navarra.es

Castellano | Euskara | Français | English

Bilatzaile erabili!

16/2008 Foru Legea, urriaren 24koa, 2009-2012 Eperako Toki Inbertsioen Planari buruzkoa

 

(2008ko 133. NAOn argitaratutako testua, urriaren 31n)

Atarikoa

Toki Administrazioari buruzko uztailaren 2ko 6/1990 Foru Legearen 61. artikuluan xedatutakoarekin bat, Nafarroako Gobernuak, hartarako gaitasuna ematen dion foru lege baten esparruan, inbertsio planak ezarriko ditu, toki entitateekin lankidetzan aritzeko tresna gisa, Nafarroako lurralde osoan nahitaezko udal zerbitzuak bermatzea helburu.

Azken urteotako toki azpiegituren planak aztertuta, ikusi da toki azpiegituren arloan hasieran zeuden gabeziak estaltzen joan direla; horrela, orain, aipatutako xedapenaren helburua handitu egin beharko litzateke, azpiegiturak hobetu eta kalitatea handitze aldera jotzeaz gainera, urteen poderioz lurraldeen artean gertatu diren desberdintasunak poliki-poliki berdintzera jotzeko; izan ere, Nafarroan badira herri batzuk Nafarroako Foru Komunitateko toki administrazioan kalkulatu den egitura-gabezien batez bestekotik gorako gabeziak dituztenak.

Beste alde batetik, gero eta jende gehiago eskatzen ari da Toki Azpiegituren Planaren kargura finantza daitezkeen jarduketa-lerroen artean beste batzuk ere sartzea, Nafarroako toki entitateei aukera emateko tokian tokiko herritarrek eskatzen dituzten bestelako beharretarako, hots, udal eskumenekoak izan arren, udal zerbitzuen legezko sailkapenetik kanpo dauden inbertsioetarako.

Horregatik, 2009-2012 eperako Inbertsio Planaren helburua da nahitaezko udal zerbitzuen estaldura modu orekatuan bermatzea eta haiek hobetu eta kalitatea handitzea, eta horrekin guztiarekin batera, udal eskumenekoak izan arren nahitaezkoak ez diren beste inbertsio batzuk gauzatu ahal izateko toki entitateek egin dituzten eskakizunei kasu egitea, inbertsio horiek tokian tokiko herritarren aurrerapen eta ongizatearentzat lehentasunezkotzat jotzen badira.

Dena dela, bateratze hori lortzeko har litezkeen neurrien ondorioak kontuan harturik, bidezkoa da gero batean lege mailako jarduketa batek zehaztuko duen araubide berezi bat ezartzea, planaren ohiko aurreikuspenek konpontzen ez dituzten oinarrizko zerbitzuen arloko egoera hitzartu jakin batzuei konponbidea emateko.

Gainera, hurrengo planak hurrengo Azpiegitura Planen "Ebaluazio azterketak" egitea aurreikusi beharko du, azpiegituren benetako gabeziak zehazteko adierazleak eguneratzeko, horrela, egoeraren diagnostiko berria eginik, toki azpiegituren arloan Nafarroako toki administrazioarekin lankidetzan aritzeko sistema bat diseinatu eta ezarri ahalko baita, herritarren benetako beharren arabera.

Era berean, kontuan harturik hemendik gutxira Administrazio Elektronikoari buruzko Legeak indarra hartuko duela, eskaerak eta planean aurreikusitako gainerako prozedura-tramiteak horretarako ezarriko diren bide telematiko seguruen bidez egitea onartuko da.

Horrenbestez, 2009-2012 eperako Toki Azpiegituren Planak, aurrekoak bezala, prozedura arloan hobekuntzak egitea, lurraldeen arteko oreka sustatzea eta plana justifikatzen duten legezko helburuak lortzea du helburu, baina trantsizio plan gisa eratzen da, hurrengo plana honako honen emaitzak, planak iraun bitartean eginen diren ebaluazio planen ondorioak eta tokiko maparen balizko berrantolaketa kontuan harturik diseinatuko baita. Hala ere, plan honetan Nafarroako toki administrazioaren azpiegituren eta zerbitzuen arloan Nafarroako Gobernuaren lankidetza ekonomikorako sistema berria osatuko duten adierazleak antzeman beharko dira.

1. artikulua. 2009-2012 eperako Toki Inbertsioen Plana.

1. 2009-2012 eperako Toki Inbertsioen Planaren barrenean jarduketa sail bat sartzen da, epe horretan Nafarroako udal eta kontzejuen eskumeneko zerbitzuei lotutako azpiegitura batzuk instalatu, hobetu eta berritzeko asmoz egin gogo direnak, betiere foru lege honetan zehazten diren baldintzak, programazioa, araubide ekonomiko-finantzarioa eta kudeaketa arauak betez.

2. Toki Inbertsioen Plana, lege honetan agertzen diren zehaztapenen arabera, bi zatitan egituratuko da: ohiko plan bat eta ohiz kanpoko plan bat.

3. Toki Inbertsioen Ohiko Planean ondokoetan aurreikusten diren inbertsioak sartuko dira:

a) plan zuzendarietakoak,

b) toki programaziokoak,

c) zeharbideen urbanizaziokoak,

d) libreki erabakitakoak.

4. Aurreko inbertsio planen aplikazioen ondorioz sortu diren lurralde desorekak berdindu nahian, ondoko obrak finantzatzeko araubide berezi bat ezarri da: plan zuzendarietan sartuta dauden "Uraren goi-hornidurako obrak", eta toki programazioko "Hornidura eta saneamenduko tokiko sareak", "Kaleko argiak", "Zolatzeak" eta "Udal eraikinak".

Uraren goi-hornidurako obrak finantzatzeko araubide bereziari esker, planean sartuta dauden toki entitate batzuei orokorrean ezartzen den diru-ekarpena baino 100eko 10 gehiago emanen zaie, hots, planean sartuta egonik, foru lege honen I. eranskineko zerrendaren arabera, "azpiegitura horren egoeraren koefiziente adierazlea" Nafarroako batez bestekoa baino handiagoa dutenei. Araubide berezi horretan, zerrendan ez dauden beste toki entitate batzuk ere sar daitezke, onartutako inbertsioa elkarrekin kudeatzeko asmoz eranskinean agertzen den entitate batekin elkartzen baldin badira.

Toki programazioan aipatzen diren inbertsioetako araubide bereziaren bidez ekarpenaren 100eko 80 onartuko zaie, foru lege honen I. eranskineko zerrendaren arabera, "azpiegitura mota bakoitzaren egoeraren koefiziente adierazlea" Nafarroako batez bestekoa baino handiagoa duten toki entitateei, HLKren leheneste-hurrenkeraren arabera eta zuzkidurak agortu arte.

"Azpiegitura mota bakoitzaren egoeraren koefiziente adierazlea" Nafarroako batez bestekoa baino handiagoa duten herriak sartuko dira zerrenda horretan.

Hauek dira azpiegitura mota bakoitzaren gabeziaren adierazleak:

-GHA, uraren goi-horniduraren sarea osatzen duten elementuen egoerari eta kokapenari buruzkoa; hau da, harguneak, hodiak, ponpak, biltontziak eta ura tratatzeko instalazioak.

-HSA, ura banatzeko eta saneamenduko tokiko sareen egoerari eta hedadurari buruzkoa.

-IZOL, herrigune finkatuaren barrenean zoladuraren egoerari eta hedadurari buruzkoa.

-HAA, herrigune finkatuaren barrenean herriko argien egoera eta hedadurari buruzkoa.

-UDEI, udal eta kontzeju etxeen kontserbazio egoerari eta hedadurari (zuzkidura) buruzkoa.

2. artikulua. Plan zuzendariak.

