navarra.es
Castellano | Euskara | Français | English
Ezagutzera eman
64/2007 Foru Agindua, maiatzaren 28koa, Hezkuntza kontseilariak emana, Nafarroako Gobernuko Hezkuntza Departamentuaren mendeko ikastetxeetako erlijio katolikoko irakasleen destinoak esleitzeko prozedura eta mugikortasuna arautzen dituena
(Testu bateratua. Jatorrizkoa 2007ko 72. NAOn argitaratua, ekainaren 11n; akats zuzenketa, 2007-09-26ko NAOn. Aldaketak: 80/2007 Foru Agindua, uztailaren 3koa)
Atarikoa
Hezkuntzari buruzko maiatzaren 3ko 2/2006 Lege Organikoaren hirugarren xedapen gehigarriak irakasle funtzionarioen kidegokoak ez diren eta ikastetxe publikoetan erlijioa irakasten duten irakasleen kontratazioen baldintzak ezartzen ditu.
Espainiako Estatuak eta Vatikanoak Irakaskuntzari eta Kultur Gaiei buruz 1979ko urtarrilaren 3an sinatutako Akordioari jarraikiz (1979ko abenduaren 4ko instrumentu bidez berretsia), erlijioa eman behar dutenak agintaritza akademikoak hautatuko ditu, Elizbarrutiko Ordinarioak proposatzen dituenen artetik.
Erlijioko irakasleak, 2006-2007 ikasturtea arte, Hezkuntza Departamentuak kontratatu ditu, Elizbarrutiko Ordinarioak zuzenean proposatutako pertsonen artetik, eta bai Haur eta Lehen Hezkuntzan bai Bigarren Hezkuntzan irakasteko gaitasuna zuten irakasleek ezin izan dute beren borondatez hautatu hezkuntza etapa bateko ala besteko lanpostu batean aritu nahi zuten.
Horregatik, gaur egun arte erlijioa eman duten irakasleei kalterik ez egiteko, 2007-2008 ikasturterako esklusiboki onetsi behar da xedapen iragankor bat, irakasle gisa duten esperientziaren balorazioa jasotzen duena, erlijioa zein mailatan edo etapatan eman duten kontuan hartu gabe.
Horrenbestez, eta Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluko 1. idatz-zatiko g) letran ematen zaizkidan ahalmenak erabiliz, agindu dut:
Artikulu Bakarra
Nafarroako Gobernuko Hezkuntza Departamentuaren mendeko ikastetxeetako erlijio katolikoko irakasleen destinoak esleitzeko prozedura eta mugikortasuna arau hauek gobernatuko dute.
ARAUAK
Lehenengoa. Aplikazio esparrua eta xedea.
Foru agindu honek Nafarroako Gobernuko Hezkuntza Departamentuaren mendeko ikastetxeetako erlijio katolikoko irakasleen destinoak esleitzeko prozedura eta mugikortasuna arautzen ditu, Hezkuntzari buruzko maiatzaren 3ko 2/2006 Lege Organikoaren hirugarren xedapen gehigarrian ezarri bezala.
Bigarrena. Baldintza orokorrak.
Erlijioko irakasle gisa kontratatua izateko, baldintza hauek bete beharko dira:
a) Espainiarra edo Europar Batasuneko beste estatuetako herritarra edo Europako Parlamentuak langileen zirkulazio libreaz eman 2004/38/EE Zuzentaraua edo zuzentarau hori Espainiako legeriara biltzeko ematen den arautegia, halakorik bada, aplikatzekoa zaien estatuetako herritarra izatea.
Europar Batasuneko edo Europako Esparru Ekonomikoko beste estatu bateko herritarren ahaideek ere hartzen ahalko dute parte, edozein delarik haien herritartasuna, haiekin batera edo harengana joateko doazenean, zuzentarau hura Espainiako legeriara biltzeko arautegian aurreikusiriko baldintzetan.
Legezko egoitza Espainian duen atzerritarra izatea, eta lanerako baimena izatea edo besteren kontura lanean aritzeko baimena lortzeko bidean egotea.
b) Hemezortzi urte beteak izatea eta eskuarki erretiroa hartzeko ezarritako adina ez izatea.
c) Bere eginkizunak betetzea galarazten dion eritasunik edo muga fisiko edo psikikorik ez izatea.
d) Zehatua edo diziplina espediente bidez bereizia ez izatea, eta ez egotea desgaitua edo zuzenbidearen arabera baztertua eginkizun publikoetan aritzeko.
Espainiako nazionalitatea ez duten izangaiek egiaztatu beharko dute beren estatuan eginkizunak betetzea eragozten dien diziplina zehapenik edo zigor penalik ez dutela.
Hirugarrena. Betekizun berariazkoak.
Erlijio katolikoa emateko, baldintza hauek bete beharko dira, kontratatua izan baino lehen: irakaskuntza ez-unibertsitarioko irakasle funtzionarioei hezkuntza maila bakoitzean aritzeko eskatzen zaizkien titulu eta gainerako betekizun berberak biltzea, Hezkuntzari buruzko Lege Organikoan aipatu bezala; Elizbarrutiko Ordinarioak irakasgai hori emateko proposatua izatea; eta Elizbarrutiko Ordinarioak luzatutako egokitasun aitorpena edo ziurtagiri baliokidea edukitzea.
Laugarrena. Destinoen esleipena.
Nafarroako Gobernuko Hezkuntza Departamentuaren mendeko ikastetxe publikoen ikasturte hasierako plantillan zehaztutako lanpostuak betetzeko, Giza Baliabideen Zerbitzuak apezpikuak proposatutako irakasleak esleituko ditu, prozedura honen bidez:
1. Zerbitzuak Ikuskatzeko eta Ikuskapen Teknikorako Zerbitzuak ikastetxeetako premiak zehaztu eta gero, Giza Baliabideen Zerbitzuak jendaurreko ekitaldian eskainiko diren lanpostuen zerrenda argitaratuko du, Hezkuntza Departamentuak ezarritako datetan.
