navarra.es
Castellano | Euskara | Français | English
Ezagutzera eman
62/2013 Foru Agindua, urtarrilaren 18koa, Gizarte Politiketako kontseilariak emana, mendekotasuna dutenentzako laguntzaren arloko hainbat prestazio eta zerbitzuren arteko bateragarritasun araubidea ezartzen duena eta mendekotasuna duten pertsonak ...
(Testu bateratua. Jatorrizkoa 2013ko 21. NAOn argitaratua, urtarrilaren 31n. Aldaketak: 784/2014 Foru Agindua, abenduaren 15ekoa)
Atarikoa
Nafarroako Foru Komunitateak, Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 44. artikuluaren bidez, eskumen osoa du gizarte zerbitzuen arloan. Horren arabera, Gizarte Zerbitzuei buruzko abenduaren 14ko 15/2006 Foru Legea eman du, funtsezko helburua, Nafarroako Foru Komunitatearen esparruan, herritarren gizarte ongizatea lortzea duena, gizarte zerbitzuetarako eskubide unibertsala bermatuta.
Foru lege hori garatzeko, ekainaren 17ko 69/2008 Foru Dekretua eman zen, Gizarte Zerbitzu Orokorren Zorroa onesten duena. Zorro horretan sistemaren prestazioak eta mendekotasuna dutenentzako laguntzaren arloko prestazio eta zerbitzuen arteko bateragarritasun araubidea biltzen dira. Prestazioen artean mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak daude, prestazio bermatu gisa.
Foru dekretu horrek aldaketa nabarmenak izan ditu, honako arau hauek indarra hartu ondoren: urriaren 6ko 1/2011 Foru Lege-Dekretua; 2012rako Nafarroako Aurrekontu Orokorrei buruzko abenduaren 28ko 19/2011 Foru Legea; eta Aurrekontuaren egonkortasuna bermatzeko eta lehiakortasuna sustatzeko neurriei buruzko uztailaren 13ko 20/2012 Errege Dekretua.
Horietako lehenak, urriaren 6ko 1/2011 Foru Lege-Dekretuak, defizitaren helburua betetzeko hainbat neurri onesten dituenak, ezartzen du ekainaren 17ko 69/2008 Foru Dekretuan onetsi zen gizarte zerbitzu orokorren zorroko prestazioak bateraezinak direla beren artean mendekotasuna dutenentzako laguntzaren arloan, eta Gizarte Politika, Berdintasun, Kirol eta Gazteriako kontseilariaren foru aginduen bitartez erabakitzen ahalko dela prestazio horietako batzuen arteko bateragarritasuna.
Bestalde, 2012rako Nafarroako Aurrekontu Orokorrei buruzko abenduaren 28ko 19/2011 Foru Legearen bigarren xedapen gehigarrian mendekotasuna duten pertsonak etxean gelditu eta haien zaintzaileei sostengua emateko laguntza ekonomikoen gutxieneko eta gehieneko zenbatekoak ezartzen dira, 2012ko ekitaldirako. Bertan adierazten da kasu bakoitzean dagokion laguntza ekonomikoaren zenbatekoa onuradunaren mendekotasun gradu eta mailaren eta gaitasun ekonomikoaren arabera ezarriko dela, aipatutako mugen barruan, gizarte politikaren arloan eskumena duen kontseilariak emandako foru agindu batean ezarritako moduan.
Xedapen berean adierazten da laguntza ekonomikoaren onuradunak beste edozein laguntza bateragarri ere jasotzen badu -larrialdietarako telefono zerbitzua salbu-, hura jasoko duela, betiere mendekotasun gradu eta maila bakoitzerako xedapen gehigarri horretan ezarri den gutxieneko zenbatekoan.
Lege arau horietan ezarritakoa betetzeko, bi foru agindu eman ziren: 103/2011 Foru Agindua, urriaren 21ekoa, Gizarte Politika, Berdintasun, Kirol eta Gazteriako kontseilariak emana, hainbat prestazio eta zerbitzuren arteko bateragarritasun araubidea ezartzen duena mendekotasuna dutenentzako laguntzaren arloan; eta 247/2011 Foru Agindua, abenduaren 23koa, Gizarte Politika, Berdintasun, Kirol eta Gazteriako kontseilariak emana, mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak arautzen dituena. Nafarroako Justizia Auzitegi Nagusiak deklaratu zuen bi foru agindu horiek ez zirela zuzenbidearen araberakoak, haien tramitazioan legeetan ezarritako prozedurari ez baitzitzaion jarraitu. Horregatik, segurtasun juridiko handiena segurtatzeko, beharrezkoa da bi gai horiek lehenbailehen arautzea. Haien edukia ikusita, eta eragimenaren eta gardentasunaren printzipioekin bat, bidezkotzat jotzen da biak foru agindu bakarrean arautzea.