1. Nafarroako toki entitateen jardunean behar den koordinazioa segurtatzeko, komunitatearen intereseko eta, beraz, tokiz gaindiko intereseko deklaratzen dira entitate horien eginkizun eta jarduera hauek:

a) Uraren goi-hornidurak, plan zuzendarian sarturik daudenak.

b) Ibaien saneamendua eta arazketa.

c) Hiri hondakinak eta hondakin berariazkoak bildu eta tratatzea.

2. Nafarroako Gobernuak koordinatzen du toki entitateen jarduna gai horietan, dagozkien plan zuzendarien bidez. Plan horiek aginduzkoak izanen dira eta foru lege honetan aipatzen diren baldintzen eta mugen barrenean garatuko dira.

3. Uraren goi-hornidurarako plan zuzendariak herriguneak hornitzeko ur eskaerei kasu egitea du helburu, industriako eta abeltzaintzako kontsumo bakanduak kontuan hartu gabe. Hortaz, aintzat hartzen ditu erabili beharreko baliabideak eta haien banaketa, ura hartzeko eta erregulatzeko lanak, ur hodiak, ura tratatzeko edo edateko modukoa bihurtzeko instalazioak eta ur biltegiak. Plana garatzeko planek finkatuko dute, hala behar duenean, zein jarduketa eremutan bilduko diren udalak eta zein konponbide tekniko hartu behar den kasu bakoitzean.

4. Ibaien arazketa eta saneamendurako plan zuzendariak bere baitan hartzen ditu gaur egun ur-ibilguetara isurtzen diren hiri hondakin-uren hustubideak, haiek bildu eta araztegietara eramanen dituztenak, araztegiak berak eta, azkenik, ondoren ur-ibilguetara isurtzeko hodiak. Planak, orobat, egin beharreko obrak zehaztu eta programatzen ditu.

5. Unean-unean indarra duten Hiri hondakinen Plan zuzendarian eta Hondakinak kudeatzeko Plan Integratuan sartzen dira materia organikoaren eta material inerteen tratamendua egiteko behar diren baliabideak, materia organikoa eta papera/kartoia biltzea, garbiguneak instalatzea, obra-hondakinak entregatzeko tokiak, hondakindegiak ixtea eta behar diren baliabide osagarriak. Bi planek finkatzen dute zein jarduketa eremutan bilduko diren udalerriak eta zein konponbide tekniko hartu behar den kasu bakoitzean.

3. artikulua. Toki programazioa.

1. 2009-2012 eperako Toki Inbertsioen Planaren Toki programazioko inbertsioetan sartzen dira, hain zuzen ere, foru lege honetan ezartzen diren hautapen irizpideak aplikaturik, aurreikusten diren finantza-laguntzak hartu eta bertan ezartzen den kudeaketa araubideari lotzen zaizkion obra guztiak.

2. Toki programazioko inbertsioak dira goi-hornidurari buruzkoak, Plan zuzendarian sartuta ez badaude, ura banatzeko eta saneamendurako hiri sareak, kaleetako argiak, zoladura ematea, udal eraikinak, hilerriak eta herrietako bideak.

3. Ura banatzeko hiri-sareak dira erregulazio biltegiak etxeetako harguneekin eta hango kontrol eta neurketa aparatuekin lotzen dituztenak; saneamenduko toki-sareak, berriz, etxeko isurkinak beren harguneetatik araztegiaren aurreko hustubideraino eramaten dituzten hodiak, eta hiri lurzoruan eroritako euri urak bideratzen dituztenak, bai eta ukitutako instalazio eta zoladuren konponketa ere, deusetan ukatu gabe foru lege honetako 11.3 artikuluan xedatutakoa.

4. Herrietako argietan sartzen dira herrigune finkatuaren barrenean dauden bide publikoak argitzeko instalazioak.

5. Zoladura emateko obretan sartzen da trazadura berriko herri barruko bideak zolatzea, oraingo bideetako zoladura hobetzea, euri urak biltzea, hala behar bada, eta kaltea jasan duten instalazioak lehengoratzea, hori dena herriko lurzoru finkatuaren barrenean.

6. Udal eraikinen kontzeptuan sartzen dira oinplano berriko eraikinak altxatzeko nahiz lehendik daudenak eraberritzeko obrak, eraikin horiek direnean udal eta kontzejuen administrazio egoitzak kokatzekoak, hala nola mankomunitateen nahiz administrazio zerbitzuetako elkarteen egoitzak, haien eskumenen barrenean plan zuzendarietako edo toki programazioko obrei lotutako zerbitzuak ematea baldin badago.

7. Hilerrietako obretan sartzen dira hala hilerri berriak egiteko obrak nola handitu edo berritzekoak, itxiturei, kanpo nahiz barneko urbanizazioari, azpiegiturei eta eraikin osagarriari eragiten dietenak. Ez da finantziaziorik izanen nitxo, panteoi, mausoleo eta errauste nahiz erretze instalazioetako obretarako.

8. Herrietako bideetako obretan sartzen da bide berriak egitea edo lehendik daudenei zoladura ematea, egokitzea, hobetzea eta zabaltzea, irispidea izateko jendea bizi den lekuetara eta nahitaezkoak diren udal zerbitzuekin lotutako toki-ekipamenduetara.

9. Ondoko obrak salbuetsita geldituko dira: ukitutako jabeek edo toki entitateek, toki planeamenduaren exekuzio sistemen edo hirigintza legeriaren aurreikuspenen esparruan, ordaindu beharreko urbanizazio gastuei lotuak.

4. artikulua. Zeharbideen urbanizazioa.

1. Toki entitateetako herriguneetako zeharbideen urbanizazio obrak Nafarroako Gobernuko Herri Lan Departamentuak zeharbideak zolatzeko duen programazioarekin koordinaturik egin beharko dira. Horretarako, entitate eskatzaileek, obren helburua zehazteaz gainera, agiri bat aurkeztu beharko dute frogatzeko departamentu horri eskatu diotela bere eskumeneko zeharbideko obrak egitea, horrela bermatuko baita batetik, obren finantziazioa eta, bestetik, zeharbideko proiektuan jasotzen diren jarduketa guztiak modu koordinatuan eginen direla.

2. Aurreko atalean aurreikusitako zeharbideak urbanizatzeko obretarako 2009-2012 Toki Inbertsioen kargura egiten diren finantza ekarpenak eta eskaerak lehenesteko irizpideak foru lege honetan ezarritako araubidearen araberakoak izanen dira.

3. Laguntza eskatuta ere, entitate eskatzaileak lehenengo atalean aipatutako eskaera egin izana ez frogatzeagatik ohiko planetik kanpo gelditzen diren zeharbideetako jarduketak, ohiz kanpoko planaren kargura finantzatzen ahalko dira, hartan ezartzen diren baldintzak eta eskakizunak betez gero.

5. artikulua. Libreki erabakitakoak.

1. Foru lege honen ondorioetarako, libreki erabakitako inbertsioak dira, udal eskumenak erabiliz, udalek eta kontzejuek bakar-bakarrik erabakitzen dituztenak.

Hori helburu, horrelako inbertsioak finantzatzeko funtsak erabiltzen ahalko dira, orobat, Inbertsio Planaren gainerako jarduketak osatzeko edo Toki Administrazioko Departamentuak, beste departamenturen batek edo beste administrazio publiko batek diruz lagundutako beste jarduketa batzuk osatzeko.

2. Horrez gainera, Ohiko Planaren barrenean sartzen ahalko dira udal edo kontzeju batek baino gehiagok elkarrekin sustatzen dituzten libreki erabakitako inbertsioak.

