navarra.es

Castellano | Euskara | Français | English

Bilatzaile erabili!

233/2014 Foru Agindua, uztailaren 9koa, Landa Garapeneko, Ingurumeneko eta Toki Administrazioko kontseilariak emana, Nafarroako zezenketetarako ustiategietan abelburuak identifikatzeko baldintzak eta Nafarroako Foru Komunitateko zezenketa ...

233/2014 FORU AGINDUA, UZTAILAREN 9KOA, LANDA GARAPENEKO, INGURUMENEKO ETA TOKI ADMINISTRAZIOKO KONTSEILARIAK EMANA, NAFARROAKO ZEZENKETETARAKO USTIATEGIETAN ABELBURUAK IDENTIFIKATZEKO BALDINTZAK ETA NAFARROAKO FORU KOMUNITATEKO ZEZENKETA JAIALDIETAN ERABILTZEN DIREN ANIMALIEK ETA INSTALAZIOEK BETE BEHARREKO OSASUN BALDINTZAK ARAUTZEN DITUENA

(2014ko 190. NAOn argitaratutako testua, irailaren 29an)

Atarikoa

Zezenketa jaialdiek tradizio luzea dute Nafarroako Foru Komunitatean. Zehazki, heriotzarik gabeko zezenketa ikuskizunak, hala nola bigantxen askatzea, errekortarien lehiaketa, zezen puntadunak, betizuak eta ganadutegien lehiaketak, oso ohikoak dira Nafarroako herri askotan. Horietan instalazio bera erabiltzen da zenbait ganadutegitako animaliak biltzeko. Animalia horiek jatorrizko ganadutegira itzultzen dira, atseden hartzeko, eta geroago beste jaialdi batzuetan erabiliko dira, helburu berarekin.

Jaialdi herrikoi horiek arrisku handikotzat jotzen dira animalien osasunaren aldetik, animaliek pairatzen duten estresarengatik eta behar bezalako garbitasunik eta desinfekziorik ez duten instalazioetatik pasatzeagatik, bertatik beste abelgorri batzuk igarotzen baitira, haietako batzuk osasun kalifikaziorik gabe.

Animaliak jaialdietan biltzeko ukuiluak abeltzaintzako ustiategiak dira, eta zezenketa jaialdiaren antolatzailea da haien arduraduna. Instalazio horietan neurri egokiak hartu behar dira gaixotasunik kutsa ez dadin edo haiek murrizteko. Zezenketa jaialdiak antolatzen dituztenek garbitu eta desinfektatu beharko dituzte, aldez aurretik, zezenketa jaialdietan animaliak bilduko dituzten instalazioak.

Zezenketa jaialdiaren antolatzailea aipatutako abeltzaintzako ustiategiaren titulartzat joko da, eta agintaritza eskudunen solaskidea izanen da animalien osasunaren arloan.

Bestalde, animalien identifikazioa, zezenketarako arrazakoak ote diren eta ustiategi osasuntsuetatik ote datozen hobeki kontrolatu behar da.

Abereen Osasunari buruzko azaroaren 16ko 11/2000 Foru Legearen xedea da neurri juridiko eta administratiborik egokienak ezartzea ganadutegien osasuna hobetzeko, eta horretarako, gaixotasun infekto-kutsakorrak eta parasitarioak prebenitu eta kontrolatzea, gizakiei ez transmititu arren, Nafarroako Foru Komunitateko azienda multzoari eragiten baitiote. Hori dela eta, jaialdi horiek arautu behar dira, gaixotasunak hedatzeko arriskua txikiagoa izan dadin.

Zezenketarako ustiategien eta ganadutegien osasun kalifikazioa eta haien animalien joan-etorria arautzen dituen otsailaren 18ko 186/2011 Errege Dekretuak neurriak ezartzen ditu joan-etorrietarako, eta foru agindu honek osatzen ditu.

Era berean, bidezkoa da ekainaren 29ko 249/1992 Foru Dekretua osatzea, Zezenketa ikuskizunei buruzko erregelamendua onesten duena.