Foru aginduak hainbat prestazio eta zerbitzuren arteko bateragarritasun araubidea ezartzen du mendekotasunaren arloan, mendekotasun egoeran daudenek laguntza egokia jaso dezaten, bakoitzaren egoera pertsonalaren arabera, Defizitaren helburua betetzeko hainbat neurri onesten dituen urriaren 6ko 1/2011 Foru Lege-Dekretuan ezarritakoa errespetatuz, baita Autonomia pertsonala sustatzeari eta mendekotasun egoeran dauden pertsonak zaintzeari buruzko abenduaren 14ko 39/2006 Legearen 25 bis artikuluan xedatutakoa ere (artikulu berria, "Prestazioen bateraezintasun araubidea" izenekoa, Aurrekontuaren egonkortasuna bermatzeko eta lehiakortasuna sustatzeko neurriei buruzko uztailaren 13ko 20/2012 Errege Lege-Dekretuaren bidez ezarria).
Halaber, mendekotasuna duten pertsonak etxean gelditzeko laguntza ekonomikoen araubidea ezartzen da, uztailaren 13ko 20/2012 Errege Lege-Dekretuan ezarritako egitura berria kontuan hartuta. Egitura horretan, gradu bakoitzaren mendekotasun mailak desagertzen dira eta bakarrik graduak gelditzen dira mendekotasuna sailkatzeko.
Arau honi buruzko kontsulta egin zaie Nafarroako Gizarte Ongizatearen Kontseiluari, Desgaitasunak dituzten Pertsonen Nafarroako Kontseiluari eta Nafarroako Adinekoen Kontseiluari.
Horregatik guztiagatik, Nafarroako Kontseiluarekin bat eta Nafarroako Gobernuari eta Lehendakariari buruzko abenduaren 3ko 14/2004 Foru Legearen ) artikuluak ematen dizkidan ahalmenak erabiliz, agindu dut:
I. KAPITULUA. Xedapen orokorrak
1. artikulua. Xedea.
Foru agindu honen xedea da Gizarte Zerbitzu Orokorren Zorroa onesten duen ekainaren 17ko 69/2008 Foru Dekretuan bermatzen diren prestazio eta zerbitzuen bateragarritasun araubidea ezartzea, mendekotasuna dutenentzako laguntzaren gaian, eta mendekotasuna duten pertsonak etxean gelditu eta haien zaintzaileei familia ingurunean sostengua emateko laguntza ekonomikoak arautzea.
2. artikulua. Aplikazio eremua.
Foru agindu hau aplikatuko zaie Nafarroako Foru Komunitatean indarreko araudian arautzen diren prestazio eta zerbitzuen onuradun izateko araudi horretan ezarritako baldintzak betetzen dituzten pertsonei.
II. KAPITULUA. Mendekotasuna dutenentzako laguntzaren arloko prestazioen bateragarritasuna
3. artikulua. Bateragarritasun araubidea.
1.-Autonomia pertsonala sustatzeari eta mendekotasun egoeran dauden pertsonak zaintzeari buruzko Legearen 25 bis artikuluan bateragarri gisa ezartzen diren zerbitzu eta prestazioez gain, beren artean bateragarriak dira Gizarte Zerbitzu Orokorren Zorroan bermatzen diren honako prestazio hauek, mendekotasuna dutenentzako laguntzaren arloan:
a) Larrialdiko telefono zerbitzua bateragarria da mendekotasuna dutenentzako laguntzaren arloan bermatzen diren prestazio guztiekin, egoitzako prestazio iraunkorrak izan ezik.
b) Mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak, udalek ematen duten etxeko laguntza zerbitzuarekin.
c) Mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak, laguntza goiztiarra zerbitzuarekin edo osasun sistema publikoak emandako errehabilitazio zerbitzu parekatuarekin.
d) Mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak, eguneko zentroa eta eguneko egonaldia zerbitzuekin (18 urtera bitarte).
e) Laguntzarekiko garraio egokitua zerbitzua, larrialdiko telefono zerbitzuaz gain, eguneko egonaldia, eguneko zentroa eta gaueko zentroa zerbitzuekin, zein dela ere modalitatea.
2.-Halaber, mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak honako hauekin dira bateragarriak:
a) Haur Hezkuntzako, Lehen Hezkuntzako edo Derrigorrezko Bigarren Hezkuntzako ikastetxe batera joatea.
Foru agindu honen ondorioetarako, Haur Hezkuntzan sartzen dira 0-3 urteko zikloa eta 3-6 urtekoa.
b) Lanerako ikastegi batera joatea.
3.-Laguntza ekonomikoa beste prestazio batekin bateragarria denean, larrialdiko telefono zerbitzua salbu, laguntza horren zenbatekoa 13.4 artikuluan adierazitakoa izanen da.
III. KAPITULUA. Mendekotasuna duten pertsonak etxean gelditzeko laguntza ekonomikoak
4. artikulua. Laguntzaren onuradunak.
Mendekotasuna duten pertsonek familia ingurunean zaintzaileak izateko prestazio ekonomikoa jasotzen ahalko dute, betiere hurrengo artikuluan ezartzen diren baldintzak betetzen badituzte, bizikidetza eta etxebizitzaren bizigarritasunaren baldintza egokiak badaude eta banakako arreta programan ezarrita badago.
5. artikulua. Laguntzak hartzeko baldintzak.