3. Libreki erabakitako inbertsioetarako funtsetan udal edo kontzeju bakoitzak izanen duen partaidetza kalkulatzeko, horretarako eskuragarri dagoen diru zenbatekoari banaketa-irizpide hauek aplikatuko zaizkio:

A) Udalerri bakoitzaren partaidetza indizea aterako da hango biztanle kopuru ponderatuaren eta Nafarroako udalerri guztietako biztanle kopuru ponderatuaren arteko zatiketa eginez. Biztanleria ponderatua ateratzeko eragiketa hau eginen da: 2007ko urtarrilaren 1eko datu ofizialen arabera herri bakoitzak duen biztanle kopurua bider hari dagokion biztanle-tartearen ponderazio koefizienteen interpolazioaren bidez lortzen den ponderazio koefizientea, taula honen arabera:

 

Tarte bakoitzaren ponderazio koefizientea ateratzeko, urriaren 29ko 12/2004 Foru Legearen 11. artikuluan tarte horretarako ezarritako gehieneko batez besteko kostuen eta biztanle tarte handieneko kostuaren arteko zatiketa egin da.

B) Kontzeju bakoitzaren partaidetza indizea aterako da aurreko irizpide bera kasuan kasuko kontzejuko biztanle kopuruari aplikatuz. Indize hori aplikatuko zaio erabilgarri dagoen diru-zenbateko osoari, kontzejuetako biztanleriak Nafarroa osoko biztanleriaren aldean hartzen duen ehunekoarekin (100eko 5,6708) biderkatuta.

C) Bere baitan kontzejuak dituzten udalerri konposatuentzako behin betiko zuzkidura aterako da 3.A) atalean ezarritakoaren arabera hasiera batean dagokien kopuruari 3.B) atalaren arabera kontzejuei dagokien zuzkidura kenduz.

4. Libreki erabakitako inbertsioetarako, udal edo kontzeju bakoitzari esleitzen zaion zenbateko osoa entitate bakoitzak kontzeptu horretarako har dezakeen gehieneko kopuru erabilgarria izanen da.

5. Libreki erabakitako inbertsioetarako ekarpenekin finantzaturiko obrek planaren indarraldiko azken urtearen aurreko urtea bukatu baino lehen erabat exekutatuak egon beharko dute, salbu eta ekarpen horiek Inbertsio Planean aurreikusitako gainerako jarduketak finantzatzeko baldin badira, kasu horretan exekuzio epea jarduketa horietarako ezarritako araubideak finkatuko baitu.

6. Libreki erabakitako inbertsioek artikulu honen 1. atalean ezartzen diren betebeharrak betetzen ez badituzte edo foru lege honen 13.C).1 artikuluan ezarritako prozedura arloko baldintzak betetzen ez badituzte, eta egindako obrarengatik dirua ordaintzea eskatzen bada, ukatuko dira, deusetan galarazi gabe entitate jasotzaileek baldintza horiek betetzen dituzten beste jarduketa batzuetarako bideratu ahal izatea esleitutako dirua.

7. Foru lege honen arabera libreki erabakitako inbertsioetarako ekarpen gisa kalifikaturiko diru-esleipenak entitate jasotzaileek erabiltzen ez badituzte, Ohiko Planaren hedadura handitzeko soberakinetara edo hurrengo Inbertsio Planetara bideratuko dira.

6. artikulua. Ohiz Kanpoko Plana.

Inbertsio Planaren indarraldiko bigarren urteko lehenengo seihilekoa bukatu baino lehen, Nafarroako Gobernuak foru lege proiektu bat onetsiko du toki inbertsioen ohiz kanpoko plan bat arautzeko, dagokion zuzkidura eta guzti, Ohiko Planaren barreneko plan zuzendarietan eta toki programazioetan sartzea eskatu arren onartu ez diren toki azpiegituretarako inbertsio beharrei erantzuteko, betiere haien helburua oinarrizko zerbitzuak ematea bada eta, hala badagokio, banakako defizitaren gehieneko kalifikazioa lortzea, eta exekutatu ezean helburu hori lortzea benetan zaila bada eta, horren ondorioz, lurraldeen arteko desorekak sor badaitezke, eta hori saihesteko, ukitutako biztanleriaren arabera eta toki entitatea kokatua dagoen inguruaren ezaugarri sozio-ekonomikoen arabera, ohiz kanpoko tratamendua behar baldin badute.

Halaber, Ohiz Kanpoko Planera bideratutako funtsekin "Zeharbideen urbanizazioa" sailean sartutako jarduketak finantza daitezke, baldin eta jarduketa horien exekuzioa Nafarroako Gobernuko Herri Lan Departamentuarekin koordinaturik eginen dela bermatzen badu Gobernuak Ohiko Planak indarra hartu ondoren.

Foru lege honetan Ohiz Kanpoko Planera bideratutako funtsak, planaren beraren ezaugarriak direla-eta hartan aplikatu ezin badira, Ohiko Planaren hedadura handitzeko soberakinetara bideratuko dira.

7. artikulua. Toki Inbertsioen Planari lotutako jarduketen finantziazioa.

Toki Inbertsioen Planari lotutako jarduketak baliabide hauekin finantzatuko dira:

a) Toki entitateen Nafarroako tributuetako partaidetza funtsa, Nafarroako aurrekontu orokorretan kapital transferentzien modura jasoa dena.

b) Bestelako erakunde publiko nahiz pribatuen ekarpenak.

c) Toki entitateen baliabideak.

d) Kreditu eragiketak.

e) Nafarroako aurrekontu orokorretatik datozenak, "Fundación Itoiz-Canal de Navarra" izeneko fundazioaren bitartez bideratuak.

8. artikulua. Ekarpenen bateragarritasuna.

1. Bestelako erakunde publiko nahiz pribatuek egindako ekarpenak bateragarriak izanen dira aurreko artikuluan aipatzen diren gainerako ekarpenekin.

2. Hala ere, aurreko artikuluko a), b) eta d) letretako ekarpenekin inbertsioaren kostuaren 100eko 100 gainditzen bada, 100eko 100 horretatik goitiko gaindikina kenduko da Toki entitateen Nafarroako tributuetako partaidetza funtsaren kargura oro har esleitzen diren ekarpenen kargura ematen den diru kopurutik.

Aurreko lerroaldean aurreikusitako ondorioetarako, libreki erabakitako inbertsioetarako ekarpenak gutxituko dira lehenbizi, horrelakorik badago, toki entitateak berriz esleitzeko modukoak direlako.

9. artikulua. Toki entitateen Nafarroako tributuetako partaidetza funtsaren kargurako ekarpenak.

1. Toki Inbertsioen Planerako ekarpenak, Nafarroako aurrekontu orokorretan kapital transferentzia gisa egiten direnak, urte anitzekoak izanen dira, eta hasiera batean, foru lege honen III. eranskineko taulan zehazten direnak izanen dira.

Nolanahi ere, zuzkidura ekonomikoak planaren barreneko toki programazioko kontzeptuen artean berriz esleituko dira; izan ere, "epe laburrean beharrezkoak diren lan" (ADI=10) gisa sailkaturiko inbertsioak "epe ertainean beharrezkoak diren lan" (ADI=7) gisa sailkaturikoen aurretik jarri dira.

Partaidetza Funtsaren ekarpenen behin betiko banaketa 2009-2012 eperako Toki Inbertsioen Plana onesteko Gobernuaren Erabakiaren argitalpenean agertzen dena izanen da.

2. Nafarroako Gobernuak planean zehaztutako ekarpen horietatik 100eko 10 bitarte erreserbatzen ahalko du plan zuzendari, toki programazio edo zeharbideen urbanizazioetako jarduketetarako, ezinbestean edo ustekabean gertatzen badira edo presa handikotzat jotzen badira, baita justifikatutako arrazoiak direla-eta ohiz kanpoko araubidearen finantziazioa behar duten jarduketetarako ere, betiere arrazoi horiek espedientean egiaztaturik.