Horrenbestez, Nafarroako Gobernuari eta Lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz, agindu dut:

1. artikulua. Aplikazio eremua.

Foru agindu hau eta haren eranskinak Zezenketa ikuskizunei buruzko erregelamendua onetsi zuen 249/1992 Foru Aginduan arautzen diren jaialdiei aplikatuko zaizkie, baita Nafarroako zezenketa ustiategi guztiei ere.

2. artikulua. Definizioak.

Foru agindu honen ondorioetarako, aplikagarriak dira Zezenketarako ustiategien eta ganadutegien osasun kalifikazioa eta haien animalien joan-etorria arautzen dituen otsailaren 18ko 186/2011 Errege Dekretuko definizioak eta Zezenketa ikuskizunei buruzko erregelamendua onetsi zuen 249/1992 Foru Agindukoak. Orobat, hona hemen beste definizio batzuk:

a) Heriotzarik gabeko zezenketa ikuskizunak: zezenketarako abelburuak erabiltzen dituzten jaialdi tradizionalak, kalean, ukuilu partikularretan eta plazetan egiten direnak, animaliak akabatu gabe jatorrizko ustiategietara itzulita.

b) Heriotzarik gabeko ikuskizunetarako ukuiluak: instalazio finkoa edo desmuntagarria, zezenketarako buruak biltzeko; gehienetan, herrietako eraikinen artean egoten da, zezen plazetatik kanpo; han itxita, zezenketarako buruak atera eta sartzen dira ikuskizunean. Zenbaitetan, zezen plazetako ukuilu iraunkorretan edo plaza mugikorretako ukuiluetan kokatu daitezke heriotzarik gabeko jaialdietako animaliak.

c) Heriotza dakarren zezenketarako ukuiluak: instalazio finkoa edo desmuntagarria, zezenketarako buruak zezenketetan biltzeko; gehienetan, zezen plaza bati erantsita egoten da eta hainbat ukuilu, baka eta maneiatze pasabide ditu; han itxita, zezenketarako buruak handik ateratzen dira zezenketa egiteko. Zenbaitetan, heriotza dakarren zezenketarako ukuiluetan batera egon daitezke heriotzarako diren eta ez diren animaliak.

d) Antolatzailea: pertsona fisikoa edo juridikoa, publikoa edo pribatua, Foru Komunitateko Administrazioari baimena eskatzen diona zezenketa bat antolatu eta egiteko.

e) Antolakuntzak izendatutako arduraduna: antolatzaileak izendatutako pertsona fisikoa, foru agindu honen 6. artikuluko eginkizunak beteko dituena. Halaber, antolakuntzaren eta Abeltzaintza Zerbitzuaren arteko solaskidea izanen da.

f) Ganadutegien lehiaketa: heriotzarik gabeko zezenketa, non zezenketarako ustiategi desberdinetako animaliek parte hartzen baitute, animalien jokaera baloratu eta saritzeko. Haietan uztaien lehiaketak edo errekorte artistikoak egiten dira.

g) Erregelamenduzko identifikazio elementurik gabeko animalia: xakitu gabeko behi aziendako arrak, eta, emeen kasuan, xakitu gabe egon eta belarritako ofiziala ez dutenak.

3. artikulua. Nafarroako zezenketa ustiategietako abelburuen identifikazioa.

1. Behi aziendak identifikatzeko sistema ezartzen duen irailaren 18ko 1980/1998 Errege Dekretuarekin bat eta Kultura eta kirol manifestazioetarako zezenak identifikatzeko sistema baimentzen duen Batzordearen 1999ko abenduaren 17ko 2680/1999 (EE) Erregelamenduarekin bat identifikatuko dira zezenketa ustiategietako animaliak. Abeltzaintza Zerbitzuak zehazten ahalko du animalia bakoitzari hartzeko lagina, horretarako izendatuko den laborategi baimenduan egin beharreko identifikazio genetikorako.

