navarra.es
Castellano | Euskara | Français | English
Ezagutzera eman
Foru Agindua, 1998ko azaroaren 16koa, Nekazaritza, Abeltzaintza eta Elikadura kontseilariak emana, lurraldea eta naturguneak bebestearekin zerikusia duten nekazaritza eta ingurugiroaren arloko laguntzetarako eskaerak tramitatzeko prozeduraren ...
FORU AGINDUA, 1998ko azaroaren 16koa, Nekazaritza, Abeltzaintza eta Elikadura kontseilariak emana, lurraldea eta naturguneak bebestearekin zerikusia duten nekazaritza eta ingurugiroaren arloko laguntzetarako eskaerak tramitatzeko prozeduraren zenbait alderdi garatzen dituena
(1998ko 156. NAOn argitaratutako testua, abenduaren 30ean)
Atarikoa
Lurraldea eta naturguneak babestearekin zerikusia duten nekazaritza eta ingurugiroaren arloko laguntzak ezartzen dituen irailaren 7ko 265/1998 Foru Dekretuak ingurunea babesteko eta naturgunea zaintzeko egokiak diren nekazaritzako produkzio metodoei buruz Kontseiluak 1992ko ekainaren 30ean emaniko 2078/92 Erregelamendua (EEE) Nafarroako Foru Komunitatean aplikatzen du.
Aipatutako Elkarteko araudia eta Foru Dekretua zuzen eta berehalakoan aplikatzea baztertu gabe, komeni da prozeduraren zenbait alderdi aipatu, argitu eta zehaztea, Nafarroako nekazariak eta abeltzainak lurraldea eta naturguneak babestearekin zerikusia duten nekazaritza eta ingurugiroaren arloko laguntzak ezartzen dituen irailaren 7ko 265/1998 Foru Dekretuan aurreikusitako araubidean sartzea errazteko.
Hori horrela, aipatutako Foru Dekretuaren Azken Xedapenetatik Lehenbizikoarekin bat, eta hura garatu eta betearazteko eman zaizkidan ahalmenak erabiliz, agindu dut:
1. artikulua. Laguntzen onuradunak.
1. Lurraldea eta naturguneak babestearekin zerikusia duten nekazaritza eta ingurugiroaren arloko laguntzen onuradunak izan ahalko dira irailaren 7ko 265/1998 Foru Dekretuaren 3. artikuluan ezarritakoa betetzen duten nekazaritzako ustiategien titularrak.
2. Laguntza hauen ondorioetarako, nekazaritzako ustiategiaren titulartzat hartzen da izaera fisiko edo juridikoa duen nekazaritza edo abeltzaintzako ekoizlea, edo pertsona fisiko edo juridikoen elkarketa, edozein dela ere elkartearen araubide juridikoa eta haren kideena.
2. artikulua. Laguntza eskabideak aurkezteko epeak eta tokiak.
Irailaren 7ko 265/1998 Foru Dekretuaren 4. artikuluko 1 eta 3. puntuetan xedatutakoari dagokionez, laguntzetarako eskaerak eta beraz, urteko eskaerak ere, azalera, abeltzaintzako sari, eta eskualde andegatuendako konpentsazio kalteordainen laguntzetarako eskabide bakarra aurkezteko zehaztuko diren une eta toki berberetan eginen dira. Aurkezteko datak eta epeak, urtero dagokion Foru Aginduaren bidez ezartzen direnak, aipatutako eskabide bakarrari dagozkionak izanen dira.
3. artikulua. Laguntza eskaeretarako inprimakiak eta dokumentazio osagarria.
1. Irailaren 7ko 265/1998 Foru Dekretuaren 4. artikuluko 2. puntuan xedatutakoarekin bat, Nekazaritza, Abeltzaintza eta Elikadura Departamentuak luzatuko dituen formularioak eta inprimakiak, euskarri informatikoetan egindakoak barne, dagokion Foru Aginduan eskabide bakarrerako ezarriko diren tokietan eskuratu ahal izanen dira. Laguntzarako eskabidearekin batera honako dokumentazio hau aurkeztu beharko da:
a) "Higaduraren kontrako borroka" izeneko D4 neurriaren 1. puntuan aurreikusi eta irailaren 7ko 265/1998 Foru Dekretuaren I. eranskineko 1.1 puntuan ezarritako lurralde esparruan aplikatzen den laguntza osagarrirako, esparruaren krokis bat, bertan adierazirik non dauden landu gabeko zerrendak, arroen ertzeraino, ezponda edo erripetaraino hiru metroko gutxieneko tartea eta, hiru metroko zabalera baino gutxiagoko bideetako areketaraino metro bateko tartea errespetatu behar duten horiek.