3. Plana exekutatzen ari den bitartean, Toki Administrazioko Departamentuak planaren esparrua zabalduko du, Toki Araubideko Foru Batzordearen txostenaren ondotik, hasieran sartu ez ziren baina 15.4 artikuluan aipatzen den argitalpenean erreserban agertzen diren inbertsioak bere baitan hartzeko, kontuan izanik hurrenkera finkatzeko erabilitako hautatze eta leheneste koefizientea, honako kreditu hauen kargura:

a) Gertatzen diren soberakinak edo Toki entitateek parte hartzeko Funtsaren araudia aplikatzearen ondorioz sortzen diren soberakinak, kapital transferentzien bidezkoak.

b) Foru lege honetan aurreikusitako erreserben liberazioa.

c) Gerakinen kontuetako aurrezkiak, artikulu honetako 7. idatz-zatian ezarritako moduan.

Plana zabaltzearen ondorioz, aurreko letretan adierazi diren kredituak berriz ere esleituko dira artikulu honetako 1. idatz-zatian aipatutako III. eranskineko A), B) eta C) idatz-zatietan zehazten diren kontzeptuen artean, erreserban utzitako inbertsio eskaerei erantzun ahal izateko.

Planaren zabalkundearen ondoriozko obrei xedatutakoa aplikatuko zaie eta, betiere, Nafarroako ALDIZKARI OFIZIALean argitaratuko dira.

4. Planaren ekarpenen banaketa ekitaldi bakoitzeko Nafarroako aurrekontu orokorretan agertuko da, behar den programan.

5. Nafarroako Gobernuak 100eko 10 bitarte handitu edo txikitzen ahalko ditu ekitaldi bakoitzerako ezartzen diren kopuruak, planean hautatu eta lehenesten diren obrak gauzatzeko toki entitateek ezartzen duten ordenaren arabera. Halakoetan, egokitu beharko ditu ekitaldi bakoitzeko aurrekontuetan esleitzen diren kopuruak, Nafarroako aurrekontu orokorretan Planerako bereizitako kopurua oso, guztira, alda ez dadin.

6. Funts horretako kontusailen artean, eta aurrekontuaren ekitaldiaren barrenean, zilegi izanen da aurrekontuetan behar diren egokitzapenak egitea programaren helburuak erdiesteko.

7. Nahiz eta xedatuta egon, aurrekontu ekitaldia ixten denean oraindik ere betebeharraren aitorpena egin gabe daukaten kopuruen kasuan, aitortutako betebehartzat hartuko dira, ondorio guztietarako.

Gerakinen kontuetako aurrezkien bidez finantzatuko dira obretan izandako kostu igoerak. Dena dela, aurrezki horien kopuru osoa milioi bat eurotik goitikoa bada, ateratzen den gerakinarekin Ohiko Planaren inbertsio berriak finantzatzen ahalko dira, libreki erabakitakoak izan ezik, artikulu honetako 3. idatz-zatian adierazitakoaren arabera.

8. Ekitaldi ekonomiko batean erabiltzen ez diren Kapital transferentzien Funtseko baliabideak hari berari gehituko zaizkio hurrengo ekitaldian.

Baliabide horiek aurrekontuen erritmoaren arabera eta Planaren exekuzioaren arabera esleituko dira. Erritmo horren arabera, hurrengo ekitaldietara esleitu daitezke, baina diru zenbateko osoa aldatu gabe.

Planaren beharrei aurre egiteko, 3. idatz-zatian adierazi bezala, Aurrekontuei buruzko hurrengo foru legeetan haren erabilerari buruzko arauak sartzen ahalko dira.

9. 2009-2012 epeko ekitaldietako bakoitzean, Nafarroako Gobernuak geroko ekitaldien kargurako gastua baimentzen ahalko du, artikulu honetako 1. idatz-zatian ezarritakoaren ondorioz finkatutako urteko gehieneko diru-mugak eta 3. idatz-zatian aurreikusitako gehitzeetatik etortzen direnak gainditu gabe.

Nafarroako Gobernuak geroko ekitaldien karguko gastuak baimendu ondotik, Toki Administrazioko Departamentuak baimen horiei dagozkien gastu konpromisoak hartzen ahalko ditu.

10. artikulua. Inbertsioek bete beharrekoak.

Toki Inbertsioen Planean sartzen diren inbertsioek betebehar hauek izanen dituzte:

a) Exekutatu eta hasi gabeko inbertsioak izanen dira, salbu Toki Administrazioko Departamentuak hasteko espresuki baimendutakoak.

b) Obren kasuan, herriaren hirigintza planeamenduaren araberakoak izanen dira.

c) Toki entitateen eskumenen eremuan sartzen diren inbertsioak izanen dira, edo entitate eskudunak egindako eskuordetzaren bidez haiek beren gain hartu dituztenak. Kontzejuen kasuan, gainera, Nafarroako Toki Administrazioari buruzko uztailaren 2ko 6/1990 Foru Legearen 39. artikuluaren 2. idatz-zatian xedatzen denaren ondorioz kontzejuek beren gain hartutako obrak sartzen ahalko dira.

11. artikulua. Obrak hautatu eta lehenesteko prozedura.

1. Toki entitateek programatu beharreko azpiegitura obrak, haiek eskatutakoak, Inbertsio Planean sartzeko, hautatze eta leheneste formula hau ezarriko da:

- HLK = 0,75 ADI + 0,10 TPADO + 0,10 IE + 0,05 KTB

Azalpena:

- HLK: hautatze eta leheneste koefizientea da.

- ADI: Azpiegitura Defizit Indibidualaren adierazlea da, toki entitate interesdunak duena planean sartu beharreko obrari dagokionez, mota bereko azpiegiturekin alderatuta.

- TPADO: Toki entitatearen toki programazioko azpiegitura defizit orokorraren adierazlea da, honakoei dagokiena: Inbertsio Planaren toki programazioko atalean aurreikusi diren azpiegiturak, hornidura eta saneamenduko toki sareenak, zoladura, kaleko argiak, udal eraikinak eta elektrifikazioa.

- IE: toki entitate bakoitzarentzat Inbertsioaren Errentagarritasuna biztanle bakoitzeko adierazten duen koefizientea da, eta honela kalkulatuko da:

- Biztanle bakoitzeko inbertsioko batez besteko kostu (Cm) hauek hartuko dira, azpiegitura motaren eta biztanleria tarteen arabera kalkulaturik, taula honetan datorren bezala:

POPULAZIO TARTEAK

 

- Batez besteko kostu (Cm) hori kalkulatuko da linealki txertatuz dagokion biztanleria-tartearen bi muturren artean.

- IE zenbatekoa den zehazteko, kasuan kasuko toki entitateak azpiegitura berari buruz egiten dituen eskaera guztien aurrekontuen batuketa eginen da, eta kalkulatuko da unitateko kostua bizilagun bakoitzeko, haietako bakoitzari dagokiona, ondoko formula honi jarraikiz:

- Uk= E/BK

- Ku: bizilagun bakoitzeko kostua da.

- E: toki entitateak azpiegitura berari dagokionez eginiko eskaera guztien inbertsioen batura da.

- B: toki entitateko biztanleen kopurua, biztanleriari buruz argitaratutako azkeneko datuen arabera.

- Mankomunitateek aurkezturiko eskaeren koefizientea kalkulatzeko, haiek osatzen dituzten toki entitateetako biztanleen batura hartuko da kontuan.

- Koefiziente hori bera kalkulatzeko udal konposatuek aurkezturiko eskaeretan, kasuan kasuko udalerriko biztanleria osoa hartuko da kontuan.

- Azkenik, bizilagun bakoitzeko kostua, azpiegitura bakoitzean, bizilagun bakoitzeko inbertsioaren batez besteko kostuekin konparatuko da, ondoko taulari jarraikiz:

 

- KTB: adierazten du zenbatekoa den kapital transferentzien kopurua, Toki Administrazioko Departamentuak aitortu dituenena 1993tik 2008ra bitarte exekutaturiko Toki Azpiegituren Inbertsioko Planen kargura, oinarritzat hartuz behin betiko sarrera 2008ko abenduaren 1ean, edo, data horretan izan ez bada, behin-behinekoa, eurotan emana bizilagun bakoitzeko, eta biztanleriari buruz argitaratutako azkeneko datu ofizialen arabera.