1.-2012rako Nafarroako Aurrekontu Orokorrei buruzko abenduaren 28ko 19/2011 Foru Legearen bigarren xedapen gehigarrian ezarri eta foru agindu honetan garatzen diren laguntzak jasotzeko, honako baldintza hauek bete behar dira, Gizarte Zerbitzu Orokorren Zorroaren I. eranskineko B letraren 24. zenbakian agertzen diren betebeharrez gainera, eskaera aurkezten den momentuan eta zerbitzuaz baliatzen den bitartean:
a) Familia ingurunean zaindua izatea mendekotasun egoera aitortzeko eskaera egin baino lehen.
b) Egoitza batean etengabe ez egotea.
Hala ulertuko da egoitza pertsonaren benetako bizileku bihurtzen denean, hiru hilabeterako baino gehiagorako, honako hauek eskaintzen zaizkiola, pertsona bakoitzaren ezaugarriak kontuan hartuta: ostatua, mantenua eta habilitazio edo errehabilitazioko jarduera berariazkoak.
Hauek salbuetsiko dira: egoitzan aldi baterako sartzeko zerbitzuak, zaintzaile nagusiaren aldi baterako egoerei (eritasunak, ospitaleratzea edo beste beharrizan edo betebehar pertsonal batzuk) zein erabiltzailearen egoerei (ebakuntza kirurgiko baten ostean osatzea, eritasun larria, eriondoko aldi baterako egonaldiak) erantzuteko sortutako zerbitzuak, betiere egonaldi horiek egun bat eta hogeita hamar egun bitartekoak badira zaintzailearen atsedenagatik, eta gehienez hiru hilabetekoak onuraduna osatzeagatik edota zaintzailea ospitaleratzeagatik.
c) Bere etxebizitzak bizigarritasunaren gutxieneko baldintzak eta irisgarritasun nahikoa izatea, zainketa pertsonala behar bezala egin ahal izateko.
6. artikulua. Zaintzailea.
1. Foru agindu honetan aurreikusitako laguntza ekonomikoa emateko, nahitaezkoa izanen da zaintzaren ardura bere gain hartuko duen zaintzaile bat izendatzea.
2. Zaintzaileak bere gain hartuko ditu, formalki, mendekotasuna duen pertsonari arreta emateko eta zaintzeko behar diren konpromisoak. Zaintzailearen eginkizuna izanen da, orobat, eskumena duten gizarte zerbitzuei uztea mendekotasuna duen pertsonaren etxebizitzara sartzen, baldintzak betetzen diren edo inguruabarrak aldatu diren egiazta dezaten. Konpromiso horiek Banakako Arreta Planean prestatzean eskatuko dira.
3. Zaintzaileak proposatzen zaizkion prestakuntza ekintzak egin beharko ditu, betiere mendekotasuna duen pertsonaren zaintza-lanekin bategarriak badira
.7. artikulua. Zaintzailearen egokitasuna.
1. Mendekotasuna duen pertsona baten zaintzaile ez-profesionalak honako hauek izan daitezke: haren ezkontidea, eta hirugarren mailara arteko odol, ezkontza edo adopzio bidezko ahaide bat, betiere mendekotasuna duen pertsonaren etxe berean bizi bada, hura zaintzen aritzen bada eta, eskaera aurkezten den egunean, urtebete badarama harekin bizitzen eta hura zaintzen.
Izatezko bikotekideek, tutoreek eta administrazioaren edo epaileen aginduz harrera-eginkizunetarako izendatutako pertsonek familia harremana dutela ulertuko da, ondorio horretarako parekatzen baitira.
2. Mendekotasun aitortua duen pertsonaren bizilekuaren ezaugarriak direla eta (bizilekuaren inguruan baliabide publiko edo pribatu gutxi daudela egiaztatua izatea, inguruan oso jende gutxi bizitzea, edo beste berezitasun geografiko edo bestelako bat) hari arreta emateko beste modalitate batzuk erabiltzea ezinezkoa edo zaila baldin bada, horren barnean delarik prestazio lotuaren bidezko zerbitzuen bitartez ematen den arreta, salbuespen gisa, zilegi izanen da zainketa ez-profesionala egiten duen pertsonak aurreko idatz-zatian adierazitako ahaidetasun harremana ez izatea, betiere bere ingurunekoa bada, mendekotasuna duen pertsonaren udalerri berean edo ondoko batean bizi bada eta, eskaera aurkezten den egunean, urtebete badarama han bizitzen eta pertsona hori zaintzen.
Lagundutako pertsonak III. edo II. graduko mendekotasuna aitortua baldin badu, berriz, beharrezkoa izanen da bere inguruneko pertsona horrekin batera bizitzea, izan ere, egoera horretan etengabeko arreta behar da eta etengabeko laguntza ezinbestekoa da.
Lagundutako pertsonak I. graduko mendekotasuna aitortua baldin badu, idatz-zati honetan aipatzen den ingurunea landa-ingurunetzat hartua izatea eskatuko da, baina ez da beharrezkoa izanen zaintzailea mendekotasuna duen pertsonaren helbide berean bizitzea.
3. Zaintzaileak laguntza eta zainketa lanak bakarrik eta egoki egiteko behar den gaitasun fisikoa izan beharko du, eta buru eta adimen gaitasun nahikoa, eta ezinezkoa izanen da hark ere mendekotasun egoera aitortua izatea”.