2. Animalien identifikazio indibidualeko erregistroan zenbaki genealogikoa inskribatzeko, zezenketarako animalien liburu genealogikoa kudeatzen duen elkarteak emandako ziurtagiri bat aurkeztu beharko dute abeltzainek Abeltzaintza Zerbitzuan, eta bertan zehaztuko da belarritako ofizialaren identifikazio ofizialaren eta xakiaren arteko lotura.

4. artikulua. Zezenketa ikuskizunetan parte hartzen duten buruen dokumentazioa eta identifikazioa.

1. Abeltzainek indarreko araudian ezarritakoaren arabera aurkeztuko dituzte identifikatutako animalia guztiak.

2. Zezenketetan parte hartzen duten animalia guztiak inskribaturik egonen dira kasuan kasuko Zezenketarako arrazaren liburu genealogikoan. Jaialdi horietan parte hartzen duten animaliarekin, Zezenketarako arrazaren liburu genealogikoetan abelburu bakoitzak duen inskripzioaren dokumentua aurkeztuko da. Dokumentu indibidual horiek I. eranskineko dokumentu ofizialarekin ordezten ahal dira; hartan, animaliak Zezenketarako arrazaren liburu genealogikoetan inskribaturik daudela frogatu eta liburu genealogikoaren (xakia) eta belarritako ofizialaren arteko lotura jasotzen da.

3. Orobat, jatorrizko ustiategiaren osasun ziurtagiria aurkeztuko da, II. eranskineko ereduaren arabera, baita abereen jatorri eta osasuneko gida edo lekualdatze agiria ere.

5. artikulua. Heriotzarik gabeko zezenketa ikuskizunak eta osasun jarduketak.

1. Heriotzarik gabeko zezenketa ikuskizun batean, abeltzaintzako ustiategi bakar bateko animaliek hartuko dute parte, salbu eta ganadutegien lehiaketei buruz ezarritakoa.

2. Heriotzarik gabeko zezenketa ikuskizunak antolatzen dituztenek ukuiluak garbitu eta desinfektatuko dituzte heriotzarik gabeko zezenketa ikuskizunak egiteko, abeltzaintzako ustiategi bateko baino gehiagoko animaliek erabili behar dituztenean; hartara, abeltzaintzako ustiategi bakoitzeko abelburuak sartzean, instalazioak garbiturik eta desinfektaturik egonen dira. Agirien bidez jaso beharko da instalazioak garbitu eta desinfektatu direla.

3. Heriotzarik gabeko zezenketa ikuskizunak egiteko, zezenketa ustiategi desberdinek ezin izanen dituzte ukuilu berak erabili harik eta bost ordu iragan arte instalazioak garbitu eta desinfektatzen direnetik hurrengo ganadutegia sartzen den bitartean.

4. Salbuespenez, ganadutegien lehiaketetan, ustiategi desberdinetako animaliek batera erabil ditzakete ukuiluak. Halako jaialdietan beharrezkoa izanen da Abeltzaintza Zerbitzuko zuzendariaren aldez aurreko baimena. Eskaera, foru agindu honen III. eranskineko inprimakiaren araberakoa, gutxienez 15 egun lehenago eginen da.

5. Zezen plaza batean heriotzarik gabeko zezenketa ikuskizunak eta heriotza dakartenak egun beretan egin direnean, ukuilu bat edo bat baino gehiago erabiliko dira heriotzarik gabeko zezenketa ikuskizunetako abelburuentzat soil-soilik, eta bermatuko da behin ere ez direla nahastuko heriotza dakarten zezenketa ikuskizunetakoekin edo horiek eramateko kabestruekin.

6. artikulua. Heriotzarik gabeko ikuskizunen antolatzaileen betebeharrak.