2. Aurreko zenbakian definitutako koefiziente guztiek 0tik 10era bitarteko balioak hartuko dituzte. ADI koefizientea aldagai diskretua da eta, defizitaren intentsitatearen arabera, izan ditzakeen balioak 1, 4, 7 eta 10 dira.

Edozein kasutan, sartzeko lehentasuna izanen dute toki programazioko edozein azpiegituratako "epe laburrean beharrezkoak diren lanak" (ADI=10) direnek, "epe ertainean beharrezkoak diren lanak" (ADI=7) kalifikazioa dutenen aurretik.

3. Zolatze lanak eta sareetakoak atxikitzeko araubide berariazkoa:

Inbertsio Plan honetan ADI=10 kalifikazioa duten "Sarerik gabeko zolatze lanak" hasiera batez sartzeko, nahitaezkoa izanen da hornidura eta saneamendurako azpiegiturak egoera onean egotea, beraz 13. artikuluan aipatzen den dokumentazioarekin batera sareen titularrak horien egoerari eta denborari buruz emandako agiria aurkeztu beharko da, bai eta eskatutako zolatze lanen sustatzailearen konpromisoa ere esku-hartzeak hodietan izanen duen eragina bere kontura leheneratzeko.

"Hornidura eta saneamendu sareetako lanak" sartzeak berarekin ekarriko du zolatze lana egitea ere, hala eskatzen bada, betiere jardueraren xede diren kaleen batez besteko zabalera, fatxaden artekoa, erregelamenduz ezarritakoa edo hura baino txikiagoa bada.

Neurri hori gaindituz gero, sareen lanak sustatu dituen eta horien eskumena duen toki entitateak zangek ukitutako zorua lehengoratzea aurreikusi beharko du bere balorazioan, eta Planean "sarerik gabeko zolatze lanak" izeneko atalean sar dadila eskatu, bereziki aipatuz inguruabar hori eskaeran, 13 e) artikuluan eskatzen den dokumentazio aurkeztu beharrik ez izateko.

Toki entitate interesdunak zola eman beharreko bideei dagozkien sareak berriztatzeko obrak Inbertsio Planean sartzea eskatu badu eta "Sareak" kapituluko obren HLK koefizientea ez bada nahikoa hasiera batean Planean sartzeko, "Zolatzea" kapituluari dagozkion obrak bazterturik geldituko dira, "Zolatzea" kapituluan HLKk lortutako puntuazioa edozein izanik ere.

Sareak berritzeari dagozkion zoladura lanek, zoladuraren egoera "epe laburrean beharrezkoak diren obrak" izeneko sailean sarturik badago (ADI=10), lehentasuna izanen dute "Zolatzea" izeneko inbertsioetako gainerako eskarien aurretik, betiere "Sareak" egiteko lanengatik erdietsitako HLKak lan horiek Planean behin-behinekoz sartzeko bide ematen badu.

4. 1. Hiri barneko zeharbideen urbanizazio lanetan lehentasunak ezartzeko formula hau erabiliko da:

- ZLK = 0,50 K + 0,30 ADIZ + 0,20 ADOZ

- Irakurbidea:

- ZLK zeharbideak lehenesteko koefizientea da.

- K koefizientea baloratzeko kontuan hartzen da Herri Lan, Garraio eta Komunikazio Departamentuarekin formalizatutako hitzarmena izatea, haren eskumeneko jarduketak bermatzeko, edo eskatutako zeharbidearen jarduketa esparruan sarturik dauden lanak betetzeko gastua onartua edo konprometitua izatea aurreko toki azpiegituren planen kargura.

- ADIZ Azpiegitura Defizit Indibidualaren adierazlea da, toki entitate interesdunak duena planean sartu beharreko zeharbide zehatzari dagokionez, mota bereko azpiegiturekin alderatuta.

- ADOZ toki entitateak zeharbideetan duen azpiegitura defizit orokorraren adierazlea da, hasiera batean urbanizazioan ukitzen diren azpiegiturei dagokiena; hau da, hornidura eta saneamenduko tokiko sareak, zoladura ematea eta kaleetako argiak.

4.2. Aurreko idatz-zatietan definitu diren koefizienteak kalkulatzeko prozedura eta irizpideak erregelamendu bidez finkatuko dira; koefizienteok 0tik 10era bitarteko balioak hartuko dituzte.

12. artikulua. Inbertsioen araubide ekonomiko finantzarioa.

1. Ohiko Planeko plan zuzendarietan, toki programazioan eta zeharbideen urbanizazioan egiten diren inbertsioak finantzatzeko ekarpenen araubide orokorra hauxe izanen da:

a) Plan zuzendariak:

Uraren goi-hornidura: 100eko 80.

Ibaien arazketa eta saneamendua: 100eko 80.

Hiri hondakinak:

Bilketa: 100eko 70.

Tratamendua: 100eko 80.

Hondakin berariazkoak:

Bilketa: 100eko 70.

Tratamendua: 100eko 80.

b) Toki entitateek programaturiko azpiegiturako obrak:

Uraren goi-hornidura plan zuzendarietan sartu gabea: 100eko 80.

Hornidurako tokiko sareak: 100eko 70.

Kaleetako argiak: 100eko 70.

Zolatzea: 100eko 70.

Udal eraikinak: 100eko 70.

Hilerriak: 100eko 70.

Herrietako bideak: 100eko 70.

c) Zeharbideen urbanizazioa:

Zeharbideen urbanizazioa: 100eko 70.

2. Kasu bakoitzean behar duen portzentajea aplikatuko da Inbertsio Planean sartutako inbertsioen zenbateko lagungarrien gainean. Inbertsio mota bakoitzari dagozkion zenbateko lagungarriak zehazteko irizpideak erregelamendu bidez finkatuko dira.

3. Salbuespen gisa, ekarpenaren portzentajea handitzen ahalko da, plan zuzendariei, toki programazioari eta zeharbideen urbanizazioari dagozkien inbertsioen zenbateko lagungarriaren 100eko 100 iristeraino, baldin eta kasuko toki entitatearen ahalmen ekonomikoa aztertu ondotik, bideraezina izan bada eta entitate horrek salbuespenezko araubidean sartzea eskatu badu.

Nafarroako Gobernuak erregelamendu bidez ezarriko du zein irizpidetan oinarrituko den salbuespenezko araubide hori eta bertan sartzen diren toki entitateen zerrenda jendaurrera aterako du.

4. Libreki erabakitako inbertsioetarako ekarpenen araubidea egindako inbertsioaren 100eko 100erainokoa izanen da, entitate bakoitzerako ezarritako gehieneko erabilgarritasunaren mugarekin.

13. artikulua. Prozedura.

A) Plan zuzendariak.

1. Plan zuzendarietan sartutako obrak kasuko zerbitzua ematen den eremuko toki entitateek egin beharko dituzte, non eta elkarlanean edo subrogatuta egiten ez diren, deusetan ukatu gabe kasu horietan toki entitateei dagozkien finantziazioko betebeharrak.

2. Plan zuzendarietako ezarpenek inbertsioak egiteko edo zerbitzuak ustiatzeko betebeharrak sortzen badizkiete toki entitateei, entitate horiek Nafarroako Gobernuaren lankidetza eskatzen ahalko dute betebehar horiei aurre egiteko.

3. Plan zuzendarietako ezarpenen ondorioz behartutako toki entitateek betebehar haiek burutzeko gaitasun teknikorik aski ez badute, edo beren borondatez betetzen ez badituzte, Nafarroako Gobernuak berak egiten ahalko ditu subrogazio bidez. Subrogazioz esku hartzeko, aldez aurretik Toki Araubideko Foru Batzordearen txostena beharko da.