2. Eskainitako lanpostuak jendaurreko ekitaldian edo, bestela, Hezkuntza Departamentuak ezartzen duen prozeduraren bidez esleituko dira.
Lanpostua aukeratzeko, apezpikuak proposatu izangaiei deituko zaie, foru agindu honen I. eranskinean ezarritako baremoa aplikatuz lortutako puntuazio ordenari hertsiki lotuta.
Arrazoi justifikatuak tarteko, izangaiak ezin badu lanpostu hutsak esleitzeko jendaurreko ekitaldian bertaratu, berak baimendutako pertsona batek ordezkatu ahal izanen du. Ordezkari horrek bere burua identifikatu beharko du Nortasun Agiri Nazionala eta dagokion baimena aurkeztuz.
Destinoaren aukeraketa uko egin ezinezkoa izanen da eta ezin izanen da aldatu hurrengo deialdien bidez.
3. Destinoa esleituta, erlijioko irakaslea hurrengo ikasturteetan ere ikastetxe berean egon ahal izanen da, hartan beharra dagoen bitartean, edo, bestela, Giza Baliabideen Zerbitzuak ezartzen duen epean, beste destino bat lortzeko aukera izanen du, destinoak esleitzeko deitzen diren ekitaldi publikoetan.
Bosgarrena. Ordezkapenak egiteko izangaiei deitzea.
Ikasturtean sortutako premiak Elizbarrutiko Ordinarioak proposatu izangaiek beteko dituzte (foru agindu honen I. eranskinean ezarritako baremoa aplikatuz lortutako puntuaketa ordenari hertsiki lotuta), eta, horretarako, izangaiei banaka deituko zaie edo horretarako erabakitzen den prozedura erabiliko da. Dei horiek modu azkarrean eginen dira, ordezkapena ahalik eta denborarik gutxienean egin ahal izateko.
Elizbarrutiko ordezkariak proposatutako izangaien zerrendak agortuko balira, Giza Baliabideen Zerbitzuak izangaien beste zerrenda bat eskatuko luke, urtean sor litezkeen premiei aurre egiteko.
Izangai bat dagoeneko lanpostu batean ari bada ordezkapen kontratu batekin eta kontratua bukatzen denetik 20 egun iragan baino lehen sortzen bada irakasle hori bera ordezkatzeko premia, Hezkuntza Departamentuak zilegi izanen du lehendik ordezkapena egiten zuen izangaiari eskaintzea ordezkapena, beti ere ez badu beste kontratu bat sinatu.
Seigarrena. Lanpostuari uko egitea.
a) Erlijioko irakasle lanposturako kontratatzeko izangaiek, Hezkuntza Departamentuaren zerbitzuan aldi baterako kontratuarekin irakasle lanpostuetan aritzeko izangai zerrendaren batean daudenek, erlijioko irakasle izateko lan kontratu bat sinatzean, uko egin beharko liokete zerrendetakoren batean egoteagatik lor lezaketen edozein espezializaziotako edozein lanpostu eskaintzari.
b) Ikasturte hasieran lanpostu hutsa edo ikasturtean zehar ordezkapenak eskaintzerik nahi ez duten izangaiek uko hori Giza Baliabideen Zerbitzuari jakinarazi beharko diote abuztuaren lehenbiziko hamabostaldian. Aukera horretaz baliatzeko, izangaiek ez dute uko egiteko arrazoirik adierazi beharko. Aldez aurretiko ukoa ezeztaezina izanen da eta ikasturte baterako balioa izanen du, eta, egoera horretan jarraitu nahi bada ondoko ikasturtean, interesdunek berriz ere jakinarazi beharko diote Giza Baliabideen Zerbitzuari ezarritako datetan zerbitzurik eman nahi ez dutela.
Norberak bere kabuz uko egiteko epea bukatu ondoren, justifikaziorako balioko duten zio bakarrak honakoak izanen dira:
1) Ikasturte hasieran edo ikasturtean zehar eskaintzen diren lanpostu hutsetarako:
-Izangaiak 3 urte baino gutxiagoko haur bat izatea bere kontu, berea izan nahiz seme-alabatzakoa, edo pertsona adintsu ezindu edo eri hilurren bat, odolbidez nahiz ezkontzaz bigarren gradurainoko ahaidea dena. Arrazoi horregatik egin bazaio uko kontratuari, ez da zilegi izanen handik hiru hilabete pasa arte beste kontraturik sinatzea.
-Izangaia aldi baterako ezintasun egoeran egotea. Horretarako, behar den moduan frogatu beharko da baja jendaurreko ekitaldian.
-Lanpostu ibiltaria eskaini izatea.
-Lanaldi erdikoa baino txikiagoa den kontratua eskaini izatea.
2) Ikasturte hasieran edo ikasturtean zehar eskaintzen diren ordezkapenetarako:
Aurreko atalean aipaturikoaz gain, justifikatzeko arrazoi gisa balioko du jendaurreko ekitaldiaren ondoren urtebeteko iraunaldia baino txikiagoa duen aldi baterako kontratua izenpetu izanak.
Bi atalotan aipatzen diren egoeretakoren batean dauden izangaiek dokumentuekin eta modu frogagarrian ziurtatu beharko dituzte egoera horiek Giza Baliabideen Zerbitzuaren aurrean, uko egin duen lanpostua eskaini eta handik hasita hilabeteko epean. Kasu horretan, zerrendako postu bera mantenduko dute.
Izangaiak ez badu justifikatzeko arrazoirik, edo izanik ere epearen barruan ez badu frogatzen, dagokion zerrendatik kanpo geldituko da.
