navarra.es

Castellano | Euskara | Français | English

Bilatzaile erabili!

86/2011 Ebazpena, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Eraikuntza eta Obra Zibila lanbide arlokoak diren "Igeltserotzako laguntzailea" eta "Oinarrizko igeltserotzako eta estalduretako ...

86/2011 EBAZPENA, irailaren 19koa, Hezkuntzaren, Lanbide Heziketaren eta Unibertsitateen zuzendari nagusiak emana, Eraikuntza eta Obra Zibila lanbide arlokoak diren "Igeltserotzako laguntzailea" eta "Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programetako lanbide moduluen lanbide profila eta egitura onesten dituena

(2011ko 205. NAOn argitaratutako testua, urriaren 17an)

Atarikoa

Hezkuntzari buruzko maiatzaren 3ko 2/2006 Lege Organikoaren 30. artikuluak Lanbide Hastapeneko Kualifikazio Programak ezartzen ditu, derrigorrezko bigarren hezkuntzako graduatu titulua lortu ez duten ikasleei zuzenduak, horrela ikasleek Lanbide Kualifikazioen Katalogo Nazionalaren egungo egiturako lehen mailako kualifikazioari dagozkion lanbide gaitasunak lor ditzaten -Lanbide Kualifikazioen Katalogo Nazionala Kualifikazioei eta Lanbide Heziketari buruzko ekainaren 19ko 5/2002 Lege Organikoak sortu zuen-, eta gizartean eta lan munduan ongi sartzeko aukera izan eta beren oinarrizko gaitasunak gara ditzaten ikasketak egiten jarraitu ahal izateko.

Ekonomia Iraunkorrari buruzko martxoaren 4ko 2/2011 Legearen azken xedapenetako hogeita laugarrenak ezartzen du Lanbide Hastapeneko Kualifikazio Programetako lanbide moduluak hezkuntza sistemako lanbide heziketaren barnean daudela.

Uztailaren 4ko 109/2008 Foru Aginduaren bidez arautzen dira Lanbide Hastapeneko Kualifikazio Programak Nafarroan.

Lanbide Heziketaren Zerbitzuko zuzendariak aldeko txostena aurkeztu du, "Igeltserotzako laguntzailea" eta "Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programetako lanbide moduluen egitura eta lanbide erreferentea/lanbide profila ezartzeari dagokionez.

Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 d) artikuluak ematen dizkidan ahalmenak erabiliz, ebatzi dut:

Lehena

Ebazpen honen xedea da Eraikuntza eta Obra Zibila lanbide arlokoak diren "Igeltserotzako laguntzailea" eta "Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programetako lanbide moduluen egituraren eta lanbide profilaren erreferentea onestea, Nafarroako Foru Komunitaterako.

Nafarroan programa horiek garatzen dituzten ikastetxe eta entitate baimenduetan aplikatuko dira.

Ebazpen honen bidez onetsitako erreferentea aldatzeko beharrezkoa izanen da Hezkuntza Departamentuaren baimena lortzea, ezartzen den prozeduraren bitartez.

Bigarrena

"Igeltserotzako laguntzailea" izeneko Lanbide Hastapeneko Kualifikazio Programako lanbide moduluen egituraren identifikazioa eta lanbide profila I. eranskinean ageri dira.

"Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programetako lanbide moduluen egituraren identifikazioa eta lanbide profila II. eranskinean ageri dira.

Hirugarrena

Ebazpen hau eta eranskinak Nafarroako Aldizkari Ofizialari jakinaraztea, argitara daitezen.

Laugarrena

Ebazpen honen aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

Bosgarrena

Ebazpen hau igortzea Lanbide Heziketaren Zerbitzuari, Hezkuntzako Ikuskapen Zerbitzuari, Hezkuntza Antolamenduaren eta Berrikuntzaren Zerbitzuari, Aukera Berdintasunaren, Hezkuntzako Parte-hartzearen eta Irakasleentzako Arretaren Zerbitzuari, Lanbide Heziketaren Plangintza, Antolamendu eta Garapenerako Atalari, Nafarroako Kualifikazioen Institutua-Lanbide Kualifikazioen Atalari eta Ikasketak Antolatzeko Atalari.

