navarra.es
Castellano | Euskara | Français | English
Ezagutzera eman
119/1999 Foru Dekretua, apirilaren 19koa, Osasunbidea-Nafarroako Osasun Zerbitzuaren menpeko famili orientazio eta sexu hezkuntzarako zentroak irailaren 22ko 259/1997 Foru Dekretuaren bidez tokoginekologia eta famili plangintzako osasun...
119/1999 FORU DEKRETUA, apirilaren 19koa, Osasunbidea-Nafarroako Osasun Zerbitzuaren menpeko famili orientazio eta sexu hezkuntzarako zentroak irailaren 22ko 259/1997 Foru Dekretuaren bidez tokoginekologia eta famili plangintzako osasun prestazioetarako ezarri zen antolamenduari atxikitzea arautzen duena
(Testu bateratua. Jatorrizkoa 1999ko 58. NAOn argitaratua, maiatzaren 10ean. Aldaketak: 119/2008 Foru Dekretua, abenduaren 1ekoa)
Atarikoa
Irailaren 22ko 259/1997 Foru Dekretuak ezarri zituen tokoginekologia eta famili plangintzako osasun prestazioak emakumearen laguntzarako zentroen bidez egiteko irizpideak, teknikoak zein antolaketari dagozkionak. Zentro horien ezaugarriak hauexek dira: sarbide librekoak dira, espezialista libreki hautatzeko aukera eta osasun laguntza integratua eskaintzen dute eta berdintasunean eta laguntza pertsonalizatuan oinarrituta daude, tokoginekologiari dagozkion prozesuetan ez ezik emakumeekin lotutako prozesu fisiopatologiko orotan ere.
Emakumearen Laguntzarako Plan horren ezarpen progresiboak azken neurriak hartzea eskatzen du une honetan, aurreikuspen guztiak garatzeko, FOSHZak ere Plan horren barrenean sartzea barne, Emakumearen Laguntzarako Zentroen eginkizunak eta ardurak beren gain har ditzaten.
Izan ere, irailaren 22ko 259/1997 Foru Dekretuaren bidez tokoginekologia eta famili plangintzako osasun prestazioetarako antolamendua ezarri zen. Seigarren Xedapen Gehigarriak lehen eta hirugarren lerroaldeetan dioenez, "Famili orientazio eta sexu hezkuntzarako zentroek (FOSZH) beren ekipamendu, atxikipen eta eginkizunak mantenduko dituzte, orain bezalaxe, eta horren gainean indarra duen arautegiak erregulatuko ditu (...) Famili orientazio eta sexu hezkuntzarako zentroek beren gain hartu ahalko dituzte, pixkanaka, emakumearen laguntzarako zentroei dagozkien eginkizunak, Foru Dekretu honetan zehazten den moduan, dagokion Ospitalearekin koordinaturik".
Orain, xedapen horretan aurreikusitako egoeran gaudenez, erabaki da aipatutako zentro horiek Emakumearen Laguntzarako Plana garatzeko aurreikusiriko antolaketan sartzea.
Hori horrela, Osasun kontseilariak proposaturik eta Nafarroako Gobernuak mila bederatziehun eta lauretan hogeita hemeretziko apirilaren hemeretzian hartutako erabakiarekin bat, dekretatu dut:
1. artikulua
1.
2. Iruñeko famili orientazio eta sexu hezkuntzarako zentroetako lanpostuak emakumearen laguntzarako zentroei atxikirik geldituko dira, Foru Dekretu honen Lehen Xedapen Gehigarrian adierazten den moduan.
