navarra.es
Castellano | Euskara | Français | English
Ezagutzera eman
83/2011 Ebazpena, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Elektrizitatea eta Elektronika lanbide arlokoak diren "Etxebizitzako instalazio elekrikoetako laguntzailea" eta "Etxebizitzako ...
83/2011 EBAZPENA, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Elektrizitatea eta Elektronika lanbide arlokoak diren "Etxebizitzako instalazio elekrikoetako laguntzailea" eta "Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programetako lanbide moduluen lanbide profila eta egitura onesten dituena
(2011ko 204. NAOn argitaratutako testua, urriaren 14an; akats zuzenketa, 2011-12-23ko NAO)
Atarikoa
Hezkuntzari buruzko maiatzaren 3ko 2/2006 Lege Organikoaren 30. artikuluak Lanbide Hastapeneko Kualifikazio Programak ezartzen ditu, derrigorrezko bigarren hezkuntzako graduatu titulua lortu ez duten ikasleei zuzenduak, horrela ikasleek Lanbide Kualifikazioen Katalogo Nazionalaren egungo egiturako lehen mailako kualifikazioari dagozkion lanbide gaitasunak lor ditzaten -Lanbide Kualifikazioen Katalogo Nazionala Kualifikazioei eta Lanbide Heziketari buruzko ekainaren 19ko 5/2002 Lege Organikoak sortu zuen-, eta gizartean eta lan munduan ongi sartzeko aukera izan eta beren oinarrizko gaitasunak gara ditzaten ikasketak egiten jarraitu ahal izateko.
Ekonomia Iraunkorrari buruzko martxoaren 4ko 2/2011 Legearen azken xedapenetako hogeita laugarrenak ezartzen du Lanbide Hastapeneko Kualifikazio Programetako lanbide moduluak hezkuntza sistemako lanbide heziketaren barnean daudela.
Uztailaren 4ko 109/2008 Foru Aginduaren bidez arautzen dira Lanbide Hastapeneko Kualifikazio Programak Nafarroan.
Lanbide Heziketaren Zerbitzuko zuzendariak aldeko txostena aurkeztu du, "Etxebizitzako instalazio elekrikoetako laguntzailea" eta "Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programetako lanbide moduluen egitura eta lanbide erreferentea/lanbide profila ezartzeari dagokionez.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz, ebatzi dut:
Lehena
Ebazpen honen xedea da Elektrizitatea eta Elektronika lanbide arlokoak diren "Etxebizitzako instalazio elekrikoetako laguntzailea" eta "Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programetako lanbide moduluen egituraren eta lanbide profilaren erreferentea onestea, Nafarroako Foru Komunitaterako.
Nafarroan programa horiek garatzen dituzten ikastetxe eta entitate baimenduetan aplikatuko dira.
Ebazpen honen bidez onetsitako erreferentea aldatzeko beharrezkoa izanen da Hezkuntza Departamentuaren baimena lortzea, ezartzen den prozeduraren bitartez.
Bigarrena
"Etxebizitzako instalazio elektrikoetako laguntzailea" izeneko Lanbide Hastapeneko Kualifikazio Programako lanbide moduluen egituraren identifikazioa eta lanbide profila I. eranskinean ageri dira.
"Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programako lanbide moduluen egituraren identifikazioa eta lanbide profila II. eranskinean ageri dira.
Hirugarrena
Ebazpen hau eta eranskinak Nafarroako Aldizkari Ofizialari jakinaraztea, argitara daitezen.
Laugarrena
Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.
Bosgarrena
Ebazpen hau igortzea Lanbide Heziketaren Zerbitzuari, Hezkuntzako Ikuskapen Zerbitzuari, Hezkuntza Antolamenduaren eta Berrikuntzaren Zerbitzuari, Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuari, Lanbide Heziketaren Plangintza, Antolamendu eta Garapenerako Atalari, Nafarroako Kualifikazioen Institutua-Lanbide Kualifikazioen Atalari eta Ikasketak Antolatzeko Atalari.
I. ERANSKINA. "Etxebizitzako instalazio elektrikoetako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura
1.-Programaren identifikazioa.