Laguntza osagarri horren ondorioetarako, lurzatian zerrenda landugabetzat hartuko da gutxienez hogeita hamar metroko luzera duen tartea.
b) "Ardi azienda murriztea azalera unitate bakoitzeko" izeneko C neurrirako, Nafarroako Errege Bardearen Batzordearen organo eskudunak luzatutako ziurtagiria, Errege Bardean dagoen lehen larre denboraldian, irailaren 18ik azaroaren 30era bitartekoan, eta bigarren larre- denboraldian, hurrengo urteko abenduaren 1etik ekainaren 30era bitartekoan, eskatzaileari dagokion hasierako artalde historikoa adierazten duena.
"Lurren kudeaketa, jendeak bertan sarbidea eta aisialdia izateko" izeneko G neurrirako, aurreikusitako jarduketen azalpen-memoria eta aurrekontua. Memoria horri erantsi beharko zaio Ingurugiro, Lurraldearen Antolamendu eta Etxebizitza Departamentuak luzatutako adostasun txostena.
2."Flora eta faunaren babesa lehorreko lurretako laborantza estentsiboko sistemetan" izeneko D1 neurriaren eskatzaileek jarraipen eta kontrolerako agiri bat bete beharko dute, eta bertan idatzi ongarritzeko eta tratamentu fitopatologikoetan erabilitako produktu motak eta kopuruak edo dosiak, bai eta egunak ere.
3. Aurreko puntuan adierazitako agiria Nekazaritza, Abeltzaintza eta Elikadura Departamentuak luzatuko du laguntza ematean eta onuradunak gorde beharko du laguntzen araubideak indarra duen bitartean. Agiri hori onuradunari eskatu ahal izanen zaio Administrazio Publikoak egiten dituen kontroletan, eta aurkeztu egin beharko da, hartutako konpromisoak eta baldintzak egiaztatzeko.
4. artikulua. Akatsak zuzendu eta konpromisoak gauzatzeko epea.
Irailaren 7ko 265/1998 Foru Dekretuaren 4. artikuluaren 4. puntuan ezarritakoarekin bat, Nekazaritza, Abeltzaintza eta Elikadura Departamentuak laguntzarako eskabideetan aurkeztutako dokumentazioa aztertuko du eta, betetzean akatsak egin direla edo agiriren bat falta dela ikusiz gero, interesatuei jakinaraziko die, akatsak zuzendu edo dokumentazioa osa dezaten hamar eguneko gehieneko epean, jakinarazten denetik hasita. Hala egiten ez badute espedientea artxibatu eginen da.
5. artikulua. Belarki edo zuhaiska espezieak erein edo landatzea.
Onuradunek "Flora eta faunaren babesa lehorreko lurretako laborantza estentsiboko sistemetan" izeneko D1 neurriaren 4. puntuko C) idazatian adierazitako konpromiso osagarria, irailaren 7ko 265/1998 Foru Dekretuaren I. eranskineko II eta III. esparruetan aplika daitekeena, hartu baldin badute, Ingurugiro, Lurraldearen Antolamendu eta Etxebizitza Departamentuak aurretik luzatutako txosten batean ezarriko dituen baldintza teknikoak bete beharko dituzte.
6. artikulua. Aplikaziorako lurralde esparruak eskabide bakarrean biltzea.
"Flora eta faunaren babesa lehorreko lurretako laborantza estentsiboko sistemetan" izeneko D1 neurrian edo/eta "Higaduraren kontrako borroka" izeneko D4 neurrian aurreikusitako laguntzak eskuratu nahi dituzten nekazaritzako ustiategien titularrek irailaren 7ko 265/1998 Foru Dekretuan ezarririk dauden hiru lurralde esparruetatik bakar baterako aurkeztu beharko dute eskabidea.
Lehenbiziko Xedapen Iragankorra
1999. urtean zehar, "Flora eta faunaren babesa lehorreko lurretako laborantza estentsiboko sistemetan" izeneko D1 neurrian edo/eta "Higaduraren kontrako borroka" izeneko D4 neurrian aurreikusitako laguntzak eskuratzen dituzten onuradunek haietan ezartzen diren konpromiso eta baldintza guztiak bete beharko dituzte, 1999ko uztarekin (hau da, 1998ko ereitearekin) lotutako nekazaritzako eginbehar guztiak betetzen direnetik hasita.
Bigarren Xedapen Iragankorra
1999an egindako eskabideetarako, "Ardi azienda murriztea azalera unitate bakoitzeko" izeneko C neurriari dagozkion "Konpromiso orokorrak" izeneko D) idazatian ardi bakoitzeko ezarritako 140 pezetako urteko saria (Azienda Larriko 0,15 unitate) eta "Konpromiso osagarriak" izeneko E) idazatian 700 burutik gorako ardi bakoitzeko ezarritako 740 pezetako urteko saria 1998ko ekitaldian zehaztutako konpromisoak bete dituzten abeltzainei baizik ez zaie ordainduko.
Azken Xedapen Bakarra
Foru Agindu honek Nafarroako Aldizkari Ofizialean argitaratu eta biharamunean hartuko du indarra.