Kontratudungai bat amatasun lizentzian baldin badago, soldata jasoz nahiz jaso gabe, eskubidea izanen du deitu zaionean tokatzen zitzaion lanpostua erreserba dakion, eta lizentzia aldia bukatzen denean hartu beharko du lanpostu hori. Ez badu erreserbatu zaion lanpostua hartzen, ukoa justifikatutzat hartuko da eta ez zaio kasuko ikasturtean beste lanposturik eskainiko.
Gorago aipatu diren egoeretan dauden izangai guztiek, egoera horiek bukatzen direnean hala eman beharko dute aditzera bukatu eta bost eguneko epean. Hala egiten ez badute, ez zaie beste lanposturik eskainiko kasuko ikasturtean.
Zazpigarrena. Izangaiak zerrendatik kentzea.
Deia sortu duen zerrendatik kenduko dira ondoko egoera hauetako batean dauden izangaiak:
a) Bertaratu ez direnak, jendaurrean lanpostuak hautatzeko eta esleitzeko ekitaldira deituak izanik, salbu eta laugarren oinarrian ezarritako arrazoietakoren bat justifikatzen bada, hilabeteko epean.
b) Kontratua sinatu ez dutenak, jendaurrean edo ondoko deian esleipendunak izanik.
c) Justifikatu gabe uko egin dutenak edo utzi dutenak, behin baino ez bada ere, Hezkuntza Departamentuak eskainitako lanpostuari edo sinaturiko kontratuari.
d) Karrerako funtzionario izendatuak direnak, hezkuntza administrazioek irakasleen kidegoan sartzeko deituriko hautaketa prozeduretan.
e) Erretiroa hartzeko adina bete dutenak. Egoera horretan egonik, erretiratzeko adina izanik zerbitzuak ematen segitu nahi dutenek urteko luzapen eskaera aurkeztu beharko dute Giza Baliabideen Zerbitzuan, betiere kontrataziorako izangaiak hirurogeita hamar urte bete ez baditu.
f) Kontratua deuseztatua dutenak, eskumenik ezaren edo sortutako ezgaitasunaren, bai eta diziplinako kaleratzearen ondorioz ere.
g) Erlijio eskolak emateko kreditaziorik ez dutenak, hura eman zien Konfesio Erlijiosoak kendu dielako.
Aldian-aldian, Giza Baliabideen Zerbitzuak ebazpen bidez onartuko ditu arau honetan ezarritako egoeran diren izangai baztertuen zerrenda. Ebazpen hori, iragarri ondoren, Hezkuntza Departamentuko Argibide eta Agiri Bulegoan argitaratuko da.
Zortzigarrena. Kontratua suntsitzea.
Sinatutako kontratua arrazoi hauengatik suntsitzen ahalko da:
1. Probaldia gainditu ez izana.
2. Gerora sorturiko arrazoiak direla-eta, kontrataturiko langileak ez duelako gaitasunik lanpostua betetzeko edo ez delako horretan moldatzen.
Kontratua suntsitu aurretik, ikastetxeko zuzendaritzak eta, hala badagokio, Elizbarrutiko ordezkariak eskatuko du Giza Baliabideen Zerbitzuko zuzendariari zuzenduriko txosten arrazoitu baten bidez, lanpostua betetzeko gai ez diren edo moldakaitzak diren pertsonen kontratua ebazteko prozedura hastea.
Prozedura Giza Baliabideen Zerbitzuko zuzendariaren ebazpenaren bidez hasiko da. Ondoren igorriko da, Zerbitzuak Ikuskatzeko eta Ikuskapen Teknikorako Zerbitzuko zuzendaritzak igorritako txostenarekin batera, zerbitzu horrek egin ditzan egoki irizten dituen azterketak, interesatua eta Irakasleen Batzordea entzun ondoren.
Egokiak diren jarduerak egin ondoren, Zerbitzuak Ikuskatzeko eta Ikuskapen Teknikorako Zerbitzuak balioespen txostena eginen du eta Giza Baliabideetako Zerbitzura igorriko du.
Txosten hori ez bada aldekoa, interesdunarekin sinaturiko kontratua ebatziko da, eta kontratatua izan den zerrendatik kanpo geldituko da.
3. Erlijio eskolak emateko kreditazioa kentzea hura eman zion Konfesio Erlijiosoak.
4. Langileen Estatutuan lan kontratua amaitzeko aurreikusten diren gainerako arrazoiak.
5. Atzerriko langileen kasuan, bertan bizitzeko edo bizitzeko eta lan egiteko baimenak iraungitzea edo ez berritzea, atzerritarrei eta inmigrazioari buruzko araudiaren arabera iraungitzeko arrazoiren bat gertatu izanagatik edo berritzeko beharrezkoa den baldintzaren bat bete ez izanagatik.
Lehendabiziko Xedapen Iragankorra
1. Giza Baliabideen Zerbitzuak, hartarako deitutako ekitaldi publikoan, 2006-2007ko ikasturtean zerbitzuak eman dituzten irakasleei destinoa esleituko die, salbu erlijioko irakasleen lan harremana arautzen duen ekainaren 1eko 696/2007 Errege Dekretuaren 7. artikuluan aurreikusten diren arrazoietako bat gertatzen bada, edo kontratua Langileen Estatutuaren 15.1 c) artikuluari jarraikiz egin bada, hau da, lan harremanaren titularra ordezkatzeko.
Lanpostua aukeratzeko proposatutako izangaiei deituko zaie, foru agindu honen I. eranskinean ezarritako baremoa aplikatuz lortutako puntuazio ordenari hertsiki lotuta.
2. Nafarroako Gobernuko Hezkuntza Departamentuaren mendeko ikastetxe publikoen ikasturte hasierako plantillan zehaztutako gainerako beharrak betetzeko, Giza Baliabideen Zerbitzuak apezpikuak proposatutako irakasleei destinoa esleituko die, jendaurreko ekitaldian edo Hezkuntza Departamentuak ezartzen duen prozeduraren bidez, Hezkuntza kontseilariaren maiatzaren 28ko 64/2007 Foru Aginduaren laugarren oinarrian ezarritako irizpideei jarraikiz.