8. artikulua. Zainketen kalitatearen jarraipena.
Gizarte Politiketako Departamentuak, kasuan kasuko unitate administratiboen bidez, zainketen kalitatearen jarraipena eginen du, xede hauekin: laguntza emateko baldintzak, bizikidetza baldintzak, etxebizitzaren bizigarritasun baldintzak eta prestazioa eskuratzeko kontuan hartu ziren gainerako baldintzak egokiak direla egiaztatzeko; zainketen kalitatea bermatzeko; eta etorkizunean izaten ahal diren laguntza ezaren egoerei aurre egiteko.
Zainketen kalitatea bermatzeko, besteak beste, honako irizpide hauek izanen dira kontuan:
a) Mendekotasuna duen pertsonari zainketa eta laguntza egokiak emateko behar den gaitasun fisiko eta psikikoa mantentzea.
b) Mendekotasun egoeran dagoen pertsona zaintzen emandako denbora.
c) Zainketarako laguntzetan izandako aldaketak.
d) Bizikidetasun egoeran izandako aldaketa, mendekotasun egoeran dagoen pertsonari dagokionez.
e) Zaintzaileak jasotako prestakuntza jarduerak.
f) Zaintzailearen atsedenaldiak.
Jarraipenean informazioa, orientazioa eta aholkularitza emanen zaizkie mendekotasun egoeran dagoen pertsonari eta zaintzaileari, Gizarte Politiketako Departamentuaren baliabideak erabilita, Oinarrizko Gizarte Zerbitzuen lankidetzan.
9. artikulua. Gaitasun ekonomikoa zehazteko arau orokorrak.
1.-Laguntza ekonomiko honen onuradunen gaitasun ekonomikoa zehazteko, errentari eta ondareari erreparatuko zaie.
2.-Gaitasun ekonomiko pertsonala zehazteko, familia kargak barne, pertsona fisikoen errentari eta ondareari buruzko zergen araudia aplikatuko da, foru agindu honetan adierazten dena nahikoa ez bada.
3.-Errentaren eta ondarearen zehaztapenean konputatu behar den aldia izanen da eskaera aurkezten den egunean aitorpena aurkezteko epemuga pasatu den azken ekitaldi fiskala edo, halakorik ezean, azken pentsio aitortua.
4.-Halaber, errentaren eta ondarearen zehaztapenean konputatuko dira mendekotasuna dutenentzako laguntzaren sistemako prestazioetarako eskaera aurkeztu aurreko lau urteetan onuradunak egindako ondare erabilpenak.
5.-Familia unitatea da:
a) Senar-emazteek eta adingabeko seme-alabek osatua, salbu eta horiek, gurasoek baimendurik, haiengandik bereizirik bizi badira.
b) Bikote iraunkor batek osatua, berariazko legeriaren arabera, baita adingabeko seme-alabek ere, salbu eta hauek, gurasoek baimendurik, haiengandik bereizirik bizi badira.
c) Legezko banantze kasuetan, edo ezkontzaren bidezko loturarik ez dagoenean, bikotea egonkorra ez denean edo bizikidetzarik ez duenean, amak edo aitak eta berarekin bizi diren seme-alaba guztiek osatzen dutena, aurreko ataletan aipatzen diren betebeharrak betetzen badituzte.
d) Hala hautatuz gero, familia unitateko 18tik 25 urte bitarteko seme-alabak sartuko dira, baldin eta lanbide arteko gutxieneko soldata baino diru-sarrera txikiagoak badituzte eta, beregain izan gabe, gurasoen mende bizi badira.
10. artikulua. Errentaren zehaztapena.
1.-Laguntza hauen ondorioetarako dagokienez, errentatzat hartuko dira familia unitateak honako hauetatik eskuratzen dituen sarrera guztiak:
a) Besteren konturako lanaren etekinak, aplikatzekoa den zerga araudian ezarritakoari jarraikiz, barne direla gizarte aurreikuspeneko prestazioak eta pentsioak, horien araubidea edozein izanik ere.
b) Ondasun higigarrien nahiz higiezinen kapitalaren etekinak.
c) Enpresa edo lanbide jardueretako etekin garbiak, edo nekazaritza eta abeltzaintza jardueretakoena.
2.-Onuradunen diru-sarreretan ez da errenta gisa hartuko abenduaren 14ko 39/2006 Legearen 31. artikuluan agertu eta antzeko ezaugarriak eta xedeak dituzten prestazioen zenbatekoa.
3.-Onuradunen errentaren zehaztapenean kontuan hartuko dira urtean ohiko etxebizitza erosteko maileguagatik edo ohiko bizilekua den etxebizitza alokatzeko kontratuagatik kengarriak diren zenbatekoak, araudi fiskal indardunaren baldintza berberetan.
11. artikulua. Ondarearen zehaztapena.
1.-Onuradunaren ondaretzat jotzen da norberaren titulartasunpeko eduki ekonomikoko ondasun eta eskubideen multzoa, horren balioa murrizten duten kargak eta zamak zein bere gain hartu beharreko zor eta betekizun pertsonalak kenduz, hala badagokio, aplikatzekoak izan daitezken zerga arauei jarraikiz.
2.-Kontuan hartu beharreko ondarean sartzen dira kapital higigarria eta higiezina.