B) Toki programazioa eta zeharbideen urbanizazioa.

1. Toki Inbertsioen 2009-2012 Planean Toki programazioko edo zeharbideen urbanizazio obrak sartzeko toki entitateek egiten dituzten eskabideak hiru hilabeteko epean aurkeztu beharko dira, foru lege honek indar hartzen duenetik hasita, administrazio prozedura erkidea arautzen duen araudian ezartzen den eran.

2. Eskabide bat aurkeztuko da Toki programazioko edo zeharbideen urbanizazioko obra bakoitzarentzat, foru lege honetako 3. eta 4. artikuluetan zehaztutakoaren arabera, eta ez da eskabiderik aurkeztuko jarduketa bererako bi ataletan.

3. Eskabideekin batera honako hauek aurkeztu beharko dira:

a) Aurreikusitako inbertsioa baloratzeko erabiltzen den oinarrizko informazioa, gutxienez ere memoria tekniko baloratu bat izan beharko duena.

b) Egin gogo den jarduketaren memoria, gutxienez ere alderdi hauek hartuko dituena: aurreikusitako obraren azalpena; obren justifikazioa; berritu gogo den azpiegitura noizkoa den; aurreikusitako obren kokapen planoak; guztira aurreikusitako aurrekontua, BEZa eta lansariak barne; obraren exekuziorako epekako programazioa.

c) Zeharbideak urbanizatzeko lanetan, sartu ahal diren azpiegiturei buruzko arestiko dokumentazioaz gain (sareak, zoladura eta kaleetako argiak), jarduketa horien aurrekontu xehakatua eta Herri Lan Departamentukoa zehaztuko dira, Herri Lan, Garraio eta Komunikazio kontseilariak maiatzaren 20an emandako 2015/1999 Foru Aginduan ezarritakoari jarraikiz (1999ko 71. NAO, ekainaren 7koa), bai eta Nafarroako Gobernuko Herri Lan Departamentuan haren eskumeneko jarduketak finantziazioa edo hori lortu izanaren egiaztagiriak eskatzeko aurkeztutako eskaeraren kopia bat ere.

d) "Sarerik gabeko zolatze lanak" xedetzat dituzten eskaeren kasuan, toki entitateak, orain arte deskribatutakoaz gain, foru lege honen 11.3 artikuluan aipatzen den dokumentazioa ere aurkeztu beharko da, sareen titularrak horien egoeraz eta denboraz emandako ziurtagiria alegia, eta sustatzailearen konpromisoa gertatzen diren eraginak bere kontura berritu edo lehengoratzeko.

e) Era berean, eskaera erregelamenduz ezarritako batez besteko zabalera baino handiagoa duten kaleetan egin beharreko jarduketen ingurukoa bada, hala dela adierazi beharko da, 11.3 artikuluan ezarritakoarekin bat.

f) Eskuordetza bidez exekutatzen diren obren kasuan, hori hala dela egiaztatu beharko du entitate eskuordetza-emaileak edo eskuordetza-hartzaileak, Partaidetza Funtsak edo bestelako erakunde publiko nahiz pribatuen ekarpenek estaltzen ez duten finantziazioan entitateetako bakoitzak bere gain zenbat hartu behar duen adierazita. Bakar-bakarrik kontzejuko bizilagunentzat interesa izanik, udalak egin edo ematen ez dituen obra edo zerbitzuak badira, Toki Administrazioko Departamentuak udalari eskatuko dio espresuki azal dezala horren arrazoia, eta ulertuko da udalak ez duela obra egiten edo zerbitzua ematen, galdetzen zaionetik hasi eta 10 eguneko epean erantzuten ez badu.

C) Libreki erabaki beharrekoak.

1. Libreki erabaki beharreko ekarpenen hartzaile diren toki entitateek txosten bat eskatuko diote Toki Administrazioko Departamentuari, planaren indarraldiaren edozein unetan, egin gogo dituzten inbertsioak foru lege honen 5.1 artikuluko lehen lerroaldean jasotako irizpideekin bat datozen adieraz dezan.

Nolanahi ere, aurreko lerroaldean aipatzen den txostena eskatu gabe, ekarpenak ordaintzeko eskaera egin aurretik inbertsioak egin dituzten entitateek Toki Administrazioko Departamentuari eskatu beharko diote berrets dezala inbertsioa bat datorrela 5.1 artikuluaren lehen lerroaldean ageri diren irizpideekin.

Aipatutako 5.1 artikuluaren bigarren lerroaldean aurreikusitako kasuetan ez da beharrezkoa izanen txosten hori eskatzea, ez eta norainokoaren berrespena ere.

2. Era berean, toki entitateek Toki Administrazioko Departamentuari jakinarazi beharko diote beste finantza ekarpen batzuk dituztela, foru lege honen 8. artikuluan aurreikusitako ondorioetarako.

3. Foru lege honen 5.2 artikuluan aurreikusitako kasuan, jarduketak batera sustatzen dituzten toki entitateek horren berri eman beharko diote Toki Administrazioko Departamentuari, entitate sustatzaileek Osoko Bilkuran hartutako erabakien frogagiria igorriz; agiri horretan adierazita egonen da hala dela eta, beraz, horretarako libreki erabakitakoen kargura erabiliko dituzten diru-atxikipenak metatuko direla.

14. artikulua. Larrialdiko prozedura.

Larrialditzat jotzen diren egoeretan, ustekabekoak edo, aurreikusiak izanagatik, saihestezinak diren hondamendiak gertatzen direnean, foru lege honetan aipatzen diren toki azpiegiturak konpondu edo lehengoratzeko obrak finantzatzen ahalko dira Nafarroako tributuetan toki entitateek duten partaidetza funtsaren kargura. Obrak sartzeko prozeduran ez dira aplikatu beharko foru lege honetan ezartzen diren epeak, eta ez da beharrezkoa izanen gainerako jarduketetarako nahitaezkoa den bideragarritasuna egiaztatzea, non ez den salbuespenezko araubidea eskatzen.

15. artikulua. 2009-2012 eperako Azpiegituren Planaren taxuketa.

1. 13. artikuluan ezarritako eskabideak aurkezteko epea amaitutakoan, eta Toki Inbertsioen 2009-2012 Ohiko Plana onetsi baino lehen, Toki Administrazioko Departamentuak Nafarroako ALDIZKARI OFIZIALean argitaratuko du, informazio gisa eragina izan dezan inbertsioak planean sartzeko eskatu duten toki entitate interesdunentzat. Informazioko eta alegazioak aurkezteko epea ez da hamabost egun baliodunetik beheitikoa ez hilabetetik goitikoa izanen.

2. Horrela taxututako Inbertsioen ohiko Planean sartzen ahalko dira 9.1. artikuluan aipatzen den III. Eranskineko A), B) eta C) lerroaldeetan aipatzen diren kontzeptuengatik egin gogo diren obrak, haietako bakoitzaren kostuaren ehuneko laurogeita hamar bitarteko finantziazioarekin, artikulu haren 2. idatz-zatian ezarritako erreserbak eta bigarren xedapen gehigarrian ezarritakoa egin ondotik. Gelditzen den gainerako 100eko 10a erreserban utziko da, Plana onetsi arte, aurkezten diren alegazioak ebatzi eta gero.

3. Inbertsioak planean sartzeko, hautatze eta leheneste koefiziente handiena kontuan hartuko da, 11. artikuluan zehazten den moduan, bai eta kasuari dagokion finantziazio araubidea, orokorra edo berezia, foru lege honen 1.4 artikuluan xedatutakoarekin bat. Ondorio horietarako, 11. artikuluko 2. idatz-zatian, bigarren lerroaldean ezarritako irizpidea ere aintzat hartuko da.