Bigarren Xedapen Iragankorra
I. atalean ("Aurretiazko irakasle-esperientzia"), izangaiek emandako zerbitzuen balorazioa egiten da; horretarako, 2007-2008 ikasturtean, jarraian azaltzen den baremoari lotuko zaio. Merezimenduei buruzko gainerako ataletan, I. eranskinean ezarritakoa aplikatuko da.
I._Aurretiazko irakasle-esperientzia.
Atal honetan 24 puntu eskuratzen ahalko dira, gehienez ere.
1. Irakasle-esperientzia ikastetxe publikoetan.
1.1. Ikastetxe publikoetan edozein hezkuntza mailatan erlijioko irakasle lanetan aritutako urte bakoitzeko: 1 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,083 puntu.
1.2. Hautapen prozesuaren deialdia egin baino lehenagoko azkeneko ikasturtean erlijioko irakasle (edozein mailatan) izan den ikastetxe publiko berean etenik gabe iraun duen urte bakoitzeko: 1 puntu.
Aurreko atalean aipatzen den lanpostuan emandako hilabete edo urteko zatiki bakoitzeko: 0,083 puntu.
1.3. Ikastetxe publikoetan edozein hezkuntza mailatan beste espezialitateetako irakasle lanetan aritutako urte bakoitzeko: 0,5 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,041 puntu.
Egiaztagiriak: emandako zerbitzuen ziurtagiria, Zuzendaritza Probintzialak edo erakunde eskudunak emana. Kasu orotan adierazi behar da irakaslea zerbitzua ematen zein egunetan hasi zen eta zein egunetan bukatu zuen, baita zein ikastetxetan eman diren ere. Ziurtagiri horietan adierazten ez bada zerbitzuak ikastetxe publikoetan eman direla, aipatu zerbitzuak bestelako ikastetxeetan emanak bailiran baloratuko dira, hots, 2.1 edo 2.2 ataletan ezarritakoaren arabera, kasuan-kasuan. Ez dira onartuko jabetza hartzeko eta zerbitzuak uzteko orriak.
Giza Baliabideen Zerbitzuak, izangai bakoitzaren espediente pertsonalean dagoen dokumentazioari jarraikiz, Nafarroako Gobernuko Hezkuntza Departamentuarentzat eginiko zerbitzuak, erlijio ikasgaiari ez dagozkionak, ofizioz gehituko ditu, izangaiak parte hartzeko eskabidean hala eskatzen badu. Hezkuntza eta Kultura Ministerioaren Nafarroako Zuzendaritza Probintzialerako eginiko zerbitzuak, 1990eko urriaren 1a baino lehenagokoak, ziurtatuak izan daitezen, interesdunek espresuki eskatu beharko dute.
Giza Baliabideen Zerbitzuak, izangai bakoitzaren espediente pertsonalean dagoen dokumentazioari jarraikiz, Nafarroako Gobernuko Hezkuntza Departamentuarentzat 2000ko irailaren 1az geroztik erlijioko irakasle gisa eginiko zerbitzuak ofizioz gehituko ditu, izangaiak parte hartzeko eskabidean hala eskatzen badu. Ikastetxe publikoetan 2000ko irailaren 1a baino lehen eskolak eman dituzten erlijioko irakasleek egindako zerbitzuen ziurtagiria, Irakaskuntzako Elizbarrutiko Ordezkaritzek luzatutakoa, aurkeztu beharko dute. Zerbitzuok merezimenduen baremoko 1. atalari jarraikiz baloratuko dira: irakasle-esperientzia ikastetxe publikoetan.
2. Irakasle-esperientzia bestelako ikastetxeetan.
2.1. Bestelako ikastetxeetan, edozein hezkuntza mailatan erlijioko irakasle lanetan aritutako urte bakoitzeko: 0,5 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0416 puntu.
2.2. Bestelako ikastetxeetan edozein hezkuntza mailatan beste espezialitateetako irakasle lanetan aritutako urte bakoitzeko: 0,25 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0208 puntu.
Egiaztagiriak: ikastetxearen ziurtagiria, Zerbitzuak Ikuskatzeko eta Ikuskapen Teknikorako Zerbitzuaren oniritziarekin, bertan irakatsitako ikasgaia eta zerbitzuen benetako iraupena ageri direla, hasierako eta bukaerako data zehatzak adieraziz. Ziurtagiri horiek ikus-onesteko, Zerbitzuak Ikuskatzeko eta Ikuskapen Teknikorako Zerbitzuak interesdunei eskatuko die Gizarte Segurantzaren kotizazio ziurtagiria eta kontratuak, eta lan bizitzaren ziurtagiria, Gizarte Segurantzaren Institutu Nazionalaren organo eskudunak luzatutakoa, aurkez ditzatela.
I. atalerako oharrak:
1. Ez dira kontuan hartuko interesatuek sinaturiko kontratuen fotokopien bidez soilik egiaztatzen diren zerbitzuak. Ezta ikastetxe pribatuek emandako ziurtagiriak ere, nahiz eta Gizarte Segurantzari kotizatutakoaren ziurtagiriak erantsi, bertan Zerbitzuak Ikuskatzeko eta Ikuskapen Teknikorako Zerbitzuaren oniritzirik ez bada agertzen.
2. Ez dira kontuan hartuko irakatsitako ikasgaia eta zerbitzuen hasierako eta bukaerako data zehatzak adierazten ez dituzten ziurtagiriak, nahiz eta bertan adierazi zerbitzuen iraupena ikasturte batekoa izan dela.