I. ERANSKINA. "Igeltserotzako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura

1.-Programaren identifikazioa.

"Igeltserotzako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:

a) Izena: Igeltserotzako laguntzailea.

b) Maila: 1-Lanbide Hastapeneko Kualifikazio Programa.

c) Lanbide arloa: Eraikuntza eta Obra Zibila.

d) Iraupena: ikasturte bat; 500 ordu, programako lanbide moduluetarako.

e) Programaren modalitatea: LHKP Lanbide Lantegia.

2.-Lanbide profila.

"Igeltserotzako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.

3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.

Lanbide kualifikazio osoak:

a) Fabriken eta estalduren igeltserotzako zeregin lagungarriak, EOC271-1, gaitasun unitate hauek hartzen dituena:

UC0276-1: lan lagungarriak egitea eraikuntza obretan.

UC0869-1: ore, mortero, itsasgarri eta hormigoiak prestatzea.

UC0142-1: fabrika-obrak egitea, estaldura emateko.

UC0870-1: isurkiak egitea estalduretarako.

4.-Gaitasun orokorra.

Programa honen gaitasun orokorra adreiluzko eta blokezko horma eta trenkadak egitea da, estaldura emateko; orobat, estalduraren euskarriko elementuak jartzea estalkien obretan, eta zeregin lagungarriak egitea obra-lekuetan, hartutako jarraibide teknikoak eta segurtasun eta osasun arloan ezarritako aginduak betez.

5.-Berariazko lanbide gaitasunak.

Berariazko lanbide gaitasunak honako hauek dira:

a) Beharrezko lan ekipoekin (tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

b) Zamak hartu, eraman eta uztea obra-lekuak eta bilguneak hornitu eta antolatzeko, jarraibideei segituz eta ezarrita diren segurtasun eta osasun arloko neurriak errespetatuta.

c) Obra-lekuak egokitzea, errendimendua hobetzeko eta arriskuak saihesteko, obra hondarrak kenduta, baliabide lagungarriak eta segurtasun kolektibokoak instalatzen eta haien mantentze lanetan parte hartuz, jarraibideei segituz eta ezarrita diren segurtasun eta osasun neurriak errespetatuz.

d) Obra-lekuak prestatu eta osatzeko laguntza ematea ogibideei, behar bezala arituta makina arinekin, ezarrita diren segurtasun neurriak betez eta lanaldi bukaerako eragiketak eginez.

e) Eskuez baliatuta hondeatzea, zanga eta putzuetako zola eta alboak profilatu eta fintzea azaleko zimenduetarako eta zerbitzu sareetarako, hartutako jarraibideei segituta eta ezarritako segurtasun baldintzak errespetatuta.

f) Beharrezko materialekin eta lan ekipoekin (tresnak, lanabesak, baliabideak eta norbera babesteko ekipoak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

g) Igeltsu, zementu eta karezko mortero eta oreak prestatzea, eskuz edo baliabide mekanikoekin, igeltserotzako eta estalduretako lanak egiteko, ezarritako konposizioari eta dosifikazioari jarraituz eta eskatzen diren epe eta bolumenak betez.

h) Hormigoia egitea, eskuz edo baliabide mekanikoez eraikuntza lana egiteko, finkatutako osaeraren eta dosifikazioaren arabera, eta eskatzen diren epe eta bolumenak betez.

i) Aurretik finkatutako dosiko morteroak prestatzea, bai eskuz bai baliabide mekanikoz, igeltserotzako eta estalduretako lanak egiteko, fabrikatzailearen gomendioak, adierazitako kalitate baldintzak eta ezarrita dauden segurtasun neurriak eta ingurumena babestekoak beteta.

