDE MODULUAK | ||||
|
KODEA |
IZENA |
ORDUAK, GUZTIRA |
ASTEKO KLASEAK |
MAILA |
|
AGA01 |
AGA01a.-Mintegietako eta lorezaintza zentroetako oinarrizko zereginak I |
200 |
6 |
1.a |
|
AGA02 |
AGA02a.-Lorategiak, parkeak eta berdeguneak instalatzeko oinarrizko zereginak I |
167 |
5 |
1.a |
|
AGA03 |
AGA03a.-Lorategiak, parkeak eta berdeguneak mantentzeko oinarrizko zereginak I |
133 |
4 |
1.a |
|
AGA01 |
AGA01b.-Mintegietako eta lorezaintza zentroetako oinarrizko zereginak II |
67 |
2 |
2.a |
|
AGA02 |
AGA02b.-Lorategiak, parkeak eta berdeguneak instalatzeko oinarrizko zereginak II |
67 |
2 |
2.a |
|
AGA03 |
AGA03b.-Lorategiak, parkeak eta berdeguneak mantentzeko oinarrizko zereginak II |
66 |
2 |
2.a |
|
AGA04 |
Zeregin lagungarriak egitea lurra prestatu eta nekazaritzako laboreak erein eta landatzeko |
133 |
4 |
2.a |
|
AGA05 |
Zeregin lagungarriak egitea nekazaritza laboreak ureztatzeko, ongarria emateko eta tratamenduak aplikatzeko |
67 |
2 |
2.a |
|
AGA06 |
Zeregin lagungarriak laboreetan eta nekazaritza ustiategietako instalazioen mantentze-lanetan |
100 |
3 |
2.a |
|
Enpresako praktikak (borondatezkoak) |
150 |
2.a | ||
|
GUZTIRA |
1.000 |
15/astea |
| |
AGA01, AGA02 eta AGA03 lanbide moduluak bi ikasturtetan banatuta daude arrazoi akademikoengatik eta antolaketa arrazoiengatik.
8.-Programako lanbide moduluek gaitasun unitateekin duten korrespondentzia, egiaztatzeko.
|
GAINDITUTAKO LANBIDE MODULUAK |
EGIAZTATZEN AHAL DIREN GAITASUN UNITATEAK |
|
AGA01 a) eta b). Mintegietan eta lorezaintza zentroetan landareak ekoitzi eta mantentzeko oinarrizko zereginak |
UC0520-1: mintegietan eta lorezaintza zentroetan landareak ekoitzi eta mantentzeko zeregin lagungarriak egitea |
|
AGA02 a) eta b). Lorategi, parke eta berdeguneen instalazioko oinarrizko zereginak |
UC0521-1: lorategiak, parkeak eta berdeguneak instalatzeko zeregin lagungarriak egitea |
|
AGA03 a) eta b). Lorategi, parke eta berdeguneak mantentzeko oinarrizko zereginak |
UC0522-1: Lorategiak, parkeak eta berdeguneak mantentzeko zeregin lagungarriak egitea |
|
AGA05. Zeregin lagungarriak egitea lurra prestatu eta nekazaritzako laboreak erein eta landatzeko. |
UC0517-1 Zeregin lagungarriak egitea lurra prestatu eta nekazaritzako laboreak erein eta landatzeko. |
|
AGA06. Zeregin lagungarriak egitea nekazaritza laboreak ureztatzeko, ongarria emateko eta tratamenduak aplikatzeko |
UC0518-1 Zeregin lagungarriak egitea nekazaritza laboreak ureztatzeko, ongarria emateko eta tratamenduak aplikatzeko. Nekazaritza ustiategietako instalazioetan mantentze-lanak egitea |
|
AGA07. Zeregin lagungarriak laboreetan eta nekazaritza ustiategietako instalazioen mantentze-lanetan |
UC0519-1 Zeregin lagungarriak egitea laborantza lanetan eta laboreak biltzekoetan, eta nekazaritza ustiategietako instalazioen mantentze-lanetan. |