3. Atzerrian egindako zerbitzuak herrialde bakoitzeko Hezkuntza Ministerioak luzatutako ziurtagirien bidez egiaztatuko dira, eta bertan irakatsitako ikasgaia eta zerbitzualdia, hasierako eta bukaerako data zehatzak barne, agertuko dira, baita ikastetxe mota ere: publiko edo pribatua. Ziurtagiri horiek gaztelaniara itzulita ekarri beharko dira. Itzulpen horiek zinpekoak izanen dira.
4. Unibertsitateko irakasle-esperientzia egiaztatzeko ikastetxearen ziurtagiria beharko da. Bertan ondokoa adieraziko da: zerbitzuak noiz hasi eta bukatu ziren, data zehatzak adierazita; zerbitzu horiek irakasle lanetakoak izan zirela; eta ikastetxearen izaera publikoa edo pribatua.
5. Ikastetxe publikoak dira hezkuntza administrazioek sortu eta sostengatutako ikastetxeen sare publikoan dauden ikastetxeak.
6. Atal honen ondorioetarako, puntuak ez dira pilatuko zerbitzuak aldi berean ikastetxe batean baino gehiagotan eman badira.
Hirugarren Xedapen Iragankorra
Azken Xedapenetako Lehendabizikoa
Foru agindu honek Nafarroako Aldizkari Ofizialean argitaratu eta biharamunean hartuko du indarra.
Azken Xedapenetako Bigarrena
Giza Baliabideen Zerbitzuko zuzendariari baimena ematen zaio foru agindu hau garatzeko eta aplikatzeko behar diren xedapen guztiak eman ditzan.
Azken Xedapenetako Hirugarrena
Foru agindua hauei igortzea, behar diren ondorioak izan ditzan: Idazkaritza Tekniko Nagusia, Eskola Antolamendu eta Berriztapenerako Zerbitzua, Lanbide Heziketako Zerbitzua, Euskara Zerbitzua, Zerbitzuak Ikuskatzeko eta Ikuskapen Teknikorako Zerbitzua, Argibide eta Agiri Bulegoa eta Giza Baliabideen Zerbitzua.
Azken Xedapenetako Laugarrena
Ebazpen hau eta bere eranskina Nafarroako Aldizkari Ofizialean argitaratzea.
I. ERANSKINA. Erlijioko irakasleak kontratatzeko merezimenduak baloratzeko baremoa
Baremo hau aplikatuta 32 puntu lor daitezke, gehienez ere.
I.-Aurretiazko irakasle-esperientzia.
Atal honetan 24 puntu eskuratzen ahalko dira, gehienez ere.
1. Irakasle-esperientzia ikastetxe publikoetan.
1.1. Ikastetxe publikoetan, betetzeko dagoen lanpostuari dagokion hezkuntza maila berean erlijioko irakasle lanetan aritutako urte bakoitzeko: 1,000 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0833 puntu.
1.2. Ikastetxe publikoetan, betetzeko dagoen lanpostuari dagokion hezkuntza mailan ez, beste batean erlijioko irakasle lanetan aritutako urte bakoitzeko: 0,5 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0416 puntu.
1.3. Ikastetxe publikoetan, betetzeko dagoen lanpostuari dagokion hezkuntza maila berean beste espezialitateetako irakasle lanetan aritutako urte bakoitzeko: 0,25 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0208 puntu.
1.4. Ikastetxe publikoetan, betetzeko dagoen lanpostuari dagokion hezkuntza mailan ez, beste batean beste espezialitateetako irakasle lanetan aritutako urte bakoitzeko: 0,125 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0104 puntu.
Frogagiriak: zerbitzuen ziurtagiria, Zuzendaritza Probintzialak edo Hezkuntza Administrazio eskudunak emana. Kasu guztietan adierazi beharko da zein maila eta etapatarako izendatu zuten, bai eta zerbitzuen hasierako eta bukaerako data zehatzak ere. Ziurtagiri horietan adierazten ez bada zerbitzuak ikastetxe publikoetan eman direla, aipatu zerbitzuak bestelako ikastetxeetan emanak bailiran baloratuko dira, hots, 2.1, 2.2, 2.3 edo 2.4 ataletan ezarritakoaren arabera, kasuan-kasuan. Ez dira kontuan hartuko lanpostu baten jabetza hartu eta zerbitzuak bertan behera uzteko orriak.
Giza Baliabideen Zerbitzuak, izangai bakoitzaren espediente per- tsonalean dagoen dokumentazioari jarraikiz, Nafarroako Gobernuko Hezkuntza Departamentuarentzat eginiko zerbitzuak, erlijio ikasgaiari ez dagozkionak, ofizioz gehituko ditu, izangaiak parte hartzeko eskabidean hala eskatzen badu. Hezkuntza eta Kultura Ministerioaren Nafarroako Zuzendaritza Probintzialerako eginiko zerbitzuak, 1990eko urriaren 1a baino lehenagokoak, ziurtatuak izan daitezen, interesdunek espresuki eskatu beharko dute.
Giza Baliabideen Zerbitzuak, izangai bakoitzaren espediente per- tsonalean dagoen dokumentazioari jarraikiz, Nafarroako Gobernuko Hezkuntza Departamentuarentzat 2000ko irailaren 1az geroztik erlijioko irakasle gisa eginiko zerbitzuak ofizioz gehituko ditu, izangaiak parte hartzeko eskabidean hala eskatzen badu. Ikastetxe publikoetan 2000ko irailaren 1a baino lehen eskolak eman dituzten erlijioko irakasleek egindako zerbitzuen ziurtagiria, Irakaskuntzako Elizbarrutiko Ordezkaritzek luzatutakoa, aurkeztu beharko dute. Zerbitzuok merezimenduen baremoko 1. atalari jarraikiz baloratuko dira: irakasle-esperientzia ikastetxe publikoetan.
1.5. Hautapen prozesuaren deialdia egin baino lehenagoko azkeneko ikasturtean erlijioko irakasle izan den ikastetxe publiko berean, maila berberean, etenik gabe iraun duen urte bakoitzeko: 1 puntu.