"Etxebizitzako instalazio elektrikoetako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:
a) Izena: Etxebizitzako instalazio elektrikoetako laguntzailea.
b) Maila: 1-Lanbide Hastapeneko Kualifikazio Programa.
c) Lanbide arloa: Elektrizitatea eta Elektronika.
d) Iraupena: ikasturte bat; 500 ordu, programako lanbide moduluetarako.
e) Programaren modalitatea: LHKP Lanbide Lantegia.
2.-Lanbide profila.
"Etxebizitzako instalazio elektrikoetako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.
3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.
Lanbide kualifikazio osoak:
a) Instalazio elektroteknikoak eta telekomunikazioetakoak eraikinetan muntatzeko zeregin lagungarriak, ELE255-1, gaitasun unitate hauek hartzen dituena:
UC0816-1: behe tentsioko instalazio elektrikoak eta domotikakoak eraikinetan muntatzeko zereginak egitea.
UC0817-1: telekomunikazioetako instalazioak muntatzeko zereginak egitea.
4.-Gaitasun orokorra.
Programa honen gaitasun orokorra zeregin lagungarriak egitea da, nagusiaren jarraibideak betez, eraikinetako instalazio elektroteknikoak eta telekomunikazioetakoak muntatu eta haien mantentze lanetan, hainbat erabilera eta instalaziotarako, kasu bakoitzean behar diren teknika eta prozedurak aplikatuta, kalitateko irizpideak, segurtasun baldintzak eta egungo araudia betez.
5.-Berariazko lanbide gaitasunak.
Berariazko lanbide gaitasunak honako hauek dira:
a) Eraikinetan, behe tentsioko instalazio elektrikoetan eta domotikakoetan, kanalizazioak, hodiak eta euskarriak muntatzeko behar diren materiala, tresnak eta ekipoa prestatu, bildu eta banatzea, ezarritako kalitate eta segurtasun baldintzetan eta emandako oharrei jarraituz.
b) Eraikinetan, hodi, erretilu, euskarri eta kaxak ezarri eta tinkatzea behe tentsioko instalazio elektrikoetan eta domotikakoetan, ezarritako kalitate eta segurtasun baldintzetan eta emandako oharrei jarraituz.
c) Eraikinetan, behe tentsioko instalazio elektrikoetako eta domotikakoetako elementuak muntatzeko koadro eta kaxak prestatzea, ezarritako kalitate eta segurtasun baldintzetan eta emandako oharrei jarraituz.
d) Eraikinetan, behe tentsioko instalazio elektrikoetan eta domotikakoetan, kableak botatzea, ezarritako kalitate eta segurtasun baldintzetan eta emandako oharrei jarraituz.
e) Eraikinetan, behe tentsioko instalazio elektrikoetako eta domotikakoetako mekanismo eta elementuak muntatu, tinkatu eta konektatzea, ezarritako kalitate eta segurtasun baldintzetan eta emandako oharrei jarraituz.
f) Eraikinetan, behe tentsioko instalazio elektrikoak eta domotikakoak, konpontzen laguntzea, ezarritako kalitate eta segurtasun baldintzetan eta emandako oharrei jarraituz.
g) Telekomunikazioetako azpiegituren instalazioetan kanalizazioak, hodiak eta euskarriak muntatzeko behar diren materiala, tresnak eta ekipoa prestatu, bildu eta banatzea, ezarritako kalitate eta segurtasun baldintzetan eta emandako oharrei jarraituz.
h) Telekomunikazioetako azpiegituren instalazioetan hodiak, kanalizazioak, euskarriak eta erregistroak ezarri eta tinkatzea, ezarritako kalitate eta segurtasun baldintzetan eta emandako oharrei jarraituz.
i) Telekomunikazioetako azpiegituren instalazioetako elementuak muntatzeko armairu (rack) eta erregistroak prestatzen laguntzea, maila handiagoko teknikari batek gainbegiratuta, ezarritako kalitate eta segurtasun baldintzetan.
j) Eraikinetan, telekomunikazioetako azpiegituren instalazioetan, kableak botatzea, ezarritako kalitate eta segurtasun baldintzetan eta emandako oharrei jarraituz.
k) Eraikinetan, telekomunikazioetako azpiegituren instalazioetako elementu eta ekipoak muntatu eta tinkatzen laguntzea, ezarritako kalitate eta segurtasun baldintzetan eta emandako oharrei jarraituz.