Kapital higiezintzat hartuko dira landa nahiz hiri ondasunak.
Kapital higigarriak honako hauek biltzen ditu: kontu korronteko eta eperako gordailuak, inbertsio funtsak eta pentsio funtsak, higigarrien baloreak, bizi-aseguruak erreskate kasuetan eta aldi baterako edo biziarteko errentak, arte-lanak, antzinako gauzak, bitxiak eta bestelako gauzaki baliotsuak.
3.-Ondarearen balioa kalkulatzeko, Ondarearen gaineko Zergarako ezarritako arauak hartuko dira kontuan.
Ondarearen balioa kalkulatzeko, ez da kontuan hartuko onuradunaren ohiko etxebizitza.
Titularkideren bat bada, onuradunaren jabetzari dagokion portzentajea bakarrik hartuko da kontuan.
4.-Desgaitasuna duten pertsonen ondarea babesteko eta, xede berarekin, Kode Zibila, Prozedura Zibilari buruzko Legea eta tributu arloko araudia aldatzeko azaroaren 18ko 41/2003 Legean araututako ondare babestu batera ekarritako ondasun eta eskubideak, haren titularra onuraduna denean, ez dira kontuan hartuko ondarea zehazteko, lotura horrek irauten duen artean. Ondare horretatik sortutako errentak, aldiz, kontuan hartuko dira, ondarean sartu ezean.
5.-Ondareari dagokionez onuradunaren adina hartuko da kontuan.
12. artikulua. Gaitasun ekonomiko pertsonalaren zehaztapena.
1.-Onuradunaren gaitasun ekonomiko pertsonala zehazteko, per capita errentari eta ondareari erreparatuko zaie.
2.-Onuradunaren per capita errenta lortzeko, eragiketa hau eginen da: familia unitatearen errenta zati kideen kopurua.
3.-Onuradunaren gaitasun ekonomikoa haren per capita errentari dagokiona izanen da, gehi ondare garbiaren %5, onuraduna 65 urtetik gorakoa bada, %3, onuraduna 35 urtetik 65 urte bitartekoa bada, edo %1, onuraduna 35 urtetik beherakoa bada.
4.-Hileko gaitasun ekonomikoa lortzeko, eragiketa hau eginen da: aurreko atalen arabera ezarritako gaitasun ekonomikoa zati 12 hilabete.
13. artikulua. Laguntza ekonomikoaren kalkulua.
1.-Kasuan kasuko mendekotasun egoerarako laguntzaren gehieneko zenbatekoa emanen da onuradunaren gaitasun ekonomikoa Ondorio Askotarako Errenta-adierazle Publikoa baino gutxiago denean eta onuradunak gizarte babeseko edozein araubide publikotatik (PAN) antzeko ezaugarriak eta xedeak dituzten laguntzak jasotzen ez dituenean. Dena den, ateratzen den kantitatea ez da inola ere izango mendekotasun egoera bakoitzerako ezarrita dagoen gutxieneko zenbatekoa baino gutxiago.
2.-Gehienekoa ez den beste zenbateko bat emanen da laguntza ekonomiko gisa onuradunaren gaitasun ekonomikoa Ondorio Askotarako Errenta-adierazle Publikoa edo gehiago bada.
Murriztapenaren ehunekoa aldatuko da mendekotasun egoeraren eta onuradunaren gaitasun ekonomikoaren arabera, hurrengo artikuluetako tauletan ezartzen denarekin bat.
3.-Emaitza horri kendu behar zaizkio antzeko ezaugarri eta helburuak dituzten beste prestazio batzuen arabera gizarte babeseko edozein araubide publikotatik (PAN) jasotako hileko zenbatekoak, halakorik bada. Zehazki, honako hauek kenduko dira: baliaezintasun handiko osagarria (Gizarte Segurantzari buruzko Lege Orokorraren 139.4 artikuluan arautua); %75eko edo hortik gorako minusbaliotasuna duten 18 urtetik gorako seme-alabentzako osagarri ekonomikoa; beste pertsona baten beharragatiko osagarria, kotizazio gabeko baliaezintasuneko pentsioan; eta Elbarrien Integrazio Sozialari buruzko Legearen hirugarren pertsonarentzako laguntza.
Kasu horietan kontuan hartuko da ateratzen den kantitatea ez dela inola ere izango mendekotasun egoera bakoitzerako ezarrita dagoen gutxieneko kantitatea baino gutxiago.
Halaber, bere mendekotasun graduari dagokion gutxieneko zenbatekoa jasoko dute laguntza ekonomiko gisa Haur Hezkuntzako (0-6 urtekoak), Lehen Hezkuntzako edo Derrigorrezko Bigarren Hezkuntzako ikastetxe batera edo lanerako ikastegi batera joaten direnak.
4.-Bestetik, laguntza ekonomikoaren onuradunak beste edozein prestazio edo zerbitzu ere jasotzen badu -larrialdietarako telefono zerbitzua salbu-, eta foru agindu honetan ezarritakoari jarraikiz bateragarria bada, hura jasoko du, mendekotasun gradu bakoitzerako ezarritako gutxieneko zenbatekoan.