Aurreko atalean aipatzen den lanpostuan emandako hilabete edo urteko zatiki bakoitzeko: 0,083 puntu.
2. Irakasle-esperientzia bestelako ikastetxeetan.
2.1. Ikastetxe publikoetan, betetzeko dagoen lanpostuari dagokion hezkuntza maila berean erlijioko irakasle lanetan aritutako urte bakoitzeko: 0,5 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0416 puntu.
2.2. Ikastetxe publikoetan, betetzeko dagoen lanpostuari dagokion hezkuntza mailan ez, beste batean erlijioko irakasle lanetan aritutako urte bakoitzeko: 0,25 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0208 puntu.
2.3. Bestelako ikastetxeetan, betetzeko dagoen lanpostuari dagokion hezkuntza maila berean beste espezialitateetako irakasle lanetan aritutako urte bakoitzeko: 0,125 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0104 puntu.
2.4. Bestelako ikastetxeetan, betetzeko dagoen lanpostuari dagokion hezkuntza mailan ez, beste batean beste espezialitateetako irakasle lanetan aritutako urte bakoitzeko: 0,0625 puntu.
Aurreko atalean aipatzen diren lanpostuetan emandako hilabete edo urteko zatiki bakoitzeko: 0,0052 puntu.
Egiaztagiriak: emandako zerbitzuen ziurtagiria, Zuzendaritza Probintzialak edo erakunde eskudunak emana. Kasu guztietan adierazi beharko da zein maila eta etapatarako izendatu zuten, bai eta zerbitzuen hasierako eta bukaerako data zehatzak ere. Kasu orotan adierazi behar da irakaslea zerbitzua ematen zein egunetan hasi zen eta zein egunetan bukatu zuen, baita zein ikastetxetan eman diren ere. Ziurtagiri horietan adierazten ez bada zerbitzuak ikastetxe publikoetan eman direla, aipatu zerbitzuak bestelako ikastetxeetan emanak bailiran baloratuko dira, hots, 2.1, 2.2, 2.3 edo 2.4 ataletan ezarritakoaren arabera, kasuan-kasuan. Ez dira onartuko jabetza hartzeko eta zerbitzuak uzteko orriak.
I. atalerako oharrak:
1. Ez dira kontuan hartuko interesdunek sinaturiko kontratuen fotokopien bidez soilik egiaztatzen diren zerbitzuak. Ezta ikastetxe pribatuek emandako ziurtagiriak ere, nahiz eta Gizarte Segurantzari kotizatutakoaren ziurtagiriak erantsi, bertan Zerbitzuak Ikuskatzeko eta Ikuskapen Teknikorako Zerbitzuaren oniritzirik ez bada agertzen.
2. Ez dira kontuan hartuko zerbitzuen hasierako eta bukaerako data zehatzak adierazten ez dituzten ziurtagiriak, nahiz eta bertan adierazi zerbitzuen iraupena ikasturte batekoa izan dela.
3. Zerbitzuak zein mailatan eman diren zehazten ez bada, beste hezkuntza maila batean bailiran baloratuko dira.
4. Atzerrian egindako zerbitzuak herrialde bakoitzeko Hezkuntza Ministerioak luzatutako ziurtagirien bidez egiaztatuko dira, eta bertan emandako hezkuntza etapa eta zerbitzualdia, hasierako eta bukaerako data zehatzak barne, ageriko dira, baita ikastetxe mota ere: publiko edo pribatua. Ziurtagiri horiek gaztelaniara itzulita ekarri beharko dira. Itzulpenek zinpeko itzultzaileek eginak izan beharko dute.
5. Unibertsitateko irakasle-esperientzia egiaztatzeko ikastetxearen ziurtagiria beharko da. Bertan ondokoa adieraziko da: zerbitzuak noiz hasi eta bukatu ziren, data zehatzak adierazita; zerbitzu horiek irakasle lanetakoak izan zirela; eta ikastetxearen izaera publikoa edo pribatua.
6. Ikastetxe publikoak dira hezkuntza administrazioek sortu eta sostengatutako ikastetxeen sare publikoan dauden ikastetxeak.
7. Atal honen ondorioetarako, puntuak ez dira pilatuko zerbitzuak aldi berean ikastetxe batean baino gehiagotan eman badira.
II.-Prestakuntza akademikoa (2 puntu, gehienez ere).
1. Ezinbesteko baldintzatzat alegatu den tituluaren espediente akademikoa.
Atal honetan orokorki eskatzen den tituluari dagokion espediente akademikoaren batez besteko nota baloratuko da esklusiboki, honela kalkulatua:
1.1. 6 puntutik 6,99raino: 1 puntu.
1.2. 7 puntutik 8,49raino: 1,25 puntu.
1.3. 8,50 puntutik 10eraino: 1,50 puntu.
Zenbateko zehatza agertzen ez den kasuetan batez bestekoa ondoko baliokidetzen arabera eginen da:
Nahikoa: 5,5 puntu.
Oso ongi: 7,5 puntu.
Bikain: 9 puntu.
Ohorezko matrikula: 10 puntu.
Frogagiriak: izangaiak ziurtagiri akademiko pertsonala, jatorrizkoa edo fotokopia konpultsatua, igorri beharko du, alegatutako titulua lortzeko irakasgai eta kurtsoetako puntuazioak azalduko dituena, bai halaber, kasuan kasuko ikasketa planean horietako bakoitzari esleitutako kreditu kopurua, horrelakorik baldin badago.
Ez da kontuan hartuko ziurtagiri akademikoan agertzen den batez besteko nota, irakasgaien puntuazioak zenbaki bidez adierazita ez daudenean. Horrelakoetan arestian aipatu baliokidetasunen arabera lortuko da.