1. Honako hauek dira heriotzarik gabeko ikuskizunen antolatzaileen betebeharrak:

a) Heriotzarik gabeko zezenketa ikuskizunetarako ukuiluak garbitu eta desinfektatzea, aurreko artikuluan ezarritakoarekin bat. Jarduketa horiek dokumentatu beharko ditu, eta bi urtez gorde, eguna, ordua eta erabilitako produktua jasota, V. eranskineko ereduari jarraituz.

b) Identifikazio elementurik ez duten animaliak, 2. artikuluko g) letrako definizioaren arabera, ailegatzen direla egiaztatuz gero, galaraziko da haiek jaialdian parte hartzea eta horren berri emanen zaio Abeltzaintza Zerbitzuari, VI. eranskineko ereduari jarraituz.

c) Egiaztatzen bada jaialdi berean parte hartzen dutela ustiategi desberdinetako animaliek, horren berri emanen zaio Abeltzaintza Zerbitzuari, VI. eranskineko ereduari jarraituz. Salbuespena ganadutegien lehiaketa baimenduak dira.

d) Ganadutegien lehiaketen kasuan, antolatzaileek foru agindu honetako IV. eranskinean biltzen den dokumentua beteko dute jaialdiaren ondoan. Hartan jasoko da banan-banan zer abelburuk parte hartu duen. Dokumentu hori Landa Garapeneko, Ingurumeneko eta Toki Administrazioko Departamentuko Abere Osasuneko Atalari igorriko zaio, jaialdia egin eta hamabost eguneko epean.

e) Abeltzaintza Zerbitzuko albaitari ofizialei sarrera eta kontrola erraztea.

2. Zezenketa jaialdiaren antolatzaileek arduradun bat izendatuko dute, Abeltzaintza Zerbitzuarekin solaskidea izanen dena. Jaialdiak irauten duen bitartean, aurreko puntuko ataletan xedatua betetzeaz arduratuko da.

7. artikulua. Arau-hausteak eta zehapenak.

1. Foru agindu honetan ezartzen diren eginbeharrak ez betetzeak zehatuko dira Abereen Osasunari buruzko azaroaren 16ko 11/2000 Foru Legean xedatutakoari jarraikiz.

2. Abeltzaina izanen da animalien identifikazioaren eta joan-etorrien arduraduna.

3. Antolatzailea izanen da instalazioetan egin beharreko jarduketen arduraduna, jaialdietan ganadutegi desberdinak kontratatzearena epeei dagokienez ezarritakoa errespetatzen ez denean, eta zerbait bete ez dela antzematen denean horren berri ez ematearena.

Xedapen Bakarra. Indarra hartzea.

Foru agindu honek Nafarroako Aldizkari Ofizialean argitaratu eta biharamunean hartuko du indarra.

I. ERANSKINA. Albaitaritzaren ziurtagiria ustiategiaren identifikaziorako

................................... jaun/andreak, ...................... autonomia erkidegoko albaitari ofizialak,

ADITZERA EMATEN DU:

Erantsitako zerrendako animaliak (.............. orri datadunekoa, ............... herriko Abeltzaintza Bulegoko albaitari arduradunak sinatu eta zigilatua) ...................... zenbakiko zezenketa ustiategikoak direla (herria: .................., probintzia: ...................., titularra: ................................... jaun/andrea) eta belarritako ofizialaren eta arrazaren liburu genealogikoaren arteko identifikazioa dela bertan jasotakoa.

Gogora ekarri behar da Nafarroako Foru Komunitateko zezenketa jaialdietan soilik parte hartzen ahal dutela identifikazio indibidualeko belarritako ofizialaren bidez eta liburu genealogikoko xakiaren bidez batera identifikatuta dauden behi aziendek.

Agiri honen indarraldia 8 hilabetekoa izanen da, eman zeneko egunetik hasita.

……..………….(e)n, 20...(e)ko …………….aren ....(e)an.
Stua.: ................................

II. ERANSKINA. Ustiategiaren osasun ziurtagiria

.................. zenbakiko zezenketa ustiategiak (herria: ..............., titularra: ...................................... jaun/andrea) ondoko osasun kalifikazioa dauka:

–Ofizialki tuberkulosirik gabea (T3).

–Ofizialki bruzelosirik gabea (B4).

Behi azienden saneamendurako kanpainan nahitaezko azken bi saneamenduak egun hauetan egin dira:

Eguna: .........................., 20....(e)ko ........... seihilekoari dagokionez.

