navarra.es
Castellano | Euskara | Français | English
Ezagutzera eman
35/2012 Foru Dekretua, uztailaren 2koa, Gizarte Politiketako Departamentuaren oinarrizko egitura organikoa ezartzen duena
(Testu bateratua. Jatorrizkoa 2012ko 130. NAOn argitaratua, uztailaren 4an. Aldaketak: 73/2012 Foru Dekretua, uztailaren 25ekoa)
Atarikoa
Nafarroako Foru Komunitateko Administrazioari buruzko abenduaren 3ko 15/2004 Foru Legean xedatutakoari jarraikiz, Nafarroako Gobernuari dagokio departamentu bakoitzaren egitura organikoa onestea.
Ekainaren 22ko 11/2012 Nafarroako Foru Komunitateko Lehendakariaren Foru Dekretuaren bidez, Nafarroako Foru Komunitateko Administrazioaren departamentuen egitura ezarri zen.
Horrekin bat, Nafarroako Foru Komunitateko Administrazioaren departamentuetako bat Gizarte Politiketakoa da.
Foru dekretu honen helburua aipatu departamentuaren oinarrizko egitura organikoa garatzea da.
Horiek horrela, Gizarte Politiketako kontseilariak proposaturik, eta Nafarroako Gobernuak 2012ko uztailaren 2an egindako bilkuran hartutako erabakiarekin bat,
I. KAPITULUA. Xedapen orokorrak
Artikulu Bakarra. Gizarte Politiketako Departamentuaren oinarrizko egitura organikoa.
1. Gizarte Politiketako Departamentuak, bere titularraren zuzendaritzapean, honako organo hauek izanen ditu bere oinarrizko egituran:
a) Gizarte Politikako eta Kontsumoko Zuzendaritza Nagusia.
b) Departamentuko Idazkaritza Tekniko Nagusia.
2. Orobat, Gizarte Politiketako Departamentuari atxikirik geldituko dira erakunde autonomo hauek:
a) Nafarroako Kirol eta Gazteriaren Institutua.
b) Nafarroako Berdintasunerako eta Familiarako Institutua.
3. Nafarroako Mendekotasunerako Agentzia erakunde autonomoa Gizarte Politikako eta Kontsumoko Zuzendaritza Nagusiari atxikirik geldituko da.
Lehen Xedapen Gehigarria. Eskumenak bereganatzea.
Immigrazio politikak koordinatzearen arloko eskumenak Gizarte Politikako eta Kontsumoko Zuzendaritza Nagusiak hartuko ditu bere gain.
Gainera, adingabeen babesaren arloko eskumenak Nafarroako Berdintasunerako eta Familiarako Institutuak hartuko ditu bere gain (institutuari izena aldatu zaio eta Familiarako eta Berdintasunerako Institutua da izen berria).
Azkenik, Nafarroako Gazteriaren Institutuak eta Nafarroako Kirolaren eta Jarduera Fisikoaren Institutuak orain arte zituzten eskumenak azken horrek hartuko ditu bere gain hemendik aurrera (institutuari izena aldatu zaio eta Nafarroako Kirol eta Gazteriaren Institutua da izen berria).
Bigarren Xedapen Gehigarria. Arauek indarrean jarraitzea.
Departamentuaren egitura organikoa zerbitzuen eta atalen mailan garatzen ez den bitartean, Gizarte Politika, Berdintasun, Kirol eta Gazteria Departamentuaren egitura organikoa ezartzen duen abuztuaren 24ko 136/2011 Foru Dekretuan xedatutakoa aplikatuko da, foru dekretu honen edukiari kontra egiten ez dion orotan.
Hirugarren Xedapen Gehigarria. Genero berdintasuna.
Zenbait pertsona, kargu edo lanposturi buruz ari denean foru dekretu honek genero gramatikal mugatuko izenak erabiltzen dituen kasu guztietan (gaztelaniazko "consejero", "director", "presidente", "secretario" eta abar) ulertu behar da adierazpideen ekonomia hutsagatik jokatzen dela horrela, eta postu horiek orokorrean hartzen dituela hizpide, haiek bai emakumezkoek bai gizonezkoek betetzen dituztela ere, erabateko berdintasun-baldintzetan, ondorio guztietarako.
Xedapen Indargabetzaile Bakarra. Arauak indargabetzea.
Indarrik gabe gelditzen dira Gizarte Politika, Berdintasun, Kirol eta Gazteria Departamentuaren egitura organikoa ezartzen duen uztailaren 5eko 61/2011 Foru Dekretua eta foru dekretu honetan xedatutakoaren aurkakoak diren maila bereko edo apalagoko xedapen guztiak.
Azken Xedapenetako Lehena. Gaikuntzak.
Lehendakaritza, Justizia eta Barneko kontseilariari eta Ekonomia, Ogasun, Industria eta Enpleguko kontseilariari gaikuntza ematen zaie behar diren xedapen guztiak eman ditzaten foru dekretu honetan xedatutakoa garatu eta betetzeko, eta bidezkoak diren langileen eta baliabide ekonomiko eta materialen esleipena eta banaketa egiteko.
Azken Xedapenetako Bigarrena. Garatzeko ahalmenak.
Gizarte Politiketako kontseilariari ahalmena ematen zaio foru dekretu honetan ezarritakoa garatzeko behar diren xedapenak eman ditzan.
Azken Xedapenetako Hirugarrena. Indarra hartzea.
Foru dekretu honek Nafarroako Aldizkari Ofizialean argitaratzen den egunean hartuko du indarra.
