navarra.es
Castellano | Euskara | Français | English
Ezagutzera eman
Foru Agindua, 1998ko azaroaren 11koa, Nekazaritza, Abeltzaintza eta Elikadura kontseilariak emana, "Nafarroako Arkumea" deitura espezifikoa eta horren Behin-behineko Kontseilua baimentzen dituena
(1998ko 140. NAOn argitaratutako testua, azaroaren 23an)
Atarikoa
Ikusirik, "Nafarroako Arkumea" izeneko Batzorde Sustatzaileak, zeinak Nafarroako haragitako ardi aziendaren sektorea ordezkatzen duten erakunde eta entitateak biltzen baititu, Departamentu honi eskatu diola "Nafarroako Arkumea" deitura espezifikorako baimena eman dezan;
Kontuan hartuz ondoko hauek: urriaren 9ko 1297/1987 Errege Dekretua, haragi freskoak eta ondutako hestekiak jatorrizko deiturako eta deitura generiko eta espezifikoko araubidean sartzeari buruzkoa, abenduaren 2ko 25/1970 Legean eta haren Erregelamendua onesten duen martxoaren 23ko 835/1972 Dekretuan aurreikusi bezala, uztailaren 8ko 728/1988 Dekretua, nekazaritzako produktuen eta elikagaien oharpen geografikoen eta jatorrizko deituren babesari buruzko EEEren uztailaren 14ko 2081/1992 zenbakiko Erregelamendua, 1994ko urtarrilaren 25eko Agindua, zeinen bidez finkatu baita jatorrizko deituren eta oharpen geografikoen arloan Espainiako legeriaren eta Europako Elkartearen Erregelamenduaren arteko korrespondentzia, eta Nekazaritza, Abeltzaintza eta Mendi arloko eskurantzak Estatuko Administraziotik Nafarroara eskualdatzeari buruzko abenduaren 18ko 2654/1985 Errege Dekretua.
Kontuan izanik Nafarroako ardi haragia prozedura ohiko eta naturalen bidez ekoizten dela, orok aitortzen duen kalitatea baduela, eta deitura espezifiko batez babestua izateko arauetan eskatzen den guztia betetzen duela;
Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legearen 36.2 b) artikuluarekin bat, agindu dut:
1. artikulua. "Nafarroako Arkumea" deitura espezifikoa baimentzea.
2. artikulua. Behin-behineko Batzorde bat eratzea. Horren eginkizuna deituraren erregelamendua idaztea izanen da eta kide hauek osatuko dute:
a) Batzordeburua: Carlos Santamaría Echarte jauna.
b) Batzordekideak: Javier Nuin Elcano jn.; José Manuel Marco Garcés jn.; Ignacio Barber Zulet jn.; Javier Izco Goñi jn.; Juan José Pellejero Goñi jn.; Juan José Vizcay Azcoitia jn.; Javier Hualde Alfaro jn.; Juan Esandi Itoiz jn.; Juan Sarasa Monreal jn. eta Tomás Monreal Belzunce jn.
c) Idazkaria: Maite Labeaga Pérez andrea.
Azken Xedapen Bakarra
Foru Agindu honek indarra hartuko du Nafarroako Aldizkari Ofizialean argitaratu eta hurrengo egunean.