3. Artikulu honetan araututako atxikipenaren ondorioz, famili orientazio eta sexu hezkuntzarako zentroetako langileek beteko duten jarduera profesionala izanen da irailaren 22ko 259/1997 Foru Dekretuaren 5.3 artikuluak Emakumearen Laguntzarako Zentroei izaera orokorrarekin eman zizkien eginkizunei dagokiena. Halere, Txantreako eta Iturrama-Donibaneko emakumearen laguntzarako zentroei atxikirik geldituko diren famili orientazio eta sexu hezkuntzarako zentroetako langileek beren gain hartuko dituzte famili orientazio eta sexu hezkuntzarako zentroek egun betetzen dituzten programa berariazkoei (famili plangintza, gazteen programa, prostituzioan aritzen diren emakumeendako osasun laguntzarako programa, basektomiak eta psikosexologiako kontsulta) dagozkien eginkizunak ere, zentro hauek emakumearen laguntzarako gainerako zentroendako erreferentzia eta sostengu teknikoko unitate gisa jardungo baitute.
2. artikulua
1. Osasunbidea-Nafarroako Osasun Zerbitzuak Tuteran duen famili orientazio eta sexu hezkuntzarako zentroa Tuterako Reina Sofía Ospitaleko Emakumearen Laguntzarako Atalari, irailaren 22ko 259/1997 Foru Dekretuaren Laugarren Xedapen Gehigarrian aurreikusitakoari, atxikiko zaio.
2. Aurrerantzean, Tuterako famili orientazio eta sexu hezkuntzarako zentroa, egitura eta eginkizunei dagokienez, Tuterako Reina Sofía Ospitaleko Obstetrizia eta Ginekologia Zerbitzuaren menpean egonen da, Ospitale horretako Emakumearen Laguntzarako Atalburutzaren bidez, irailaren 22ko 259/1997 Foru Dekretuaren 5.2 eta 6. artikuluetan xedatutakoarekin bat.
Lehenbiziko Xedapen Gehigarria
1. Txantreako Emakumearen Laguntzarako Zentroari atxikitzen zaizkio egun Andraize-Famili orientazio eta sexu hezkuntzarako zentroari atxikirik dauden lanpostu hauek:
a) Barrutiko sendagile espezialista, bi lanpostu, 60915 eta 66810 zenbakiak.
b) Psikiatra, lanpostu bat, 60470 zenbakia.
c) Osasun laguntzaile teknikoa, lau lanpostu, 60599, 60447, 66433 eta 66434 zenbakiak.
d) Erdi mailako tituluduna, lanpostu bat, 60450 zenbakia.
e) Gizarte laguntzailea, lanpostu bat, 60367 zenbakia.
f) Osasun hezitzailea, bi lanpostu, 60467 eta 60835 zenbakiak.
g) Administrari laguntzailea, lanpostu bat, 60938 zenbakia.
h) Zerbitzaria, lanpostu bat, 60828 zenbakia.
2. Iturrama-Donibaneko emakumearen laguntzarako zentroari atxikitzen zaizkio egun Andraize-Famili orientazio eta sexu hezkuntzarako zentroari atxikirik dauden lanpostu hauek:
a) Barrutiko sendagile espezialista, hiru lanpostu, 60269, 66809 eta 60645 zenbakiak.
b) Psikologoa, bi lanpostu, 60521 eta 61026 zenbakiak.
c) Osasun laguntzaile teknikoa, hiru lanpostu, 60324, 60869 eta 66389 zenbakiak.
d) Emagina, lanpostu bat, 60727 zenbakia.
e) Gizarte laguntzailea, lanpostu bat, 60480 zenbakia.
f) Osasun hezitzailea, bi lanpostu, 60471 eta 60766 zenbakiak.
g) Administraria, lanpostu bat, 60352 zenbakia.
h) Administrari laguntzailea, lanpostu bat, 60746 zenbakia.
i) Erizaintzako laguntzailea, lanpostu bat, 60642 zenbakia.
j) Zaindaria, lanpostu bat, 60458 zenbakia.
k) Zerbitzaria, lanpostu bat, 60526 zenbakia.
3. Burlatako emakumearen laguntzarako zentroari atxikitzen zaio egun Andraize-Famili orientazio eta sexu hezkuntzarako zentroari atxikirik dagoen osasun hezitzaile lanpostu bat, 66754 zenbakia.