4. Toki Inbertsioen 2009-2012 Ohiko Plana, foru lege honen 1.3. artikuluan, a), b) eta c) letretan, ezartzen diren jarduketak hartzen dituena, Nafarroako Gobernuak onetsi beharko du eta Nafarroako ALDIZKARI OFIZIALean argitaratuko da. Argitalpen horretan paratu beharko dira planean sartu ez diren inbertsioak eta lortu dituzten hautatze eta leheneste koefizienteak, koefizienterik handienetik txikienera ordenaturik, geroago sartzen joateko foru lege honetan aurreikusten den bezala.

16. artikulua. Gastu konpromisoak.

1. Inbertsioren bat Ohiko Planean sartuta edukiz gero, toki entitateek haren exekuzio proiektua aurkeztu beharko dute, urte horretan toki entitate horretarako sartu diren inbertsioak finantzatzeko plan ekonomiko batekin batera, bai eta toki entitate eskatzaileak hartutako erabakia ere, bertan jasota finantziazioa foru lege honen 7. artikuluko b), c) d) eta e) letretan aurreikusitako baliabideetako bat erabiliz osatzeko konpromisoa; hain zuzen ere, inbertsioa Nafarroako Tributuetako partaidetza funtsaren kargura edo beste erakunde publiko edo pribatuen ekarpenen bidez osorik finantzatzerik ez dagoen zatia osatzeko konpromisoa.

2009. urterako sartutako inbertsioei dagokien dokumentazioa hiru hilabeteko epean aurkeztu beharko da, Plana argitaratzen denetik hasita.

Baldin eta dokumentazioa 2010 eta 2011ko ekitaldietarako obrei buruzkoa bada, agiriak 2010eko apirilaren 1a eta irailaren 1a baino lehen aurkeztuko dira, hurrenez hurren, eta 2012ko obrak direnean, berriz, 2011ko maiatzaren 1a baino lehen.

2. Proiektuaren egokitasun teknikoa nahiz ekonomikoa eta bideragarritasun ekonomiko finantzarioa egiaztatu ondotik, Toki Administrazioko Departamentuak zehaztuko da Inbertsioen Planaren karguko ekarpen ekonomikoaren gehienezkoa, foru lege honen 12. artikuluan ezarritakoari jarraikiz.

3. Baldin eta toki entitateak bideraezinak direla kontsideratu bada sartutako inbertsioak finantzatzeko edo bideragarritasuna frogatu ahal izateko behar den dokumentazioa aurkeztu ez badute, 15 egun balioduneko epea izanen dute, gorabehera hori jakinarazten zaienetik, inbertsioa beren finantza ahalmenari egokitzeko, edo inbertsio horretarako bideragarritasun ekonomikoa emanen dien bestelako finantziazio-bideren bat aurkezteko, bai baliabide gehigarrietarako konpromisoa hartuz, bai salbuespenezko prozedura nahi dutela eskatuz.

4. Modu horretan ezartzen diren ekarpenak behin-behinekoak izanen dira, kasuan kasuko kontratua adjudikatzen den arte, orduan Toki Administrazioko Departamentuak zehaztuko baitu ekarpena, adjudikazioan lortzen den beherapenaren arabera, halakorik gertatuz gero.

17. artikulua. Inbertsioen Planetik baztertzeko arrazoiak.

1. Toki Programazioko jarduketak inbertsioen planetik baztertzeko arrazoiak izanen dira honakoak:

a) Foru lege honetan ezarritako moduak eta epeak ez betetzea.

b) Ez finantziazio arruntean ezta salbuespenezkoan ere, bideragarritasun ekonomikoa eta finantzarioa ezarritako epeetan zehaztu ez izana.

c) Egin beharreko obrak urtebeteko epean ez hastea, Toki Administrazioko Departamentuak foru lege honetako 16. artikuluan aurreikusitako gastuaren konpromisoa finkatzen duen ebazpena ematen duenetik kontatzen hasita.

d) Obrak sartu ondoren gertatutakoengatik inbertsioak betetzerik ez izatea.

2. Plan zuzendariei eta zeharbideen urbanizazioari dagozkien jarduketetan, baztertzeko arrazoiak aurreko idatz-zatiko a), b) eta d) letretan aurreikusitakoak izanen dira, eta hasierako datak egokitu eginen dira, inbertsioa betetzearekin zerikusia duten erakunde publiko desberdinen esku-hartzean gertatzen diren inguruabarren arabera.

3. Jarduketak hein batean gelditu ahalko dira inbertsio planetatik kanpo, behin gutxienez 100eko 50 exekutaturik dagoela eta 100eko 50 horrek unitate bereizgarria eta funtzionalki bideragarria osatzen duela, sustatzaileari ezin egotz dakizkiokeen arrazoiengatik amaitzea ezinezkoa denean.

4. Baztertzeko erabakia hartuko du ekarpen ekonomikoa finkatu zuen organo berak, dagokion espedientea tramitatu ondotik entzutea emanda toki entitate interesdunari.

5. Artikulu honetan aipatzen diren arrazoiengatik Planetik bazterturik gertatzen diren inbertsioak, foru lege honen 15.4 artikuluan aurreikusten diren erreserbako zerrendetan azkeneko lekuan daudenen atzean sartuko dira.

18. artikulua. Planaren kudeaketa.

1. Toki entitateei dagokie Inbertsio Planean aurreikusitako obrak kudeatu eta zerbitzuak ustiatzea, plana behar bezala aplikatzeko Nafarroako Gobernuak behar den jarraipena eta kontrola ukatu gabe.

2. Lankidetza edo subrogazio kasuetan, Nafarroako Gobernuaren esku geldituko dira obren kudeaketa eta zerbitzuen ustiapena.

19. artikulua. Toki entitateen parte hartzea.

1. Nafarroako toki entitateek parte hartuko dute toki inbertsioen planaren kudeaketaren jarraipenean, Toki Araubideko Foru Batzordearen bitartez.

2. Batzorde horri dagokio aurretiaz txostena egitea, nahitaezkoa, plan zuzendariei egiten zaizkien aldaketa eta eguneratzeen gainean, bai eta haien aplikazioari buruz organo eskudunek aurkezten dioten bestelako edozein gairi buruz ere.

20. artikulua. Urteko balantzea.

Nafarroako Gobernuak Nafarroako Parlamentuari txostena igorri beharko dio, urtero, aurreko ekitaldian Toki Inbertsioen Planaren garapenari eta exekuzioaren egoerari buruz.

Lehen xedapen gehigarria. Obrak zatika sartzea.

Toki Inbertsioen Planaren funts ekonomikoen banaketa hobetzeko, Nafarroako Gobernuak obrak zatika sartu ahal ditu Planean, betiere teknikoki egin badaitezke elkarren segidako fase desberdinetan.

Bigarren xedapen gehigarria. Obren aurrekontuak handitzea.

Ohiko Planean sartzen diren toki programazioko eta zeharbideen urbanizazioko obren zenbatekoa 100eko 10 bitarte handitu ahalko da, toki ogasunen funtsaren karguko konpromiso ekonomikoa finkatzen den unean; hori dela eta, III. eranskinean inbertsio horietarako ezartzen diren ekarpenen 100eko 5 erreserban uzten da.

Era berean, eta plan zuzendarietako lanak sartzen direnean, horietan, haien ezaugarriak direla eta, gerta daitezkeen aurrekontu desbideratzeei aurre egiteko, aipatutako eranskinean finantziaziorako ezarritako ekarpenen 100eko 5eko erreserba eginen da.

Hirugarren xedapen gehigarria. BEZaren eragina.

1. Inbertsioen 2009-2012 Planaren karguko finantziazioa finkatzeko, foru lege honetan ezarritako ekarpen portzentajea inbertsioaren osotasunari aplikatuko zaio, BEZa barne, toki entitateak obren azken kontsumitzaile gisa jokatzen badu; alegia, BEZ jasana kengarria ez bada.