j) Itsasgarriak eta lotzeko materialak prestatzea, estaldura lanak egiteko; baliabide mekanikoak erabiliko dira, fabrikatzaileak emandako dosifikazioari eta jarraibideei segituko zaie eta eskatzen diren epeak eta bolumenak beteko dira.

k) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

l) Fabrika-obrak egitea, morteroz hartutako blokez edo adreiluz estaltzeko, proiektuan zehaztuta diren itxitura edo obra sendoak lortzeko, kalitaterako eta segurtasunerako ezarritako baldintzak beteta.

m) Fabrika-obrak egitea, morteroz hartutako blokez edo adreiluz estaltzeko, proiektuan zehaztuta diren itxitura edo obra sendoak lortzeko, kalitaterako eta segurtasunerako ezarritako baldintzak beteta.

n) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

ñ) Morteroz edo igeltsu orez hartutako adreiluzko teilape-trenkadak egitea, isurkien euskarri izan daitezen, ezarritako kalitate eta segurtasun baldintzak errespetatuz.

o) Zeramikaz, zurez eta hormigoizko plakez isurkiak egitea, eta maldak osatzeko geruzak ematea estali lau edo inklinatuen maldak egiteko, ezarritako kalitate eta segurtasun baldintzak errespetatuz.

p) Estalkietako material isolatzaile termikoa jartzea, bero fluxuak mugatzeko, ezarritako kalitate eta segurtasun baldintzak errespetatuz.

6.-Gaitasun pertsonal eta sozialak.

Gaitasun pertsonal eta sozialak honako hauek dira:

a) Segurtasun eta higieneko arauen eta ingurumenekoen arabera jokatzea lanpostuari dagozkion jardueretan, arriskuko faktoreak eta egoerak bereiziz eta arau horiek betetzeko behar diren eragiketak eginez.

b) Bere lana egitea, bakarrik edo talde baten barrenean, ordena, zorroztasun, garbitasun, puntualtasun, erantzukizun eta koordinazio eta hierarkiaren printzipioei jarraituz.

c) Tratu egokia eta hezibide onekoa izatea lankide, arduradun eta bezeroekin.

d) Egiten duen lanaren erantzule izatea, enpresatik hartutako jarraibide, prozedura eta arauei segituz.

e) Lanbidearekin zerikusia duten tekniketan izandako aldaketen ondorioz sortzen diren lan egoera berrietara egokitzea.

7.-Lanbide moduluak: izena eta iraupena.

"Igeltserotzako laguntzailea" izeneko Lanbide Hastapeneko Kualifikazio Programako lanbide moduluak eta haien iraupena taula honetan azaltzen dira:

LANBIDE MODULUAK
KODEA	IZENA	ORDUAK, GUZTIRA	KLASEAK ASTEAN
EOC01	Obrako zeregin lagungarriak	134	4
AEC02	Ore, mortero, itsasgarri eta hormigoiak	33	1
EOC03	Fabrika-obrak, estaldura emateko	200	6
EOC04	Isurkiak	133	4
	Enpresako praktikak (borondatezkoak)	150-200	Enpresaren ordutegian
GUZTIRA		500	15

8.-Programako lanbide moduluek gaitasun unitateekin duten korrespondentzia, egiaztatzeko.

GAINDITUTAKO LANBIDE MODULUAK	EGIAZTATZEN AHAL DIREN GAITASUN UNITATEAK
AEO01. Obrako zeregin lagungarriak	UC0276-1: lan lagungarriak egitea eraikuntza obretan.
AEO02. Ore, mortero, itsasgarri eta hormigoiak	UC0869-1: ore, mortero, itsasgarri eta hormigoiak prestatzea.
AEO03. Fabrika-obrak, estaldura emateko	UC0142-1: fabrika-obrak egitea, estaldura emateko
AEO04. Isurkiak	UC0870-1: isurkiak egitea estalduretarako

II. ERANSKINA. "Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programako lanbide moduluen lanbide profila eta egitura

1.-Programaren identifikazioa.

"Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programa elementu hauen bidez identifikatzen da:

a) Izena: "Oinarrizko igeltserotzako eta estalduretako laguntzailea".

b) Maila: 1-Lanbide Hastapeneko Kualifikazio Programa.

c) Lanbide arloa: Eraikuntza eta Obra Zibila.

d) Iraupena: Bi ikasturte; 1.000 ordu, programako lanbide moduluetarako.

e) Programaren modalitatea: LHKP. Oinarrizkoa.

2.-Lanbide profila.

"Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programaren lanbide profila zehazten duten alderdiak hauek dira: gaitasun orokorra, lanbide gaitasunak, gaitasun pertsonalak eta gaitasun sozialak, eta Lanbide Kualifikazioen Katalogo Nazionalaren barnean programa horri dagozkion lanbide kualifikazioak eta, hala denean, gaitasun unitateak.

3.-Lanbide Kualifikazioen Katalogo Nazionalaren barnean programa horri dagozkion kualifikazioen eta gaitasun unitateen zerrenda.

Lanbide kualifikazio osoak:

a) Fabriken eta estalduren igeltserotzako zeregin lagungarriak, EOC271-1, gaitasun unitate hauek hartzen dituena:

UC0276-1: lan lagungarriak egitea eraikuntza obretan.

UC0869-1: ore, mortero, itsasgarri eta hormigoiak prestatzea.

UC0142-1: fabrika-obrak egitea, estaldura emateko.

UC0870-1: isurkiak egitea estalduretarako.

b) Estaldura jarraituetako zeregin lagungarriak, EOC272-1, gaitasun unitate hauek hartzen dituena:

UC0276-1: lan lagungarriak egitea eraikuntza obretan.

UC0869-1: ore, mortero, itsasgarri eta hormigoiak prestatzea.

UC0871-1: euskarriak sanotu eta erregularizatzea, estalduretarako.

UC0872-1: zarpiatu eta emokadurak bistaz egitea.

UC0873-1: inprimazio eta pintura babesgarriak aplikatzea eraikuntzan.

4.-Gaitasun orokorra.

Adreiluzko eta blokezko horma eta trenkadak egitea, estaldura emateko; orobat, estalduraren euskarriko elementuak jartzea estalkien obretan, zeregin lagungarriak egitea obra-lekuetan, estaldura ematea mortero, ore, zarpiatu eta emokadura, inprimazio eta pinturez, hartutako jarraibide teknikoak eta segurtasun eta osasun arloan ezarritako aginduak betez.

5.-Berariazko lanbide gaitasunak.

Berariazko lanbide gaitasunak honako hauek dira:

a) Beharrezko lan ekipoekin (tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

b) Zamak hartu, eraman eta uztea obra-lekuak eta bilguneak hornitu eta antolatzeko, jarraibideei segituz eta ezarrita diren segurtasun eta osasun arloko neurriak errespetatuta.

c) Obra-lekuak egokitzea, errendimendua hobetzeko eta arriskuak saihesteko, obra hondarrak kenduta, baliabide lagungarriak eta segurtasun kolektibokoak instalatzen eta haien mantentze lanetan parte hartuz, jarraibideei segituz eta ezarrita diren segurtasun eta osasun neurriak errespetatuz.

d) Obra-lekuak prestatu eta osatzeko laguntza ematea ogibideei, behar bezala arituta makina arinekin, ezarrita diren segurtasun neurriak betez eta lanaldi bukaerako eragiketak eginez.

e) Eskuez baliatuta hondeatzea, zanga eta putzuetako zola eta alboak profilatu eta fintzea azaleko zimenduetarako eta zerbitzu sareetarako, hartutako jarraibideei segituta eta ezarritako segurtasun baldintzak errespetatuta.

f) Beharrezko materialekin eta lan ekipoekin (tresnak, lanabesak, baliabideak eta norbera babesteko ekipoak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

g) Igeltsu, zementu eta karezko mortero eta oreak prestatzea, eskuz edo baliabide mekanikoekin, igeltserotzako eta estalduretako lanak egiteko, ezarritako konposizioari eta dosifikazioari jarraituz eta eskatzen diren epe eta bolumenak betez.