4. Aurreko idazatietan adierazitako lanpostu horietatik Foru Dekretu honek indarra hartzean hutsik daudenak irailaren 22ko 259/1997 Foru Dekretuaren Lehen Xedapen Gehigarrian ezarritako prozedurari jarraikiz beteko dira.
Bigarren Xedapen Gehigarria
Emakumearen laguntzarako zentroetan honako lanpostu hauek sortu dira:
a) Txantreako emakumearen laguntzarako zentroan barrutiko sendagile espezialista izateko bi lanpostu, 67545 eta 67546 zenbakiak, emagin lanpostu bat, 67547 zenbakia, administrari laguntzaile izateko bi lanpostu, 67548 eta 67549 zenbakiak, eta erdi mailako teknikari- osasun hezitzaile lanpostu bat, 67585 zenbakia.
b) Iturrama-Donibaneko emakumearen laguntzarako zentroan barrutiko sendagile espezialista izateko lanpostu bat, 67553 zenbakia, emagin lanpostu bat, 67554 zenbakia, eta administrari laguntzaile izateko lanpostu bat, 67555 zenbakia.
c) Zabalgunea-Alde Zaharreko emakumearen laguntzarako zentroan, emagin lanpostu bat, 67551 zenbakia, eta erdi mailako teknikari-osasun hezitzaile lanpostu bat, 67588 zenbakia.
d) Burlatako emakumearen laguntzarako zentroan, emagin lanpostu bat, 67550 zenbakia, eta erdi mailako teknikari-osasun hezitzaile lanpostu bat, 67586 zenbakia.
e) Zangozako Azpiunitatean, administrari laguntzaile izateko lanpostu bat, 67556 zenbakia.
f) Ermitagaña-Barañaingo emakumearen laguntzarako zentroan, emagin lanpostu bat, 67557 zenbakia, administrari laguntzaile izateko lanpostu bat, 67558 zenbakia, eta erdi mailako teknikari-osasun hezitzaile lanpostu bat, 67591 zenbakia.
g) Tafallako emakumearen laguntzarako zentroan, emagin lanpostu bat, 67552 zenbakia.
h) Elizondoko Azpiunitatean, emagin lanpostu bat, 67613 zenbakia.
i) Milagrosa-Azpilagañako emakumearen laguntzarako zentroan, erdi mailako teknikari-osasun hezitzaile lanpostu bat, 67587 zenbakia.
Hirugarren Xedapen Gehigarria
Osasun laguntzaile teknikoa izateko lanpostu bat, 67592 zenbakia, sortu da, Tuterako Reina Sofía Ospitaleko Emakumearen Laguntzarako Atalerako.
Laugarren Xedapen Gehigarria
Andraize-Famili orientazio eta sexu hezkuntzarako zentroko zuzendariaren lanpostua, 66798 zenbakia, amortizatu da.
Bosgarren Xedapen Gehigarria
Emakumearen laguntzarako zentroetan honako lanpostu hauek amortizatu dira:
a) Zabalgunea-Alde Zaharreko emakumearen laguntzarako zentroan, osasun hezitzaile lanpostu bat, 67455 zenbakia.
b) Burlatako emakumearen laguntzarako zentroan, osasun hezitzaile lanpostu bat, 67450 zenbakia.
c) Milagrosa-Azpilagañako emakumearen laguntzarako zentroan, osasun hezitzaile lanpostu bat, 67452 zenbakia.
d) Ermitagaña-Barañaingo emakumearen laguntzarako zentroan, osasun hezitzaile lanpostu bat, 67461 zenbakia.
Seigarren Xedapen Gehigarria
Txantreako emakumearen laguntzarako zentroari atxikitzen zaio zerbitzari lanpostu bat, 61182 zenbakia, egun "San Francisco Javier" Zentro Psikogeriatrikoari atxikia.