14. artikulua. Laguntza ekonomikoen gehieneko eta gutxieneko zenbatekoak.
Laguntza ekonomikoaren gehieneko eta gutxieneko zenbatekoak, 2012rako Nafarroako Aurrekontu Orokorrei buruzko abenduaren 28ko 19/2011 Foru Legearen bigarren xedapen gehigarrian xedatutakoarekin bat, honako hauek dira:
a) Uztailaren 13ko 20/2012 Errege Lege-Dekretuak indarra hartu aurretik zegoen sailkapenaren arabera aitortutako mendekotasun egoeretarako:
|
MENDEKOTASUN EGOERA |
GEHIENEKOA (euro/hilean) |
GUTXIENEKOA (euro/hilean) |
|
Mendekotasun handiko egoera, 2. maila |
542,85 |
311,48 |
|
Mendekotasun handiko egoera, 1. maila |
542,85 |
249,44 |
|
Mendekotasun larriko egoera, 2. maila |
407,21 |
201,75 |
|
Mendekotasun larriko egoera, 1. maila |
407,21 |
180,00 |
|
Mendekotasun moderatua, 2. maila |
180,00 |
60,00 |
a) Uztailaren 13ko 20/2012 Errege Lege-Dekretuak ezartzen duen sailkapenaren arabera aitortutako mendekotasun egoeretarako:
|
MENDEKOTASUN EGOERA |
GEHIENEKOA (euro/hilean) |
GUTXIENEKOA (euro/hilean) |
|
Mendekotasun handiko egoera: |
542,85 |
249,44 |
|
Mendekotasun larriko egoera: |
407,21 |
180,00 |
15. artikulua. Uztailaren 13ko 20/2012 Errege Lege-Dekretuak indarra hartu aurretik aitortutako mendekotasun gradu eta maila bakoitzerako murriztapenaren ehunekoak.
Uztailaren 13ko 20/2012 Errege Lege-Dekretuak indarra hartu aurretik zegoen sailkapenaren arabera aitortutako mendekotasun egoeretarako murriztapenaren ehunekoak, gaitasun ekonomikoaren arabera, honako hauek dira:
a) Mendekotasun handia, 2. maila:
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%22,50 |
|
IPREM halako 1,50etik 1,80ra |
%31,20 |
|
IPREM halako 1,80tik 2ra |
%40,50 |
|
IPREM halako 2tik 3ra |
%42,62 |
|
IPREM halako 3tik 3,50era |
%42,62 |
|
IPREM halako 3,50etik 4ra |
%42,62 |
|
IPREM halako 4tik 4,50era |
%42,62 |
|
IPREM halako 4,50etik 5era |
%42,62 |
|
IPREM halako 5 baino gehiago |
%42,62 |
b) Mendekotasun handia, 1. maila:
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%22,50 |
|
IPREM halako 1,50etik 1,80ra |
%31,20 |
|
IPREM halako 1,80tik 2ra |
%40,50 |
|
IPREM halako 2tik 3ra |
%45,60 |
|
IPREM halako 3tik 3,50era |
%49,00 |
|
IPREM halako 3,50etik 4ra |
%52,40 |
|
IPREM halako 4tik 4,50era |
%54,05 |
|
IPREM halako 4,50etik 5era |
%54,05 |
|
IPREM halako 5 baino gehiago |
%54,05 |
c) Mendekotasun larria, 2. maila:
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%18,50 |
|
IPREM halako 1,50etik 1,80ra |
%23,00 |
|
IPREM halako 1,80tik 2ra |
%25,60 |
|
IPREM halako 2tik 3ra |
%30,70 |
|
IPREM halako 3tik 3,50era |
%35,80 |
|
IPREM halako 3,50etik 4ra |
%40,92 |
|
IPREM halako 4tik 4,50era |
%46,00 |
|
IPREM halako 4,50etik 5era |
%50,45 |
|
IPREM halako 5 baino gehiago |
%50,45 |
d) Mendekotasun larria, 1. maila:
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%19,00 |
|
IPREM halako 1,50etik 1,80ra |
%23,00 |
|
IPREM halako 1,80tik 2ra |
%25,60 |
|
IPREM halako 2tik 3ra |
%32,40 |
|
IPREM halako 3tik 3,50era |
%39,20 |
|
IPREM halako 3,50etik 4ra |
%46,00 |
|
IPREM halako 4tik 4,50era |
%52,80 |
|
IPREM halako 4,50etik 5era |
%55,80 |
|
IPREM halako 5 baino gehiago |
%55,80 |
e) Mendekotasun moderatua, 2. maila:
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%23,45 |
|
IPREM halako 1,50etik 1,80ra |
%32,00 |
|
IPREM halako 1,80tik 2ra |
%40,50 |
|
IPREM halako 2tik 3ra |
%46,45 |
|
IPREM halako 3tik 3,50era |
%52,40 |
|
IPREM halako 3,50etik 4ra |
%57,50 |
|
IPREM halako 4tik 4,50era |
%62,60 |
|
IPREM halako 4,50etik 5era |
%66,67 |
|
IPREM halako 5 baino gehiago |
%66,67 |
16. artikulua. Uztailaren 13ko 20/2012 Errege Lege-Dekretuak indarra hartu ondoren aitortutako mendekotasun egoeretarako murriztapenaren ehunekoak.