h) Hormigoia egitea, eskuz edo baliabide mekanikoez eraikuntza lana egiteko, finkatutako osaeraren eta dosifikazioaren arabera, eta eskatzen diren epe eta bolumenak betez.

i) Aurretik finkatutako dosiko morteroak prestatzea, bai eskuz bai baliabide mekanikoz, igeltserotzako eta estalduretako lanak egiteko, fabrikatzailearen gomendioak, adierazitako kalitate baldintzak eta ezarrita dauden segurtasun neurriak eta ingurumena babestekoak beteta.

j) Itsasgarriak eta lotzeko materialak prestatzea, estaldura lanak egiteko; baliabide mekanikoak erabiliko dira, fabrikatzaileak emandako dosifikazioari eta jarraibideei segituko zaie eta eskatzen diren epeak eta bolumenak beteko dira.

k) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

l) Fabrika-obrak egitea, morteroz hartutako blokez edo adreiluz estaltzeko, proiektuan zehaztuta diren itxitura edo obra sendoak lortzeko, kalitaterako eta segurtasunerako ezarritako baldintzak beteta.

m) Fabrika-obrak egitea, morteroz hartutako blokez edo adreiluz estaltzeko, proiektuan zehaztuta diren itxitura edo obra sendoak lortzeko, kalitaterako eta segurtasunerako ezarritako baldintzak beteta.

n) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

ñ) Morteroz edo igeltsu orez hartutako adreiluzko teilape-trenkadak egitea, isurkien euskarri izan daitezen, ezarritako kalitate eta segurtasun baldintzak errespetatuz.

o) Zeramikaz, zurez eta hormigoizko plakez isurkiak egitea, eta maldak osatzeko geruzak ematea estali lau edo inklinatuen maldak egiteko, ezarritako kalitate eta segurtasun baldintzak errespetatuz.

p) Estalkietako material isolatzaile termikoa jartzea, bero fluxuak mugatzeko, ezarritako kalitate eta segurtasun baldintzak errespetatuz.

q) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

r) Gainazal eta ertzak prestatzea, behar diren saneamendu eta garbitasun baldintzak lortzeko, gainazalen eta inguruko elementuen babesa bermatzeko, eta ezarritako kalitate eta segurtasun baldintzak errespetatuz.

s) Gainazalak prestatzea, behar diren erregulartasun eta itsaspen baldintzak lortzeko, estaldurek helduko diotela bermatzeko, eta ezarritako kalitate eta segurtasun baldintzak errespetatuz.

t) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

u) Aurreratuz eta bistaz zarpiatzea, paramentu bertikal, inklinatu eta horizontaletan estaldura emateko, ezarrita diren kalitate eta segurtasun baldintzak errespetatuz.

v) Aurreratuz eta bistaz emokatzea, paramentu bertikal, inklinatu eta horizontaletan estaldura emateko, ezarrita diren kalitate eta segurtasun baldintzak errespetatuz.

w) Beharrezko lan ekipoekin (makinak, tresnak, lanabesak, norbera babesteko ekipoak eta baliabide lagungarriak) behar bezala aritzea, eskatzen diren errendimendua eta kalitatea lortzeko, ezarrita diren segurtasun neurriak hartuz eta lanaldi bukaerako eragiketak eginez.

x) Pintura eta plasteen nahaste orokorrak egitea, eta prestatutako nahasteen ontziak eskuztatzea eta haietarako ezarritako propietateei eustea, fabrikatzailearen oharrei, adierazitako kalitate baldintzei eta ezarrita diren segurtasun arauei zein ingurumena babestekoei kasu eginez.

y) Paramentuei eta obrako elementuei tratamenduak aplikatzea, beharrezko inprimazio edo babes baldintzak lortzeko, ezarrita diren kalitate eta segurtasun baldintzak errespetatuz.

6.-Gaitasun pertsonal eta sozialak.

