navarra.es
Castellano | Euskara | Français | English
Ezagutzera eman
102/2004 Ebazpena, abenduaren 21ekoa, Oinarrizko Osasun Laguntzako zuzendariak emana, lan-zama ponderatzeko indizeak adin-tarteen arabera ezartzen dituena, horiek aplikatuko baitira Norbanakoaren Osasun Txarteletan Osasunbidea-Nafarroako Osasun ...
102/2004 EBAZPENA, abenduaren 21ekoa, Oinarrizko Osasun Laguntzako zuzendariak emana, lan-zama ponderatzeko indizeak adin-tarteen arabera ezartzen dituena, horiek aplikatuko baitira Norbanakoaren Osasun Txarteletan Osasunbidea-Nafarroako Osasun Zerbitzuko Oinarrizko Osasun Laguntzako medikuen eta erizainen kapitazio osagarria eta dispertsio geografikoko plusa kalkulatzerakoan
(2005eko 16. NAOn argiatartutako testua, otsailaren 7an)
Atarikoa
Irailaren 6ko 29/2004 Foru Dekretuz arautzen dira Osasunbidea-Nafarroako Osasun Zerbitzuko Oinarrizko Osasun Laguntzako mediku eta erizainen kapitazio osagarria eta dispertsio geografikoko plusa; 14.1 artikuluan xedatzen da lan-zamaren araberako ponderazioa egiteko, Oinarrizko Osasun Laguntzako zuzendariaren ebazpenez finkatuko diren indizeak adin-tarte bakoitzeko Norbanakoaren Osasun Txartelen kopuruari aplikatuko zaizkiola.
Gauza onartua da adina zuzenean lotua izaten denez osasun arazo gehiago edo gutxiago izatearekin, kontuan hartu behar dela biztanleriaren talde jakin batek Oinarrizko Osasun Laguntzaren esparruko profesionalei sortzen dizkien lan-zamak finkatzerakoan.
Norbanakoaren Osasun Txartel bakoitzari jabearen adinaren arabera pisu erlatibo eta lan-zama desberdina emateko oinarria 2003an Nafarroan Oinarrizko Osasun Laguntzako Zuzendaritzan egindako azterlan batean dago. Bertan argitu zen populazioa osatzen duen adin-talde bakoitzaren maiztasuna. Osasun laguntzarako eskubidea duen adin-talde bakoitzak zer maiztasun erlatiboa zuen kalkulatu zen, hori gero lan-zama kontzeptuarekin pareka daitekeela kontuan harturik.
Osasunbidea-Nafarroako Osasun Zerbitzuaren egitura organikoa ezarri zuen uztailaren 28ko 276/2003 Foru Dekretuak eman dizkidan eskurantzak erabiliz.
Ebatzi dut:
Lehena
Norbanakoaren Osasun Txartelei aplikatuko zaizkien lan-zama ponderatzeko indizeak adin-tarteen arabera ezartzea.
0-2 urte: 4,050.
3-6 urte: 2,100.
7-14 urte: 1,193.
15-44 urte: 1.
45-54 urte: 1,480.
55-64 urte: 2,284.
65-74 urte: 3,497.
>=75 urte: 5,048.
Bigarrena
Ebazpen hau Nafarroako Aldizkari Ofizialean argitara dadila agintzea.
Hirugarrena
Ebazpen honen kontra gora jotzeko errekurtsoa paratzen ahal da, Nafarroako Gobernuari zuzendua, Nafarroako Aldizkari Ofizialean argitaratu eta hilabeteko epean, Administrazio Publikoen Araubide Juridikoari eta Guztiendako Administrazio Prozedurari buruzko Legeko 114 eta 115. artikuluekin, Osasunari buruzko azaroaren 23ko 10/1990 Foru Legeko 64. artikuluarekin eta Nafarroako Foru Komunitateko Gobernua eta Administrazioa arautzen dituen apirilaren 11ko 23/1983 Foru Legeko 52.2 artikuluarekin bat.
Laugarrena
Ebazpen honen berri ematea Nafarroako Iparraldeko Oinarrizko Osasun Laguntzako Zuzendariordetzari, Nafarroako Ekialdeko Oinarrizko Osasun Laguntzako Zuzendariordetzari, Lizarrako Barrutiko Oinarrizko Osasun Laguntzako Zuzendariordetzari, Tuterako Barrutiko Oinarrizko Osasun Laguntzako Zuzendariordetzari, Osasunbidea-Nafarroako Osasun Zerbitzuko Giza Baliabideen Zuzendaritzari, Langileriaren Kudeaketa, Sarrera eta Barne Igoerarako Zerbitzuari, Nominen eta Gastu Kontrolaren Zerbitzuari, Lizarrako Osasun Barrutiko Langileri Zerbitzuari, Tuterako Osasun Barrutiko Langileri Zerbitzuari, Oinarrizko Osasun Laguntzako Langileria Zerbitzuari eta Osasun Departamentuko idazkari teknikoari.