Batez bestekoa ateratzeko, puntuazio guztien batuketaren emaitza zati irakasgaien kopurua eginen da. Kredituen sistemaren bidez lorturiko tituluetan, ikasketa espedientearen batez besteko puntuazioa ateratzeko, formula hau erabiliko da: izangaiak lortutako kredituen batuketa bider horietako bakoitzari dagokion kalifikazioa zati guztira lortutako kreditu kopurua, irailaren 5eko 1125/2003 Errege Dekretuan ezarritakoaren arabera. Ondorio hauetarako, praktiken notak irakasgai baten balioa izanen du. Espedientean irakasgai konbalidatuak edo gai kalifikazioa izan dutenak azaltzen badira, ez dute inolako baliorik izanen, baldin eta lehiakideak ez badu aurkezten konbalidatutako irakasgaiaren edo gai kalifikazioa izan duenaren zenbaki balioa azaltzen duen egiaztagiria.
Ikasketa planaren barrenean ez dauden prestakuntza jardueren bidez lortutako kredituak ez dira zenbakitara ekarriko eta ez dira aintzat hartuko ikasketa espedientearen batez bestekoa ateratzeko.
2. Doktoretza eta aparteko sariak.
2.1. Doktore titulua izateagatik urtarrilaren 13ko 3/1995 Errege Dekretuan ezarritako lizentziaturetatik edozeinetan (dekretu horrek Espainiako Estatuak eta Vatikanoak Irakaskuntzari eta Kultur Gaiei buruz sinatutako Akordioan unibertsitate mailako Eliza Zientzien ikasketen eta titulazioen gainean xedatutakoa onesten du), edo bertan ezarritako unibertsitate doktoretzaren titulazio baliokideetako bat izateagatik:0,50 puntu.
2.2. Ikasketa aurreratuen ziurtagiri-diplomagatik (apirilaren 30eko 778/1998 Errege Dekretua) edo master titulu ofizialagatik (urtarrilaren 21eko 56/2005 Errege Dekretua): 0,25 puntu.
Frogagiriak: tituluaren fotokopia konpultsatua edo, hala badagokio, titulua emateko eskubideak ordaindu izanaren egiaztagiria.
3. Unibertsitateko beste titulazio batzuk.
Atal honetan beste titulazio ofizial batzuk baloratuko dira, lanpostuaren deialdian sartzeko baldintza gisa alegatu ez direnak betiere.
3.1. Erlijio zientzietako eta Eliza Ikasketetako diplomatura bakoitzarengatik eta urtarrilaren 13ko 3/1995 Errege Dekretuan ezarritako lizentziaturetako baten lehenengo zikloari dagozkion ikasketengatik: 0,5 puntu.
3.2. Diplomatura, Ingeniaritza Tekniko edo Arkitektura Teknikoko titulu bakoitzarengatik edo legez baliokide diren tituluengatik eta lizentziatura, ingeniaritza edo arkitektura bateko lehenengo zikloari dagozkion ikasketengatik: 0,25 puntu.
3.3. Urtarrilaren 13ko 3/1995 Errege Dekretuaren eranskinean jasotako lizentziaturetako baten bigarren zikloari dagozkion ikasketengatik: 0,75 puntu.
3.4. Lizentziatura, ingeniaritza edo arkitekturetako bigarren zikloari dagozkion ikasketengatik edo legez balio berekotzat emandako tituluengatik: 0,50 puntu.
Frogagiriak: ezinbesteko baldintza den tituluaren eta espediente akademikoaren fotokopia konpultsatua, bai eta Elizaren egokitasun adierazpena eta merezimendu gisa alegatzen diren titulu guztiena ere, edo, bestela, titulua eskuratzeko eskubideak ordaindu izanaren ziurtagiria.
Lehen zikloko titulazioak puntuatuko badira, ezinbestekoa izanen da diplomatura tituluaren fotokopia aurkeztea, edo bestela lizentziatura, ingeniaritza edo arkitektura bateko lehenbiziko hiru kurtsoko irakasgaiak egin eta gainditu direla azalduko duen ziurtagiri akademiko pertsonala. Egokitzapen kurtsoa gainditzea ez da hartuko lehen zikloko titulaziotzat.
Lizentziatu, Ingeniari edo Arkitekto tituluaren fotokopia aurkezten bada, aintzat hartuko dena bigarren zikloko titulazioari dagokion puntuazioa izanen da soilik, salbu 3.1 eta 3.2 atalen arabera baloratzeko aurreko atalean aintzat hartzen diren egiaztagiri akademikoak eransten badira.
4. Araubide Bereziko eta Berariazko Lanbide Heziketako irakaskuntzen tituluak.
Hizkuntza eskola ofizialek, kontserbatorio profesionalek, musikako goi mailako kontserbatorioek eta arte eskolek ematen dituzten araubide bereziko titulazioak, baita berariazko lanbide heziketakoak ere, ondoren aipatzen denari jarraikiz baloratuko dira, betiere alegaturiko titulua lortzeko ezinbestekoak izan ez badira:
4.1. Musikako eta Dantzako erdi mailako gradua: 0,125 puntu.
4.2. Hizkuntzen irakaskuntza:
4.2.1. Goi zikloa: 0,125 puntu.
4.2.2. Erdi mailako zikloa: 0,125 puntu.
4.2.3. EGA titulua edo balio berekoa: 0,125 puntu.
4.3. Arte plastikoetako eta diseinuko goi mailako teknikarien titulu bakoitzagatik: 0,125 puntu.
4.4. Lanbide Heziketako goi mailako teknikarien titulu bakoitzagatik: 0,125 puntu.
Frogagiriak: merezimendu gisa alegatutako tituluaren fotokopia konpultsatua edo titulua emateko eskubideak ordaindu izanaren egiaztagiria, hala nola erlijioko irakasle titulua lortzeko beharrezkoak izan diren titulu guztien fotokopia konpultsatua.