Gaitasun pertsonal eta sozialak honako hauek dira:

a) Segurtasun eta higieneko arauen eta ingurumenekoen arabera jokatzea lanpostuari dagozkion jardueretan, arriskuko faktoreak eta egoerak bereiziz eta arau horiek betetzeko behar diren eragiketak eginez.

b) Bere lana egitea, bakarrik edo talde baten barrenean, ordena, zorroztasun, garbitasun, puntualtasun, erantzukizun eta koordinazio eta hierarkiaren printzipioei jarraituz.

c) Tratu egokia eta hezibide onekoa izatea lankide, arduradun eta bezeroekin.

d) Egiten duen lanaren erantzule izatea, enpresatik hartutako jarraibide, prozedura eta arauei segituz.

e) Lanbidearekin zerikusia duten tekniketan izandako aldaketen ondorioz sortzen diren lan egoera berrietara egokitzea.

7.-Lanbide moduluak: izena, iraupena eta sekuentziazioa.

"Oinarrizko igeltserotzako eta estalduretako laguntzailea" izeneko Lanbide Hastapeneko Kualifikazio Programako lanbide moduluak, horien iraupena eta sekuentziazioa taula honetan ageri dira:

LANBIDE MODULUAK
KODEA	IZENA	ORDUAK, GUZTIRA	ASTEKO KLASEAK	MAILA
EOC01	EOC01a.-Obrako zeregin lagungarriak I	134	4	1.a
EOC02	EOC02a.-Ore, mortero, itsasgarri eta hormigoiak I	33	1	1.a
EOC03	EOC03a.-Fabrika-obrak, estaldura emateko I	200	6	1.a
EOC04	Isurkiak	133	4	1.a
EOC01	EOC01b.-Obrako zeregin lagungarriak II	70	2	2.a
EOC02	EOC02b.-Ore, mortero, itsasgarri eta hormigoiak II	34	1	2.a
EOC03	AEOC03b.-Fabrika-obrak, estaldura emateko II	100	3	2.a
EOC05	Euskarrien tratamendua estaldura emateko eraikuntzan	66	2	2.a
EOC06	Zarpiatu eta emokadurak bistaz egitea.	66	2	2.a
EOC07	Inprimazioko pintura eta materialak eta babesgarriak eraikuntzan	167	5	2.a
	Enpresako praktikak (borondatezkoak)	150		2.a
GUZTIRA		1.000	15/astea

EOC01, EOC02 eta EOC03 lanbide moduluak bi ikasturtetan banatuta daude arrazoi akademikoengatik eta antolaketa arrazoiengatik.

8.-Programako lanbide moduluek gaitasun unitateekin duten korrespondentzia, egiaztatzeko.

GAINDITUTAKO LANBIDE MODULUAK	EGIAZTATZEN AHAL DIREN GAITASUN UNITATEAK
EOC01 a) eta b) Obrako zeregin lagungarriak	UC0276-1: lan lagungarriak egitea eraikuntza obretan.
EOC02 a) eta b) Ore, mortero, itsasgarri eta hormigoiak	UC0869-1: ore, mortero, itsasgarri eta hormigoiak prestatzea.
EOR03 a) eta b) Fabrika-obrak, estaldura emateko	UC0142-1: fabrika-obrak egitea, estaldura emateko
EOC04 Isurkiak	UC0870-1: isurkiak egitea estalduretarako
EOC05 Euskarrien tratamendua estaldura emateko eraikuntzan	UC0871-1: euskarriak sanotu eta erregularizatzea, estalduretarako eraikuntzan
EOC06 Zarpiatu eta emokadurak bistaz egitea.	UC0872-1: zarpiatu eta emokadurak bistaz egitea.
EOC07 Inprimazioko pintura eta materialak eta babesgarriak eraikuntzan	UC0873-1: inprimazio eta pintura babesgarriak aplikatzea eraikuntzan.

Jar zaitez gurekin harremanetan | Erabilerraztasuna | Lege abisua | Webaren mapa