6.-Gaitasun pertsonal eta sozialak.
Gaitasun pertsonal eta sozialak honako hauek dira:
a) Instalazioak muntatu eta mantentzeko prozesuetan esku hartzean ingurumenaren kalitateari eta segurtasunari buruzko protokoloak aplikatzea.
b) Laneko arriskuei aurrea hartzeko planean ezarritako zehaztapenak betetzea, lanpostuari lotutako arriskuak detektatuz eta aurreikusiz.
c) Parte hartze aktiboa izatea lantaldean, harreman pertsonal eta profesionalen garapen egokiaren alde, taldeko lana bultzatzeko, baita tratu egokia ere, bezeroekin.
d) Ordena, puntualtasun, erantzukizun eta txukuntasun ohiturak izatea bere jardueran.
7.-Lanbide moduluak: izena eta iraupena.
"Etxebizitzako instalazio elektrikoetako laguntzailea" izeneko Lanbide Hastapeneko Kualifikazio Programako lanbide moduluak eta haien iraupena taula honetan azaltzen dira:
|
LANBIDE MODULUAK | |||
|
KODEA |
IZENA |
ORDUAK, GUZTIRA |
KLASEAK ASTEAN |
|
ELE01 |
Behe tentsioko instalazio elektrikoak eta domotikakoak eraikinetan muntatzeko zereginak |
334 |
10 |
|
ELE02 |
Telekomunikazioetako instalazioak muntatzeko zereginak |
166 |
5 |
|
Enpresako praktikak (borondatezkoak) |
150-200 |
Enpresaren ordutegian | |
|
GUZTIRA |
500 |
15 | |
8.-Programako lanbide moduluek gaitasun unitateekin duten korrespondentzia, egiaztatzeko.
|
GAINDITUTAKO LANBIDE MODULUAK |
EGIAZTATZEN AHAL DIREN GAITASUN UNITATEAK |
|
ELE01. Behe tentsioko instalazio elektrikoak eta domotikakoak eraikinetan muntatzeko zereginak |
UC0816-1: behe tentsioko instalazio elektrikoak eta domotikakoak eraikinetan muntatzeko zereginak egitea |
|
ELE02. Telekomunikazioetako instalazioak muntatzeko zereginak |
UC0817-1: telekomunikazioetako instalazioak muntatzeko zereginak egitea |
II. ERANSKINA. "Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura
1.-Programaren identifikazioa.
"Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:
a) Izena: Etxebizitzako eta enpresa txikiko instalazio elektrikoetako laguntzailea.
b) Maila: 1-Lanbide Hastapeneko Kualifikazio Programa.
c) Lanbide arloa: Elektrizitatea eta Elektronika.
d) Iraupena: bi ikasturte; 1.000 ordu, programako lanbide moduluetarako.
e) Programaren modalitatea: LHKP Lanbide Lantegia.
2.-Lanbide profila.
"Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.
3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.
Lanbide kualifikazio osoak:
a) Instalazio elektroteknikoak eta telekomunikazioetakoak eraikinetan muntatzeko zeregin lagungarriak, ELE255-1, gaitasun unitate hauek hartzen dituena:
UC0816-1: behe tentsioko instalazio elektrikoak eta domotikakoak eraikinetan muntatzeko zereginak egitea.
UC0817-1: telekomunikazioetako instalazioak muntatzeko zereginak egitea.
3.-Gaitasun orokorra.
Zeregin lagungarriak egitea, nagusiaren jarraibideak betez, eraikinetako instalazio elektroteknikoak eta telekomunikazioetakoak muntatu eta haien mantentze lanetan, hainbat erabilera eta instalaziotarako, baita oinarrizko makina elektrikoak muntatu eta haien mantentze lanetan ere, kasu bakoitzean behar diren teknika eta prozedurak aplikatuta, kalitateko irizpideak, segurtasun baldintzak eta egungo araudia betez.