Euskarazko lanpostuetarako lehiatzen bada, ez da euskarazko titulu bakar bat ere baloratuko. Gaztelaniazko lanpostuetarako lehiatzen bada eta baliokideak diren euskarazko titulu bat baino gehiago aurkezten badira, titulu horietako bat bakarra baloratuko da.
Hizkuntza bereko titulu bat baino gehiago aurkezten badira eta baliokideak badira, haietako bat bakarra hartuko da kontuan.
III.-Beste merezimendu batzuk (6 puntu gehienez).
1. Etengabeko prestakuntza.
Atal honengatik soilik baloratuko da 1990eko irailaren 1etik aurrera osatutako etengabeko prestakuntza hau:
a) Hezkuntza administrazioek ILZko erlijioko irakasleen prestakuntza planean deitutako eta Irakaskuntzako Elizbarrutiko Ordezkaritzek edo etengabeko prestakuntzako akordioek koordinatutako ikastaroak, mintegiak, lantaldeak eta ikastetxeetako prestakuntza proiektuak, bukatu direnak eta zerikusia dutenak eskolako antolaketarekin, hezkuntzari aplikatutako teknologia berriekin, hezkuntzako psikopedagogia eta psikologiarekin edo didaktikarekin oro har, bakoitzarengatik: 0,05 puntu ikastaroko hamar orduko edo kreditu akademiko bat.
Ondorio horietarako, ikastaro guztien orduak batuko dira, eta ez dira puntuatuko hamarretik beherakoak diren gainerako orduak.
b) Aurreko a) atalean aipatzen diren prestakuntza ikastaro edo jardueretan zuzendari, koordinatzaile, txostengile, irakasle edo tutore moduan parte hartzeagatik: 0,01 puntu, prestakuntza jardueraren ordu bakoitzeko.
Aipatu a) eta b) atalengatik gehienez ere 4 puntu lor daitezke.
Frogagiriak: ikastaro edo prestakuntza jardueren ziurtagiria, zenbat ordu edo zenbat kreditu egin diren eta prestakuntza jarduera zein datetan egin den espresuki azalduko duena.
Eliza erakundeek antolatutako ikastaroen egiaztagiria dagokion Irakaskuntzako Elizbarrutiko Ordezkaritzak luzatuko du. Haietan, zenbat ordu edo zenbat kreditu egin diren eta prestakuntza jarduera zein datetan egin den espresuki azalduko da.
2. Argitalpenak.
Erlijio ikasgaiaren alderdi zientifikoei buruz, curriculumaren alderdi orokorrei buruz edo eskolaren antolaketari buruz egindako argitalpen zientifiko edo didaktikoengatik: gehienez ere 2 puntu.
Azaroaren 2ko 2984/1972 Dekretuak xedatutakoaren ondorioz ISBNa azaldu behar izan arren horrelakorik ez duten argitalpenak ez dira baloratuko, ez eta egileak editatu dituenak ere.
Frogagiriak: argitalpenen aleak, bai eta argitaletxearen ziurtagiria ere, non aleak zenbat izan diren eta haiek liburu-denda komertzialetan zabaldu direla adieraziko baita.
Argitalpenak bakarrik formatu elektronikoan izan badira, txosten ofizial bat aurkeztuko da, non erakunde emaileak ziurtatuko baitu argitalpena datu base bibliografikoan ageri dela. Agiri horretan, datu basea, argitalpenaren izenburua, egileak, aldizkaria, liburukia, urtea eta hasierako eta bukaerako orrialdeak adieraziko dira.
3. Erlijio ikasgaiarekin lotutako jarduerak (gehienez ere 2 puntu).
Eliza erakundeek Irakaskuntzako Elizbarrutiko Ordezkaritzarekin batera antolatutako jardueretan parte hartu eta horiek antolatu eta koordinatzeagatik, baldin eta erlijio ikasgaiarekin lotuta badaude, Artzapezpikutzak ofizialki aitortzen baditu eta Hezkuntza Departamentuak aldez aurretik abalatzen baditu: 0,05 puntu, jarduerako hamar orduko.
Ondorio horietarako, jarduera guztien orduak batuko dira, eta ez dira puntuatuko hamarretik beherakoak diren gainerako orduak.
Frogagiriak: Irakaskuntzako Elizbarrutiko Ordezkaritzak luzatutako egiaztagiria, garatutako jarduera, partaidetza orduen kopurua eta jarduera zein datetan egin den espresuki azaltzen duena, bai eta Hezkuntza Departamentuak emandako kreditazioa ere.
III. atalerako oharrak:
1. Eskola orduak edo kredituak zehazten ez dituzten ziurtagiriak kreditu batekotzat baloratuko dira.
2. III. atal honetan ez dira inola ere baloratuko titulu akademiko baten (doktoretza edo ikasketa aurreratuen diploma barne), master edo graduatuondoko beste titulazio baten curriculuma osatzen duten ikastaro edo irakasgaiak. Behin ikastaroak amaituta eta dagozkien tituluak eskuratuta, titulu horiek, egoki bada, baremoko II. atalaren arabera baloratuko dira.
3. Ez dira baloratuko Unibertsitateek antolatzen dituzten eta ikasketa-espedientean azaltzen diren ikastaroak, ez bada frogatzen dagokion Unibertsitateak emandako ziurtagiriaren bidez espedientearen zati ez direla.
4. Irakasgaitasun Ziurtagiria eta Espezializazio Didaktikoaren Titulua ez dira baloratuko.
Merezimenduen baremo osoarendako oharrak:
1. Hautapen prozedura bakoitzerako deialdiaren aurreko abuztuaren 31 arte osatutako merezimenduak baizik ez dira kontuan hartuko.
2. Gaztelaniara itzuli beharko dira atzerriko hizkuntza batean idatzitako agiriak eta beste autonomia erkidego bateko hizkuntza ofizial propioan idatzitakoak. Itzulpenek zinpeko itzultzaileek eginak izan beharko dute.