Zazpigarren Xedapen Gehigarria
Bideko Ama Birjina Ospitaleko Zuzendariordetzari atxikitzen zaizkio lau lanpostu, emaginarenak, 61055, 60697, 60662 eta 60247 zenbakiak, egun Oinarrizko Osasun Laguntza eta Adimen Osasuneko Zuzendaritzako Erizaintza Zerbitzuari atxikiak.
Zortzigarren Xedapen Gehigarria
1. Bideko Ama Birjina Ospitaleko Ginekologia Onkologikoaren Atala ospitale bereko Obstetrizia eta Ginekologia Zerbitzuari atxikiko zaio.
2. Ginekologia Onkologikoaren Atalak honako eginkizun hauek hartuko ditu:
a) Iruñeko Barrutiko patologia onkologiko ginekologiko guztiaren ardura, eta Osasunbidea-Nafarroako Osasun Zerbitzuko gainerako zentroetarako erreferente lana betetzea.
b) Jarduketa protokoloak eta deribazio eta koordinazio pautak ezartzea, bai emakumearen laguntzarako unitateekin, bai Osasunbidea-Nafarroako Osasun Zerbitzuko gainerako zentroekin.
c) Beste zerbitzuekin (onkologia, anatomia patologikoa, etab.) koordinatzeko mekanismoak ezartzea, osasun laguntza integrala eskaintzeko.
3. Ginekologia Onkologikoaren atalburuaren lanpostua azaroaren 22ko 347/1993 Foru Dekretuaren I. kapituluaren A idazatiko bigarren sekzioan xedatutakoari jarraikiz beteko da.
Xedapen Iragankor Bakarra
Foru Dekretu hau eta tokoginekologia eta famili plangintzako osasun prestazioen antolamendua ezarri zuen irailaren 22ko 259/1997 Foru Dekretua erabat garatu bitartean, Emakumearen Laguntzarako Planaren koordinatzaile orokorraren figura sortu da. Berak hartuko ditu bere gain Bideko Ama Birjina Ospitaleko Emakumearen Laguntzarako atalburuaren eginkizunak, aipatutako Foru Dekretuaren 6. artikuluan aurreikusitakoak, lanpostu hori erregelamenduari jarraikiz bete arte.
Emakumearen Laguntzarako Planaren koordinatzaile orokorra Osasunbidea-Nafarroako Osasun Zerbitzuko zuzendari kudeatzaileak izendatuko du Bideko Ama Birjina Ospitaleko Ama-haurren arloko Zuzendariordetzari atxikitako langileen artean, eta karguaren maila funtzionala Ospitale horretako Zerbitzu Klinikoko buruarenaren baliokidea izanen da.
Lehenbiziko Xedapen Indargabetzailea
Andraize-Famili orientazio eta sexu hezkuntzarako zentroaren (FOSHZ) egitura organikoa ezarri zuen irailaren 22ko 213/1989 Foru Dekretua indarrik gabe gelditu da.
Bigarren Xedapen Indargabetzailea
Tokoginekologia eta famili plangintzako osasun prestazioen antolamendua ezarri zuen irailaren 22ko 259/1997 Foru Dekretuaren Seigarren Xedapen Gehigarria indarrik gabe gelditu da.
Hirugarren Xedapen Indargabetzailea
Osasunbidea-Nafarroako Osasun Zerbitzuko egitura organikoa aldatu zuen abenduaren 26ko 604/1995 Foru Dekretuaren 37.2 artikuluaren b) idazatia indarrik gabe gelditu da.
Laugarren Xedapen Indargabetzailea
Foru Dekretu honetan ezarritakoaren kontra jotzen duten lerrun bereko edo txikiagoko xedapen guztiak indarrik gabe gelditu dira.
Azken Xedapenetako Lehenbizikoa
Ahalmena ematen zaio Osasun kontseilariari Foru Dekretu hau garatzeko behar diren xedapen guztiak eman ditzan.
Azken Xedapenetako Bigarrena
Foru Dekretu honek Nafarroako Aldizkari Ofizialean argitaratu eta biharamunean hartuko du indarra.