4.-Berariazko lanbide gaitasunak.
Berariazko lanbide gaitasunak honako hauek dira:
a) Eraikinetan, behe tentsioko instalazio elektrikoetan eta domotikakoetan, kanalizazioak, hodiak eta euskarriak muntatzeko behar diren materiala, tresnak eta ekipoa prestatu, bildu eta banatzea, ezarritako kalitate eta segurtasun baldintzetan eta emandako oharrei jarraituz.
b) Eraikinetan, hodi, erretilu, euskarri eta kaxak ezarri eta tinkatzea behe tentsioko instalazio elektrikoetan eta domotikakoetan, ezarritako kalitate eta segurtasun baldintzetan eta emandako oharrei jarraituz.
c) Eraikinetan, behe tentsioko instalazio elektrikoetako eta domotikakoetako elementuak muntatzeko koadro eta kaxak prestatzea, ezarritako kalitate eta segurtasun baldintzetan eta emandako oharrei jarraituz.
d) Eraikinetan, behe tentsioko instalazio elektrikoetan eta domotikakoetan, kableak botatzea, ezarritako kalitate eta segurtasun baldintzetan eta emandako oharrei jarraituz.
e) Eraikinetan, behe tentsioko instalazio elektrikoetako eta domotikakoetako mekanismo eta elementuak muntatu, tinkatu eta konektatzea, ezarritako kalitate eta segurtasun baldintzetan eta emandako oharrei jarraituz.
f) Eraikinetan, behe tentsioko instalazio elektrikoak eta domotikakoak, konpontzen laguntzea, ezarritako kalitate eta segurtasun baldintzetan eta emandako oharrei jarraituz.
g) Telekomunikazioetako azpiegituren instalazioetan kanalizazioak, hodiak eta euskarriak muntatzeko behar diren materiala, tresnak eta ekipoa prestatu, bildu eta banatzea, ezarritako kalitate eta segurtasun baldintzetan eta emandako oharrei jarraituz.
h) Telekomunikazioetako azpiegituren instalazioetan hodiak, kanalizazioak, euskarriak eta erregistroak ezarri eta tinkatzea, ezarritako kalitate eta segurtasun baldintzetan eta emandako oharrei jarraituz.
i) Telekomunikazioetako azpiegituren instalazioetako elementuak muntatzeko armairu (rack) eta erregistroak prestatzen laguntzea, maila handiagoko teknikari batek gainbegiratuta, ezarritako kalitate eta segurtasun baldintzetan.
j) Eraikinetan, telekomunikazioetako azpiegituren instalazioetan, kableak botatzea, ezarritako kalitate eta segurtasun baldintzetan eta emandako oharrei jarraituz.
k) Eraikinetan, telekomunikazioetako azpiegituren instalazioetako elementu eta ekipoak muntatu eta tinkatzen laguntzea, ezarritako kalitate eta segurtasun baldintzetan eta emandako oharrei jarraituz.
l) Behe tentsioari lotzeko instalazioak eta harguneak egitea merkataritzako eraikinetan, bulegoetan, eta industria batean edo gehiagotan, ezarrita diren kalitate eta segurtasun baldintzetan, egungo araudiari jarraituz.
m) Energia elektrikoa banatzeko instalazioak egitea merkataritzako eraikinetan, bulegoetan eta industrietan, eskatzen diren segurtasun baldintzekin eta ezarrita den kalitatearekin, egungo araudiari jarraituz.
n) Babes eta banaketako elementuak muntatzea inguratzaileetan (armairuak eta koadroak, besteak beste), ezarrita den kalitateari eta egungo araudiaren araberako segurtasun neurriei jarraituz.