Foru agindu honek indarra hartzen duen egunean Aurrekontuaren egonkortasuna bermatzeko eta lehiakortasuna sustatzeko neurriei buruzko uztailaren 13ko 20/2012 Errege Lege Dekretuan ezarritako sailkapenaren arabera eta ebazpen administratiboaren bidez mendekotasun egoera aitortua duten eskatzaileei, bai eta eskatzaile berriei, gaitasun ekonomikoaren araberako murriztapenaren ehunekoak aplikatuko zaizkie, hurrengo taulei jarraikiz:
a) Mendekotasun handia.
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%22,50 |
|
IPREM halako 1,50etik 1,80ra |
%31,20 |
|
IPREM halako 1,80tik 2ra |
%40,50 |
|
IPREM halako 2tik 3ra |
%45,60 |
|
IPREM halako 3tik 3,50era |
%49,00 |
|
IPREM halako 3,50etik 4ra |
%52,40 |
|
IPREM halako 4tik 4,50era |
%54,05 |
|
IPREM halako 4,50etik 5era |
%54,05 |
|
IPREM halako 5 baino gehiago |
%54,05 |
b) Mendekotasun larria.
|
TARTEAK |
MURRIZTAPENAREN EHUNEKOA |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%19,00 |
|
IPREM halako 1,50etik 1,80ra |
%23,00 |
|
IPREM halako 1,80tik 2ra |
%25,60 |
|
IPREM halako 2tik 3ra |
%32,40 |
|
IPREM halako 3tik 3,50era |
%39,20 |
|
IPREM halako 3,50etik 4ra |
%46,00 |
|
IPREM halako 4tik 4,50era |
%52,80 |
|
IPREM halako 4,50etik 5era |
%55,80 |
|
IPREM halako 5 baino gehiago |
%55,80 |
17. artikulua. Aitorpena eta laguntzaren ordainketa.
1.-Foru agindu honetan aurreikusitako laguntza eskuratzeko prozedura otsailaren 15eko 1/2011 Foru Legean ezarritakoa izanen da; haren bidez, mendeko tasun egoera aitortzeko prozedura ezarri zen, eta Nafarroan mendekotasun egoera balioesteko ekipamenduak eta organoa osatuko dituzten langileen antolamendua, eginkizunak eta araubidea ezarri ziren.
2.-Prestazioa jasotzeko eskubidearen aitorpenak ondorioak izanen ditu laguntza hori aitortzen duen ebazpena ematen den egunetik aurrera.
3.-Eskabidea egin eta sei hilabeteko epean laguntzaren aitorpenaren ebazpen espresa jakinarazi ez bada, prestazioa jasotzeko eskubidearen aitorpenak epe hori bete eta biharamunetik aurrera izanen ditu ondorioak.
4.-Dena dela, prestazioa hilero ordainduko da, onuradunak adierazten duen kontu korrontean edo aurrezki libretan sartuz.
18. artikulua. Onuradunen betebeharrak.
1.-Hauek dira laguntzen onuradunen betebeharrak:
a) Jasotako laguntzak zertarako diren, hartarakoxe erabiltzea.
b) Foru agindu honetan eskatzen diren betebehar eta baldintzak betetzen dituztela frogatzea.
c) Nafarroako Mendekotasun Agentziak egiten ahal dituen egiaztatzeko jarduketak onartzea; hori dela eta, eskatzen ahal zaizkien dokumentazioa eta egiaztagiriak aurkeztea; eta laguntza ematerakoan kontuan izandako inguruabarren aldaketa jakinaraztea. Nolanahi ere, gizarte zerbitzu eskudunei utziko die sartzen mendekotasuna duenaren etxebizitzan, baldintzak betetzen direla, inguruabarrak aldatu direla eta mendekotasuna duen pertsonak behar duen laguntza jasotzen ari dela ziurtatzeko.
d) Nafarroako Mendekotasunerako Agentziari jakinaraztea bestelako diru-sarrera, baliabide edo prestaziorik hartu ote den deialdi honetan araututako izaera eta helburu antzekoetarako.
2.-Betebehar horien ez-betetzeak edo aplikatzekoak diren arauetan galdatzen diren baldintzak bete gabe prestazioa jasotzea dakarren beste edozein arrazoik bidegabeki jasotako kopuruak itzuli beharra ekarriko du, legeek ezarritako kasuetan. Gainera, bidezkoa izanen da laguntza pagatu zenetik hura itzultzeko ebazpena eman arte sorrarazitako berandutza interesak eskatzea. Hori guztia, sortzen ahal dituen erantzukizunak batere ukatu gabe.
19. artikulua. Laguntzak berrikustea, aldatzea eta etetea.
1.-Laguntza eta haren zenbatekoa emateko baldintzak hasiera batean kontuan hartutako egoeraren aldaketaren menpe egonen dira. Onuradunak edo haren legezko ordezkariak Nafarroako Mendekotasun Agentziari jakinarazi beharko dio gertatzen den edozein gorabehera. Jakinarazpen hori zuzenean edo oinarrizko gizarte zerbitzuaren bidez egiten ahalko da.