2. BEZari loturiko jarduerei atxikitako inbertsio eta obretan, jasandako BEZa kengarri izateko eskubidea sortzen dutenetan, ekarpen portzentaje hori zerga oinarriaren gainean eginen da (BEZa kanpo).

Bigarren kasu horretan, konponbide partzialen ordainketan, obra burutuaren ziurtagiriarekin eginen baita, aurrerakin gisa sartzen ahalko da haietako bakoitzaren BEZa bider finkatu den ekarpen portzentajea.

Toki Administrazioko Departamentuak kontuan hartu beharko ditu aipatu BEZaren aurrerakin horiek, eta, guztirako ekarpena ordaintzen den konponbideetan, BEZa erregularizatu egin beharko du.

Toki entitate batek, ekitaldiko BEZaren aitorpenengatik, ekitaldi horren bukaeran bere aldeko saldoa frogatzen badu, kopuru hori jasoko du Nafarroako Zerga Ogasunetik, zeinak behar den likidazioa eginen baitu hurrengo ekitaldiko lehen hiruhilekoari dagokion aitorpena aurkezteko epea amaitu baino lehen, nahiz eta ekitaldi horretako hiruhilean behingo aitorpenetakoren batean saldoa Nafarroako Zerga Ogasunaren aldekoa izan.

Laugarren xedapen gehigarria. Gehieneko ekarpen ekonomikoa mugatzea.

Planeko toki programazioko inbertsioei atxikitako baliabideak lurraldean hobeki banatzeko, azpiegitura mota bakoitzeko gehieneko ekarpen ekonomikoaren ondoko portzentaje mugak ezartzen zaizkie populazio tarte hauetan sartutako entitateei:

 

Bosgarren xedapen gehigarria. Inbertsio berrirako baldintzak eta ondorioak.

Foru lege honetan arautzen den Inbertsio Planean sartuta egon eta udal zerbitzu derrigorrezkoak emateko erabiliko diren inbertsioak, haien finantziazioa zerga izaerako baliabideak ezartzearekin lotua bada, "inbertsio berriak" izanen dira eta, beraz, horien lehengoratzea ezin izanen da finantzatu geroagoko inbertsio planetatik eginen diren ekarpenen kargura.

Seigarren xedapen gehigarria. Bertan behera uztea Nafarroako Ogasun Publikoari buruzko apirilaren 4ko 13/2007 Foru Legearen laugarren xedapen iragankorraren ondorioetarako.

2009-2012 Inbertsio Planak indarra duen bitartean Nafarroako Ogasun Publikoari buruzko apirilaren 4ko 13/2007 Foru Legearen laugarren xedapen iragankorrak ez du ondoriorik izanen.

Azken xedapen bakarra. Indar hartzea.

Foru lege honek Nafarroako ALDIZKARI OFIZIALean argitaratu eta biharamunean hartuko du indarra.

I. ERANSKINA

Ondoko obra hauetan TPADO koefiziente-adierazleak batez bestekotik gorakoak dituzten toki entitateen zerrenda: goi-hornidura, hornidurako tokiko sareak, herrietako argiak, zolatzeak eta udal eraikinak.

 

Koefizientea-adierazlea	Azpiegitura mota	Batez bestekoa
GHA	Uraren goi-hornidura	0,051863

 

 

Koefizientea-adierazlea	Azpiegitura mota	Batez bestekoa
HSA	Ura banatzeko tokiko sareak	0,040355

 

 

Koefizientea-adierazlea	Azpiegitura mota	Batez bestekoa
HAA	Herriko argiak	0,120368

 

 

Koefizientea-adierazlea	Azpiegitura mota	Batez bestekoa
IZOL	Zolatzeak	0,027992

 

 

 

Koefizientea-adierazlea	Azpiegitura mota	Batez bestekoa
UDEI	Udal eraikinak	0,113807

 

 

 

II. ERANSKINA

Libreki erabakitako obretarako ekarpenak

A)      Udalerriak

 

B)   Kontzejuak

 

 

III. ERANSKINA

2009-2012 Toki Inbertsioetarako Planari Buruzko Foru Lege Proiektuaren

Toki entitateen Nafarroako tributuetako Partaidetza Funtsaren kargurako ekarpenak

 

	2009. URTEA	2010. URTEA	2011. URTEA	2012. URTEA	GUZTIRA
	Euro	Euro	Euro	Euro	Euro
1.- OHIKO PLANA
A) Plan Zuzentzaileak
Azterlanak	43.000	141.000	128.000	128.000	440.000
Uraren goi-hornidura	3.547.300	11.772.100	10.745.100	10.745.500	36.810.000
Saneamendua eta ibaien arazketa	1.521.000	5.055.000	4.612.000	4.612.000	15.800.000
Hiri hondakinak:
Tratamendua	1.252.000	4.158.000	3.795.000	3.795.000	13.000.000
Bilketa	1.000.000	3.200.000	2.900.000	2.900.000	10.000.000
Hondakin berariazkoak	91.000	303.000	278.000	278.000	950.000
PLAN ZUZENTZAILEAK, GUZTIRA	7.454.300	24.629.100	22.458.100	22.458.500	77.000.000
B) Toki programazioko inbertsioak
B.1) Araubide orokorra
Ur hornidura, Plan Zuzentzaileetan ez daudenak	35.700	120.000	120.000	120.000	395.700
Hornidura eta saneamendurako tokiko sareak	1.560.000	6.300.000	6.250.000	6.700.000	20.810.000
Herrietako argiak	406.000	1.600.000	1.600.000	1.700.000	5.306.000
Zolatzeak sareekin	2.150.000	9.300.000	9.200.000	9.390.000	30.040.000
Zolatzeak sarerik gabe	833.000	3.300.000	3.150.000	3.290.000	10.573.000
Udal eraikinak	476.000	2.000.000	1.850.000	1.950.000	6.276.000
Herriko bideak	300.000	1.200.000	1.050.000	1.150.000	3.700.000
Hilerriak	250.000	1.065.374	989.436	1.030.099	3.334.909
Araubide orokorra, guztira	6.010.700	24.885.374	24.209.436	25.330.099	80.435.609
B.2) Araubide berezia
Uraren goi-hornidura	42.000	128.000	125.000	130.000	425.000
Hornidura eta saneamendurako tokiko sareak	430.000	1.700.000	1.600.000	1.700.000	5.430.000
Herriko argiak	130.000	480.000	450.000	500.000	1.560.000
Zolatzeak sareekin	570.000	2.200.000	2.100.000	2.200.000	7.070.000
Zolatzeak sarerik gabe	230.000	890.000	850.000	900.000	2.870.000
Udal eraikinak	130.537	490.000	450.000	500.000	1.570.537
Araubide berezia, guztira	1.532.537	5.888.000	5.575.000	5.930.000	18.925.537
TOKI PROGRAMAZIOA, GUZTIRA	7.543.237	30.773.374	29.784.436	31.260.099	99.361.146
C) Zeharbideak
Zeharbideen urbanizazioa	1.200.000	2.200.000	2.300.000	2.300.000	8.000.000
ZEHARBIDEAK, GUZTIRA	1.200.000	2.200.000	2.300.000	2.300.000	8.000.000
D) Libreki erabakitakoak
Libreki erabakitakoak	40.000.000	0	0	0	40.000.000
LIBREKI ERABAKITAKOAK, GUZTIRA	40.000.000	0	0	0	40.000.000
OHIKO PLANA, GUZTIRA	56.197.537	57.602.474	54.542.536	56.018.599	224.361.146
2.- PLAN BEREZIA
Plan Berezia	0	0	4.500.000	4.500.000	9.000.000
PLAN BEREZIA, GUZTIRA	0	0	4.500.000	4.500.000	9.000.000
GUZTIRA	56.197.537	57.602.474	59.042.536	60.518.599	233.361.146