ñ) Besteak beste, armairuak eta koadro elektrikoak prestatzea, gailu elektroteknikoen maniobrako zirkuituak muntatu eta haiek babestu eta kontrolatzea, ezarrita den kalitateari jarraituz eta segurtasun arauak betez.
o) Besteak beste, armairu eta koadroetako gailu elektroteknikoen maniobrako zirkuituak muntatu eta haiek babestu eta kontrolatzea, ezarrita den kalitateari jarraituz eta segurtasun arauak betez.
p) Instalazio automatizatuak egitea (kontroleko ekipoa, sentsoreak, eragingailuak eta detektagailuak, besteak beste) segurtasun eta kalitate baldintzak betez.
5.-Gaitasun pertsonal eta sozialak.
Gaitasun pertsonal eta sozialak honako hauek dira:
a) Instalazioak muntatu eta mantentzeko prozesuetan esku hartzean ingurumenaren kalitateari eta segurtasunari buruzko protokoloak aplikatzea.
b) Laneko arriskuei aurrea hartzeko planean ezarritako zehaztapenak betetzea, lanpostuari lotutako arriskuak detektatuz eta aurreikusiz.
c) Parte hartze aktiboa izatea lantaldean, harreman pertsonal eta profesionalen garapen egokiaren alde, taldeko lana bultzatzeko, baita tratu egokia ere, bezeroekin.
d) Ordena, puntualtasun, erantzukizun eta txukuntasun ohiturak izatea bere jardueran.
7.-Lanbide moduluak: izena, iraupena eta sekuentziazioa.
"Etxebizitzako eta enpresa txikiko instalazio elektrikoetako laguntzailea" izeneko Lanbide Hastapeneko Kualifikazio Programak Lanbide Kualifikazioen Katalogo Nazionalarekin lotuta dauden lanbide moduluez eta katalogo horrekin lotuta ez dauden beste batzuez osatuta dago. Horien iraupena eta sekuentziazioa taula honetan ageri dira:
|
LANBIDE MODULUAK | ||||
|
KODEA |
IZENA |
ORDUAK, GUZTIRA |
ASTEKO KLASEAK |
MAILA |
|
ELE01 |
ELE01a. Behe tentsioko instalazio elektrikoak eta domotikakoak eraikinetan muntatzeko zereginak I |
334 |
10 |
1.a |
|
ELE02 |
Telekomunikazioetako instalazioak muntatzeko zereginak |
166 |
5 |
1.a |
|
ELE01 |
ELE01b. Behe tentsioko instalazio elektrikoak eta domotikakoak eraikinetan muntatzeko zereginak II |
166 |
5 |
2.a |
|
ELE03 |
Behe tentsioko instalazio elektrikoak eta domotikakoak merkataritzako lokaletan eta industria txikian muntatzeko zereginak |
167 |
5 |
2.a |
|
ELE04 |
Automatismoen instalazio elektrikoak muntatzeko zereginak |
167 |
5 |
2.a |
|
Enpresako praktikak (borondatezkoak) |
150-200 |
2.a | ||
|
GUZTIRA |
1.000 |
15/astea |
| |
ELE01 lanbide modulua bi ikasturtetan banatuta ageri da ikasketa eta antolaketako arrazoiengatik.
8.-Programako lanbide moduluek gaitasun unitateekin duten korrespondentzia, egiaztatzeko.
|
GAINDITUTAKO LANBIDE MODULUAK |
EGIAZTATZEN AHAL DIREN GAITASUN UNITATEAK |
|
ELE01: a) eta b). Behe tentsioko instalazio elektrikoak eta domotikakoak eraikinetan muntatzeko zereginak |
UC0816-1: behe tentsioko instalazio elektrikoak eta domotikakoak eraikinetan muntatzeko zereginak egitea. |
|
ELE02: Telekomunikazioetako instalazioak muntatzeko zereginak |
UC0817-1: telekomunikazioetako instalazioak muntatzeko zereginak egitea |
|
ELE03: Behe tentsioko instalazio elektrikoak eta domotikakoak merkataritzako lokaletan eta industria txikian muntatzeko zereginak |
Korrespondentziarik gabe Katalogo Nazionaleko gaitasun unitateekin |
|
ELE04: Automatismoen instalazio elektrikoak muntatzeko zereginak |