Eguna: .........................., 20....(e)ko ........... seihilekoari dagokionez.

Iruñean, 20..... (e)ko ................... aren ....................(e)an.
Stua.: ................................

III. ERANSKINA. Ganadutegien lehiaketarako baimenaren eskaera

Antolatzailearen izena/sozietatearen izena: ......................................

Baimena eskatzen du ganadutegien lehiaketa egiteko (eguna: .............., ordua: ......................, herria: ....................).

Parte hartuko duten abeltzaintzako ustiategien zerrenda:

ABELTEGIAREN ZENBAKIA	GANADUTEGIAREN IZENA	ABEREEN KOPURUA

Erabiltzen diren kabestruak hemengoak izanen dira:

ABELTEGIAREN ZENBAKIA	GANADUTEGIAREN IZENA	ABEREEN KOPURUA

............................. jaun/andrea (sakelako telefonoa: ................) arduradun izendatu du antolatzaileak zezenketa ikuskizunean animaliak biltzen dituzten instalazioak garbitu eta desinfektatzeko lanak betetzeko.

IV. ERANSKINA. Ganadutegien lehiaketan parte hartzen duten abelburuen zerrenda

....................................... jaun/andreak (NANa: ...................), heriotzarik gabeko zezenketa jaialdiaren antolatzailearen ordezkariak, adierazten du ondotik zehazten diren ganadutegietako animaliek, ......./....../.....(e)an ............... herrian ganadutegien lehiaketan parte hartu dutenek, ez dutela kontaktu fisikorik izan haien artean eta bide desberdinak erabili direla haiek garraiatzeko.

Zezenketa abelburu parte-hartzaileen zerrenda:

BELARRITAKO OFIZIALA	XAKIA	ABELTEGIAREN ZENBAKIA	GANADUTEGIA

Erabilitako kabestruak:

BELARRITAKO OFIZIALA	ABELTEGIAREN ZENBAKIA	GANADUTEGIA

……..………….(e)n, 20...(e)ko …………….aren ....(e)an.
Stua.: ................................

V. ERANSKINA. Instalazioak garbitu eta desinfektatzeko erregistroa

GARBIKETA ETA DESINFEKZIOA		UKUILUEN IDENTIFIKAZIOA	PERTS EDO ENPRESA ARDURADUNA	INSTALAZIOAK ERABILI DITUEN AZKEN GANADUTEGIA	ERABILITAKO DESINFEKTATZAILEA	GARBITU ETA DESINFEKTATU DUEN PERTSREN SINADURA ETA NANA
Data	Ordua					Sinadura	NANa
…………………(e)n (…….........…) (e)n, 20...(e)ko ………………..…….aren …..(e)an. Stua.: ..................................

VI. ERANSKINA. Gorabeheren komunikazioa

............... herrian eta .................. egunean egindako zezenketa jaialdian, ez da gorabeherarik antzeman, ez zezenketa abelburuak identifikatzeari dagokionez ez jaialdi berera abeltzaintzako bi ustiategitako animaliak batera joateari dagokionez.

……..………….(e)n, 20...(e)ko …………….aren ....(e)an.
Stua.: ................................

....................... herriko ................................... abeltzaintzako ustiategiko abelburuekin .............. herrian eta .................. egunean egindako zezenketa jaialdian, egiaztatu da .............. eme belarritako ofizialik gabe daudela, ............... emek ez dutela xakirik eta ................ arrek ez dutela xakirik.

……..………….(e)n, 20...(e)ko …………….aren ....(e)an.
Stua.: ................................

.............. herrian eta .................. egunean egindako zezenketa jaialdian, ...................... abeltzaintza ustiategiko ................ animalia eta ................... abeltzaintza ustiategiko ................ animalia antzeman ziren.

……..………….(e)n, 20...(e)ko …………….aren ....(e)an.

Stua.: ................................

Jar zaitez gurekin harremanetan | Erabilerraztasuna | Lege abisua | Webaren mapa