navarra.es
Castellano | Euskara | Français | English
Ezagutzera eman
Erabakia, 1998ko abenduaren 1ekoa, Nafarroako Gobernuak hartua, El Plano-Blanca Alta gunea, 8.857 Ha-koa eta Rincón del Bú-La Nasa-Tripa Azul gunea, 3.651 Ha-koa, biak Nafarroako Errege Bardeetako eremukoak, Hegaztien Babesgune Berezi (HBB) ...
ERABAKIA, 1998ko abenduaren 1ekoa, Nafarroako Gobernuak hartua, El Plano-Blanca Alta gunea, 8.857 Ha-koa eta Rincón del Bú-La Nasa-Tripa Azul gunea, 3.651 Ha-koa, biak Nafarroako Errege Bardeetako eremukoak, Hegaztien Babesgune Berezi (HBB) deklaratzea proposatzen duena
(1998ko 154. NAOn argitaratutako testua, abenduaren 25ean)
Atarikoa
Nafarroako Errege Bardeako Natur Baliabideak Antolatzeko Planak, irailaren 7ko 266/1998 Foru Dekretuaren bidez behin betikoz onetsitako hark, proposatzen zuen ezen, Nafarroako Errege Bardeetako El Plano-Blanca Alta eta Rincón del Bú-La Nasa-Tripa Azul izeneko guneak Hegaztien Babesgune Berezi deklara zitezela, biek betetzen zutelakoan 79/409/EEE zuzentarauak eskatu baldintzak, hegazti harraparien eta estepako hegaztien presentziari dagokionez.
Kontuan hartu behar da proposatutako guneetarik bigarrenean sartzen dela Rincón del Bú Natur Erreserba (RN-36), apirilaren 10eko 6/1987 Foru Legean deklaratu zena.
Nafarroako Naturguneei buruzko ekainaren 17ko 9/1996 Foru Legeak, hirugarren xedapen gehigarrian, ahalmena ematen dio Nafarroako Gobernuari horretarako baldintzak betetzen dituzten tokiak kontserbazio bereziko gunetzat proposatzeko erakunde eskudunei.
Horrenbestez, Ingurugiro, Lurraldearen Antolamendu eta Etxebizitza kontseilariak proposatuta, Nafarroako Gobernuak, erabaki du:
Lehena
Ingurugiro Ministerioari proposatzea El Plano- Blanca Alta gunea, 8.857 Ha-koa, eta Rincón del Bú-La Nasa-Tripa Azul gunea, 3.651 Ha-koa, biak Nafarroako Errege Bardeetako eremukoak, Hegaztien Babesgune Berezi (HBB) deklara ditzan, Europako Batzordeko erakunde eskudunei igortzeko, basa hegaztien kontserbazioari buruzko 1979ko apirilaren 2ko Kontseiluaren 79/409/EEE Zuzentarauari jarraikiz.
Bigarrena
Ingurugiro, Lurraldearen Antolamendu eta Etxebizitza kontseilariari ahalmena ematea Ingurugiro Ministerioan behar diren kudeaketak egiteko aipatu eremuak Hegaztien Babesgune Berezi deklaratzeari dagokionez.
Hirugarrena
Erabaki hau Nafarroako Aldizkari Ofizialean argitaratzea, orok jakin dezan.
Laugarrena
Erabaki hau jakinaraztea Ingurugiro, Lurraldearen Antolamendu eta Etxebizitza Departamentuari, Ingurugiro Ministerioari eta Nafarroako Errege Bardeetako Komunitateari, behar diren ondorioak izan ditzan.