2.-Berrikuspen prozedura irekitzen ahalko da, bai interesdunek eskaturik bai ofizioz. Horretarako, Nafarroako Mendekotasun Agentziak baloratu ahal izateko behar dituen agiriak eskatzen ahalko ditu.
3.-Laguntzak eman eta haren zenbatekoa zehazteko kontuan hartutako edozein baldintza aldatuz gero, emandako laguntza ere aldatzen ahalko da. Gehitu, mantendu, gutxitu edo iraungitzen ahalko da laguntza, kasuan kasukoa.
4.-Laguntzak otsailaren 15eko 1/2011 Foru Legean ezarritako arrazoiengatik eta honako beste hauengatik etenen dira:
a) Foru Komunitatetik etenik gabe hiru hilabete baino gehiagorako joatea.
b) Laguntza eskuratzeko jokabide iruzurtia.
c) Laguntzaren erabilera okerra, dagokion helbururako ez erabiltzeagatik.
d) Egoitzan hiru hilabetean baino gehiagoan egon behar badu.
e) Laguntza jasotzeko oro har ezarritako betebeharretako bat ez betetzeagatik.
5.-Laguntzak iraungitzeko gertaera bat baldin bada, hurrengo hilaren lehenbiziko egunetik aurrera izanen du ondorioa amaierak. Jakinarazpena atzeratzearen ondorioz epe horretatik aurrera ordaindutakoa itzuli egin beharko da.
6.-Laguntza berrikusteko, aldatzeko edo iraungitzeko, otsailaren 15eko 1/2011 Foru Legeari jarraituko zaio; haren bidez, mendekotasun egoera aitortzeko prozedura ezarri zen, eta Nafarroan mendekotasun egoera balioesteko ekipamenduak eta organoa osatuko dituzten langileen antolamendua, eginkizunak eta araubidea ezarri ziren.
Xedapen gehigarri bakarra.-Foru aginduak indarra hartu aurretik laguntza jasotzen zutenen mendekotasun egoera eta laguntza aldatzea.
Foru agindu honek indarra hartzen duenean bertan arautzen diren laguntzetako bat jasotzen zuten pertsonek, gero bere mendekotasun egoera berrikustean mendekotasun moderatua aitortzen bazaie, jarraituko dute laguntza jasotzen.
Hala ere, kasu horietan laguntzaren gehieneko eta gutxieneko zenbatekoak honako hauek izanen dira:
|
MENDEKOTASUN EGOERA |
GEHIENEKOA. |
GUTXIENEKOA (euro/hilean) |
|
Mendekotasun moderatuaren egoera |
180,00 |
60,00 |
Gaitasun ekonomikoaren araberako murriztapenaren ehunekoak, gehieneko zenbatekoari aplikatzekoak, honako hauek dira:
Mendekotasun moderatua.
|
TARTEAK |
MURRIZTAPENAREN EHUNEKOAK |
|
IPREM halako 1 baino gutxiago |
%0,00 |
|
IPREM halako 1etik 1,35era |
%13,85 |
|
IPREM halako 1,35etik 1,50era |
%23,45 |
|
IPREM halako 1,50etik 1,80ra |
%32,00 |
|
IPREM halako 1,80tik 2ra |
%40,50 |
|
IPREM halako 2tik 3ra |
%46,45 |
|
IPREM halako 3tik 3,50era |
%52,40 |
|
IPREM halako 3,50etik 4ra |
%57,50 |
|
IPREM halako 4tik 4,50era |
%62,60 |
|
IPREM halako 4,50etik 5era |
%66,67 |
|
IPREM halako 5 baino gehiago |
%66,67 |
Xedapen Indargabetzaile Bakarra. Arauak indargabetzea.
Indarrik gabe geratu dira foru agindu honetan ezarritakoaren aurkakoak diren maila bereko edo apalagoko arauak eta, zehazki, Mendekotasuna duten pertsonak etxean gelditu eta haien zaintzaileei laguntzeko prestazio ekonomikoak arautzen dituen Gizarte Politika, Berdintasun, Kirol eta Gazteriako kontseilariaren azaroaren 25eko 211/2009 Foru Agindua (191/2011 Foru Aginduak aldatua).
Azken Xedapen Bakarra. Indarra hartzea eta ondorioak izateko eguna.
Foru agindu honek Nafarroako Aldizkari Ofizialean argitaratu eta biharamunean hartuko du indarra. Edonola ere, ondorioak sortuko ditu, baldin eta interesdunaren aldekoak badira, bi foru agindu hauek indargabetzen dituzten epaiak Nafarroako Aldizkari Ofizialean argitaratzen diren egunetik aurrera: 247/2011 Foru Agindua, abenduaren 23koa, Gizarte Politika, Berdintasun, Kirol eta Gazteriako kontseilariak emana, mendekotasuna duten pertsonak etxean gelditu eta haien zaintzaileei sostengua emateko laguntza ekonomikoak onesten dituena; eta 103/2011 Foru Agindua, urriaren 21ekoa, Gizarte Politika, Berdintasun, Kirol eta Gazteriako kontseilariak emana, prestazioen arteko bateragarritasun araubidea ezartzen duena mendekotasuna dutenentzako laguntzaren arloan
